Connect with Us

SPAK bën kërdinë/ Në pranga trajneri dhe gjyqtari shqiptar, ja për çfarë akuzohen

Sport

SPAK bën kërdinë/ Në pranga trajneri dhe gjyqtari shqiptar, ja për çfarë akuzohen

Publikuar

-

Prokuroria e Posaçme Kundër Korrupsionit dhe Krimit të Organizuar njofton se ka arrestuar trajnerin e klubi të futbollit “Përmeti”, Bledar Hajdini i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim.

Dhe është arrestuar gjithashtu edhe arbitri i futbollit, Qerim Ruçi si i dyshuar për kryerjen e veprës penale të “Paracaktimi i rezultateve në garat sportive”.

NJOFTIMI –

Prokuroria e Posaçme Kundër Korrupsionit dhe Krimit të Organizuar ka kryer hetime në kuadër të procedimit penal nr.102/2 të vitit 2020, për veprat penale të “Trafikimit të narkotikëve”, kryer në bashkëpunim, në kuadër të grupit të strukturuar kriminal, “Grup i strukturuar kriminal”, “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, “Ushtrimit të ndikimit të paligjshëm ndaj personave që ushtrojnë funksione publike” etj, parashikuar nga nene 245/1, 319/ç, 28/4, 283/a, 333/a, 334 etj, të Kodit Penal.

Hetimi i këtij procedimi penal u bë i mundur falë bashkëpunimit shumë efektiv me Drejtorinë e Përgjithshme të Policisë së Shtetit. Në funksion të hetimeve të këtij procedimi penal janë përdorur mjete dhe metoda speciale hetimi të kombinuara këto me mjetet apo metodat tradicionale të hetimit.

Nga ky hetim u grumbulluan prova të mjaftueshme të cilat krijuan dyshimin e arsyeshëm se jemi para veprave penale të korrupsionit pasiv të prokurorëve, sipas nenit 319/ç të Kodit Penal. Gjithashtu, nga hetimet u evidentuan të dhëna edhe në lidhje me një vepër penale tjetër siç është ajo e e “Paracaktim i rezultateve në garat sportive”, parashikuar nga neni 197/a/2 i Kodit Penal.

Me kërkesë të Prokurorisë, Gjykata e Posaçme e Shkallës së Parë Për Korrupsionin dhe Krimin e Organizuar me vendimin nr.40 datë 17.06.2021 ka caktuar masat e sigurimit arrest në burg për shtetasit:

● Sali Hasa, prokuror në Prokurorinë Pranë Gjykatës së Shkallës së Parë Sarandë, i dyshuar për kryerjen e veprës penale të “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, parashikuar nga neni 319/ç i Kodit Penal.
● Napolon Hodaj, Oficeri i Policisë Gjyqësore në Prokurorinë Pranë Gjykatës së Shkallës së Parë, Sarandë, i dyshuar për kryerjen e veprës penale të “Ushtrim i ndikimit të paligjshëm ndaj personave që ushtrojnë funksione publike”, parashikuar nga neni 245/1 paragrafi i dytë i Kodit Penal.
● Qerim Ruçi, arbitër i ndeshjeve të futbollit, si i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, parashikuar nga nenet 197/a/2 dhe 25 të Kodit Penal.
● Bledar Hajredini, zyrtar i klubit sportiv SHS “Përmeti”, i dyshuar për kryerjen e veprës penale të “Paracaktimi i rezultateve në garat sportive”, kryer në bashkëpunim, parashikuar nga nenet 197/a/2 dhe 25 të Kodit Penal.
● Julian Zera, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga nenet 245/1/1 – 25 i Kodit Penal.
● Emiljano Mirani, i dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga nenet 245/1 – 25 i Kodit Penal.

Gjithashtu me vendimin nr.40 datë 17.06.2021 Gjykata ka caktuar masën e sigurimit “arrest në shtëpi”, për të hetuarën Elsona Papa, e dyshuar për kryerjen e veprës penale të “Ushtrimi i ndikimit të paligjshëm ndaj personave që ushtrojnë funksione publike”, kryer në bashkëpunim, parashikuar nga nenet 245/1/1 – 25 i Kodit Penal.

Kurse ndaj shtetasit Hysen Korenica (ish ekspert mjeko – ligjor), Gjykata ka caktuar masën e sigurimit personal me karakter shtrëngues “Detyrim për t’u paraqitur në policinë gjyqësore”, parashikuar nga neni 234 i K.Pr.Penale, si i dyshuar për kryerjen e veprës penale të “Ekspertim i rremë”, parashikuar nga neni 309 i Kodit Penal.

Policia e Shtetit ka ekzekutuar në datën 19.06.2021 masat e sigurimit të caktuara nga Gjykata me vendimin nr.40 datë 17.06.2021. Gjithashtu në zbatim të vendimit nr.202 datë 17.06.2021 Policia Gjyqësore Pranë Policisë së Shtetit ka ushtruar kontrolle në disa banesa dhe zyra të subjekteve të hetuar dhe të tjerë.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Zyrtare/ Blerim Krasniqin e prezantojnë si yll te skuadra e re

Publikuar

-

Nga

Sulmuesi Blerim Krasniqi u largua pas vetëm 1 sezoni si lojtar i Teutës teksa ditën e sotme është bërë zyrtar transferimi i tij tek skuadra e Gjilanit.

Krasniqi është prezantuar në një mënyrë spektakolare me një video mjaft të bukur të ideuar nga klubi kosovar. 25-vjeçari kaloi një sezon jo të mirë te durrsakët megjithatë luajti titullar thuajse të gjithë sezonin.

Trajneri Martini nuk e hodhi si titullarë në ndeshjet për Kupat  e Europës dhe sulmuesi zytarizoi përfundimisht largimin nga ‘’djemtë e detit’’.

Videoprezantimi nga skuadra e Gjilanit

 

LEXO TE PLOTE

La Liga

Spanja hap dyert për tifozët, ja sa do lejohen në startin e La Ligas

Publikuar

-

Nga

Sezoni i ri i La Ligas do të nisë me tifozë. Spanja ka vendosur të hapë stadiumet dhe vendimi është marrë nga Ministria e Shëndetsisë, megjithatë impiantet nuk do të jenë të mbushura në kapacitetin e plotë të tyre.

Ministria e Shëndetsisë në Spanjë ka vendosur që impiantet e hapura të mbushen në 40% të kapacitetit në javët e para të kampionatit, ndërkohë që impiantet e mbyllura të mbushen në masën 30%.

Masat kundër COVID-19 nuk do të mungojnë gjithsesi pasi tifozëve të Realit, Barcelonës, Atleticos së Madridit, Sevillas, Valencias etj do t’u duhet të mbajnë maska në stadium, ndërkohë që klubet do të jenë të detyruara të mos shërbejnë ushqim gjatë ndeshjeve.

Edicioni 2020-2021 i La Ligas do të nisë me sfidën e 13 gushtit mes Valencias dhe Getafes që do të luhet të Mestalla aty ku do të jenë të pranishëm për herë të parë që pas rënies së pandemisë rreth 20 mijë tifozë duke pasur parasysh se bëhet fjalë për një stadium të hapur me një kapacitet prej 48 mijë e 600 vendesh.

Nga pretendentet për titull e para që do të zbresë në fushë do të jetë Reali i Madridit, të shtunën e 14 gushtit teksa do të sfidojë në transfertën baske skuadrën e Deportivo Alaves.

Kampionët në fuqi të Atleticos së Madridit do ta nisin kampionatin në transfertën galiciane ndaj Celta Vigos të dielës, ditë në të cilën Barcelona do të presë në Katalunjë Real Sociedadin.

LEXO TE PLOTE

Sport

“Shqiptari Muçi tronditi Maksimirin”! Shihni si komentohet në Serbi, rrezikohet derbi më i nxehtë i Ballkanit

Publikuar

-

Nga

Në shortin e hedhur sa i përket fazës së Play-Off në Champions League është rrezikuar derbi më i nxehtë i Ballkanit, kampionia e Kroacisë që mund të ndeshet me atë të Serbisë.

Për të mbërritur në këtë pikë duhet që Legia e Varshavë të kalojë Dinamon e Zagrebit pas barazimit 1-1 në transfertë, ndërsa Zvezda zhgënjeu disi pas barazimit me të njëjtat shifra që mori me Sherif Tiraspolin.

Për këtë arsye vëmendja e mediave serbe ishte e madhe mbi ndeshjen e sotme të “Maksimir”. Por si u komentua kjo përballje me Ernest Muçin që mori rolin e protagonistit me super golin e tij?

“Dinamo si Zvezda, shqiptari i solli një barazim Legias. Dinamo ishte më mirë në fushë, por nuk përfituan shumë. Është e qartë se do të kenë nevojë për pak më tepër sesa një ndeshje të mirë në të ardhmen”, shkruan “B92”.

Nga ana tjetër është “MozzartSport” që raporton “Shqiptari Muçi tronditi Maksimirin”! Dinamo e Zagreb duhet të fitojë në ndeshjen e kthimit. Para 4597 spektatorëve në Maksimir, Dinamo dhe Legia barazuan 1-1, ashtu si Zvezda dhe Sherif vetëm një ditë më parë në Beograd.

Kjo do të thotë se do të zbulojmë vetëm në datën 10 gusht nëse do të ketë një derbi të madh të ish-Jugosllavisë në raundin e fundit të Champions League”, shkruhet në artikull.

 

LEXO TE PLOTE