Connect with Us

Euro 2020/ Turqia e dorëzuar, e mund edhe Uellsi

Sport

Euro 2020/ Turqia e dorëzuar, e mund edhe Uellsi

Publikuar

-

Uellsi ka marrë një fitore shumë të rëndësishme kundër Turqisë (2-0) në ndeshjen e xhiros së dytë të fazës grupore të ‘Euro 2020’ që u zhvillua në Baku të AzerbajxhanitAaron Ramsey ishte protagonist i fraksionit të parë, duke qenë se pati tri raste vetëm me portierin dhe arriti të ishte efektiv në njërin prej tyre. Herën e parë goditjen e tij e ndali gardiani turk, herën e dytë goditi mbi portë, ndërsa herën e tretë e futi topin në rrjetë.

Rastin e parë të mirë, mesfushori i Juventusit e pati në minutat e para të takimit dhe pa shikuar fare goditi drejt portës, mirëpo portieri Ugurcan Cakir bëri një pritje të mrekullueshme. Një tjetër mundësi akoma më të mirë, Ramsey e pati në minutën e 24 kur doli i vetëm para portierit, mirëpo goditi mbi portë.

Megjithatë, mesfushori uellsian nuk e shpërdoroi shansin e tij të tretë. Gareth Bale tregoi vizionin e tij duke e gjetur në zonë ‘numrin 10’, i cili këtë herë e dërgoi topin në rrjetë (43’).  Anësori ndodhej pranë mesit të fushës, vërejti pozicionim e Ramseyt, goditi me të majtën dhe harkimi i tij arriti në gjoksin e mesfushorit, i cili e ndali dhe kësaj radhe ishte i saktë.

Në gjysmën e dytë, Bale përjetoi një moment të pakëndshëm. Fillimisht, ai ia doli që të nxirrte një njëmbëdhjetëmetërsh. Përgjegjësinë e mori vet 31-vjeçari, mirëpo goditja e tij nga pika e bardhë shkoi lart mbi portë. Nderkaq, në fund pati tensione dhe përplasje ndërmjet futbollistëve, rastet nuk munguan edhe në minutat e mbetura, derisa uellsianët realizuan edhe një herë me anë të Connor Roberts (90’+6). Asistues ishte sërish Bale.

Kjo është fitorja e parë e Uellsit në Grupin A, ndërsa duke llogaritur edhe pikën në barazimin ndaj Zvicrës, qëndron në krye me katër pikë. Turqia në anën tjetër, ka pësuar edhe humbjen e dytë në fazën grupore dhe qëndron në fund me zero pikë, si dhe ndodhet në situatë shumë të vështirë. / CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Premier Liga

Edhe Varane drejt largimit nga Reali, gati akordi me Manchester United

Publikuar

-

Nga

Raphael Varane duket se karrierën do ta vazhdoje në Angli. Sipas mediave franceze, Man Utd është shumë afër marrëveshjes me Real Madrid për Varanen.

Gjiganti anglez prej kohësh kishte arritur marrëveshje rreth kusheve personale me mbrojtësin, por tani duket se marrëveshja është arritur edhe me klubin spanjoll.

Raportohet se tashmë dy klubet janë duke finalizuar detajet e transferimit që pritet të kushtojë rreth 45/50 milionë euro.

Francezi pritet të nënshkruajë kontratë me pagë rreth 12 milionë euro në sezon. Thuhet se zyrtarizimi mund të ndodhe gjatë javës së ardhshme.

LEXO TE PLOTE

Sport

Maliqi godet në merkato, merr ish-sulmuesin e Skënderbeut

Publikuar

-

Nga

Pas ngjitjes në Kategorinë e Parë, Maliqi po mundohet të bëjë lëvizje të rëndësishme në këtë periudhë merkatoje, teksa dëshiron të bëjë sa më mirë në vitin e tij të parë mes profesionistëve.

Nën urdhrat e stafit teknik të klubit maliqar, që nga dita e nesërme do të vihet një lojtar i ri. Ish-sulmuesi i Skenderbeut, Paolo Ivani është futbollisti që do i bashkohet Maliqit për edicionin e ri, pasi ka gjetur akordin me klubin për të qenë pjesë e tij në këtë sezon.

Së fundmi, Ivani ka luajtur me Devollin, por tashmë do të jetë pjesë e maliqarëve, të cilët kanë si objektiv kryesor mbijetesën në Kategorinë e Parë. Drejtuesit kanë menduar të mos bëjnë shumë ndryshime, duke ruajtur thuajse të gjithë grupin që siguroi ngjitjen historike./CNA.al

LEXO TE PLOTE

Sport

Meksi mund të largohet, Skënderbeu gjen pasuesin e tij në krahun e djathtë

Publikuar

-

Nga

Skënderbeu kërkon që në sezonin e ri, të qëndrojë sa më larg fundit të tabelës e të luftojë për objektiva më prestigjiozë. Ndaj për këtë arsye, korçarët po punojnë jo vetëm që të krijojnë një formacion stabël, por edhe të kenë alternativa në pankinë.

Kështu, sot me “ujqërit” ka nisur stërvitjen një futbollist i cili aktivizohet kryesisht në krahun e djathtë të mbrojtjes. Bëhet fjalë për 24-vjeçarin ganez, të lindur në Itali, Zhozef Asante.

Ky i fundit, është rritur si futbollist në akademitë e klubeve italiane, duke qenë pjesë e emrave si Parma apo Karpi, ndërsa në futbollin profesionist ka eksperienca në futbollin austriak me Austria Klagenfurt dhe në atë slloven me Gorica e Brda.

Lojtari ka dalë sot në stërvitje dhe në ditët në vijim pritet që të firmosë për korçarët, duke qenë një alternativë më shumë për Memellin në krahun e djathtë të prapavijës ku titullar është Meksi, por ky i fundit nuk e ka të sigurt qëndrimin në Korçë.

LEXO TE PLOTE