Connect with Us

Rihapja e rrugëve/ “Fluturojnë” çmimet e biletave, sa kushton çdo destinacion

Aktualitet

Rihapja e rrugëve/ “Fluturojnë” çmimet e biletave, sa kushton çdo destinacion

Publikuar

-

Mjafton pasaporta dhe maska/ Një tjetër shtet heq kufizimet me Shqipërinë

Pak përpara mbylljes së kufijve ajrorë nga pandemia në mars të vitit të kaluar, çmimet e biletave nga Rinasi kishin shënuar rënie të ndjeshme për shkak të rritjes së konkurrencës.

Drejt Italisë, apo Vjenës biletat u ulën edhe në 15-20 euro për një drejtim, nga operatorët me kosto të ulët si Wizz Air dhe Easyjet. Hyrja e tyre detyroi dhe kompanitë e tjera të ofronin bileta më të lira.

Kufizimet e pandemisë e ndryshuan tërësisht tregun ajror në gjithë botën dhe në Shqipëri. Pesha e Italisë ra dhe gradualisht u zgjeruan destinacione të reja.

Ditën e djeshme, pas 16 muaj kufizimesh, Qeveritë e Bashkimit Europian ranë dakord të shtojnë në listën ku lejohen udhëtimet jo-thelbësore tetë vende e territore, ku mes tyre është edhe Shqipëria. Vendet në mënyrë individuale mund të zgjedhin të kërkojnë një test negativ të Covid-19 ose një periudhë karantine, ose nëse do të njohin vaksinat kineze e ruse, krahas atyre të miratuara nga Agjencia Europiane e Barnave (Pfizer, Moderna, Astra Zeneka, Johnson&Johson).

Por, tashmë që rrugët po hapen, biletat nuk janë më aq të lira sa më parë, sidomos në muajt që nuk është kulmi i sezonit. Bileta me çmim 15-20 euro vështirë se gjen më. Monitor ka bërë një vëzhgim në faqet e kompanive të fluturimeve që ofrojnë fluturime direkte, për vajtje rreth datës 2 gusht dhe kthim rreth datës 6 dhe në shtator (sezon i ulët) për çmimet e biletave vajtje-ardhje në 20-24 shtator.

Në gusht, për shkak të kërkesës së lartë, çmimet janë më shtrenjtat e gjithë vitit.

Me Wizz Air, në Milano Malpensa, për datat 2 dhe 6 gusht, bileta vajtje ardhje kushton 210 euro. Biletat për këtë destinacion janë më të lira në 20-24 shtator, me 65 euro.

Me Wizz Air, Roma destinacion i ri në aeroportin e Ciampinio, në datat 2 dhe 6 gusht bileta vajtje ardhje kushton 120 euro, në shtator 100 euro. Në qershor mund të gjeje bileta në këtë destinacion me 20 euro një drejtim.

Me Air Albania në të njëjtat data, fluturimi vajtje ardhje në Romë kushton 139 euro.

Londra vajtje- ardhje kushton 200 euro në gusht, me Wizz Air, ndërsa në shtator çmimet ulen në 125 euro. Me Albawings, Londra (Stansted) është e arritshme për 225 euro në gusht (datat 4 dhe 8).

Në Stokholm Skavsta, në datat 3 dhe 7 gusht bileta vajtje-ardhje kushton 200 euro, në shtator 160 euro, me Wizz Air.

Vjena dy herë në javë me Wizz, në gusht (2 dhe 6) kushton 135 euro, rreth të njëjtave nivele edhe në shtator, në tetor arrin 150 euro (para pandemisë Vjena zbriti në 20 euro një drejtim me Wizz Air)

Stambolli me Air Albania kushton 109 euro në gusht (dy drejtime), në shtator zbret në 96.5 euro.

Drejt qyteteve gjermane, biletat në gusht (vajtje-ardhje) kushtojnë mbi 200 euro, ndërsa në shtator ulen në rreth 150 euro.

Moska, destinacioni i ri, mbi 600 euro

LEXO EDHE:  Kukësi “tradhëton” Lulzim Bashën

Tirana International Airport njoftoi se nga data 20 Qershor 2021, fillojnë fluturimet direkte me Tiranën dhe Moskën një herë në javë me kompaninë ajrore Ural Airlines (çarter turistik). Biletat mund të blihen online dhe në faqen e internetit të Ural Airlines, por janë shumë të shtrenjta. Në 1 gusht nga Tirana në Moskë bileta vlen 297 euro (vetëm 5 vende ka me këtë çmim, më pas rritet në 333 euro.

Kthimi më i afër në datën 8 gusht kushton 337 euro (vetëm 7 vende me këtë çmim, më pas rritet në 373 euro).

Jashtë kontinentit, mbi 400 euro

Muajt e fundit janë shtuar destinacionet direkte jashtë kontinentit Europian. Në gusht, fluturimet vajtje-ardhje Rinas-Dubai kushtojnë 432 euro, me Fly Dubai. Çmimet janë në këto nivele të pandryshueshme gjatë gjithë vitit.

Për në Rihad të Arabisë Saudite, me Flynas, bileta vajtje-ardhje në gusht kushton mbi 600 euro. Fluturimet do të operojnë me kryeqytetin e Arabisë Saudite tre herë në javë, duke vendosur një Airbus A320.

Fluturimet nga Kukësi nuk janë aq të lira (ofertat promo janë shumë pak)

Nga 15 korriku u njoftua se do të nisin fluturimet nga Aeroporti më i ri, ai i Kukësit. Fillimisht do të ketë dy destinacione, Stambolli dhe Zyrihu, një herë në javë.

Nëse do të fluturosh nga Kukësi drejt Zyrihut në gusht nuk është aq lirë. Për vajtje në datën 5, bileta kushton minimalisht 17,040 lekë, pasi opsioni ekonomi promo është shitur. Data e parë më e mundshme e kthimit është 12 gusht, me ekonomi promo që kushton 6,456 lekë. Në total, bileta vajtje-ardhje kushton 23,496 lekë, ose rreth 190 euro.

Më i lirë është Zyrihu në shtator, me vajtje 1,588 lekë, në 20 shtator dhe kthimi më i hershëm i mundshëm është në 30 shtator me 3,704 lekë. Bileta në total shkon rreth 5,300 lekë, ose 42 euro.

Nga Kukësi në Stamboll në 5 gusht vajtja është 6,604 lekë dhe kthimi në datën më të afër është në 12 gusht me 2,985 lekë. Bileta kushton në total 9,589 lekë ose 77 euro (pa llogaritur taksën e rrugës së Kombit dhe kostot e karburantit deri në Kukës).

Në shtator, bileta nga Kukësi në Stamboll është shumë më e lirë, me 1,588 lekë vajtje në datën 23 shtator (por vetëm një vend ka me këtë çmim promo, më pas rritet në 11,939 lekë) dhe kthimi më i hershëm në 30 shtator, me 2,985 lekë (por vetëm një vend është me këtë çmim) dhe më pas kthimi është 13,335 lekë. Në total bileta vajtje-ardhje , nëse e kap kthimin me promo (për të cilin është vetëm një vend i disponueshëm) është 37 euro dhe pas përfundimit të tyre rritet ndjeshëm në 204 euro./Monitor

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kronika

Anëtar i bandës së Cërrikut që vranë gardistët në 1997/ Esktradohet nga Greqia Bashkim Buzani

Publikuar

-

Nga

Nga Zyra Qendrore Interpol Tirana është  krye ekstradimi nga Greqia drejt vendit tonë, i shtetasit shqiptar Bashkim Buzani, 50 vjeç.

Ky shtetas ishte shpallur në kërkim ndërkombëtar në bazë të vendimit të vitit 2005, të Gjykatës së Rrethit Gjyqësor Elbasan, e cila e ka dënuar me 20 vjet burg, për veprat penale “Organizatë kriminale” në formën e pjesëmarrjes në organizatë kriminale, “Vjedhja me armë” dhe “Vjedhja” kryer në bashkëpunim.

Ky shtetas, më datë 04.04.2005, është arrestuar në Greqi, për llogari të autoriteteve greke, për veprën penale “Trafikimi i lëndëve narkotike” dhe Gjykatë a Apelit Selanik, me vendimin e datës 12.10.2005, e ka dënuar me 16 vjet burg.

Pas kryerje së dënimit për llogari të autoriteteve të drejtësisë greke u bë ekstradimi i tij drejt vendit tonë.

LEXO EDHE:  Deputeti i përvishet Ramës/ Mbaje gojën kur flet për Kukësin

LEXO EDHE:  Deputeti i përvishet Ramës/ Mbaje gojën kur flet për Kukësin

 Rrethanat e ngjarjes

Sipas Policisë, në trazirat e marsit të vitit 1997, Bashkim Buzani ka qenë anëtar i një bande të armatosur.

Fillimisht ky grup u krijua nga një grup i armatosur personash në lagjen nr.3 në Cërrik, me qëllim mbrojtjen e tyre nga një bandë tjetër.

Më pas, me kalimin e kohës, duke marrë tiparet e një grupi të strukturuar kriminal prej shumë vitesh, anëtarët e grupit kryenin vepra të ndryshme si vrasje dhe grabitje me armë.

Ky grup grabiste dhunshëm furgonat me refugjatë që vinin nga Kapshtica, duke zbritur në tokë refugjatët, të cilët i rrihnin dhe i poshtëronin.

Gjithashtu, shtetasi Bashkim Buzani, në bashkëpunim me anëtarë të tjerë të grupit, ka grabitur disa banesa dhe lokale të ndryshme./CNA.al

LEXO TE PLOTE

Politikë

ILD kërkon masë displinore ndaj gjyqtarit Hektor Sinanaj/ KLGJ  vihet në lëvizje

Publikuar

-

Nga

Arrestimi i gjyqtares Enkelejda Hoxha/ Reagon KLGJ

Këshilli i Lartë Gjyqësor vendosi të mërkurën të pranojë kërkesën e Inspektoriatit të Lartë të Drejtësisë për shqyrtimin në seancë dëgjimore të kërkesës për vendosjen e një mase disiplinore ndaj gjyqtarit të Gjykatës së Rrethit Gjyqësor Vlorë, Hektor Sinanaj.

Sipas ILD-së në vitin 2017 dhe 2018, ndaj magjistratit janë bërë dy ankesa – nga institucioni financiar NOA sha dhe Bannka Kombëtare Tregare, për refuzimin e urdhërave të ekzekutimit të kredive në kundërshtim me ligjin.

Kërkesa e ILD-së për fillimin e procedimit disiplinor është depozituar në KLGJ me 30 korrik. Sipas ILD-së nga hetimi janë indetifikuar 7 raste kur gjyqtari nuk ka lëshuar urdhëra ekzekutimi në favor të insitucionit financiar NOA dhe në 2 raste ndaj BKT-së.

Gjyqtari Hektori Sinanj ka në karrierë 20 vjeçare në Gjykatën e Rrethit Gjyqësor Vlorë ku është emëruar në vitin 2000.

Në relacionin e paraqitur përpara KLGJ, ILD thekson së gjyqtari Hektor Sinanaj ka shqyrtuar 7 kërkesa për urdhër ekzekutimi nga shoqëria financiare NOA Sha, të cilat i ka refuzuar me argumentin se kontrata e kredimarrjes nuk është firmosur përpara noterit dhe nuk përbën titull ekezkutiv. Tre nga kërkesat janë apeluar në Gjykatën e Apelit Vlorës, e cila e ka përmbysur vendimmarjen e magjistratit Sinanaj.

LEXO EDHE:  Kush po gënjen me tenderin e policisë?/ Gazetari publikon faktet, janë të gjitha ‘fake’

Sipas Reportere.al, i njëjti gjyqtar ka shqyrtuar tre kërkesa për urdhër ekzekutimi nga Banka Kombëtare Tregtare, duke refuzuar dy prej tyre me arsyetimin së nuk përbëjnë titull ekzekutiv. Të dy vendimet janë apeluar dhe janë përmbysuar nga Gjykata e Apelit Vlorë.

LEXO EDHE:  Kush po gënjen me tenderin e policisë?/ Gazetari publikon faktet, janë të gjitha ‘fake’

Sipas ILD-së vendimet e Sinanajt se kontratat e kredisë nuk përbëjnë titull ekzekutiv janë hedhur poshtë në të gjitha rastet nga Gjykata e Apelit Vlorë, nga dy trupa të ndryshme gjyqësore, çfarë sipas Inspektoriatit tregon se interpretimi i ligjit nga ana e tij ka qenë i gabuar.

Pavarësisht se Inspektoriati ka indetifikuar 12 raste me shkelje të dyshuara procedurale nga magjistrati, ILD ka kërkuar vetëm vlerësimin e 5 prej tyre në procedim, për shkak se për të tjerat ka kaluar afati 5-vjeçar i parashkrimit.

Unanimisht KLGJ vendosi që seanca dëgjimore për shqyrtimin e procedimit penal ndaj gjyqtarit Hektor Sinanaj të mbahet me 16 shtator në orën 13:00./CNA.al

LEXO TE PLOTE

Ekonomi

Euro nuk e ndal rënien/ Zbret në nivelin më të ulët nga shtatori 2019

Publikuar

-

Nga

Monedha e përbashkët nuk po e ndal rënien në tregun vendas, e ndikuar nga efektet sezonale që ushtrojnë presion për nënçmimin e saj gjithnjë në gjysmën e parë të muajit gusht.

Sipas kursit zyrtar të Bankës së Shqipërisë, një euro u këmbye sot me 121.47 lekë, duke rënë me 0.03 lekë në raport me ditën e mëparshme. Që nga fillimi i javës, monedha e përbashkët është nënçmuar me gati 0.2 lekë.

Ky është niveli më i ulët që nga shtatori 2019, kur euro këmbehej me 121.44 lekë. Në verë të 2019-s, euro zbriti nën 121 lekë për herë të parë në 11 vite.

Arsyet e rënies se monedhës së përbashkët krahas efekteve sezonale si rrjedhojë e prurjeve të turistëve dhe emigrantëve, sipas aktorëve të tregut lidhen edhe me flukset e larta të valutës informale që hyjnë në vend. Në kahun tjetër kërkesa për valutë dhe tërheqja e saj nga bizneset mbetet në nivele shumë të ulëta.

LEXO EDHE:  Paralajmërimi i fortë i Spartak Brahos/ Do “priten” koka për grabitjen në Rinas?

Edhe në bursat ndërkombëtare euro ka qenë e dobët. Ditën e sotme një euro u këmbye me 1.185 dollarë niveli më i ulët në gati dy muaj, si rrjedhojë e pasigurive që qëndrojnë në ekonomi nga një valë e re e infeksioneve.

LEXO EDHE:  DW: Kompania kineze nuk pranon akuzat e qeverisë shqiptare

Edhe në tregun e brendshëm dollari ishte me rritje sot, duke u këmbyer me 102.45 lekë, ose 0.21 lekë më shumë se një ditë më parë.

Euro është këmbyer mesatarisht me 122.8 lekë, për periudhën janar- 4 gusht, nga 123.7 lekë në të njëjtën periudhë të një viti më parë dhe 123.5 lekë në janar-gusht 2019./Monitor

LEXO TE PLOTE