Connect with Us

Laporta: Superliga është ende gjallë, e fitojmë betejën ligjore me UEFA-n

La Liga

Laporta: Superliga është ende gjallë, e fitojmë betejën ligjore me UEFA-n

Publikuar

-

Superliga Europiani për klube është ende gjallë dhe konfirmimin e jep Joan Laporta, presidenti i Barcelonës, njërës prej skuadrave të cilësuara “rebele” nga ana e UEFA-s.

Në një intervistë të dhënë për mediat spanjolle, numri një i klubit katalanas ka analizuar situatën dhe ecurinë e betejës me UEFA-n, teksa ka akuzuar këtë të fundit se ka kërcënuar disa klube që të tërhiqen përkohësisht.

“Superliga është ende gjallë dhe konkrete. Një gjikatë i ka bërë të qartë UEFA-s se nuk mund të ndërmarrë sanksione kundër nesh, megjithatë ajo vazhdon të kërcënojë e bëjë presion. Vetëm dy klube angleze kanë braktisur projektin me vullnetin e tyre të lirë, ndërsa të tjerët janë tërhequr pas presionit të UEFA-s. Inter, Milan e Atletico Madrid janë kërcënuar me përjashtim nga Champions-i, ndaj janë tërhequr, por ne duam të jemi padronë të fatit tonë dhe askush nuk mund të na e mohojë këtë të drejtë”, u shpreh Laporta.

Presidenti i Barcelonës tha se ideja e krijimit të Superligës, është për ta bërë futbollin më tërheqës për të rinjtë dhe njëkohësisht hodhi poshtë zërat se ky kompeticion do të penalizojë ligat kombëtare.

“Superliga synon ta bëjë futbollin më tërheqës për të rinjtë, gjë që UEFA nuk e ka bërë gjithë këto vite, pasi është mjaftuar vetëm me demagogji boshe. Është thënë se vret ligat kombëtare, por nuk është e vërtetë, pasi në projekt është parashikuar një fond solidariteti prej 400 milionë eurosh, ndërsa UEFA tani jep vetëm 180 milionë euro. Nuk po bëjmë asgjë të re në Europë, pasi kemi shembullin e Euro League-s në basketboll. Të rinjtë duan një futboll ndryshe dhe më tërheqës”, tha numri një i klubit katalan.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

La Liga

E bujshma nga Spanja/ Koeman i kërkon drejtuesve të mbajnë në ekipin e parë Rey Manajn

Publikuar

-

Nga

Karriera e Rei Manajt ka marrë një trajektore komplet tjetër nga ajo çfarë pritej. Tripleta në miqësoren kundër Gimnatik disa ditë më parë, dhe goli kundër Gironës ditën e djeshme, ka futur në mendime drejtuesit e Barcelonës për të ardhmen e sulmuesit të Kombëtares.

Katalanasit kishin menduar ta shisnin për të fituar një shumë të mirë parash, por performanca e mirë e Manajt ka bërë që drejtuesit të ndërrojnë mendje. Me Antoni Grizman, Kutinjo dhe Braithuajt drejt largimit, në skuadër do të mbetej vetëm Aguero si sulmues qendre, dhe duke parë dëmtimet e shpeshta që pësoi argjentinasi sezonin e kaluar, Barcelona nuk kërkon që të privohet nga mungesa e një sulmuesi pykë.

Sipas mediave spanjolle, duke parë performancën në rritje të Rei Manajt, Kuman i ka kërkuar presidentit Laporta të mos e shesë sulmuesin shqiptar, por të mbahet si element i rëndësishëm në skuadër.  Madje mediat spanjolle, shkojnë dhe më tej duke e krahasur Manaj me shokun e skuadrës Aguero, pasi pozicioni dhe lëvizshmëria në sulm është pothuajse identike.

Dëmtimi i djeshëm mund të favorizojë edhe më shumë 24-vjeçarin pasi asnjë skuadër nuk do të blinte një futbollist të dëmtuar, dhe Manaj mund të provonte sërish shanset e tij tek skuadra e parë e Barcelonës.

LEXO TE PLOTE

La Liga

Griezmann i gatshëm të lërë Barçën, por vetëm për…

Publikuar

-

Nga

Emri i Antoine Griezmann po përflitet gjithnjë e më shumë për t’u larguar nga Barcelona në këtë merkato verore. Blaugranat kanë probleme të theksuara ekonomike dhe e shikojnë te shitja e sulmuesit francez zgjidhjen e një pjese të tyre. Në këtë merkato Barcelona ka afruar me parametër zero dy sulmues të njohur si Sergio Aguero dhe Memphis dhe për të rinovuar me Messin drejtuesit e klubit spanjoll po mendojnë të largojnë Griezmann i cili tashmë që ka mbipopullim në sulm duket i tepërt në skuadër dhe për më tepër do ta lironte klubin blaugrana nga paga e larta prej 17 milionë eurosh në sezon. Vetë 30-vjeçari francez i ka dhënë ok-in klubit për t’u larguar por vetëm me një kusht që të rikthehet te Atletico Madrid.

Barcelona e cila pagoi klauzolën duke e blerë sulmuesin nga Atletico Madrid 2 vite më parë për 120 milionë euro kërkonë të arkëtojë sa më shumë nga shitja e francezit ndërkohë që për momentin oferta e Atleticos vazhdon të jetë ajo e shkëmbimit  me Saul Niguez, por mesfushori i talentuar nuk ngroh plotësisht drejtuesit e Barçës të cilët po kërkojnë të tjera zgjidhje. Gjithsesi dëshira e futbollistit për t’u rikthyer te Atletico Madrid mund të kthehet në një problem për Barçën e cila synon ta shesë futbollistin në një tjetër kampionat.

LEXO TE PLOTE

La Liga

Debutimi që 18-vjeç me kombëtaren dhe klauzola 50 mln euro, rrugëtimi i çmendur i Rei Manajt

Publikuar

-

Nga

Rey Manaj ka qenë në vitrinën e Barçës për javë të tëra, por pas “hat-trick”-ut të tij kundër Nàstic de Tarragona në miqësoren e parë të përgatitjeve parasezonale e ka vendosur veten në një pozicion edhe me komod. Sulmuesi e shfajësoi veten dhe pasi festoi një nga golat e tij u bë gati të dëgjonte zhurmën e tifozëve. Karakteri i tij rebel dhe luftëtar doli në skenë në stadiumin “Johan Cruyff”. Ai mund të konsiderohet një sulmues i keqkuptuar.

Në të gjitha ekipet ku ka qenë, gjithmonë ka shënuar gola, por nuk ka arritur “të hedhë rrënjë”. Manaj u bë një ndërkombëtar absolut me Shqipërinë vetëm 18 vjeç dhe, tani, në moshën 24 vjeç, ka kaluar në shtatë klube të ndryshme të nivelit profesional. Për Rey Manaj gjithçka filloi dhe u katapultua në Itali. Pasi ishte në kategoritë e ulëta me Sampdoria, ai shkoi te Cremonese në Serie C. Vetëm një vit më vonë (2015) tërhoqi vëmendjen e Interit.

Në ekipin e parë zikaltër mezi luajti nëntë ndeshje dhe kështu, në kërkim të minutave, vijoi transferimet: së pari te Pescara dhe më pas te Pisa. Në sezonin 2017-2018 arriti në Spanjë, i huazuar te Granada. Një vit më vonë shkoi tek Albacete. Atje luajti 37 ndeshje dhe shënoi 9 gola. Ai ishte në hijen e Zozulya, por kjo nuk e ndaloi Barçën ta shikonte atë dhe gjatë merkatos dimërore 2020 ta blinte për filialin (ekipin B), në këmbim të 700.000 euro dhe 2 milionë më shumë në formë bonusesh.

Manaj firmosi deri në vitin 2023, teksa në kontratë iu vendos një klauzolë lirimi prej 50 milionë euro. Arritja në klubin katalanas e bëri shqiptarin e parë të përmendur në ekipin e parë të Barçës (Setién e thirri atë në shkurt 2020 kundër Getafe), por e vërteta është se vendi i tij ka qenë gjithmonë te filiali (Barcelona B), ku ka një mesatare prej një goli çdo dy ndeshje.

Ai është një shënues shpërthyes, i fortë dhe luftëtar, edhe pse nuk është konsideruar kurrë për ekipin e parë. Tani Koeman ka më tepër njohuri për shqiptarin. Ka mjaftuar një miqësore në sytë e tij dhe presidentit Laporta për të treguar çfarë është i aftë të bëjë. Në çdo rast, portugezët e Famalicao dhe Cádiz po e ndjekin nga afër, nëse katalanasit e nxjerrin në shitje shqiptarin.

LEXO TE PLOTE