Connect with Us

Izraeli, sulm ajror ndaj Gazës

Bota

Izraeli, sulm ajror ndaj Gazës

Publikuar

-

Izraeli, sulm ajror ndaj Gazës

Ushtria e Izraelit kreu sulme ajrore në Rripin e Gazës të mërkurën, pasi sipas tyre kjo ishte një përgjigje ndaj nisjes së balonave zjarrvënëse nga territori palestinez. Grupi militant, Hamas kishte kërcënuar më herët se do të reagonte ndaj një marshimi që nacionalistët izraelitë zhvilluan në Jeruzalemin lindor.

Sulmet ajrore në Rripin e Gazës nga Izraeli të mërkurën kishin si objektiv vendet ku strehoet grupi militant Hamas dhe ishin të parat pas një armëpushimi që solli fundin e 11 ditëve dhune mes dy palëve muajin e kaluar. Nga sulmet e fundit ajrore nuk ka raporte për viktima.

Sulmet erdhën disa orë pasi nacionalistët izraelitë të ekstremit të djathtë marshuan në Jeruzalemin Lindor të martën.

Ky ishte një zhvillim që ringjalli tensionet me palestinezët dhe paraqiti një sfidë të hershme për qeverinë e re të Izraelit.

Palestinezët e konsideruan si provokim marshimin, që kishte për synim të festonte pushtimin e Jeruzalemit lindor nga Izraeli në 1967. Hamasi u bëri thirrje palestinezëve që t’i bënin rezistencë paradës.

Një paradë e ngjashme ndihmoi në fillimin e luftës 11-ditore mes Izraelit dhe Hamasit në Gazë, muajin e kaluar.

Ne kemi ardhur këtu për të mbrojtur tokën tonë dhe për t’i treguar atyre se kjo tokë është e jona dhe ata nuk do ta marrin atë, pavarësisht se çfarë ndodh”, thotë një protestuese palestineze.

LEXO EDHE:  Tensione në Kuvend/ Ralf Gjoni nxehet me Braçen, Garda i del përpara

Parada paraqiti një sfidë të hershme për kryeministrin e ri të Izraelit, Naftali Bennett, një nacionalist i vijës së ashpër, i cili ka premtuar një qasje pragmatike ndërsa drejton një qeveri jo shumë të konsoliduar me një përbërje të larmishme të koalicionit.

Pasi pushtoi Jeruzalemin lindor në 1967, Izraeli e aneksoi atë, një veprim që nuk u njoh nga shumica e bashkësisë ndërkombëtare.

Izraeli e konsideron të gjithë Jeruzalemin si kryeqytet të tij, ndërsa palestinezët duan që Jeruzalemi lindor të jetë kryeqyteti i shtetit të tyre të ardhshëm.

Pretendimet mbi Jeruzalemin lindor, ku ndodhet një numër objektesh të shenjta për hebrenjtë, të krishterët dhe myslimanët, janë në zemër të konfliktit dhe kanë shkaktuar valë të shumta dhune./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Pesë të zhdukur pas një shpërthimi në një kompleks të industrisë kimike në Gjermani

Publikuar

-

Nga

Pesë persona llogariten të zhdukur dhe disa të tjerë mbetën të plagosur pasi që një shpërthim tronditi një park industrial në qytetin perëndimor gjerman të Leverkusenit të martën, duke ngritur shtëllunga tymi.

Zyra Federale e Gjermanisë për Mbrojtjen Civile dhe Ndihmë gjatë Katastrofave e cilësoi shpërthimin si “një kërcënim të skajshëm” dhe u kërkoi banorëve të qëndrojnë brenda si dhe të mbajnë dritaret dhe dyert të mbyllura, njoftoi agjencia gjermane e lajmeve dpa.

LEXO EDHE:  Armëpushimi në Gaza/ Denoncimi i palestinezëve: Izraeli vazhdon të na qëllojë

LEXO EDHE:  Armëpushimi në Gaza/ Denoncimi i palestinezëve: Izraeli vazhdon të na qëllojë

Operatorët e kompleksit Chempark në Leverkusen, rreth 20 kilometra në veri të Këlnit, thanë se shkaku i shpërthimit është ende i paqartë. Ata thanë se zjarrfikësit dhe automjetet për zbulimin e shkallës së ndotjes u dërguan në zonë.

Policia mbyllu disa nga rrugët kryesore dhe autostradat në në afërsi.

Më shumë se 30 kompani operojnë në Chempark në Leverkusen, duke përfshirë komanitë Covestro, Bayer, Lanxess dhe Arlanxeo./ VOA

LEXO TE PLOTE

Bota

“Nuk do të luaj lojërat idiote të demokratëve”/ Pastori kërcënon vizitorët se do t’i dëbojë nëse hyjnë në kishë me maskë

Publikuar

-

Nga

Një pastor në Tenese është i lodhur nga vënia e maskës me detyrim dhe ka kërcënuar predikuesit se nëse vendosin maskat brenda në kishë do t’i dëbojë.

Pastor Greg Locke, nga Neshville, e bëri këtë deklaratë në meshën e të dielës duke thënë se njerëzit që shkojnë brenda në kishë me maskë do t’iu kërkojë të largohen.

Gjatë deklaratës ai u shpreh se nuk do të luajë lojën e demokratëve në kishë. Ai u shpreh se ishte i lodhur duke folur për kufizimet e Covid-19 apo për rritjen e rasteve me variantin Delta.

LEXO EDHE:  Rritja e numrit të rasteve të reja me Covid/ Izraeli sërish në izolim

“Unë nuk do të luaj këto lojëra idiote”, tha Locke, “Një bandë pastorësh që flasin gjithë kohës se duan t’i shohin njerëzit të shërohen dhe kanë frikë t’i pagëzojnë për shkak të një varianti Delta, më kanë ardhur në majë të hundës këto”, ka thënë pastori.

LEXO EDHE:  Konflikti Palestinë-Izarel/ Ironizon Spahiu: Jemi popull pa ‘shtyllë kurrizore’

Gjithashtu u shpreh  se nuk ka asnjë asrye për të cilën kisha e tij mund të mbyllet./ CNA.al

LEXO TE PLOTE

Kosova & Rajoni

“Organizatorët e 27 prillit”/ 25 vite burg për të akuzuarit

Publikuar

-

Nga

Këshilli gjyqësor i Gjykatës Themelore Penale në Shkup shpalli fajtorë të akuzuarit në rastin “Organizatorët e 27 prillit” dhe i dënoi me gjithsej 25 vjet burg.

Trupi gjykues arriti në përfundimin se të akuzuarit për krimin e “rrezikimit terrorist të rendit kushtetues dhe të sigurisë së vendit” janë fajtorë për organizimin e ngjarjeve më 27 prill të vitit 2017. Fjala është për ish-kryetarin e Kuvendit Trajko Veljanoski, ish-ministrin e Transportit Mile Janakieski, ish-ministrin e Arsimit dhe të Shkencës Spiro Ristovski si dhe ish-drejtorin e policisë sekrete DSK, Vladimir Atanasovski.

25 vjet burg për të akuzuarit

Sulmi ndaj Kuvendit dhe rrahja e deputetëve dhe gazetarëve nga ana e protestuesve të nismës “Për Maqedoni të përbashkët” ndodhi më 27 prill të vitit 2017, pasi nga shumica parlamentare për kryetar të Kuvendit u zgjodh një shqiptar, gjegjësisht Talat Xhaferi. Sipas Prokurorisë për ndjekjen e krimit të organizuar dhe korrupsionit, të akuzuarit e dinin saktë se çfarë po bënin dhe u shkaktuan trazira me qëllimin e vetëm për të parandaluar formimin e qeverisë nga shumica parlamentare e siguruar tanimë.

Ish-kryetari i Kuvendit Trajko Veljanovski është dënuar me 6 vjet e 6 muaj, ish-ministri i Transportit Mile Janakievski me 6 vjet e 3 muaj, ish-ministri i arsimit Spiro Ristovski me 6 vjet e 5 muaj dhe ish-drejtori i policisë sekrete me 6 vjet burg. Në hetim u përfshinë edhe ish-kryeministrin Nikolla Gruevski dhe ish-zbuluesi Nikolla Boshkovski, por procedura për ta është ndalur derisa nuk bëhen të qasshëm të organeve të ndjekjes.

LEXO EDHE:  Tensionet Greqi-Turqi/ Kompromisi i mirë duhet t’u dhembë të dyja palëve

LEXO EDHE:  Rikthehen tensionet në Mesdhe/ Anija turke “Oruc Reis” i afrohet territorit të Greqisë

Të akuzuarit kanë marë dënime më të ulta për veprën për të cilën janë akuzuar, sepse gjatë procesit gjyqësor kanë bashkëpunuar me organet e hetuesisë.

Trpkov: Dhuna e 27 prillit s’ka asgjë të përbashkët me demokracinë

Gjyqtari Ilija Trpkov gjatë shqiptimit të dënimeve tha se sulmi dhe dhuna e shfaqur më 27 prill të viti 2017 në Kuvendin e Maqedonisë së Veriut nuk ka të bëjë asgjë me demokracinë dhe patriotizmin .

“Shteti mbrohet me zemër, me mendje dhe strategji të drejta. Nëse për çdo vendim me të cilin nuk pajtohemi hymë me dhunë në gjykatë, kuvend apo në cilin do qoftë institucion shtetror , atëhere nuk mund të kemi shtet ligjor”, tha gjyqtari Trpkov.

Prokuroria ka kërkuar që të dënuarve t’u ndërpritet arresti i shtëpisë dhe  të dërgohen urgjentisht për vuajtjen e dënimit.

Në procesisn gjyqësor “27 prilli” qenë akuzuar gjithsejt 33 vetë prej të cilëve 5 deputetë.Të dënuar janë gjithsej 16 vetë, ndërsa të tjerët i kanë shpëtuar dënimit falë ligjit për amnesti, të miratuar në vitin 2018./DW

LEXO TE PLOTE