Connect with Us

“Lufta e shezllongëve”/ Detit, rërës dhe pyllit në Zvërnec i del pronari!

Denoncim

“Lufta e shezllongëve”/ Detit, rërës dhe pyllit në Zvërnec i del pronari!

Publikuar

-

“Lufta e shezllongëve”/ Detit, rërës dhe pyllit në Zvërnec i del pronari!

Fiks Fare denoncoi mbrëmjen e së hënës “luftën për shezllonët” në Vlorë, ku disa biznese që kanë operuar në Zvërnec prej më shumë se 15 vitesh po kërcënohen që të largohen.

Sipas tyre, një person i quajtur Kreshnik Tepelena, me detyrë nëndrejtor i Portit Vlorë, i ka kërkuar të largohen pasi ka përfituar mbi 20 mijë metra katrorë truall në pyll dhe rërë në Zvërnec. Sotir Tafili denoncoi në emisionin Fiks Fare veprimet e disa institucioneve, të cilat kanë favorizuar z.Tepelena. Ky i fundit e ka takuar disa herë denoncuesin që ka një ambient shërbimi në afërsi të plazhit, duke e kërcënuar që nëse s’ia shet atij, atëherë lokali me dërrasa do të prishet nga INUV. “Nëse ma jep mua, s’të prishet” i thotë, ndërsa Drejtoresha e Aseteve Publike në Bashkinë e Vlorës, Sonela Haxhiraj, i thotë qytetarit që tani s’e merr dot vendin pasi “z.Tepelena ka pyllin dhe rërën me certifikatë pronësie”.

Tafili: Njerëz me pushtet marrin rërën dhe detin

Sotir Tafili, i cili ka pasur në përdorim prej shumë vitesh një njësi shërbimi dhe një pjesë të plazhit në Zvërnec të Vlorës thotë se ka 18 vite që shfrytëzon hapësirën bar restorant dhe ushqehem familjarisht. “Jam prind i 3 fëmijëve. Vetëm me këtë punë jam, ime shoqe pa punë. Deri tani i kam përmbushur të gjitha kriteret, pagesat. S’kemi lënë asnjë shkas. Më parë kam hequr detyrimet dhe më pas me fëmijët. Në 2005 ishin lejet nga komuna qendër. Kam marrë leje, që paguanim për këto dhe me konstruksioni druri, siç e kam edhe sot. Deri në 2015 ka qenë komuna dhe nga 2015 e këtej është bashkia. Deri në 2020 pjesa që kam unë njihej si hapësirë publike” thotë Tafili. Më tej pohon se, pas njësisë së shërbimit, është pyll, pra zonë e mbrojtur dhe lejohet turizmi që mos të preket pylli, mjedisi.

“Tani, këtu na vjen një zotëri para ca muajsh, quhet Kreshnik Tepelena, është funksionar. Punon diku zv.Drejtor te Porti, është këshilltar bashkiak nga e majta. Dhe më thotë zotëri është prona ime dhe ti duhet të ikësh që andej, e kam me certifikatë pronësie që mos ta prish unë të ofroj diçka. Ajo mund të jetë pronë e dikujt, unë s’kam pronë dhe as pretendoj. Tani ai vjen dhe më thotë ik, na diçka. Realisht është kërcënim, unë s’kam ku shkoj tjetër. Jam 50 vjeç, kam punuar në emigrim. Ç’kisha i kam këtu, me 3 fëmijët” thotë Sotiri. Më pas shton se, para disa javësh i kanë shkuar inspektorët e INUV Vlorë, duke i vendosur një gjobë si identifikim i ndërtimit pa leje. “Më lënë te porta një procesverbal që u identifikua objekti në vitin 2021, në mars, që është ndërtuar para shumë vitesh, me dru të çmontueshme. Kaq! Nuk e di që INUV paska flejtur gjumë dhe Tafili paska bërë ndërtime pa leje! Edhe Kadastra thotë se është pronë publike, s’ka plan zhvillimi apo projekt rruge. Ligji 2020 e thotë qartë se plazh, rërë dhe zona bregdetare janë prona publike të patjetërsueshme as me legalizim, as me dokumetne pronësie. Dhe të drejtën e ka shteti t’i jap me qira” thotë ai. Më tej pohon se ka parë dokumentet e z.Kreshnik Tepelena dhe ka rezultuar se prona e tij shkonte deri te brezi i parë i çadrave të plazhit, në rërë. “Ishin dhënë në 2020. Ne të vegjlit s’i japim dot zgjidhje” thotë Sotiri.

Drejtoresha: Pylli dhe rëra në Zvërnec, me certifikatë pronësie!

Denoncuesi thotë se ka shkuar disa herë pranë Bashkisë Vlorë për të marrë faturën, por i thonë se ka aplikuar edhe Kreshnik Tepelena, që ka pronë. Drejtoresha e Pronave dhe Aseteve Publike, Sonela Haxhiraj, më tha s’ma jep faturën. “Duhet të kesh foto të aplikosh. Ai ka përdorur fotot e lokalit tim me emrin e tij dhe ka aplikuar që të marr këtë stacion plazhi me gjakun tim. Tani, unë si mund ta quaj këtë?! Grabitje, kërcënim, që ti nesër s’do jesh” pohon Sotiri, ndërsa takon edhe drejtoreshën. Ai i kërkon faturën, ndërsa drejtoresha i kthen përgjigje se “ty bile të ka dalë edhe pronari! Të ka dalë pronari, Kreshnik Telepena”. Ajo i tregon edhe skicën, që është te lokali. “Ka fituar pronësinë dhe na ka bërë akuza që të kemi favorizuar në mënyrë të padrejtë, kishte kapur edhe kryeministrin zotëria. Mos më thuaj që aty është rërë, se në rërë e ka. E di ti unë, e dinë të gjithë! Me këtë logjike ecin edhe këta të ministrisë. Në momentin që ai është pronar, është pronar. Ligji është tjetër gjë. Je ti është edhe D.K. që prona e atij bie mbi ju. Është Kreshnik Tepelena. Ka 20 mijë metra katrorë. Truall. Është harta që e kam edhe unë. Unë s’të pres dot faturë. Më ka njoftuar që unë jam pronari. Të bie në pronën e atij. Plazhi jot bie në pronën e atij. Del megjithë plazhin tënd dhe strukturën e shërbimit. Keq më vjen po s’kam çfarë të bëj” i thotë drejtoresha.

Tepelena: Kam edhe rërën, ma jep mua, përndryshe do të prishet

Qytetari, Sotir Tafili, u tha gazetarëve të Fiks Fare se ka pasur edhe kërcënime, që kanë filluar nga inspektorët e IMT-së. “Z.Kreshnik Tepelena ma shprehu vet, që o do ma japësh mua ose do të prishet. Dhe pasi mbaruam këtë bisedë vjen INUV-i dhe atëherë s’do shumë mënd për ta lidhur këtë si do vijë INUV-i në Vlorë, të më prishin mua dhe të zbatojnë urdhrin e Kreshnik Tepelenës. Nëse unë ia jap z.Tepelena me atë pagesë që ai kishte vendosur, mos të prishet. Ndryshe unë jam i humbur. Më tha se edhe mund të ndërhynte mos të shembet, te INUV-i, INUK-u” thotë ai.

Pas këtij pretendimi, denoncuesi takon vetë Kreshnik Tepelenën. Ky i fundit i thotë që “unë ta thash ofertën time 40 mijë euro. Unë nuk ta shes, të të them hajde blije pronën time 1 milionë euro, s’ta shes. Ti e ke pa leje. Ti je duke humbur, ty të duken pak, mua më duken shumë. Të ikësh me qetësi andej, jo ta prishin. Unë s’ta prish vetë, ta prish shteti”. Më pas i tregon certifikatat e pronësisë, ndërsa i thotë se ka 23 mijë metra katrorë. “Nëse ti bie dakord, ta them që sot, nëse e vazhdojmë muhabetin të flas edhe me ata, të mos prishet (me inspektorët e INUV). Kam aplikuar edhe unë për plazh, në tokën time. Ta ka dërguar edhe shkresën Sonela që ty s’të bëhet kontrata se jam unë pronar i tokës dhe te ty dhe te Dritan K” thotë Kreshnik Tepelena.

LEXO EDHE:  Video-Fiks Fare paralajmëron skandalin/ Si humbi qytetarja 70 milion lekë për faj të Hipotekës

Më pas i tregon me “mburrje” se “unë kam edhe pjesën e rërës, deri afër gjysmës është në pronësi! Ajo ka dhënë me qira rërën, tokën time. Rëra ka pronar. Unë e kam mbyllur edhe në Ministri, do të dalë në emrin tim. Unë po të dal borxhit shoqërore, po të flas hapur. Ti edhe plazhin nuk e merr dot, kështu që bjer dakord me mua. Më tako sot pasdite të flas me të tjerët që e lëmë apo s’e lëmë dot” i thotë nëndrejtori i portit denoncuesit.

***

Bisedë mes denoncuesit dhe Sonela Haxhirajt, drejtoreshës e Pronave dhe Aseteve në Bashkinë Vlorë

Denoncuesi: Për faturën..

Drejtoresha: Po ku të ka ardh miratimi? Të ka ardhur miratimi në sistem?

Denoncuesi: Më thanë që duhet fatura, kur të vij ta kem gati.

Drejtoresha: Jo, jo, më vjen keq..jo, jo, sivjet, si vitin e kaluar… Ty biles të ka dalë edhe pronari! Të ka dalë pronari Kreshnik Tepelena.

Denoncuesi: Tek lokali im?

Drejtoresha: Po! Ja ta tregoj unë me skicë, tek lokali jot.

Denoncuesi: Okej! E ça ka pronësi këtu në parcelë?

Drejtoresha – Po ka pronësi po. E ka fituar zotëria me pronësi, na ka sjellë Certifikatën e Pronësisë

I ka shkruar edhe kryeministrit zotëria

Denoncuesi – Këtu është …

Drejtoresha –  Tani mos më thuaj çfarë të duash se po ka në rërë ka. Atë e di, e di ti , e di unë e dimë të gjithë. Je ti dhe Dritan Moçina që prona e atij bie mbi ju. Urdhëro 32/435 thamë, 20 mijë e 39 metra katror thotë kjo, sipërfaqe totale truall.

Denoncuesi- Po po

Drejtoresha- Në rregull

Denoncuesi: Është harta që jam unë këtu

Drejtoresha: Po po

Denoncuesi: Se s’e paskam paskalin këtu

Drejtoresha: E kam verifikuar edhe me Kismetin me hartën që kishte

Denoncuesi: Ku moj se mund të jetë diku tjetër e mos ngatërrohemi?

Drejtoresha: Jo, jo , jo e ke të sigurtë! E ke këtu hartën.

Denoncuesi : Unë duhet të pres tani miratimin nga e-albania?

Drejtoresha : Unë nuk mund të pres dot tani faturë edhe sikur ti të kesh aplikuar tek e-albania, pa sqaruar situatën me atë zotërinë.

Denoncuesi: N.q.se unë marr miratimin të vij ta marr faturën ?

Drejtoresha – Jo nuk ta jap kurrë, sepse ai më ka njoftuar që jam unë pronari dhe nga verifikimi që kemi bërë me inxhinierin topograf të plazhit, të bie në pronën e atij. Në rregull? Plazhi jot bie në pronën a atij

Denoncuesi: Po mirë dakord unë do marr për plazhin?

Drejtoresha: Me gjithë plazhin tënd edhe strukturën e shërbimit

Denoncuesi: Edhe struktura e shërbimit tim është e atij domethënë?

Drejtoresha: Të tuat dhe të Dritan Topçirat. Duhet miratimi të të vij sepse ai e ka bërë daljen atje, përsa kohë është ndarja komisioni i miratimit tha mos bëj gabim t’i presësh faturë tha se do kemi probleme të tjera bashkë. Keq më vjen po nuk se çfarë të bëj.

***

Qytetari takon pronarin e rërës dhe pyllit, z.Kreshnik Tepelena, nëndrejtor i Portit Vlorë

Zv. Drejtori i Portit – Tani ta thashë fjalën time, 40 mijë euro, jo ti. 50 milionë lekë janë shumë për mua i thashë dhe ti e di. Unë atë e kam të trashëguar, unë nuk ta shes. Ça të të them hajde blije tokën time 1 milionë euro unë s’të them dot! Ti o vlla e ke pa leje, ti e dije këtë. Të erdha si njeri me logjikë e kupton. Ti vlla ti je duke humbur. Hajde të biem në marrëveshje, ti të marrësh 5 lekë. Ty të duken pak, mua më duken shumë. Unë të jap 40 mijë euro që ti të ikësh me qetësi, jo të ta prishin. Se e kuptoj çfarë është të ta prishin. Ti nuk mendove aq gjatë atë ditë. Unë s’ta prish vetë, ta prish shteti, s’ta prish…

(I tregon dokumentet e pronësisë)

Zv. Drejtori i Portit – 12 mijë, 10 mijë, 1 mijë e 200. Kam 23 mijë e 200 metra (katrorë truall).

Denoncuesi – Mua po më merr në qafë.

Zv. Drejtori i Portit – Unë po të marr më qafë?!

Denoncuesi – Egziston mundësia që një pjesë atje të ta paguaj, që ti ke goxha për të investuar?

Zv. Drejtori i Portit – O Sotir mos u merr më me këtë muhabet, unë nuk shes. Dhe po të shes, e shes sa të dua unë. Ti nuk e blen dot atë. Unë nëqoftëse do ta vazhdojmë muhabetin, unë nëqoftëse lekët i lë… nuk të prishet objekti! Do të flasim hapur, po qe dakort me mua, unë takoj ata (të IMT-së?) Të lutem, nëse ti bie dakort, iki unë…, të jap ato që të kam premtuar .

Denoncuesi – Mos merr hap të nxituar.

Zv. Drejtori i Portit – S’është e nxituar, unë e ka zgjidhur. Ti më the ik zgjidhe ligjërisht, unë të thashë ligjërisht i bie hajde këtu s’do ta bësh punën, Zambaku (kreu I IMT-së Vlorë), tjetri me vrap ku do venë. Ti nëse do të biesh dakort me mua, biem dakort dhe të vetë të flas unë me ta, t’u them ndaloni se unë rash dakort me këtë zotërinë.

Denoncuesi – Më thanë se ke aplikuar edhe për plazh?

Zv. Drejtori i Portit – Po, e kam mbyllur unë këtë se jam në tokën time.

Denoncuesi – S’ke lidhje me atë (lokalin).

Zv. Drejtori i Portit – Sepse jam unë I drejti. Ta tha Sonela, ta ka dërguar shrkesën Sonela që tu s’të bëhet kontrata. Sepse jam unë pronari i tokës, te ty dhe atij Dritan … Sepse unë kam dhe pjesë rëre aty, s’kam vetëm pjesën te lokali. Dhe ajo ka dhënë nga pjesa e rërës, tokës…

Denoncuesi – Pjesën e rërës, që e shfrytëzoj ku kam shezllongët, është me pronësi?!

Zv. Drejtori i Portit – Po pra, deri afër gjysmës është në pronësi, ajo ka dhënë me qira rërën, tokën time! Unë e kam mbyllur edhe në Ministri vlla, nuk ka, do ta miratojnë në emrin tim. Unë po të dal borxhit me të gjitha, shoqërore, miqësore, se dua të flas hapur. Ti atë plazh nuk e merr dot. Dhe ajo nesër do të prishet. Më mirë të biesh dakort me mua, merr ato t’i kesh hallall. Nëse do, më tako sot mbasdite të vete të flas me të tjerët, që të them e lëmë apo s’e lëmë dot. Më kthe përgjigje shpejt, që të vete unë që të takoj njeri, t’u them lëreni mos vazhdoni më. Se ata )IMT-ja) ti e di, duhet të çojnë punën deri në fund./tch

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Aktualitet

Skandal në qendër të Korçës/ IMT dhe Bashkia bëjnë sehir për ankesat e qytetarëve

Publikuar

-

Nga

Një denoncim ka mbërritur në redaksinë e CNA.al, kundrejt Inspektoriatit të Mbrojtjes së Teritorit në Bashkinë e Korçës.

Në qendër të qytetit të Korçës, është dhënë leje për ndërtim në shkelje totale të ligjit.

Sipas denoncuesit, Bashkia e Korçës ka dhënë një leje ndërtimi jashtë çdo kriteri për E. Xhafa që në  dt. 10-6 -2021 dhe konkretisht për  “Riparim tarrace dhe vendosje tende metalike”.

Me dhënien e kësaj leje ndërtimi  është krijuar një shqetësim i madh që për pasojë prodhon një konflikt të madh.

Ne e kuptuam që diçka po bëhej vetëm kur pamë pronën tonë të rrethuar, gati për të filluar punimet.

Ne jemi pronarë të katit të parë dhe bashkëpronarë të katit të katërt të kësaj godine 4 katërshe.



Xhafa është pronar në katin e 2-3, pra jo në katin e 4. Theksojmë, se për këtë pronë ai është në proces gjyqësor. Gjithashtu ndaj pronës së z. Xhafa është dhënë edhe masa e sigurisë nga ana e Gjykatës.

Si mundet t’i jepet e drejta për ndërtimin e çatisë pa rënë dakord me bashkëpronarët e tjerë? Pse duhet të rregullojë çatinë pronari i katit të tretë, kur ne bashkëpronarët e ndërtesës dhe pronarët e katit të katërt, tani për tani nuk e shohim te domosdoshme? Çatia nuk pikon dhe është në gjendje të mirë”, thuhet në denoncimin e mbërritur në redaksinë CNA.al.

Më tej në denoncim thuhet se është njoftuar IMT në Bashkinë e Korçës, por kjo e fundit nuk ka reaguar dhe nuk ka ndërmarrë asnjë veprim për ndalimin e punimeve.

LEXO EDHE:  “Fiks Fare” zbardh skandalin në burgun 313/ I sëmuri mendor me pranga në krevat

LEXO EDHE:  "Fiks Fare” zbardh skandalin në burgun 313/ I sëmuri mendor me pranga në krevat

Në dokumentat e dorëzuara nga z. Xhafa duhej te ishte edhe një letër e firmosur nga bashkëpronarët, ku të viheshim në dijeni dhe të jepnim miratimin nga ana jonë, sepse  punimet po kryhen në çatinë e pronës sonë.

Si mund të lejohet ky person aq më tepër që është edhe në proces gjyqësor për pronesine e prones se tij te vendose tende metalike qe indirekt do të thotë zaptim prone, duke  na krijuar një konflikt të hapur midis pronarëve”, shprehet më tej denoncuesi në fjalë.

Në foton e mëposhtme duket qartë bllokimi i apartamenteve të bashkëpronarëve të tjerë./CNA.al

LEXO TE PLOTE

Denoncim

Një komisar policie në shërbim të krimit!

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Policia e Shtetit ka në strukturat e saj, njerëz të përfshirë në korrupsion, trafik droge dhe këto nuk janë më dyshime dhe hamendësime, por janë fakte, tashmë të ditura mediatikisht por edhe të hetuara nga vetë Prokuroria apo kolegët e uniformave blu.

Pak ditë më parë u raportua se si një polic i RENEA-s ishte kokë e trafikut të drogës. Pak kohë më parë kemi mësuar policë të përfshirë në trafik droge. Pak kohë më parë kemi dëgjuar raporte ndërkombëtare se si strukturat të caktuara të policisë janë të përfshira në krim dhe trafik droge apo janë pjesë e grupeve kriminale duke njoftuar ata gjatë hetimit.

Së fundi, le të shohim një rast specifik, se si policia i ‘hedh benzinë zjarrit’ në një ngjarje krimi.

Në Korçë u raportua dje në orët e mesditës se ka ndodhur një plagosje, ku gjatë një konflikti për motive pronësie shtetasi A. R., ka dëmtuar me mjet prerës shtetasin S. M.

Në pamje të parë gjithçka ishte në rregull. Pra duket sikur një person ka goditur një person për çështje pronësie, një ngjarje e rëndomtë krimi.

Por çfarë ndodhi!

Më pas mediat treguan një video ku dukeshin disa persona, dikush dhe me armë në dorë që e kërcënonte personin që është arrestuar sipas njoftimit të policisë.

Ndërkohë që polica kishte arrestuar shtetasin A.R., ky i fundit, përpara ngjarjes së ndodhur, pra para se të kryente një akt tjetër të pretenduar nga policia duket i kërcënuar në efektin e armëve.

Policia kërkoi që ta kalonte ngjarjen, por më e çuditshmja është fakti që megjithëse ka gjetur gëzhoja në vendngjarje, i ka quajtur ato si gëzhoja stërvitore. Nuk ka shkuar të kryej kontroll në ambiente, qoftë të personit të arrestuar, qoftë të personave të tjerë të përfshirë në ngjarje.

Minimalisht, pas një incidenti të tillë policia duhet të kontrollonte banesat e personave të përfshirë, por policia tentoi ta fshihte ngjarjen.

Njofotimi i djeshëm na dha një lajm për një incident, në fakt mediat treguan me video se kishte pasur armë dhe qe shkrehur armë.

Do të duhej ndërhyrja e medias që të zgjohej nga gjumi shefi i komisariatit Krenar Gjokutaj, i cili pa asnjë diskutim mund të quhet i përfshirë duke i hedhur ‘benzinë zjarrit’ për të nxitur një krim, apo për të fshehur një krim, rrethanat e të cilit janë mjaft të dyshimta.

Krenar Gjokutaj

Shohim më tej, pasi mediat nxorrën filmimet, nxorrën dhe personat që kërcënonin me armë personin e arrestuar A.R., i cili pretendohet se kishte goditur shtetasin S.M., në mbrëmje policia ka shkuar të sekuestrojë pamjet.

8 orë pasi ka ndodhur ngjarja policia shkon të sekuestrojë kamerat.

Një polici e paaftë totalisht, një polici që nuk heton një krim dhe nuk zbardh një ngjarje kriminale por i shërben njërës apo palës tjetër.

Çfarë ndodh! Si mundet të ndodhë një ngjarje, policia të ketë përballë me dhjetra kamera dhe të mos ti marrë ato, por të kujtohet pas 8 orësh pasi shkruajtën mediat!?

Nga ana tjetër policia e udhëheq sikur është një konflikt pronësie! Në fakt duket që një qytetar është sulmuar në pronën e tij, më tej ka pasur konflikt që duket nuk është thjesht një çështje pronësie.

Shtetasi A.R është në pronën e tij dhe jo një qytetar nga Tirana rastësisht në Moravë.

Personi i arrestuar është kërcenuar me armë në derën e pronës së tij.

Sot policia na thotë që ka arrestuar një qytetar tjetër, dhe në mënyrë të turpshme në njoftim thuhet “mjet në dukje si armë zjarri”.

“Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprat penale “Kanosja” dhe “Armëmbajtja pa leje” të djalit të tij shtetasit E. M., 33 vjeç, banues në Korçë.

Nga deklarimet e marra dhe nga këqyrja e pamjeve filmike rezulton se, shtetasi E. M., gjatë një konflikti për motive të dobëta me shtetasin A. R., 26 vjeç, banues në Tiranë, e ka kanosur këtë të fundit me një send, në dukje si armë zjarri tip pistoletë. Shtetasi A. R., më pas ka plagosur me sende të mprehta e të forta, babain e 33-vjeçarit, shtetasin S. M., i cili ka qenë i pranishëm në vendngjarje dhe aktualisht ndodhet në Spitalin e Korçës, në gjendje të rëndë shëndetësore. Gjatë këtij konflikti ka marrë dëmtime të lehta edhe shtetasi E. M., i cili ndodhet jashtë rrezikut për jetën.”

Po si mund të thotë Policia e Shtetit mjet i mundur pistoletë! A shkuan të kontrollojnë në banesë? A i gjetën armët?  Nga kamerat mësuam se i sekuestruan në mbrëmje pas daljes në media.

LEXO EDHE:  Ndarja e detit në arbitrazh, deputeti grek: Me Shqipërinë kërkojmë atë që kemi bërë me Italinë

LEXO EDHE:  Abuzonte me të bijën/ Vajza denoncon të atin në Fiks Fare



Po pse policia nuk shkon të bëjë dhe kontrolle banesash, ose në ambjete të dyshuara ku mund të ishin personat e përfshirë në ngjarje të cilët ose mund te ishin kapur në flagrancë ose çështja mund të qe hetuar dhe zbardhur në detaje.

Ndërsa dje në mesditë na tha se kishte një plagosje me mjete të mprehta, pasdite mediat na treguan që kishte krisur arma, në mbrëmje policia sekuestroi kamerat, ndërsa sot na tha një armë e mundshme.

Policia në dy njoftimet e saj  është munduar të fshehë ngjarjen e vërtetë dhe përpiqet ta manipulojë.

“Një plagosje është raportuar mesditën e sotme në Moravë të Korçës.  Rreth orës 12:15, në afërsi të një resorti në Malin Moravë, Korçë, gjatë një konflikti për motive pronësie shtetasi A. R., dyshohet se ka dëmtuar me mjet prerës shtetasin S. M., banues në Korçë, i cili u transportua për mjekim në Spitalin e Korçës.

Shërbimet e policisë, bënë të mundur kapjen e autorit të dyshuar dhe shoqërimin e tij në ambientet e Komisariatit për veprime të mëtejshme.”, ishte ky njoftimi i parë i policisë”

Më poshtë shikoni videon për të treguar se çfarë po ndodh në Policinë e Korçës dhe krimin që zaptuar policinë, që nga shefi komisariatit Krenar Gjokutaj dhe struktuarat e tjera të përfshira direkt apo indirekt, sepse policia dhe në shumë raste të tjera, duke mbajtur anësi të njerëzve, vetëm nxit krim, nuk zgjidh dhe nuk parandalon konflikt.

Pamjet na tregojnë persona me armë, policia na thotë se u goditën me thikë dhe është një armë e mundshme. Ndërkohë një ngjarje ka ndodh, një person ndodhet në qeli, një tjetër në spital, policia duhet të hetojë se cili për aktin që ka kryer në shkelje të ligjit duhet të mbajë përgjegjësi ligjore dhe kjo nuk diskutohet.

Vëllai i personit të shoqëruar nga policia u kanos në derën e policisë dhe Krenar Gjokutaj dhe policët e tij derdhnin gotat me raki pas festës se zbuluan ngjarjen duke lënë një krim pa zbardhur.

Krenar Gjokutaj

Por a mund ta kalojë policia duke luajtur rolin e banditit! Në këtë rast policia po bën një krim.

Ndryshe tha dje, ndryshe thotë sot, ndryshe ka për të thënë dhe nesër me fakte dhe detaje të reja që po i dalin nga mediat, nga kamerat apo nga fotografi dhe prova të tjera që ‘kryqëzojnë’ drejtuesit lokal të policisë, shefin e komisariatit, drejtuesit të krimit të cilët minimalisht janë të paaftë, maksimalisht janë të korruptuar dhe pjesë e segmentëve të caktuara kriminale deri tek përfshirja në rrjetet e trafikut të droges./CNA.al

Përplasja me armë në Moravë/ ‘Zgjohet’ Policia e Korçës, sekuestron pamjet filmike

Video-ekskluzive/ Si ndodhi përplasja me armë në Moravë?

Komisariati i Policisë Korçë i lidhur me krimin

Kriminale/ Qytetari kërcënohet në derën e komisariatit, policia hesht

 

 

 

 

LEXO TE PLOTE

Denoncim

Shqipëria nën “pushtetin” e krimit/ Detajet tronditëse, kush po e përgjak vendin

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike

Ish-kryeministri Sali Berisha ndërsa ka reaguar në lidhje me atentatin ndaj biznesmenit në Lushnje mbrëmjen e djeshme, ka hedhur akuza të forta ndaj qeverisë dhe kryeministrit Edi Rama.

Në një postim në rrjetet sociale, Berisha shkruan se mafia e lidhur me kryeministrin, po përgjak Lushnjen.

Sipas Berishës, banda Hakmarrja per Drejtesi është e lidhur ngushtë me Edi Ramën. Mbi këtë bandë, thekson ai, rëndojnë akuzta aktit terrorist te autobombes ne qender te Tiranes me 6 viktima edhe 27 vrasje dhe grabitje te dhunshme me arme.

Sipas Berishës, qytetarët e Lushnjen ndodhen nen sundimin e bandave me agresive te vendit te lidhura direkt me Kreun e Meduzes, sikurse i drejtohet ai kryeministrit.

Mafia e lidhur me Kreun e Meduzes pergjak Lushnjen!

Miq, dje ne darke u ekzekutua me bresheri kallashi pronari i lokalit “Pedonalja” Bledar Muça, burri i mbeses se Roland Shytit, njerit prej krereve me kryesor te bandes terroriste Hakmarrja per Drejtesi te lidhur ngushte me Edvin Ramen, mbi te cilen perveç aktit terrorist te autobombes ne qender te Tiranes me 6 viktima edhe 27 vrasje dhe grabitje te dhunshme me arme.



LEXO EDHE:  Video-Fiks Fare paralajmëron skandalin/ Si humbi qytetarja 70 milion lekë për faj të Hipotekës

LEXO EDHE:  Video nga tragjedia në plazhin e Zvërnecit/Dëshmitarët: Djali hyri të shpëtonte vajzat

Nga keto bresheri mbeten te plagosur Judin Velo, i cili sipas qytetarit dixhital eshte djali i motres se Roland Shytit dhe kater qytetare te tjere.

Bledar Muço sipas qytetarit dixhital ka bere burg ne Rogozhine per tentative vrasje.

Autoret si zakonisht u larguan ne drejtim te paditur. Pas largimit te tyre narkopolicia vendosi postblloqe per ti kapur….

Miq, Lushnja, qytetaret e saj te mire, punetor dhe te ndershem keto vite ndodhen nen sundimin e bandave me agresive te vendit te lidhura direkt me Kreun e Meduzes. Por defacto sot Shqiperia eshte narkoshteti i vetem ne Europe pra nje protektorat i mirefillte i krimit ne pushtet.

Duke denuar me ashpersine me te madhe kete gjendje dramatike ne Lushnje dhe mbare vendin ju bej thirrje qytetareve te ngrihemi fuqishem per permbysjen sa me pare te pushtetit te droges, dhunes, vrasjeve dhe vjedhjeve.”-shkruan Berisha./CNA.al

LEXO TE PLOTE
Lajme të Rekomanduara: