Connect with Us

“Kombëtarja është nderi më i madh”, apeli i Xhumbës: Mos luani baste

Sport

“Kombëtarja është nderi më i madh”, apeli i Xhumbës: Mos luani baste

Publikuar

-

Arjan Xhumba, ish-futbollisti i kombëtares ka folur së fundmi në emisionin Sport Magazine. Ai thekson se kombëtarja është nderi më i madh për një lojtar, ndërsa nga Australia e largët tregon edhe problemin me oraret për të ndjekur Euro 2020, ku shprehet se vetëm ata që luajnë baste i ndjekin ndërsa shton se baste, nuk duhet luajtur.

“Kudo kemi qenë, gjithë jetën tonë kemi qenë refugjatë. Isha në Australi erdha në Greqi dhe erdha prapë në Australi. Kombëtarja është nderi i më madh. Ekipet ndërrohen, Kombëtarja jo. Është ajo që mbahet mend në gjithë karrierën. Këtu në Australi kam pasur ekipe futbolli, kisha kontratë me një ekip shqiptar këtu para dy vitesh. Por kemi pasur probleme me COVID19 dhe këtë kohë ja kemi kushtuar familjes.

Europiani? Shikoni, këto dy ndeshjet që luhen sot në orën 9, këtu i bie ora 5 e mëngjesit. Pra i bie që të jesh i sëmurë me futbollin që ta shohësh ose këta që luajnë baste. Finalja? Nuk e di saktësisht nëse mund të përplasen më para, por unë mendoj për një Francë-Belgjikë. Gjithsesi është mendimi im, mos e luani në baste”, tha Xhumba.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Premier Liga

Edhe Varane drejt largimit nga Reali, gati akordi me Manchester United

Publikuar

-

Nga

Raphael Varane duket se karrierën do ta vazhdoje në Angli. Sipas mediave franceze, Man Utd është shumë afër marrëveshjes me Real Madrid për Varanen.

Gjiganti anglez prej kohësh kishte arritur marrëveshje rreth kusheve personale me mbrojtësin, por tani duket se marrëveshja është arritur edhe me klubin spanjoll.

Raportohet se tashmë dy klubet janë duke finalizuar detajet e transferimit që pritet të kushtojë rreth 45/50 milionë euro.

Francezi pritet të nënshkruajë kontratë me pagë rreth 12 milionë euro në sezon. Thuhet se zyrtarizimi mund të ndodhe gjatë javës së ardhshme.

LEXO TE PLOTE

Sport

Maliqi godet në merkato, merr ish-sulmuesin e Skënderbeut

Publikuar

-

Nga

Pas ngjitjes në Kategorinë e Parë, Maliqi po mundohet të bëjë lëvizje të rëndësishme në këtë periudhë merkatoje, teksa dëshiron të bëjë sa më mirë në vitin e tij të parë mes profesionistëve.

Nën urdhrat e stafit teknik të klubit maliqar, që nga dita e nesërme do të vihet një lojtar i ri. Ish-sulmuesi i Skenderbeut, Paolo Ivani është futbollisti që do i bashkohet Maliqit për edicionin e ri, pasi ka gjetur akordin me klubin për të qenë pjesë e tij në këtë sezon.

Së fundmi, Ivani ka luajtur me Devollin, por tashmë do të jetë pjesë e maliqarëve, të cilët kanë si objektiv kryesor mbijetesën në Kategorinë e Parë. Drejtuesit kanë menduar të mos bëjnë shumë ndryshime, duke ruajtur thuajse të gjithë grupin që siguroi ngjitjen historike./CNA.al

LEXO TE PLOTE

Sport

Meksi mund të largohet, Skënderbeu gjen pasuesin e tij në krahun e djathtë

Publikuar

-

Nga

Skënderbeu kërkon që në sezonin e ri, të qëndrojë sa më larg fundit të tabelës e të luftojë për objektiva më prestigjiozë. Ndaj për këtë arsye, korçarët po punojnë jo vetëm që të krijojnë një formacion stabël, por edhe të kenë alternativa në pankinë.

Kështu, sot me “ujqërit” ka nisur stërvitjen një futbollist i cili aktivizohet kryesisht në krahun e djathtë të mbrojtjes. Bëhet fjalë për 24-vjeçarin ganez, të lindur në Itali, Zhozef Asante.

Ky i fundit, është rritur si futbollist në akademitë e klubeve italiane, duke qenë pjesë e emrave si Parma apo Karpi, ndërsa në futbollin profesionist ka eksperienca në futbollin austriak me Austria Klagenfurt dhe në atë slloven me Gorica e Brda.

Lojtari ka dalë sot në stërvitje dhe në ditët në vijim pritet që të firmosë për korçarët, duke qenë një alternativë më shumë për Memellin në krahun e djathtë të prapavijës ku titullar është Meksi, por ky i fundit nuk e ka të sigurt qëndrimin në Korçë.

LEXO TE PLOTE