Connect with Us

Euro 2020/ Ngec Franca, nuk mund dot Hungarinë dhe ndërlikon kualifikimin

Sport

Euro 2020/ Ngec Franca, nuk mund dot Hungarinë dhe ndërlikon kualifikimin

Publikuar

-

Ndeshja mes Francës dhe Hungarisë, ka përfunduar në barazim me rezultat 1-1. Ndeshja nisi më mirë për francezët që patën disa raste të mira në fillim, por goli erdhi nga Hungaria në fund të pjesës së parë kur realizoi Attila Fiola në min e 45+2’.

Pjesa e dytë sërish nisi më mirë për Francën që vazhduan sulmet drejt hungarezëve, goli i barazimit erdhi në minutën e 66’ nga Antoine Griezmann.

Deri në fund Franca pati edhe disa raste të mira shënimi, por që nuk arritën ti konkretizojnë. Pas dy ndeshjeve, Franca ka katër pikë në Grupin F, ndërsa Hungaria një pikë. Francës do i duhet fitorja ndaj Portugalisë ndeshjen e fundit, pasi një humbje do i rrezikonte kualifikimin.

HUNGARI-FRANCË 1-1

Fiola 45+2’/ Grizman 66′

 

Formacionet zyrtare

Franca: Lloris – Digne, Kimpembe, Varane, Pavard, Kanté, Rabiot, Pogba, Griezmann, Benzema, Mbappé.

Hungaria: Gulasci, Szalai, Fiola, Orban, Nego, Nagy, Szalai, Schafer, Keinheisler, Sallai, Botka.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Premier Liga

Mungon vetëm firma, Manchester United rrëmben yllin e Real Madridit

Publikuar

-

Nga

Rafael Varane është goditja e radhës e Mançester Junajtid, pasi “djajtë e kuq” po bëhen gati për zyrtarizmin e firmës së mbrojtësit francez të Real Madrid. Nga Anglia raportojnë se gjithçka është mbyllur dhe vetëm vizitat mjekësore ndajnë praktikisht nga firma.

Pas Xhedon Sanço që përforcoi sulmin, Mançester ka afruar një yll që do të përforcojë prapavijën. Akordi mes palëve është gjetur me një pagesë prej 50 milionë eurosh për kartonin e lojtarit, i cili i afrohej fundit të kontratës së tij te Reali dhe nuk kishte ndër mend të firmosë rinovimin atje.

Futbollisti ka gjetur dhe akordin personal me atë që do të jetë klubi i tij i ardhshëm dhe brenda 48 orësh pritet të kryejë të gjithë vizitat mjekësore dhe të udhëtojë drejt Mançesterit për të zyrtarizuar firmën e tij në kontratë. Të dy klubet e mbyllin këtë marrëveshje të kënaqur, pasi Reali përfiton një shumë të konsiderueshme për një lojtar në fund të kontratës, ndërsa Mançesteri gjen një partner të besueshëm për ta rreshtuar përkrah Meguajë

LEXO TE PLOTE

Kombëtare

Sulmi i kombëtares në duar të sigurta, ja futbollistët që po shkëlqejnë me ekipet e tyre

Publikuar

-

Nga

Reparti i sulmit, pas konsolidimit të mbrojtjes me emra si Gjimshiti, Kumbulla, Ismajli apo edhe Veseli e Dermaku si dhe Hysaj e Doka në të djathtë apo Lenjni e Trashi në të majtë, është i radhës që po gëzon shumëllojshmëri tipash të lojtarëve në dispozicion të trajnerit Edi Reja.

Tekniku italian ka mundësi të shumta zgjedhjesh në repartin ofensiv duke filluar nga bombera si Cikalleshi, Manaj e Uzuni deri tek talentet Muçi e Broja. Cikalleshi është sulmues mjaft me eksperiencë i cili ka treguar cilësitë e tij në shumë ndeshje me Kombëtaren.

Rei Manaj po kalon një periudhë të artë me Barcelonën duke shënuar 4 gola në dy ndeshje me fanellën e katalanasve. Armando Broja gjithashtu bëri një hap të madh në karrierë duke firmosur për 5 vite me Çelsin dhe aktualisht po stërvitet me ekipin e parë.

Myrto Uzuni vazhdon të jetë protagonist tek Ferencvaroshi duke shënuar 4 gola në dy sfidat e fundit të hungarezëve në Champions. Ernest Muçi i mahniti të gjithë me golin e realizuar me fanellën e Legia këtë javë, teksa mund të jetë një pikë kthese për sulmuesin kuqezi.

Dhe lista vazhdon me sulmuesit e tjerë, Xhakomo Vrioni, Taulant Seferi, Armando Sadiku, Bekim Balaj, Armando Sadiku e Florian Kamberi. Pra një shumëllojshmëri zgjedhjesh për teknikun Reja i cili duhet të gjejë formulën e duhur pasi sulmuesit kuqezi po shkëlqejnë me skuadrat e tyre respektive.

LEXO TE PLOTE

Sport

Memelli: Skënderbeu nuk është ende i plotë, presim përforcime

Publikuar

-

Nga

Trajneri i Skënderbeut, Migen Memelli, ka folur pas testit miqësor kundër Maliqit ku ekipi i tij fitoi me rezultatin 2-1. Tekniku bardhekuq është dukur deri diku i kënaqur me këtë ndeshje, duke u shprehur: “Janë 10 ditët e para të përgatitjeve. Ka qenë një 10 ditësh shumë intensiv. Jemi në ditët e para të ngarkesës dhe lodhja ndihet. Sigurisht që do të ishte paksa e vështirë, pasi është një ekip me shumë mungesa dhe jo i plotë”.

Janë të paktën 8 lojtarë që mungojnë dhe pritet t’i bashkohen skuadrës në vijimësi. Më pas do të kemi kohë që të kolaudojmë skuadrën me lojtarët e tjerë që kanë mbërritur. Kemi kohë për të plotësuar grupin. Presim që lojtarët të afrohen, por dhe të integrohen edhe të tjerët që janë afruar tashmë”.

Ne presim që të përforcohemi më tej edhe në dy pozicionet vakante në mbrojtje dhe më pas të shohim skuadrën se si do të adaptohet me lojën. Presim të vijë Rexhepi dhe Sadriu, sapo të mbarojnë Kupat e Europës me Shkëndijën. Kemi vendosur edhe testet e radhës, është një periudhë që skuadra gabon, por mund të rikuperosh, ndërsa më pas me fillimin e kampionatit duhet që të minimizojmë gjithçka”.

LEXO TE PLOTE