Connect with Us

Privilegjet e të qënit gruaja e kryeministrit/ Linda Rama zbulon arsyen pse hoqi dorë nga çdo përfitim

Lajme

Privilegjet e të qënit gruaja e kryeministrit/ Linda Rama zbulon arsyen pse hoqi dorë nga çdo përfitim

Publikuar

-

Privilegjet e të qënit gruaja e kryeministrit/ Linda Rama zbulon arsyen pse hoqi dorë nga çdo përfitim

Si asnjëherë më parë, bashkëshortja e kryeministrit Edi Rama, Linda Rama ka rrëfyer detaje nga jeta, karriera dhe familja.

Në një intervistë me Ilva Taren në Euronews, Linda Rama ka treguar se çfarë do të thotë të jesh gruaja e kryeministrit në Shqipëri.

Ajo ka zbuluar si fillim paragjykimet me të cilat është përballur në daljen e saj të parë publike me kryeministrin në krah.

Opinionet që dëgjonte rreth saj ajo vendosi ti klasifikonte dhe të shpjegonte me hollësi për të kuptuar se çfarë ka përjetuar nga momenti që ka dalë për herë të parë në publik.

Ndër të tjera Linda ka shpjeguar se shumë mendojnë se të jesh gruaja e kryeministrit ke privelegje por kjo është krejt rast i kundërt për të.

Bashkëshortja e kryeminsitrit ka treguar se që në ditën e parë që Rama u bë kryeministër ajo vendosi të hiqte dorë nga çdo përfitim.

“Unë që në ditën 1 për të shmanguar këto opinionet që gruaja e kryeministrit ka privilegje, ajo që bëra ishte që refuzova të gjithë ekipin e shërbimit.

E para se nuk e kuptoja pse duhej dhe e dyta se doja të shmangja çdo lloj situate që nuk e quaja të arsyeshme, kam insistuar që ekipi të zhvendosej tek kryeminisitria duke menduar se kryeministri ka më shumë nevojë.

Tjetra që bëra nuk hoqa dorë nga timoni. Është gjëja më e bukur me të cilën e filloj ditën. Të çoj Zahon në shkollë, ndërkohë që unë jam në timon dhe komunikoj me të. Unë kështu jam. Unë kështu e filloj ditën është pjesa më e bukur e jetës time. Kështu i jap një model Zahos që mami është ajo që e shoqëron dua të më mbaj mend si shoqëruesja e tij e parë. Unë preferoj t’i jap vetë makinës.

Nuk kam një punonjës sigurie, vendosa që mos e shoqëroj kurrë Edin në vizita jashtë shteti përveç rasteve kur duhet patjetër.

E kam shoqëruar jashtë axhendës por të gjitha i kam paguar vetë“, është shprehur Linda./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Lajme

Video/ Inceneratori i Tiranës shtrihet në Zimbabve

Publikuar

-

Nga

Inceneratori i Tiranës shtrihet në Zimbabve (VIDEO)

Geogenix BV, kompania guackë e regjistruar në Holandë, e cila zotëron koncesionin e inceneratorit të Tiranës ka arritur të shtjerë në dorë kontratën e shumëpërfolur të mbetjeve Zimbabve. Pas shumë akuzash dhe skandalesh, të cilat përfshinë edhe ministrat e qeverisë së Zimbabves, Geogenix ia ka dalë të marrë miratimin e propozimit të pakërkuar për të marrë me koncesion administrimin e mbetjeve në Harare, kryeqytetin e Zimbabves.

Marrëveshja fillimisht është miratuar nga Këshilli Bashkiak, ku është prezantuar nga Mauro Bianchi, përfaqësues i kompanisë Geogenix

Pas miratimit në këshillin bashkiak, koncesioni është miratuar dy javë më parë edhe nga qeveria e Zimbabves duke i hapur rrugë realizimit të projektit. Në pamjet e bëra publike nga mbledhja e Këshillit Bashkiak të Harares, ngjitur me Bianchin është edhe një person tjetër me maskë si përfaqësues i kompanisë Geogenix. Mediat në Zimbabve raportojnë se personi në fjalë është shtetas shqiptar. Por MCN nuk mundi të konfirmojë nëse bëhet fjalë për Mirel Mërtirin, personin që zotëron inceneratorët në Shqipëri.

LEXO EDHE:  Drejtoria e Transportit fal taksën vjetore për mbi 7 mijë automjete/ Ja kategoritë që përfitojnë

Tentativat e kompanisë që ka me koncesion inceneratorin e Tiranës për të marrë një kontratë të ngjashme edhe në Zimbabve kanë nisur disa vite më parë, kur ajo nënshkroi një marrëveshje mirëkuptimi me bashkinë e Harares. Në atë kohë, bashkia e kryeqytetit kishte hapur tender për menaxhimin e  mbetjeve, por tentoi t’ia jepte kontratën 134 milionë dollarëshe, pa garë kompanisë së inceneratorit të Tiranës. Skandali u denoncua në mediat e Zimbabves, të cilat akuzuan ministrin e punëve lokale, Juli Moyo, si të përfshirë në korrupsion.

LEXO EDHE:  Mashtruan me qëllim përfitimin/ 2 në pranga, një në kërkim

Pas këtyre akuzave, këshilli bashkiak i Harares e anuloi marrëveshjen e mirëkuptimit në korrik të vitit të kaluar. Por një vit më pas koncesioni është miratuar, edhe pse nuk dihet nëse vlera e tij është 134 milionë dollarë sa u raportua vjet.

LEXO TE PLOTE

Lajme

Humbën në pyllin e Llogarasë/ Policia nis kërkimet për çiftit francez pas sinjalit SOS

Publikuar

-

Nga

Humbën në pyllin e Llogarasë/ Policia nis kërkimet për çiftit francez pas sinjalit SOS

Një çift francez kanë lëshuar sinjalin SOS, pasi kanë humbur në pyllin e Llogarasë.

Mësohet se çifti i turistëve nga Franca, janë nisur orët e para të mëngjesit për të eksploruar pyllin në Llogara, por më pas nuk ka asnjë gjurmë të tyre.

Ndërkohë për gjetjen e shpëtimin e tyre janë nisur dy grupe policësh si nga toka ashtu dhe nga deti me gomone. Në ndihmë të policisë janë dhe punonjës së Zonave te mbrojtura të cilët njohin shtigjet në pyll.

LEXO EDHE:  Mashtruan me qëllim përfitimin/ 2 në pranga, një në kërkim

LEXO EDHE:  Përfituan 38 mijë euro me anë të mashtrimit/ Shkon në 10 numri i të arrestuarve në Tiranë

Po ashtu pritet të bëhet kontroll edhe me dron për të bërë te mundur gjetjen e tyre para se të errësohet./CNA.al

LEXO TE PLOTE

Lajme

Skandali i policisë me kompanitë celulare

Publikuar

-

Nga

Skandali i policisë me kompanitë celulare

Policia e Shtetit ka vendosur që të kalojë shërbimin e telefonisë për të gjithë policinë nga kompania Vodafone tek kompania One.

Bëhet fjalë për rreth 12 mijë abonime të policëve të cilët tani do të duhet të kalojnë nga Vodafone në One.

Që nga vitit 2007, Ministria e Brendëshme ka patur një kontratë kolektive me kompaninë Vodafone e cila u siguronte të gjithë punonjësve të strukturave të minsitrisë, përfshi gjithë policët e shtetit, tarifa më të ulëta se sa po ta merrnin shërbimin individualisht.

Kontrata e fundit përfundoi një muaj më parë. Ministria ndërkohë ka vendosur të mos bëjë më kontratë kolektive, por t’ja lërë çdo institucioni në dorë nëse duan të bëjnë një kontratë kolektive.

Si rezultat, Drejtoria e Përgjithshme e Policisë së Shtetit (DPPSH) ka vendosur të bëjë kontratë kolektive si institucion.

Një burim i Exit News në DPPSH informon se Policia e Shtetit ka vendosur të ndryshojë shërbimin nga operatori Vodafone në operatorin One, duke iu kërkuar rreth 12 mijë punonjësve të saj të ndryshojnë operatorin.

Exit News i ka kërkuar DPPSH-së ta konfirmojë këtë informacion por nuk ka marrë përgjigje.

Duke lënë mënjanë konsideratat tregtare të këtij veprimi, ky kontraktim risjell në vëmendje një shqetësim që lidhet me pronësinë e kompanisë One.

LEXO EDHE:  Përfituan 38 mijë euro me anë të mashtrimit/ Shkon në 10 numri i të arrestuarve në Tiranë

LEXO EDHE:  Suedia dhe Danimarka planifikojnë "pasaporta vaksinimi" ndaj koronavirusit

Sikurse Exit News ka raportuar dy vjet më parë pronari kryesor i One është bullgari Spas Roussev, i cili dyshohet për lidhje me mafian bullgare, rrjete të tjera kriminale dhe i dyshuar kryesor për manipulimin e një ankandi në Mbretërinë e Bashkuar.

Edhe pse këto dyshime nuk janë të provuara, kalimi i telefonisë dhe komunikimeve të Policisë së Shtetit, përfshi aksesin në bazat e të dhënave kriminale tek One, duhet të ngrejë shqetësime serioze.

Për më shumë se 14 vjet, Policia e Shtetit ka marrë një shërbim të sigurt, pa rrjedhje dhe probleme sigurie, por tashmë po zgjedh që të hyjë në një marrëdhënie të pasigurt, me një operator mbi të cilin ka hije dyshimi.

Mbi të gjitha, kontrata kolektive nuk është prokurim publik—telefonat e punonjësve të policisë nuk paguhen nga buxheti publik por nga vetë punonjësit e policisë. Për këtë arsye konsideratat e besueshmërisë dhe sigurisë së shërbimit duhet të jenë konsideratat kryesore të Policisë së sShtetit.

Të rrezikosh besueshmërinë dhe sigurinë e një shërbimi të tillë, mund t’u shërbejë interesave private dhe jo publike./exitnews

LEXO TE PLOTE