Connect with Us

Analiza-Objektivat dhe dështimi i Bashës/ Zgjedhjet, leksion për demokratët

Politikë

Analiza-Objektivat dhe dështimi i Bashës/ Zgjedhjet, leksion për demokratët

Publikuar

-

Analiza- Objektivat dhe dështimi i Bashës/ Zgjedhjet, leksion për demokratët

Një ditë më parë, CNA.al publikoi një lajm ekskluziv në lidhje me rezultatet e zgjedhjeve. Thelbi kishte të bënte me targeted, pra me rezultatin final që kishte kërkuar Lulzim Basha nga strukturat e tij në zgjedhjet e 25 prillit. Një target, që kryesisht dukej i realizueshëm, por i parealizuar në 16 nga gati 20 drejtuesit politik, të Lulzim Bashës.

Tabela tregon qartë sa kanë qënë votat e kërkuara nga Lulzim Basha dhe sa janë votat që ka sjellë secili drejtues politik, e cila flet vetë. Pra, tregon se kreu i PD-së e shtabi i tij elektoral dhe organizativ ishin të qartë në atë që kërkonin. (Lexo këtu)

Kanë kërkuar jo pak, por rreth 707 000 vota në rang kombëtar. Dhe kjo nuk është ndonjë rritje e madhe.

Pse thuhet kjo?

Sepse ditën që Partia Demokratike ka lënë pushtetin, ka qënë 690 000 vota. Në aleancë me PDIU-në, të cilën e kishte sërish brenda dhe LZHK-në e Dashamir Shehit dhe disa parti të tjera.

Por, këtë herë kishte dhe dy forca shtesë, Partinë Agrare Ambientaliste të Agron Dukës, dhe Partinë Bashkimi për të Drejtat e Njeriut e Vangjel Dules, të cilat kanë një peshë të caktuar elektorale dhe Basha dhe të tijët, kanë kërkuar jo më shumë, por vetëm 17 mijë vota më shumë se në vitin 2013.

Pra, ditën kur PD doli në opozitë në vitin 2013 kishte 690 000 vota dhe Lulzim Basha ka kërkuar pas tetë vitesh në opozitë, pas tetë vitesh qeverisje të Edi Ramës, vetëm 707 000 vota.

Por, objektivi nuk u arrit. U shkua deri tek rreth 630 000 vota, çka e bën të pamundur marrjen e pushtetit nga opozita.

Basha me qëllimin e tij synonte jo pak. Ai me përllogaritjet e bëra nga stafi, e çonte deri në 70 apo 71 mandate i vetëm, me ndonjë rënie apo lajthitje diku, Basha pretendonte të shkonte afër 70 mandate dhe me LSI-në, të cilën e priste nga 8-10 mandate, të bënte një mazhorancë e cila mund të sillte nga 78-80 mandate për të qeverisur vendin.

Por, kjo nuk ndodhi.

Sipas tabelës së mëposhtme, duket qartë se objektivi elektoral i strukturave drejtuese të Bashës në degë, nuk është arritur. Dhe tani po bëhet një gabim fatal. Nuk pranohet e vërteta, nuk pranohen objektivat, nuk pranohet rezultati, por po shkohet në një rrugë qorre, pa krye, thjeshtë dhe vetëm duke theksuar se ishte një “masakër elektorale” dhe jo se ishte një humbje.

Në fakt, edhe Sali Berisha gjatë kohës që drejtonte Partinë Demokratike pati disa humbje. Në vitin 2001 për shembull, për herë të parë pati një masakër të vërtetë elektorale, pas asaj të vitit 1996. U përdor policia, dhuna, mbushja e kutive, e të tjera si këto. Por, Berisha arriti të kishte fakte, prova, filmime, dokumente zyrtare, siç ishin proçesverbalet e qendrave të votimit, të cilat tregonin qartazi se zgjedhjet ishin manipuluar.

Sot në vitin 2021, ku teknologjia është jo 20 herë, por ndoshta 20 mijë herë më e zhvilluar se para dy dekadash, Partia Demokratike nuk ka nxjerrë asnjë provë. Megjithëse ka marrë çdo filmim nga çdo qendër votimi. Ka marrë çdo filmim nga çdo grup numërimi votash. Janë hapur qindra kuti ku kontestohej rezultati, si në Berat, në Durrës, etj, dhe nuk ka dalë asnjë votë e manipuluar apo tjetërsuar.

LEXO EDHE:  Basha takim me studentët/ Do të bëjmë ligj të ri për arsimin e lartë

Në finale ajo që duhet theksuar është se objektivi i drejtuesve politik të PD-së nuk është realizuar.

Ata që nuk kanë sy të shohin dhe veshë të dëgjojnë apo gojë për të folur, do të ngelen “memec” apo “shurdh-memec” të politikës, të pavlerë që nuk i duhen askuj. Thjeshtë servilë dhe skenaristë të një oborri.

Por, e vërteta është se trupa elektorale e përzgjedhur nga Basha, drejtuesit politik, të besuarit e tij dështuan.

Dështimi është një rast, për një reform të thellë në PD, të cilën tashmë Lulzim Basha duket se nuk e bën dot kurrë, pasi duket se ka mbetur peng i karriges së tij dhe nuk mund të ngrejë më tej rezultatet politike të Partisë Demokratike, me një strukturë dhe trupë drejtuese, tashmë disa herë të dështuar dhe të pafuqishme, për të arritur objektivat elektorale të kërkuara, të cilat sjellin dhe përmbysjen e pushtetit./CNA.al

Si dështuan Spaho dhe Salianji në Korçë

TABELA me shifrat sipas objektivave të Bashës/ 15 drejtues politikë dështuan, ja emrat dhe qarqet

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Në 30 vite demokraci nuk ka ndryshuar asgjë”/ Elona Meta: Paga për mjekët të jetë 1500 euro

Publikuar

-

Nga

Propozimi i Diasporës/ Elona Meta: Paga për mjekët të jetë 1500 euro

Mjekja shqiptare që punon në Gjermani, Elona Meta shprehet se paga mujore minimale për mjekët në vendin tonë, duhet të jetë 1500 euro.

Në një prononcim për CNA.al, ajo shprehet se në 30 vite demokraci nuk ka ndryshuar asgjë.

Sipas saj, ajo që ka ndikuar që mjekët të bëhen gjithnjë e më të pakënaqur, janë pagat e ulta, ngarkesa mbytëse në punë, dhuna fizike dhe verbale, arrestimet duke bërë që gjithnjë e më shumë bluzat e bardha ta braksin vendin.

“Në 30 vite demokraci janë arrestuar shumë mjekë për korrupsion dhe asgjë nuk ka ndryshuar, përkundrazi korrupsioni është rritur ndërsa mjekët janë liruar disa ditë apo javë pas arrestimeve për mungesë provash.

Po kjo ka ndikuar që mjekët të bëhen gjithnjë e më të pakënaqur sa nga keqvlerësimi, paga e ulët, ngarkesa mbytëse në punë, dhuna fizike dhe verbale dhe arrestimet duke parë gjithnjë e më shumë për ta braktisur vendin pasi oferta e Gjermanisë dhe e shumë vendeve në Europë është tunduese edhe për vende më të ngritura të rajonit ku mjekët nuk vuajnë si në Shqipëri.

LEXO EDHE:  Basha komenton marrëveshjen e 18 majit/ Kishte dy marrëveshje

LEXO EDHE:  Krahasimi/ Tahiri e dha dorëheqjen, Basha u fsheh pas raporteve mjekësore

“Ne kërkojmë që të zbatohet sa më shpejt kërkesa jonë për pagat e mjekëve shqiptarë 1500 euro. Nisma jonë është një nismë e cila do të ketë edhe impakt jo vetëm tek mjekët, por do të rrisë edhe ndërgjegjësimin e do të minimizojë hendekun e madh mes mjekut dhe pacientit, është shprehur mjekja Meta./CNA.al

 

 

LEXO TE PLOTE

Politikë

Petrit Vasili, ‘zagari’ që i kundërvihet ambasadores së SHBA duke ‘lehur’ kundër Reformës në Drejtësi

Publikuar

-

Nga

Petrit Vasili, zagari që i kundërvihet ambasadores së SHBA duke lehur kundër Reformës në Drejtësi

Nuk ka se si të ndodhte ndryshe. Petrit Vasili si gjithnjë pritej të ishte i pari që do t’i kundervihej amdasadores se SHBA Juri Kim dhe këtë e ka bërë me devotshmërinë e tij të njohur sa herë është fjala për t’iu sulur reformës në drejtësi.

Ish ministri më torrollak i drejtësise dhe deputeti me 362 vota, zagari i njohur që leh sa herë e ndërsen padroni i tij Ilir Meta, edhe sot iu kundërvu ambasadores se SHBA duke lehur kundër reformës në drejtësi.

Sot është mbajtur në Tiranë Tryeza e Rrumbullakët për Përfundimin e Strategjisë Ndërsektoriale të Drejtësisë në kuadër të 5 vjetorit të nisjes së Reformës në Drejtësi, ku midis të ftuarve të tjerë ka qenë edhe ambasadorja e ShBA në Tiranë zonja Juri Kim, e cila në fjalën e saj ndër të tjera tha:

“Shqipëria ka bërë përparim të jashtëzakonshëm drejt Reformës në Drejtësi që qytetarët e saj kërkojnë dhe ne po shohim rezultatet e atyre përpjekjeve. Të gjitha institucionet e ngritura nga Reforma në Drejtësi në 2016 janë tashmë plotësisht funksionale”.

Mirëpo një vlerësim i tillë nuk mund t’i pëlqente Ilir Metës, ndaj prej paburrërisë për të dalë vetë hapur dhe publikisht kundër ambasadores Kim, ai ndërseu Petrit Vasilin i cili mezi pret të shpalosë talentin e tij prej zagari të devotshëm sa herë që i duhet Metës kundër partnerëve ndërkombëtarë dhe reformës në drejtësi.

“Me institucionet e drejtësisë tashmë të ngritura, ato po tregojnë tani se mund të veprojnë dhe se mund të japin rezultate në emër të popullit shqiptar. Ato po tregojnë se ligji zbatohet në mënyrë të barabartë për të gjithë, të mëdhenj dhe të vegjël. Askush, askush, sado i fuqishëm mendon se është në këtë çast, askush nuk është mbi ligjin dhe është në dorën e institucioneve shqiptare të drejtësisë, është në dorën tuaj të tregoni nëpërmjet veprimeve tuaja se kjo është e vërtetë dhe do të jetë e vërtetë”, thotë ambasadorja Kim, ndërsa Petrit Vasili i përgjigjet duke e quajtur tryezën e rrumbullakët të organizuar sot ditën e përshpirtjes apo të vajtimit të reformës në drejtësi.

LEXO EDHE:  “Forca e Krimit” shënon arritjet e radhës/ Autorët nisen me pushime

“ Reforma në drejtësi nuk ka nevojē as për deklarata apo të përshpirtjeve që bëhen një herë në vit, sepse vit për vit bëhet nga një përshpirjte më 22 korrik” shprehet Petrit Vasili e më tej ai ju ka kujtuar ambasadorëve se “po flasin shumë, nderkohë që duhej të flisnin shumë më pak se ne nuk flasim për reformat e tyre, ambasadorët tanë nuk flasin për reformat e tyre, nuk fusin hundët!”

Vetëm një trutharë si ky Petrit Vasili mund të flasë më këtë gjuhë si komunistët e 1970-ës në Shqipëri e t’i thotë ambasadores amerikane dhe ambasadorit të BE-së qe “nuk duhet të flisni kaq shumë” për një reformë që është investimi më i madh në Shqipëri i qeverise se SHBA dhe BE.

LEXO EDHE:  Basha komenton marrëveshjen e 18 majit/ Kishte dy marrëveshje

Pra ata që e inicuan dhe që po e realizojnë reformën, ata që po e financojnë dhe që po udheheqin luftën kunder korrupsionit, SHBA dhe BE nuk duhet të flasin e duhet të vazhdojë të flasë Petrit Vasili i LSI-së, zagari lehës i Ilir Metës.

Mirëpo për ca langonj si ky kokëboshi i Metës dhe për ata që e ndërsejnë këtë të sulmojë ambasadoren e SHBA dhe reformën në drejtësi, zonja ambasadore foli shumë qartë sot teksa tha:

“Shumë vetë thanë se nuk mund të bëhej. Shumë vetë në fakt, nuk donin që të bëhej. Por po ndodh. Shumë do të vazhdojnë të shpresojnë dhe shumë do të vazhdojnë të veprojnë, për t’a ndaluar së ndodhuri”.

Mirëpo të gjithë ata si ky Petrit Vasili që po bëjnë ç’mos ta ndalojnë reformën në drejtësi e kanë të kotë. Ajo do ti djegë e përvëlojë të gjithë, sepse në fund të fundit ky është vullneti i popullit shqiptar, do apo nuk do zagari lehës dhe ai që e ndërsen zagarin e tij./CNA.al

LEXO TE PLOTE

Politikë

5 vite reformë në drejtësi/ Xhafaj: Shumë nga ata që e votuan janë penduar

Publikuar

-

Nga

5 vite reformë në drejtësi/ Xhafaj: Shumë nga ata që e votuan janë penduar

Ish kreu i Komisionit të Posaçëm të Reformës në Drejtësi, Fatmir Xhafaj ka dhënë një intervistë për Radio Televizionin Shqiptar në kuadër të 5 vjetorit të kësaj reforme.

Rreth 40 % e kushtetutës që u ndryshua me votimin e vitit 2016 në parlament, i hapi rrugë një sistemi që shkaktoi furtunë mes gjyqtarëve dhe prokurorëve.

Sot pas 5 vitesh, Xhafaj është i mendimit se reforma ishte dhe mbetet gjëja e duhur e cila jo vetëm e ringriti por dhe e rithemeloi pushtetin gjyqsorë.

Sipas tij në 25 vite pushteti gjyqsor ka qenë nën kontrollin politik dhe ky projekt sot ka garantuar pavarësinë kushtetuese dhe ligjore.

“Çdo gjyqtar, prokuror dhe çdo institucion është jashtë ndikimit të politikës, jashtë interferencave, mekanizmave ndërhyrës në sistem. Sistemi sot drejtohet përmes institucioneve të veta. Gjyqtari dhe prokurori që deri dje jo vetëm që ishte i varur nga pushteti politik, ndikimi politik në karrierën e tij apo disiplinimin e promovimin e tij, ishte i varur edhe nga eprori i tij. Sot prokurori është i pavarur në procesin investigativ, e hetimit dhe vendimmarrjes së tij. Për të shkuar në Gjykatën e Lartë nuk duhet të shkosh te Presidenti, Kuvendi apo partia politike që ka qeverisjen e vendit. Mjafton të konkurrosh konform kritereve ligjore dhe profesionale dhe të bësh karrierë dhe të jesh i pavarur në ushtrimin e detyrës”, deklaroi Xhafaj në intervistë për RTSH-në.

Ai theksoi se reforma kishte kundërshtarë, por falë presionit publik dhe atij ndërkombëtar e kishin të pamundur të ndërhynin.

LEXO EDHE:  “30 qershori antikushtetues”/ PD bën lëvizjen e radhës

“E kam thënë atëherë dhe e ritheksoj se që në atë kohë kishte njerëz që nuk e dëshironin këtë reformë, aq më tepër kur e panë të formësuar se ku do të shkonte ajo. Por, ishin të pamundur për ta ndaluar për shkak të presionit të madh të opinionit publik, shoqëror e ndërkombëtar. Jemi të gjithë dëshmitarë të atij momenti e presioni të jashtëzakonshëm për të garantuar ato 140 vota.

Disa nuk e donin, 24 orë përpara nuk diskutohej projekti kushtetues, por diskutohej rrëzimi i qeverisë. 24 orë më pas u votua me 140 kartona”, deklaroi Xhafaj.

LEXO EDHE:  Basha komenton marrëveshjen e 18 majit/ Kishte dy marrëveshje

I pyetur nga se duhet të kenë frikë sot gjyqtarët e prokurorët, nga vetë sistemi i drejtësisë, ku bëjnë pjesë, publiku apo presioni i politikës, Xhafaj deklaroi se Kushtetuta nuk i lejon të ndikohen dhe të pranojnë asnjë lloj ndikimi të të tretëve, dhe aq më tepër të politikës.

“Unë e them shpeshherë me një fjalë: deri dje prokurorët e gjyqtarët ishin tej mase të varur nga politika, sot ata janë, vetëm nëse duan të vetëvaren. Kushtetuta, ligji nuk i lejon të ndikohen dhe të pranojnë çdo lloj ndikimi të të tretëve dhe jo më të politikës në veprimtarinë e tyre”, shprehet Xhafaj./CNA.al

 

LEXO TE PLOTE