LEXO PA REKLAMA!

SHKARKO APP

U arrestua për korrupsion/ Kush është prokurori që “uzurpoi” institucionet, zbardhet pasuria

19 Qershor 2021, 08:25, Aktualitet CNA
U arrestua për korrupsion/ Kush është prokurori që

Pas kërkesës së SPAK, Gjykata e Posaçme e Shkallës së Parë Për Korrupsionin dhe Krimin e Organizuar me vendimin nr.40 datë 17.06.2021 ka caktuar masën e sigurimit arrest në burg për shtetasin Sali Hasa, prokuror në Prokurorinë Pranë Gjykatës së Shkallës së Parë Sarandë, i dyshuar për kryerjen e veprës penale të ?Korrupsioni pasiv i gjyqtarëve, prokurorëve dhe funksionarëve të tjerë të drejtësisë?. (Lexo këtu)

Por, kush është Sali Hasa

Sali Hasa prej vitesh punonte në Prokurorinë e Sarandës, ndërsa me 15 Prill 2019, Këshilli i Lartë i Prokurorisë, e komandoi në krye të Prokurorisë së Rrethit Gjyqësor Sarandë.

Hasa, mori drejtimin e prokurorisë pas shkarkimit nga Komisioni i Pavarur i Kualifikimit, të Edison Ademit.

Dy vite më parë, CNA.al ka bërë një vëzhgim si në aspektin profesional ashtu dhe në atë të pasurisë të prokurorit Hasa, ku rezulton se ka disa detaje që ngrejnë dyshime.

Kështu, në vitin 2015 në media është raportuar se prokurori Sali Hasa është gjetur me shkelje dhe Këshilli i Prokurorëve i cili i ka dhënë një paralajmërim, se nëse do të kenë shkelje të tjera, atëherë rrezikon të shkarkohet.

Ndërsa në vitin 2018, Prokurori Sali Hasa është bërë objekt i emisionit ?Fiks Fare?. Ai është akuzuar nga qytetari Lulzim Sino për zvarritje dhe njëanshmëri në hetimet e kryera për falsifikim dokumentacioni dhe përvetësim prone nëpërmjet mirëbesimit.

Gjykata e Shkallës së Parë Sarandë dhe e Apelit Gjirokastër e kishte rrëzuar dy herë prokurorinë, pasi sipas tyre hetimet nuk ishin bërë siç duhej. Ndërkohë, përgjatë viteve nga 2016 e deri më 2018 kur është bërë denoncimi publik, kanë humbur jo vetëm gjurmët, por edhe provat dyshohen të kenë shkuar për skrap.

Sa i përket pasurisë, CNA.al ka zbardhur të dhënat e publikuara nga Open Spending Albania, prej vitit 2004 deri në vitin 2016, ku rezulton se familjen e tij, prokurori e ka të punësuar në shtet. Për më tepër të gjithë i ka specialista nëpër institucione duke nisur nga gruaja, djali dhe vajza.

Gruaja, specialiste në OSSH, Sarandë, djali specialist, fillimisht në Shërbimin Kombëtar të Punësimit pas në Rektoratin e Universitetit të Tiranës, ndërsa vajza fillimisht asisitente, kryetarit të AKEP, më pas specialiste në Drejtorinë e Marrëdhënieve me Jashtë në KQZ, për të vijuar më tej, si specialiste në Komisionerin për Mbrojtjen nga Diskriminimi.

Ajo që bie gjatë deklarimit të pasurisë në vite, është edhe një dhuratë, që iu është dhënë fëmijëve të prokurorit.

Dy fëmijët Ledian dhe Ada Hasa, kanë përfituar një sipërfaqe prej 1 000 metër katror, në Porto-Palermo në Himarë, si dhuratë. Prokurori, nuk e ka deklaruar vlerën dhe personin që ka dhuruar këtë pasuri të patundshme.

Po ashtu një tjetër detaj që bie në syn ë deklaratat e pasurisë, është edhe një shtëpi banimi me sipërfaqe 153 metër katror që kushton 50 000 dollarë, të cilën e ka në Durrës, edhe pse veta Hasa jeton në Sarandë.

Në linkun më poshtë, pasuria ndër vite e prokurorit Sali Hasa, të cilit SPAK i vuri prangat./CNA.al

Patundshmëri dhuratë për fëmijët e prokurorit/ Sali Hasa “uzurpon” institucionet me familjarë

Lajmet e fundit nga