Connect with Us

Kualifikim i vuajtur i Gjermanisë, Low në bankën e akuzës

Sport

Kualifikim i vuajtur i Gjermanisë, Low në bankën e akuzës

Publikuar

-

Joachim Low në bankën e akuzës në Gjermani. Duke qenë se Panzerat në fazën e grupeve fituan vetëm një ndeshje nga 3, është e lehtë të kuptohet se pëlqimi për trajnerin është pothuajse zero. “Kaluam grupin por nuk e dimë përse” shkruan në faqen e parë Bild, që edhe pse është një e përditshme që kërkon titujt sensacionalë, në këtë rast ka interpretuar plotësisht ndjesinë e njerëzve.

Veç të tjerash, ndeshja me Hungarinë ishte më e ndjekura në Tv deri më tani në këtë turne, me 25.74 milionë spektatorë dhe një share prej 71.4%. 6 minuta nga fundi, Gjermania ishte e eliminuar nga Europiani dhe një ngelje e dytë në klasë pas asaj në Botërorin 2018 do të kishte distancuar vlerën e kombëtares nga ato të klubeve, si Bayerni për shembull apo edhe nga shkolla e trajnerëve, ku spikasin 3 Championsit radhazi të Klopp, Flick e Tuchel.

Kombëtarja A do të shihej si pjesa e sëmurë e lëvizjes futbollistike, duke qenë se 21-vjeçarët e Gjermanisë në fillim të muajit kishte fituar titullin Europian për këtë grupmoshë. Goli i Leon Goretzka, i festuar me duart në zemër për t’iu përgjigjur fyerjeve të ultrasve hungarezë, i shpëtoi lëkurën skuadrës së tij, por nuk uli ritmin e kritikave, përkundrazi. Mes bashkëpunimeve gazetareske të Lothar Matheus, një video- analizë e barazimit të së mërkurës ka lënë shenjë.

“Loew duhet që më në fund të zgjohet. I besoi edhe një herë lojtarëve që e zhgënjyen. Pas ka probleme, para mungon forca, nuk u pa vendosmëria, kompaktësia dhe ajo aftësi për të qenë helmatisës në zonë siç ishte kundër Portugalisë. Tani duhet të fusë lojtarët që janë më mirë, pa parë nëse kanë 10 vjet apo dy muaj në kombëtare”, tha Matheus.

Ish interisti është një tifoz i Jamail Musiala, 18-vjeçarit të Bayern, që një minutë pasi u fut në fushë ishte protagonist në aksionin e golit të barazimit.

“Është ai fituesi i kësaj ndeshje dhe Loew duhet ta përdorë më shumë”, u shpreh Matheus.

Në bankën e të akuzuarve kanë përfunduar sidomos Ilkay Gyndogan, Serge Gnabry dhe Leroy Sane, për të cilin Mehmet Scholl deklaroi, se ajo e tija nuk ishte një ndeshje pasi nuk tregoi asgjë. Gjithsesi një favor Sane e bëri, pasi nëse nuk do të kishte gabuar në mënyrë sensacionale një pasim para porte në minutat finale të ndeshjes, gjermanët ndoshta do të kishin shënuar, duke e mbyllur grupin të parët dhe do të përfundonin në të njëjtin krah të tabelës me Italinë, Spanjën, Portugalinë e Belgjikën.

Tani kanë një klasike me Anglinë, do të përballen me një mes Ukrainës dhe Suedisë në çerekfinale dhe në gjysmëfinalen eventuale mbeten Çekia, Holanda, Danimarka apo Uellsi. Aspak keq edhe pse batutat në futboll nuk mungojnë dhe një që po qarkullon në Gjermani është se Loew bëri c’ishte e mundur që të mos i çonte lojtarët në një vend me rrezikshmëri Covidi si Anglia, por edhe në këtë rast, nuk ia doli!

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Zhvilloi një super Europian, Juventusi rinovon me Kielinin

Publikuar

-

Nga

Xhiorxhio Kielini do të vazhdojë të luajë me Juventusin. Telenovela ka marrë fund sot zyrtarisht, teksa klubi bardhezi ka bërë të ditur se ka rinovuar kontratën e mbrojtësit i cili ishte kapiteni i Italisë në Euro 2020. Kontrata e futbollistit kishte përfunduar në qershor dhe palët nuk ishin ulur në tavolinën e bisedimeve, duke hapur skenarë të ndryshëm e spekulime në media. Por me sa duket gjithçka është shtyrë vetëm për të mos shqetësuar Kielinin gjatë pushimeve, pasi me përfundimin e tyre, mbrojtësi ka hedhur shpejt firmën në kontratë.

Ajo që pakkush priste ishte në fakt kohëzgjatja e kontratës. Për rinovimet e “veteranëve”, Juventusi ka përdorur zakonisht strategjinë e firmës për vetëm një sezon. Por klubi bëri të ditur se Kielini ka rinovuar deri në qershorin e vitit 2023 me Juventusin, për dy sezonet e ardhshme. Një mesazh i qartë për ata që dyshuan në vazhdimin e bashkëpunimit, por edhe i vetë mbrojtësit 36-vjeçar i cili me sa duket kërkon që të jetë protagonist edhe në Botërorin 2022 me fanellën e Italisë.

LEXO TE PLOTE

La Liga

Arrihet akordi, Messi rinovon për 5 vite me Barçën, pritet vetëm zyrtarizimi

Publikuar

-

Nga

Lionel Messi ende nuk dalë në stërvitje me Barcelonën për të nisur përgatitjet për sezonin e ri, por rinovimi i kontratës së yllit argjentinas me klubin blaugrana është vetëm çështje ditësh.

Sport.es raporton se akordi mes 6-herë fituesit të Topit të Artë dhe presidentit të Barçës Joan Laporta është arritur.

Messi ka pranuar të reduktojë në masën 50% pagën aktuale për të qëndruar te Barcelona, duke rinovuar për 5 vitet e ardhshme.

Media katalanase raporton se zyrtarizimi i zgjatjes së kontratës do të vijë brenda kësaj jave. Messi vazhdon të shijojë pushimet dhe rikthimi në “Camp Nou” do të nisë me firmëm mbi kontratën e re me klubin e jetës.

LEXO TE PLOTE

Sport

Teuta godet në merkato, merr një sulmues holandez dhe Pano Qirkon!

Publikuar

-

Nga

Teuta godet sërish në merkato. Kampionët e Shqipërisë kanë arritur akordin me sulmuesin holandez Arsenio Valpoort kalimi i të cilit te durrsakët është vetëm çështje ditësh pasi marrëveshja është mbyllur. 28-vjeçari tulipan vjen nga kampionati qipriot teksa në sezonin e fundit mbajti veshur fanellën e Ermis në elitën e futbollit të shtetit ishullor me të cilët u aktivizua në 15 takime duke realizuar dhe 2 gola. Valpoort nga 1 korriku ishte një lojtar i lirë në treg ndërkohë që karrierën e tij e ka nisur te Herenveen me të cilët ka debutuar edhe në Eredivisie ndërkohë që në Holandë ka spikatur më shumë me skuadrat e RKC Waalwijk dhe Almere City në Eerste Divisie.

Në karrierën e tij Valpoort ka shëtitur shumë teksa është aktivizuar edhe me Ferencvaros në Hungari, Beitar Jerusalem në Izrael, Busan IPark në Korenë e Jugut dhe Roeselare në Belgjikë. Te Teuta Valpoort do të zëvendësojë Taulant Seferin i cili pas ndeshjeve të Europës do të rikthehet te Tirana por edhe Blerim Krasniqin që ka gjetur pak hapësira dhe me shumë gjasa do të transferohet te Gjilani në Superligën e Kosovës. Ndërkohë drejtuesit e klubit bregdetar kanë arritur akordin me Bylisin edhe për afrimin e Pano Qirkos. Gardiani i cili spikati me ballshiotët sezonin e shkuar do të transferohet te Teuta për një vlerë financiare që nuk bëhet e ditur ndërkohë që ballshiotët do të ruajnë edhe një përqindje të kartonit në rast rishitjeje në të ardhmen. Te djemtë e detit Pano Qirko do të marrë vendin e Stivi Frashërit i cili pas ndeshjeve të Europës do të transferohet te Ballkani në Kosovë.

LEXO TE PLOTE