Connect with Us

Klubi i Superiores bën gati goditjen e merkatos, gati firma me Bekim Balajn

Sport

Klubi i Superiores bën gati goditjen e merkatos, gati firma me Bekim Balajn

Publikuar

-

Sulmuesi i Kombëtares shqiptare, Bekim Balaj, është dëshira e madhe e Teutës. “Panorama Sport” zbulon ek- skluzivisht nga burime të sigurta se shkodrani është kontaktuar së fundmi nga trajneri Edi Martini.

Balaj është një futbollist i lirë në treg, pasi ka prishur kontratën me austriakët e Shturm Gracit. Mësohet se sulmuesit i është kërkuar që të vijë fillimisht për të ndihmuar Teutën në Ligën e Kampioneve, e më pas të diskutojnë për të ardhmen kur skuadra të përfundojë angazhimin në Europë. Aktivizimi në Champions do të ishte një reklamë e mirë edhe për vetë shkodranin, që prej disa javësh është pa ekip.

Gjithsesi, ende nuk mund të flitet për një akord, paçka se trajneri Martini po insiston për të bindur futbollistin që e ka afirmuar kur drejtonte Vllazninë një dekadë më parë. Ndërkohë, krahas një qendërsulmuesi, durrsakët janë futur fuqishëm në merkato për të afruar një fantazist. Pasi dështoi pista për huazimin e Sherif Kallakut nga Lokomotiva e Zagrebit, mësohet se durrsakët po shikojnë me interes mesfushorin që mbylli sezonin me Vllazninë, Demir Imeri.

Ky i fundit është lojtar i lirë, pasi i ka skaduar kontrata me shkodranët. Palët kanë biseduar së fundmi, por ende nuk mund të flitet për një akord. Megjithatë, kjo javë do të jetë vendimtare për merkato e Teutës, si për pistën e afrimit të Balajt, por gjithashtu edhe për Imerin.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Koreja e Jugut shkruan historinë në “Tokyo 2020”

Publikuar

-

Nga

Përfaqësuesja e Koresë së Jugut në shigjetari i ka sjellë medaljen e artë olimpike shtetit të saj në kuadër të Lojërave Olimpike “Tokyo 2020”.

Femrat e Koresë Jugore në shigjetari janë të vetmet në histori që i kanë fituar të gjitha medaljet e arta olimpike që nga viti 1988.

Sot, ato e fituan edhe një tjetër medalje të artë olimpike në shigjetari në kategorinë e femrave.

Ky është rekordi më i gjatë për fitimin e medaljes së artë olimpike në të gjitha kategoritë e sporteve të Lojërave Olimpike.

LEXO TE PLOTE

Premier Liga

Edhe Varane drejt largimit nga Reali, gati akordi me Manchester United

Publikuar

-

Nga

Raphael Varane duket se karrierën do ta vazhdoje në Angli. Sipas mediave franceze, Man Utd është shumë afër marrëveshjes me Real Madrid për Varanen.

Gjiganti anglez prej kohësh kishte arritur marrëveshje rreth kusheve personale me mbrojtësin, por tani duket se marrëveshja është arritur edhe me klubin spanjoll.

Raportohet se tashmë dy klubet janë duke finalizuar detajet e transferimit që pritet të kushtojë rreth 45/50 milionë euro.

Francezi pritet të nënshkruajë kontratë me pagë rreth 12 milionë euro në sezon. Thuhet se zyrtarizimi mund të ndodhe gjatë javës së ardhshme.

LEXO TE PLOTE

Sport

Maliqi godet në merkato, merr ish-sulmuesin e Skënderbeut

Publikuar

-

Nga

Pas ngjitjes në Kategorinë e Parë, Maliqi po mundohet të bëjë lëvizje të rëndësishme në këtë periudhë merkatoje, teksa dëshiron të bëjë sa më mirë në vitin e tij të parë mes profesionistëve.

Nën urdhrat e stafit teknik të klubit maliqar, që nga dita e nesërme do të vihet një lojtar i ri. Ish-sulmuesi i Skenderbeut, Paolo Ivani është futbollisti që do i bashkohet Maliqit për edicionin e ri, pasi ka gjetur akordin me klubin për të qenë pjesë e tij në këtë sezon.

Së fundmi, Ivani ka luajtur me Devollin, por tashmë do të jetë pjesë e maliqarëve, të cilët kanë si objektiv kryesor mbijetesën në Kategorinë e Parë. Drejtuesit kanë menduar të mos bëjnë shumë ndryshime, duke ruajtur thuajse të gjithë grupin që siguroi ngjitjen historike./CNA.al

LEXO TE PLOTE