Connect with Us

Çudia në Gjirokastër/ Prokuroria e nxjerr miliarderin të varfër!

Denoncim

Çudia në Gjirokastër/ Prokuroria e nxjerr miliarderin të varfër!

Publikuar

-

Fiks Fare/ Çudia në Gjirokastër, prokuroria e nxjerr miliarderin të varfër!

Një 80 vjeçar po endet prej më shumë se 20 vitesh në dyert e institucioneve të drejtësisë, për të marrë dëmshpërblimin prej 6 milionë lekë të vjetra që i kanë caktuar vetë këto organe. Nelo Hatika denoncoi në emisionin investigativ se ka fituar disa vendime gjyqësore, të cilat detyrojnë një pronar të një fasonerie ti japë këtë shumë. Por, ai ka refuzuar disa herë, ndërsa ankuesi ka bërë denoncim edhe në prokurori për mashtrim dhe fshehje të ardhurash. Por, nga hetimet e prokurorisë ka rezultuar se ky person “nuk ka prona dhe llogari bankare”.

Gjykata ka urdhëruar dy herë që Kostandin Çaro, pronar i një fasonerie, të hetohet. Por, po dy herë prokuroria këmbëngul që “s’ka pasuri”. Aktualisht, dosja po hetohet për herë të tretë. Por, paradoksi qëndron se hetimet po ndiqen nga i njëjti prokuror, Julian Çafka, që është edhe drejtues i Prokurorisë së Gjirokastrës. Në një ballafaqim me denoncuesin, prokurori nuk jep dorëheqje, teksa thekson se “kemi mendime të ndryshme”. Ai i kërkon qytetarit që të marrë edhe këtë vendim (pushimi) dhe nëse ia kthen për herë të tretë gjykata do të japë dorëheqje!

Në redaksinë e emisionit investigativ u ankua i moshuari Nelo Hatika. Ai thotë se përfaqëson bashkëshorten e tij, e cila ka dalë në pension në vitet 2000, teksa vitet e fundit kishte punuar në shoqëritë në pronësi të Kostandin Çaros. “Nuk derdhi kontributet e pagës reale. Kemi bërë gjyq pas gjyqi, ku z.Çaro na detyrohet për të paguar edhe dëmshpërblimin. Por, ai nuk i paguan. Bëhet fjalë vetëm për 5 a 6 milionë lekë të vjetra. Për mospagimin e kësaj shume përmbarimi i vendos gjobë. Ai këtë gjobë e paguan, por sërish nuk na jep dëmshpërblimin tonë. Vendimet janë të formës së prerë, por këtij nuk i gjejnë pasuri” thotë z.Hatika. Sipas tij, z.Çaro ka blerë në vitin 2004 godinën e ish-Kombinatit të Tekstileve në Gjiroastër për 250 milionë lekë. “Ja tek e ka pasurinë. Madje, atje ka edhe një fasoneri ku vazhdon aktivitetin. Këta e nxjerrin miliarderin të varfër dhe unë s’marr dot atë shpërblim. Kam 20 vjet më këtë punë, por këta po presin sa të vdesim ne” thotë i moshuari. Më tej pohon se e ka denoncuar z.Çaro në prokurori për disa vepra penale. “Ka mashtruar dhe fshehur të ardhurat. Pasuritë i ka kaluar sa në një firmë në tjetër. Kjo e faktuar. Por, këta të prokurorisë e pushojnë se ‘është i varfër’. E kanë pushuar dy herë dhe po dy herë gjykata ka urdhëruar që të rihetohet. Është për herë të tretë në prokurori. Dhe po herën e tretë po hetohet nga z.Julian Çafka. Ky s’jep dorëheqje” thotë qytetari.

Në vendimin e fundit, Gjykata e Gjirokastrës urdhëron se Çaro duhet të rihetohet. Por, sërish ia dha në dorë prokurorit Çafka. Në vendimin e zbardhur, gjyqtari shkruan se “pretendimet e kallëzuesit duhen vlerësuar në funksion edhe të ekzistencës së veprave të tjera penale”. Më tej, thotë se “nëse rezulton se ka dhënë deklarime të pavërteta, duhet të vendoset në përgjegjësi penale”. Z.Nelo Hatika pyeti në prokurori dhe mësoi se çështja po hetohet sërish nga prokurori Çafka. Ndërsa, për tu interesuar duhet të bënte një kërkesë zyrtare. Por, pas një insistimi të gjatë, 80 vjeçari e takoi prokurorin. Ky i fundit i tha se, kanë mendime të ndryshme për çështjen. “Kemi mendime të ndryshme. Nuk pajtohemi. Do të bëj disa veprime dhe, nëse ma kthen sërish gjykata, do të jap dorëheqje” thotë prokurori. Por, i moshuari i kërkon që të largohet, pasi dy herë gjykata i ka thënë që të hetojë dhe të marrë të pandehur z.Kostandin Çaro. “Unë mbaj një qendrim X, nëse gjykata nesër ma kthen prapë, atëherë ko tregon që unë me gjykatën jemi në mendime të ndryshme dhe për të mos zvarritur më kthime dhe moskthime, atëherë unë do heq dorë nga çështja sepse ndoshta e kam unë gabim! Pra, kështu do ta lë, do ti bëj edhe këto veprime dhe ti do ta kundërshtosh prapë (do ta mbyllë për herë të 3-të!!!!) dhe atëherë do të duket ke të drejtë ti apo unë. Pse, sepse ti po më paragjykon zgjidhjen time, pse mos të paragjykoj unë interesin tënd apo jo” i thotë prokurori.

Pas kësaj përgjigje, gazetarët e Fiks Fare shkuan në Prokurorinë e Gjirokastrës dhe u interesuan, por prokurori nuk pranoi të jepte informacion, pasi “kishte dalë”. Edhe pas kërkesës për informacion, prokuroria nuk ka kthyer ende një përgjigje. Por, a ka pasuri apo biznes z.Kostandin Çaro? Denoncuesi thotë ka një fasoneri në Gjirokastër, madje ka godinën e ish-kombinatit në pronësi. Gazetarët e Fiks Fare shkuan në ambientet e Kombinatit. Z.Çaro pranoi se fasoneria është në pronësi të tij, madje ka edhe mijëra metra katrorë që i jep me qira. Një qiraxhi u tha gazetarëve të Fiksit se e ka marrë nga Çaro me 50 mijë lekë në amuaj një ambient. “Ky është ambienti që kam unë. Këtë unë minimumi e kam 45 në muaj. 45 mijë lekë të reja” i thotë z.Çaro gazetarëve, duke faktuar pretendimet e z.Hatika. Por, për Prokurorinë e Gjirokastrës dhe drejtuesin e saj, Julian Çafka, që e ka zyrën vetëm pak metra larg këtij Kombinati, z.Çaro është i varfër!

***

BALLAFAQIMI I 80 VJEÇARIT ME PROKURORIN JULIAN ÇAFKA

Denoncuesi – Është shefi brenda?

Punonjësi i prokurorisë – Cili shef?

Denoncuesi – Z. Julian.

Punonjësi i prokurorisë – Po.

Denoncuesi – Ka mundësi ti thuash pak do të të takoj çik.

Punonjësi i prokurorisë – Nuk presin fare, s’presin se dje u bë një sherr. S’presin, fare, fare, fare. Vetëm të bësh kërkesë për shefin.

Denoncuesi – Ka mundësi të pyes cili e ka çështjen tonë në sekretari. Z.Çafka apo e ka marrë dikush tjetër?

Punonjësi i prokurorisë – Juli e ka, po patjetër se nuk lëviz. Një njeri e ka.

 

Pas disa orësh…

 

Denoncuesi – Z.Prokuror përshëndetje.

Prokurori Julian Çafka – Si kalove?

Denoncuesi – Si jeni! Çu bë me atë procesin hetimor.

Prokurori Julian Çafka – Arjanit ia kam lënë, do të bëj një analizë të hënën, ma kujto një çik.

Denoncuesi – Tani z.prokuror, ju keni dhënë 2 vendime që u janë prishur në gjykatë.

Prokurori Julian Çafka – Të lutem shumë, unë mbaj qendrimin që mendoj, ti ke të drejtë…

LEXO EDHE:  Video/ 9 burra shkatërrojnë shtëpinë e një familjeje

Denoncuesi – Pse nuk dhe dorëheqje.

Prokurori Julian Çafka – Do të jap dorëheqje, ta jap.

Denoncuesi – Ta japësh dorëheqjen zotëri.

Prokurori Julian Çafka – Ore unë kam një mendim X, shumë e drejtë për çështjen dhe ti ke të drejtë në aspektin tënd. Ta bëjmë kështu, meqë më ka dhënë detyra gjykata. Ti bëj dhe ato të mbaj qendrimin dhe në rast se gjykata ma kthen prapë do jap dorëheqjen. Je dakort?

Denoncuesi – Jo zotëri, unë kërkoj që të japësh dorëheqjen, unë këtë kërkoj, sepse…

Prokurori Julian Çafka – Edhe diçka Nelo do ma bësh me shkrim këtë gjë.

Denoncuesi – Duhet ta kishe bërë! Më pyete zotëri herën e parë që dha një vendim mosfillimi.

Prokurori Julian Çafka – Po.

Denoncuesi – Më the zotëri, je dakort që ta bëj unë apo ta vazhdoj dikush tjetër.

Prokurori Julian Çafka – Atëherë, unë ndaj mendim tjetër për çështjen, nuk nisem për asgjë. Thjesht kam mendim tjetër. Mendimi im ty me të drejtë thua…

Denoncuesi – Sepse juve me një fjalë, ai zotëria z.gjykatës tha ‘sot Kostandin Çaro duhet të qe në burg’. Jo të pushoheshin hetimet.

Prokurori Julian Çafka – Lërë ça thotë ai! Unë kam mendimin tim, unë kam mendimin tim megjithëse gjykata e ka kthyer dy herë. Tani, unë kam mendim tjetër për çështjen zotëri, deri tani me provat që janë, megjithëse thua ti jep dorëheqjen…

Denoncuesi – Meqë prite të vdesim ne, apo të dalë ndonjë amnisti, të mbyllet kjo punë.

Prokurori Julian Çafka – E ke shumë gabim.

Denoncuesi – Po na plas shpirti o zotëri.

Prokurori Julian Çafka – Ça të them unë, ça faj kam unë.

Denoncuesi – Ja kjo është, kërkojmë drejtësi. Kërkojmë drejtësi, jemi viktimë e atij krimi.

Prokurori Julian Çafka – Të lutem shumë, duhet të dish edhe një gjë. Mua më ka lënë gjykata ca detyra, unë do ti bëj ato detyrat e gjykatës. Dhe unë nuk po heq dorë për një arsye, se ti zotëri paragjykon vendimin tim.

Denoncuesi – Nuk po paragjykoj qëndrimin tuaj.

Prokurori Julian Çafka – Unë po heq dorë…

Denoncuesi – Dy vendime të prishura nga gjykata…

Prokurori Julian Çafka – Më dëgjo pak, më dëgjo pak, më dëgjo…

Denoncuesi – Po.

Prokurori Julian Çafka – Unë mbaj një qëndrim X, nëse gjykata nesër ma kthen prapë, atëherë ko tregon që unë me gjykatën jemi në mendime të ndryshme dhe për të mos zvarritur më kthime dhe moskthime, atëherë unë do heq dorë nga çështja sepse ndoshta e kam unë gabim! Pra, kështu do ta lë, do ti bëj edhe këto veprime dhe ti do ta kundërshtosh prapë (do ta mbyllë për herë të 3-të!!!!) dhe atëherë do të duket ke të drejtë ti apo unë. Pse, sepse ti po më paragjykon zgjidhjen time, pse mos të paragjykoj unë interesin tënd apo jo.

Denoncuesi – Sepse është Zoti gjyqtar që u shpreh se me këto fakte, ky do të qe në burg.

Prokurori Julian Çafka – Po të më thoshte ai mua detyrimin e formulimit të akuzës, ose të më thotë detyrimin e regjistrimit të emrit të personit, atëherë unë do të veproja dhe do ta çoja në gjyq, po të më detyrojë ai.

Denoncuesi – Kështu o të vdesim, o të…

Prokurori Julian Çafka – Të lutem shumë, do më kujtosh një çikë. Unë të hënën do të bëj një analizë me oficerin, ku është dosja çfarë veprimesh do të kryhen, ça disponimi do bëj. Në rregull? Me ty nuk kam gjë fare, je qytetar i respektuar.

Denoncuesi – Unë dua të jem në rregull.

Prokurori Julian Çafka – Shumë në rregull jemi unë dhe ti.

Denoncuesi – Gjithë të mirat.

Prokurori Julian Çafka – Mirupafshim.

NË “KOMBINATIN” NË PRONËSI TË Z.KOSTANDIN ÇAROS

Fiksi – Më thanë një fabrikë që ka një të prodhimit të këtyre, rrobaqepsi.

Qiraxhiu i Kostandin Çaros – Si e ka emrin?

Fiksi – Kostancin Çaro.

Qiraxhiu i Kostandin Çaros – Ja këtu është.

Fiksi – Kostandini është aty pronar?

Qiraxhiu i Kostandin Çaros – Po.

Fiksi – Kostandin Çaro?

Qiraxhiu i Kostandin Çaros – Po, lart është në kat të dytë, këtë e kam unë këtu (me qira), andej ka vendosur ca gjëra, një objekt të vogël, ka vendosur disa makina të vjetra.

Fiksi – Ke dhe ti pjesë këtu?

Qiraxhiu i Kostandin Çaros – Jo këtu jemi futur te firma e atij…

Fiksi – E sa ka vajtur si (qira), sa e paguan?

Qiraxhiu i Kostandin Çaros – Unë?

Fiksi – Po.

Qiraxhiu i Kostandin Çaros – Unë e kam 500 (mijë lekë në muaj).

Vjen pronari Kostandin Çaro

Fiksi – Më thanë ke fasonerinë këtu?

Kostandin Çaro – Po.

Fiksi – Më thanë, meqë ke fasonerinë, ke… (ambient me qira).

Kostandin Çaro – Sa metra do?

Fiksi – Mbi 500 metra katrorë.

Kostandin Çaro – Ajo (ambienti) është 240 metra katrorë.

Fiksi – Këtë që ke tëndën?

Kostandin Çaro – Jo, magazina bosh.

Fiksi – Është e vogël në fakt, 240 metra katrorë…

Na tregon ambientin që do të japë me qira…

Kostandin Çaro – Këtu maksimumi mund të punojnë mbi 70 veta, 60 veta.

Fiksi – E di. Se me këto pagesa i ke paguajt…

Kostandin Çaro – Se di!

Fiksi – Sa marrin këtu (punëtorët) si pagesë?

Kostandin Çaro – Se di, varet…

Fiksi – Se po flas hapur, se ti ke rrobaqepsi. Unë po erdha këtu, unë punëtorët tuaj, bëj kontratë që punëtorët e tu s’do i marr. Harroje këtë, unë e kam aq… Punëtorët tuaj s’i prek, s’bëhet fjalë, me dit se ngordh. Kështu që mos e ki merak se përzihem në atë punë, jam i prerë në ato gjëra..

Kostandin Çaro – Ky është ambienti që kam unë.

Fiksi – Atëherë, sa është (pagesa) ky të bisedoj me atë unë!

Kostandin Çaro – Këtë unë minimumi e kam 45 në muaj. 45 mijë lekë të reja.

Fiksi – Në muaj?

Kostandin Çaro – Në muaj patjetër.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Hedh në gjyq ujësjellësin për 70 mijë lekë, shpenzon 300 mijë për gjyqin/ Fiksi vë institucionin në lëvizje

Publikuar

-

Nga

Hedh në gjyq ujësjellësin për 70 mijë lekë, shpenzon 300 mijë për gjyqin. Fiksi vë institucionin në lëvizje

Për 70 mijë lekë të vjetra mbifaturim, hedh në gjyq Ujësjellës Kanalizime, Vlorë. Shpenzon mbi 30 mijë lekë të reja për avokat e proces gjyqësor. Fiton gjyqin, por ende nuk ka marrë shpenzimet gjyqësore siç e përcakton vendimi. Fiksi vë në lëvizje institucionin i cili thotë se do ta zgjidhë sa më shpejt, pasi të bëjë verfikimet përkatëse.

Nuri Aliaj nga Bolena e Vlores, ankohet në Fiks Fare për një vendim të gjykatës së formës së prerë, te fituar ndaj UK Vlorë, përbifaturim. Sipas tij, mbifaturimi nuk ish hequr nga sistemi edhe pse vendimi ish i 2016, dhe shpenzimet gjyqesore nuk i ishin kthyer. Në shenjë proteste ai nuk kish paguar faturën mujore të ujit nga mesi i vitit 2018 e deri më sot. Për shkak të sorollatjes dhe mos marrjes së një përgjigje konkrete ai tha se u detyrua të ankohej ne Fiks Fare. “Më vjen turp që për një gjë kaq të vogël duhet të hapja gjyq, e akoma më shumë turp që duhët të thërras Fiksin për ta zgjidhur, -shtoi ai.

Fiksi vuri mënjëherë  në lëvizje institucionin e UK, Vlorë, juristi i së cilit tha që edhe pse është e mbartur si dosje, ata do ta verifikojnë, e nëse nuk është bërë do të bëhet shlyerja e detyrimit të shpënzimëve gjyqësore sa më shpejt. Për sa i takon vendimit të gjykatës, ai është zbatuar dhe muajt janë zeruar në sistem por zotëria duhet të nis të paguajë ujin nga 2011 e këtej. Ndaj vazhdon të dalë akoma me detyrime./tch

LEXO TE PLOTE

Denoncim

“Pazare mes ish-gruas së Ramës dhe KLGJ”/ Zbulohet skema mafioze?

Publikuar

-

Nga

Ish-kryeministri Sali Berisha ka reaguar në lidhje me marrëveshjen mes Institutit East-West dhe KLGJ, për menaxhimin e dosjeve gjyqësore, stoku i të cilave, sipas tij, për shkak të dështimit të reformes ne drejtesi ka arritur në mbi 100 000.

Në një postim në rrjetet sociale, Berisha shkruan se Instituti Esat-West që iu besua menaxhimi i 100 mijë dosjeve stok te gjykatave të vendit në Shqiperi drejtohet nga ish bashkëshortja e e kryeministrit Edi Rama, Delina Fico, e cila aktualisht është bashkëshortja e ministrit të brendshëm Bledi Çuçi.

Sipas Berishës, ky fakt ngre dyshime të forta për korrupsion dhe pazare mes drejtueses së KLGJ dhe Delina Ficos.

A po ndajne para Delina Fico me Llagamin e KLGJ?

Te dashur miq, disa dite me pare mediat njoftuan se midis Institutit East-West dhe KLGJ u arrit marreveshja per menaxhimin e dosjeve gjyqesore stoku i te cilave per shkak te deshtimit te reformes ne drejtesi ka arritur ne mbi 100 000.

Ne kete kontekst shtoj se shpreh mirenjohjen me te thelle per çdo dollar te takpaguesve amerikan qe vjen si ndihme per Shqiperine dhe qytetaret shqiptar.

Por pasi mesova nga burime serioze nga SHBA se Instituti Esat-Ëest qe iu besua menaxhimi i 100 mije dosjeve stok te gjykatave te vendit ne Shqiperi drejtohet nga ish bashkeshortja e Edvin Rames dhe aktualisht bashkeshortja e ministrit te brendshem Çuçi, e konsideroj kete marreveshje midis Llagamit dhe Ficos fort te dyshimte per korruptive dhe te papranueshme.

Une nuk mendoj se gruaja e ministrit te Brendshem eshte personi qe duhet ti besohet menaxhimi i dosjeve gjyqesore. Kete Llagami, e emeruar aty ne aplikim te standarteve te dyfishta e di shume mire. Por natyrisht asaj i intereson se me Zj Çuçi-Fico duket i ka me te lehta pazaret.”-shkruan Berisha.

LEXO EDHE:  Video/ 9 burra shkatërrojnë shtëpinë e një familjeje

LEXO EDHE:  Vajza blen 8 milionë lekë vdekjen e nënës/ SPAK vihet menjëherë në lëvizje

Më tej, ai thekson se duke emëruar në organet drejtuese familjarë dhe të afërm të ministrave të PS, “drejtësia shqiptare rilind e tëra si drejtësi e familjeve mafioze të narkoqeveritareve të sotëm.

Duke i dorezuar menaxhimin e dosjeve gjyqesore bashkshortes se ministrit Çuçi, Delina Ficos pas emerimit ne krye te organeve drejtuese te vellezerve, motrave, kuneterve te ministrave te PS si Pamela Ballukut ne KPK, vellait te ish ministres Gjermeni, Artur Metanit ne krye te ILD, kuntatit te Ish ministres Kodheli, Genti Ibrahimit ne krye te KLP, ish ministrit Panda ne Gjykaten e Larte dhe zyrtareve te tjere, drejtesia shqiptare rilind e tera si drejtesi e familjeve mafioze te narkoqeveritareve te sotem.”-përfundon postimin e tij Sali Berisha./CNA.al

LEXO TE PLOTE

Denoncim

Fallxhorja e Levanit të bën deputet me një nuskë!/ Marrëdhënien me vjehrrën e burrin ta bën ‘grurë’!

Publikuar

-

Nga

Fallxhorja e Levanit të bën deputet me një nuskë! Marrëdhënien me vjehrrën e burri ta bën ‘grurë’!

Në Fiks Farë mbërriti një denoncim për një fallxhore në Levan të Fierit e cila me anë të nuskave të kënduara të zgjidhte punë. Madje për ta bërë e dhe më të besueshme fuqinë e saj shkrinte plumbçe për të hequr të këqijat e të lidhte fatin.

Gazetarja e Fiksit u drejtua drejt Levanit të Fierit për të shkuar tek fallxhorja Vefi. Ajo hiqet sikur kandidon për deputete dhe kërkon të dijë nëse do të fitojë apo jo. Gjithashtu i shprehet Vefit se ka dhe probleme me burrin dhe vjehrrën.

Ajo i thotë Gazetares së Fiksit vetëm duke e parë që ka shumë sy dhe që përfolët shumë sidomos nga 3-4 persona. Më pas fallxhorja zotohet se i rregullon të gjitha si punën e deputetit ashtu edhe marrëdhëniet me burrin e vjehrrën. Vefi shkrin plumbçe që gazetarja të bëhet deputete dhe thotë ” Mos e përfol këtë deri sa të behët”, më pas me plumbçen e shkrirë ajo i pohon gazetares se do t’i japi edhe një nuskë të kënduar. Por këtë të fundit e bën vetëm vajza e saj dhe ndaj e telefonon dhe i thotë ta bëj gati.

Përsa i përket marrëdhënies vjehrre e burrë, fallxhorja e përgatit vetë nuskën dhe i thotë gazetares që ta vendosi burrit poshtë dyshekut. I jep edhe sheqer që vjehrra ta hajë e shkeli. Po ashtu që burrit t’i ecin punët ajo i jep sheqer të kënduar edhe për të shkrin plumbçe. Me të bërë gjërat ashtu siç ajo kërkon çdo gjë do rregullohet dhe gazetarja ta gëzojë vendin e deputetets në parlament.

Fallxhorja – Për vete do punohesh?
Fiksi – Për vete për burrin.
Fallxhorja –Ke marrë sheqer?
Fiksi – Jo nuk më tregoi të them të drejtën. Unë kam kandiduar për deputete
Fallxhorja – A të ectë mbarë!
Fiksi – Për Qarkun e Beratit. Jam në vendin e shtatë dhe dua që të fitoj
Fallxhorja – Ishalla, ishalla, ishalla don Zoti! Ule kokën e bllokuar del.
Fiksi – E bllokuar dal?
Fallxhorja – Me kë parti je?
Fiksi – Unë jam me një parti të vogël?
Fallxhorja – Do me shkruash.
Fiksi – Urdhro?
Fallxhorja – Do më shkruash të punojmë hërë pas here?
Fiksi – Po. Po kam edhe me burrin, kam sepse nuk e kam në terezi merret me punë të pista dua që ta nxjerr nga…?
Fallxhorja – Ajo situatë?
Fiksi – Nga ajo situatë ?
Fallxhorja –Ke foto të ti?
Fiksi – Në telefon se kështu jo?
Fallxhorja – Epo në telefon në telefon, ma jep ta shikoj. Edhe sy ka shumë.

LEXO EDHE:  Aksidenti në Himarë/Prokuroria zbardh arrestimin e Flamur Kucit! Nën hetim edhe policë kufitarë

Fallxhorja flet në telefon me vajzën e vet se sipas saj dhe vajza shikonte dhe shkruante për të bërë mirë

LEXO EDHE:  Raste të reja me Covid-19 në Gjirokastër/ Infektohet një tjetër nxënëse

Fallxhorja – Punon më ata të sajët të vetët ( vajza)
Fiksi – Aa ka ata të vetët ?
Fallxhorja – Po.Nuk dua ta ngarkojë shumë se dhe e vogël është .
Fiksi – Çfarë moshe ka?
Fallxhorja – 27( vjeçe)
Fiksi – 27 . Për kë e hodhe?
Fallxhorja – Për punën tënde dhe burrin. Ai mban gjë me vete të ja japësh burrit?
Fiksi – Të ja jap ta mbajë me vete?
Fallxhorja – Lërja poshtë dyshekut.
Fallxhorja – Ishalla ta zëri. T’i bëjmë një letër S… ne dhe lerja nën jastëk.
Fallxhorja –Këtë do e mbash për vete për punën tënde dhe do më shkruash.
Fiksi – Po
Fallxhorja –Tani këte e ke për të gjitha gjërat edhe punimet këtu do i mbash me vete. Ky sheqeri do marësh dhe një çikë ujë. Ti sheqerin do e mbash, këtë e ke për ata, do të bëj një çikë që ta kesh vetëm për vetën tënde.
Fiksi – Ishalla!
Fallxhorja – Këtë e ke një çikë për vjerrën dhe për burrin, hidhju nja dy kokrra ta shkelin.
Fiksi – Ta shkeli vjehrra
Fallxhorja – Do hashë 2-3 ditë dhe tjetrën do ta hashë ditët e fundit pak nga pak?
Fiksi – Ok.

Fallxhorja – Janë dy që duan të dinë çdo gjë, mos u shpreh shumë, se të bllokojnë. Po kështu të merren mend ty?
Fiksi – Po shpesh. Ma trego pak se jam kurjoze ta di atë të plumbçes ,si e shkrinë ka problem?
Fallxhorja –Jo. Ja bëhet kështu. Shiko plumbi ështe për të gjitha gjërat për të hequr sikletin, sy
Fiksi – Po
Fallxhorja- Është për t’u djegur , rralle punoj me plumbçe sa të rri një orë me një njeri dhe të ashtu kështu që s’e bën njeri punën që bëj unë asnjeherë, shumë rrall po qe më shumë nga 2 herë 3 herë më shum jo
Fiksi – Po po
Fallxhorja – Të gjejmë rrugëzgjidhje ishalla me këtë./tch

LEXO TE PLOTE