Connect with Us

BE heq kufizimet e udhëtimit për shqiptarët/ Çfarë duhet të dini përpara se të niseni

Aktualitet

BE heq kufizimet e udhëtimit për shqiptarët/ Çfarë duhet të dini përpara se të niseni

Publikuar

-

Europa komuniteti i ideve në fushë të minuar

Nga Erisa Zykaj

Pas më shumë se një viti, qytetarët shqiptarë do të mund të udhëtojnë së shpejti drejt Bashkimit Europian për udhëtime jo thelbësore (jo-esenciale). Kjo falë dakortësisë së arritur  nga ambasadorët e 27 shteteve anëtare të Bashkimit Europian lidhur me heqjen e kufizimeve për udhëtimet nga vendet e treta drejt Bashkimit Europian. Të 27 ambasadorët kanë aprovuar zgjerimin e listës së vendeve të treta që konsiderohen të sigurta për situatën epidemiologjike  aktuale lidhur me pandeminë COVID-19. Ky zgjerim përfshin Shqipërinë, Maqedoninë e Veriut dhe Serbinë nga vendet e Ballkanit Perëndimor.

Në dokument, nënvizohet se qytetarët mund t’i nënshtrohen një testi PCR 72 orë para udhëtimit  (në rastin e Shqipërisë :tampon negativ) drejt një prej vendeve të Bashkimit Europian. Gjithashtu, shtetet anëtare ruajnë të drejtën për të gjykuar nëse karantina është e nevojshme pas mbërritjes në një prej shteteve të Bashkimit Europian. Qytetarët shqiptarë të vaksinuar me dy doza vaksinash të njohura nga Bashkimi Europian (EMA), normalisht nuk duhet të kenë nevojë për një test PCR. Por këtu është I nevojshëm informimi me detaje me agjensitë e udhëtimit.

Burime të shteteve anëtare kanë treguar për ABC, se duke filluar nga 1 korriku, disa shtete anëtare do të njohin edhe vaksinat kineze (CoronaVac) dhe ruse (SPUTNIK V). Si rrjedhim, qytetarët shqiptarë  që janë vaksinuar me vaksinën kineze do të mund të udhëtojnë drejt këryre vendeve. ABC do të njoftojë prej 1 korrikut se cilat janë shtetet anëtare të Bashkimit Europian që  do të njohin vaksinën kineze dhe ruse.

Shqipëria arriti të futej në listen e vendeve të sigurta si rrjedhim i plotësimit të kritereve kryesore të vendosura nga shtetet anëtare të Bashkimit Europian: Më pak se 75 të infektuar për çdo 100.000 banorë për dy javët e fundit (14 ditë), një trend të qëndrueshëm në ulje të treguesve kryesorë lidhur me pandeminë që kanë të bëjnë me uljen e numrit të vdekjeve dhe të të shtruarve në spital, disponueshmërinë e testeve PCR dhe vijimin me procesin e vaksinimit.

LEXO EDHE:  Tek politikanët e sotëm evropianë, dominion kulti i individit

Vendimi zyrtar i shteteve anëtare të Bashkimit Europian mbi zgjerimin e listës së vendeve të treta pritet të merret të premten (18 qershor) gjatë takimit të ministrave të ekonomisë dhe financave të Bashkimit Europian.

Në vendim pritet të preçizohet ekzaktësisht, se nga cili afat, qytetarët shqiptarë mund të udhëtojnë drejt Bashkimit Europian për udhëtime jo-thelbësore.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Aksidenti me 10 të vdekur/ Kurti: Ditë e rëndë për të gjithë popullin tonë

Publikuar

-

Nga

Aksidenti me 10 të vdekur/ Kurti: Ditë e rëndë për të gjithë popullin tonë

Kryeministri i Kosovës, Albin Kurti, e ka quajtur shumë të rëndë ditën e diel, kur 10 persona kanë vdekur në një aksident me autobus në Sllavonski Brod në Kroaci.

Si pasojë e aksidentit, që ka ndodhur në orët e para të mëngjesit më 25 korrik, janë plagosur edhe mbi 40 persona.

Ministria e Punëve të Jashtme dhe Diasporës (MPJD) në Kosovë, ka thënë se të vdekurit janë bashkatdhetarë, të cilët kanë qenë duke udhëtuar në linjë të rregullt Frankfurt-Prishtinë.

“Kjo është një ditë shumë e rëndë, me dhembje e pikëllim për gjithë popullin tonë”, ka thënë Kurti në një konferencë për media nga spitali në Sllavonski Brod.

Kryeministri i Kosovës, u ka shprehur ngushëllime familjarëve të viktimave, ndërsa të plagosurve shërim të shpejtë.

Ai ka falënderuar homologun e tij kroat, Andrej Plenkoviq për bashkëpunimin në këtë rast dhe ndihmën që u kanë ofruar autoritetet të plagosurve në këtë aksident.

Kurti ka thënë se ka vizituar të gjithë personat në spital, përfshirë dy persona që janë në kujdes intensiv.

Sipas tij, një pjesë e mirë e udhëtarëve kanë qenë në gjumë, në kohën e aksidentit.

Kurti ka thënë se qindra mijëra persona shkojnë në vendlindjen e tyre në Kosovë, për pushime.

“Kjo fatkeqësi, kjo tragjedi është tejet e rëndë për neve”, ka thënë Kurti, mirëpo ka theksuar se në bashkëpunim me autoritetet kroate besojnë se do t’ia dalin më shpejt.

Kryeministri kroat, Andrej Plenkoviq, po ashtu u ka shprehur ngushëllime familjarëve të të plagosurve, dhe ka thënë se autoritetet kroate po synojnë t’iu qëndrojnë afër të plagosurve.

Kurti ka arritur të dielën në mbrëmje në qytetin Sllavonski Brod në Kroaci me helikopterin e ushtrisë kroate në kuadër të KFOR-it.

LEXO EDHE:  Institucionet shëndetësore, vatra e përhapjes së Covid/ Revoltohet mjeku Dasho: Koha për veprim është tani

Ai është shoqëruar nga disa ministra të kabinetit të tij qeveritar.

LEXO EDHE:  “BE, gati për negociata me Shqipërinë”/ Komisioneri Varhelyi: Nuk humbasim kohë!

Zyrtarët e Kosovës janë pritur nga kryeministri kroat, Andrej Plenkoviq, si dhe ministri i Jashtëm kroat, Gordan Gërliq Radman.

Bashkë më Kurtin në Kroaci janë, ministrja e Punëve të Jashtme dhe Diasporës, Donika Gërvalla, ministri i Punëve të Brendshme, Xhelal Sveçla, ministri i Shëndetësisë, Arben Vitia dhe shefi i Stafit të Kabinetit të Presidentes së Kosovës, Blerim Vela.

Plenkoviq ndërkohë ka publikuar në video të shkurtër në rrjetin social Twitter, ku është parë Kurti afër spitalit në Sllavonski Brod për të vizituar të plagosurit.

Ende nuk dihet se cili është shkaku i aksidentit.

Zëvendës-Prokurori i Shtetit Komunal Sllavko Pranjiq, ka thënë se shoferi, i cili është gjetur në vendin e ngjarjes, është arrestuar ndërkohë.

“Shoferi është arrestuar nën dyshimin për drejtim të automjetit në mënyrë jo të duhur. Shkaqet e daljes nga rruga të autobusit do të përcaktohen kur të merren provat, ka thënë ai.

Pranjiq ka thënë po ashtu se përgjatë dëshmisë së tij, shoferi ka thënë se ka rënë në gjumë për një moment.

“Por ne do të përcaktojmë gjithçka më vonë”, ka thënë mes tjerash Pranjiq.

Më herët, drejtori i Mbrojtjes Civile Kroate, Damir Trut, u ka thënë gazetarëve se nëntë pasagjerë dhe një shofer kanë vdekur, duke deklaruar se në autobus kanë qenë 67 udhëtarë dhe dy shoferë.

Ministri kroat i Shëndetësisë Vili Berosh, ka thënë në vendin e aksidentit se, në autobus kanë qenë 15 të mitur, prej të cilëve, një vajzë e plagosur rëndë.

LEXO TE PLOTE

Bota

Rusia tregon forcën e marinës ruse/ Putin: Zbulojmë çdo armik

Publikuar

-

Nga

Rusia tregon forcën e marinës ruse, Putin: Zbulojmë çdo armik

Marina ruse mund të zbulojë çdo armik dhe nëse është e nevojshme është gati të nisë një “sulm të paparashikueshëm” është ky paralajmërimi i presidentit rus Vladimir Putin, disa javë pasi një anije luftarake e Mbretërisë e Bashkuar zemëroi Moskën duke kaluar gadishullin e Krimesë.

“Sot, marina ruse ka gjithçka që i nevojitet për të mbrojtur atdheun, interesat tona kombëtare. Ne jemi të aftë të zbulojmë çdo armik nënujor, mbi ujë, apo edhe në ajër dhe nëse kërkohet, ne mund të të kryejmë një sulm të paparashikueshëm kundër tij”, u shpreh Putin.

Një deklaratë të tillë shefi i Kremlinit e dha gjatë paradës së marinës ruse në Shën Petersburg.

Muajin e kaluar Putin tha se Rusia mund të fundoste anijen luftarake britanike HMS Defender, që e akuzoi për hyrje të paligjshme në ujërat e saj territoriale, dhe shtoi tha se Shtetet e Bashkuara ndikuan në  këtë “provokim”.

Presidenti Vladimir Putin përdori pikërisht paradën kushtuar Ditës së Marinës për t’i kujtuar botës muskujt ushtarakë të Rusisë duke zbuluar edhe  armët bërthamore hipersonike.

LEXO EDHE:  Shqipëria “humbet” shkëlqimin / Doing Business 2018 e ul me 7 vende

LEXO EDHE:  “BE, gati për negociata me Shqipërinë”/ Komisioneri Varhelyi: Nuk humbasim kohë!

Më shumë se 50 anije dhe 4,000 trupa morën pjesë në paradën përpara se në tetor të festohet  325 vjetori i marinës .

Putin vlerësoi fuqizimin e shpejtë të Rusisë në sistemin detar. Nga anijet rudimentare në periudhën e Pjetrit, marina ruse tani zotëron “sistemet e fundit të armëve hipersonike”, që sipas Putin nuk kanë ekuivalent në botë./euronews

 

LEXO TE PLOTE

Kosova & Rajoni

Aksidenti tragjik në Kroaci/ Kurti dhe ministrat mbërrijnë me helikopter në vendngjarje

Publikuar

-

Nga

Aksidenti tragjik/ Albin Kurti mbërrin me helikopter në Kroaci

Kryeministri i Kosovës, Albin Kurti, ka arritur të dielën në mbrëmje me helikopter në qytetin Sllavonski Brod në Kroaci, bashkë me disa ministra të kabinetit të tij qeveritar, për të vizituar të plagosurit dhe familjarët e viktimave të një aksidenti me autobus   këtë zonë.

Si pasojë e aksidentit, që ka ndodhur në orët e para të mëngjesit më 25 korrik, kanë vdekur 10 persona, ndërsa mbi 40 të tjerë janë plagosur.

Ministria e Punëve të Jashtme dhe Diasporës (MPJD) në Kosovë, ka thënë se të vdekurit janë bashkatdhetarë, të cilët kanë qenë duke udhëtuar në linjë të rregullt Frankfurt-Prishtinë.

Zyrtarët e Kosovës janë pritur nga kryeministri kroat, Andrej Plenkoviq, si dhe ministri i Jashtëm kroat, Gordan Gërliq Radman.

Bashkë më Kurtin në Kroaci janë, ministrja e Punëve të Jashtme dhe Diasporës, Donika Gërvalla, ministri i Punëve të Brendshme, Xhelal Sveçla, ministri i Shëndetësisë, Arben Vitia dhe shefi i Stafit të Kabinetit të Presidentes së Kosovës, Blerim Vela.

LEXO EDHE:  Beteja me Covid-19/ Kina dhe SHBA në garë për vaksinën

LEXO EDHE:  Infektohen me Covid edukatorja dhe sanitarja/ Mbyllet me urgjencë çerdhja në Berat

Ende nuk dihet se cili është shkaku i aksidentit.

Zëvendës-Prokurori i Shtetit Komunal Sllavko Pranjiq, ka thënë se shoferi, i cili është gjetur në vendin e ngjarjes, është arrestuar ndërkohë.

“Shoferi është arrestuar nën dyshimin për drejtim të automjetit në mënyrë jo të duhur. Shkaqet e daljes nga rruga të autobusit do të përcaktohen kur të merren provat, ka thënë ai.

Pranjiq ka thënë po ashtu se përgjatë dëshmisë së tij, shoferi ka thënë se ka rënë në gjumë për një moment.

“Por ne do të përcaktojmë gjithçka më vonë”, ka thënë mes tjerash Pranjiq.

Më herët, drejtori i Mbrojtjes Civile Kroate, Damir Trut, u ka thënë gazetarëve se nëntë pasagjerë dhe një shofer kanë vdekur, duke deklaruar se në autobus kanë qenë 67 udhëtarë dhe dy shoferë.

Ministri kroat i Shëndetësisë Vili Berosh, ka thënë në vendin e aksidentit se, në autobus kanë qenë 15 të mitur, prej të cilëve, një vajzë e plagosur rëndë.

LEXO TE PLOTE