Connect with Us

REPORTAZH-Zija Karini, artizani i palodhur, Shkodran/ Jeta e mjeshtrit të përpunimit të drurit

Në QYTETIN tim

REPORTAZH-Zija Karini, artizani i palodhur, Shkodran/ Jeta e mjeshtrit të përpunimit të drurit

Publikuar

-

Të gjithë e quajnë mjeshtri i drurit. Zija Karini është 80 vjeç por ai sfidon moshën dhe gjithçka tjetër. 80 vjeçari e nisi artizanatin në Shkodër, që kur ishte 14 vjeç për të mos u ndarë asnjëherë deri në ditët e sotme, ndërsa tashmë është më i vjetri që merret me artizanatin.

Energjik, plot pasion dhe një mjeshtër i vërtetë i drurit, Zija Karini edhe pse 80 vjeç vijon që të prodhojë punime plot vlera artistike, kulturore e historike për Shkodrën por edhe më gjërë.

Ky artizan 80 vjeçar por edhe punimet e tij të kuruara me shumë kujdes janë kthyer ndër më të preferuarat për shkodranët, emigrantët por edhe turistët e huaj.

Zija Karini edhe pse ka punishten e tij nuk përton që të marrë pjesë në panairet që po zhvillohen në Shkodër në pedonalen “Kolë Idromeno” nga shoqata e artizanëve shkodran.

80 vjeçari duarartë tregon se si e nisi karrierën e tij që në moshë të vogël në punishten e xhaxhait.

Unë merrem që në vitin 1954 me artizanatin qysh se isha 14 vjeç, e fillova tek punishtja e xhaxhait tim sepse e kemi trashëgim familjar artizanatin.

Në vitin 1958 më pas artizanati në atë kohë u shtetëzua dhe kalova në ndërmarrjen metalike të asaj kohe.

Në vitin 1965 na shkëputi shteti sërish për të ndërtuar ndërmarrjen artistike në Shkodër dhe sëbashku me Kolec Stanin, Ser Dulin dhe Brahim Tufikun. në 1970 ndërmarrja artisike në Shkodër kishte 69 vetë.

Më pas tek ndërmarrja që sot quhet ish artistike dhe ndodhet e shkatërruar u bëmë 2200 vetë dhe ishin 36 profesione duke nisur nga ari, argjend, bronzi e deri tek punimi i drurit që kishte 900 aplikime të ndryshme si reparte.

Në 1990 si gjithçka tjetër ajo ndërmarrje u mbyll dhe unë u shkëputa por menjëherë e vijova këtë profesion dhe ndërtova ndërmarrjen time dhe ndër vite më pas kam avancuar shumë në fushën e artizanatit”, shprehet artizani më i vjetër i qytetit”.

Punimet me të cilat Karini merret janë të shumta por të gjitha vijnë si frymëzim nga Shkodra, qyteti i dashur i tij dhe bazohen në vlera kombëtare. Artizani 80 vjeçar tregon disa prej punimeve që ka për zemër.

Unë merrem me remeso të cilin e bëj tani portret gjë e cila nuk është bërë kurrë. Është materiali që dikur bëheshin mobiljet në Shqipëri dhe në rininë time kam mësuar shumë që të bëj autoportrete.

Një nga punimet më të veçanta që kam është Zadrimorja e cila është e kërkuar. Kostumi i Zadrimës është ndër më të bukurit në Shqipëri, flas për kostumet e grave dhe dua të them se është një punë shumë e vështirë për t’u realizuar por falë pasionit që kam ia kam dalë.

Kuadri i këtij punimi është shumë i vështirë sepse unë nuk kam makineri moderne siç bëhen në shtete të tjera të botës dhe unë e kam bërë me dorë dhe me punimin e Zadrimores kam patur shumë sukses.

Është e veçantë sepse të bësh portret është ndër punët më të vështira. Dikur nuk është bërë portret grafika dhe është quajtur vetëm aplikim dhe unë i kam futur dhe përveç tyre bëj edhe një ndërtesë, një lagje apo të ngjashme me biografi.

Dikur në Shkodër nuk është punuar grafika siç e bëj unë sot dhe tani kemi avancuar shumë. Unë e kam edhe me ngjyra portretin e Zadrimores që në fakt e ka bërë Rrik Ndoja dhe më pas unë e kam bërë në dru. Kostumi i Zadrimores është ndër më të rëndësishmit në Shqipëri. Unë bëj 13 lloje teknikash në dru ndaj edhe klientët mbesin të kënaqur“, shprehet Karini.

Piktura e emigrantëve e piktorit me famë ndërkombëtare Smajl Lulani të cilin Zija Karini e kishte një mik të mirë e madje edhe bashkëpunonte deri kur ishte gjallë, e ka frymëzuar 80 vjeçarin për ta sjellë atë pikturë të punuar në dru me mjeshtrinë e tij si dhe duke ia shtuar vlerat asaj piktura që në thelb ka plagën e madhe të emigracionit shqiptar.

Kur ishte koha e emigrantëve dhe ky është një punim që e kanë porositur është piktura e të madhit Smajl Lulani, një piktor shkodran me famë ndërkombëtare.

Pikturën e tij unë e kam hedhur në dru. Në pikturë janë tre persona, babai, nëna dhe një djalë i vogël që marrin rrugën e emigrimit.

Djali i vogël që është me kokën mbrapa sheh dhe nënkupton se ku po e lëmë Shqipërinë ndërsa babai i tij shfaqet duke ecur me hapin e shpejtë çka tregon se kërkon të largohet sa më shpejt ndërsa gruaja, nëna e djalit nuk mund të shikojë dhe tregon plagën e thellë të emigrimit që vijon edhe në ditët e sotme dhe jo vetëm në ato vite kur Lulani bëri këtë pikturë.

Është një ikje qorrazi nga Shqipëria dhe personazhi kryesor është djali me kokën mbrapa që shfaqet i dëshpëruar duke lënë vendin e tij në atë moshë kur ende nuk kupton shumë dhe përcjellë një mesazh të fortë sepse Shkodra është një qytet që nuk e ka patur emigrimin por për shkak të vështirësive edhe shkodranët morën rrugët si gjithë të tjerët“, tregon 80 vjeçari.

Zija Karini nuk mbetet vetëm brenda kufijve të Shqipërisë, por shpesh herë merr edhe nga shqiptarët e Kosovës duke e patur një tjetër frymëzim.

Një grua me kostumin kombëtar të Kosovës është bërë ndër punimet më të kërkuara që bën mjeshtri shkodran i përpunimit të drurit.

Një tjetër punim që dua ta veçoj është një grua e veshur me një kostum të Kosovës, pra një shqiptare tradicionale e Kosovës. Është një punim që e kam realizuar kohët e fundit sepse nuk e kam patur dhe menjëherë e kanë porositur. këtë punim e bën të veçantë kostumi që këtu në Shqipëri nuk e kemi këtë lloj dhe është e zonës së Medvegjës“, thotë Karini.

Në punimet e tij artizani më i vjetër i Shkodrës ka veçuar edhe pikturën e Edëard Lear në vitin e largët 1848 ku duket ura e Bahçallekut, lumi Drin dhe në sfond kalaja Rozafa. Edhe ky punim është ndër më të pëlqyerit nga klientët.”Një tjetër punim i veçantë është ura e Bahçallekut dhe kalaja “Rozafa” në sfond, një pikturë e vitit të largët 1848 nga piktori i famshëm anglez Edward Lear i cili vizitoi në atë kohë edhe qytetin e Shkodrës përveç disa qyteteve të tjera dhe u mahnit nga hyrja e qytetit të Shkodrës duke i kushtuar edhe pikturën e tij të famshme.

 Në atë kohë lumi Drin ishte i lundrueshëm dhe piktorët sotëm shkojnë dhe studiojnë në të njëjtin vend për të gjetur pozicionin në të cilin ka qëndruar piktori anglez kur e ka realizuar sepse është shumë e bukur dhe e veçantë“, rrëfen 80 vjeçari.

Viti i pandemisë i dëmtoi shumë artizanët të cilët nuk morën asnjë mbështetje nga shteti e ndër to edhe 80 vjeçarin Zija Karini, i cili thotë se shitjet gjatë pandemisë kanë rënë thuajse plotësisht duke i dëmtuar ekonomikisht.

Unë dal këtu megjithë këto punime që kam dhe të them të drejtën shitjet kanë rënë me afro 90%.

Pandemia ka qenë një vit i vështirë dhe nuk është punuar, na ka dëmuar shumë. Ka ndikuar shumë dhe madje kur vijnë për të blerë tashmë njerëzit kanë një mendim tjetër dhe dua gjithnjë që t’ia ul çmimin.

Unë kam punimin e Padër Pio që në fakt kushton baraz me 15 kafe. Megjithatë ne i kemi ulur çmimet sepse jemi të detyruar.

Përshembull punimi me pikturën e piktorit anglez Lear dikur shitej 50 mijë lekë të vjetër ndërsa tani as 30 mijë lekë të vjetër nuk bëhet fjalë, ka rënë shumë ekonomia. Sikur shteti të na kishte mbështetur edhe ne artizanëve do kishte bërë gjënë më të mirë. Unë jam 80 vjeç“, shprehet më tej ai.

LEXO EDHE:  "Deri para dy ditësh dogana e Hanit të Hotit ka qenë e hapur"/ Ademi flet për gjendje të prekurve në Shkodër

 

Ata që blejnë më shumë natyrshëm që janë emigrantët shqiptar por edhe turistët e huaj dhe më të pëlqyerat janë ato punime që kanë simbolet e vendit tonë dhe që përcjellin një mesazh artistik e kulturor.

Ne presim vetëm emigrantët, pra shqiptarët që jetojnë në shtete të tjera dhe padyshim edhe turistët e huaj.

Emigrantët blejnë pak më shumë sepse i bëjnë dhurata më pas në shtetet ku shkojnë ose i mbajnë në banesat e tyre dhe e kanë për krenari sepse çojnë atje diçka nga Shqipëria, pra simbolet e vendit të tyre që kanë një vlerë, histori, traditë dhe mbartin kulturën e shekujve, është identiteti ynë kombëtar.

Ai që e njeh artin thotë, këto 2-3 punime i dua dhe mi bëj gati dhe nuk pyet fare për çmimin ndërsa ai që nuk e njeh artin i duket shtrenjtë gjithçka. Arti në ditët e sotme ka kaluar në celular, kafe, duhan, ndonjë gotë raki edhe tifoz sporti“, shprehet Karini.

Zija Karini nuk ndjehet aspak mire. kur sheh se mjeshtrat e artizanatit në vitet në të cilat po jetojmë tashmë mungojnë. Të vjetrit po largohen në botën tjetër ndërsa të rinjtë e sotëm nuk shfaqin ndonjë dëshirë për t’u marrë me artizanatin gjë e cila mjeshtrin duarartë nuk e ngroh aspak.

Artizanati më vjen keq se ka nisur që të bie shumë. Në fillim të demokracisë ishin të gjithë mjeshtra dhe shkonim tek piramida në Tiranë nga e gjithë Shqipëria por tani ka mbaruar çdo gjë dhe janë pakësuar shumë.

 Puna e dorës ka patur një trashëgim të madh në Shkodër dhe mjafton të kujtojmë dyqanet e Pazarit të Vjetër që janë me famë botërore. para 15-20 viteve u mblidhshim gjithë artizanët në Gjirokastër ose në Tiranë dhe vinim në qytetet toname duart bosh sepse shiteshin të gjitha punimet ndërsa sot është ndryshe.

 Sot nëse qëndron këtu me mua të rinjtë as nuk e sjellin kokën për të parë dhe kjo është për të ardhur keq në fakt. Dikur ne nganim vrap bashkë me shokët dhe shoqet për të shkuar në Galerinë e Arteve dhe kemi qenë më të dhënë për artin ndërsa sot nuk është më kështu“, thotë Karini.

 

Zija Karini lindi në Shkodër më 30 nëntor 1941 në familjen Karini, një familje atdhetare shkodrane, e njohur për traditën tashma një shekullore të përpunimit të drurit.

Familja, qysh në vitet 1920, zotëronte një ndërmarrje me aktivitet zdrukthtari, me 40 punëtorë në mes të cilëve edhe 4 mjeshtër italianë, që ishte krijuar nga Xhemal Karini.

Në Shkodër, ndërmarrja ishte shumë e njohur për ndërtimin e mobiljeve shtëpiake, por edhe objekteve të tjera në dru.

Mjeshtria e punimit të drurit e dinastisë së Karinëve, në përbërje të cilës ishin 9 marangozë të famshëm, u trashëgua dy breza, deri te Zija-ja, i cili në vitin 1954 filloj të mësoj zanatin në punishten e xhaxhait të tij, mjeshtrit Ahmet Karini.

Me ardhjen e regjimit komunist, punishta e tyre “ ZDRUKTHATARI”, e ndërpreu aktivitetin e saj, pasi u shtetëzua për t’u kthyer në magazine mallrash shtetërorë.

Sapo hapet ndërmarrja artistike në Shkodër në vitin 1965, Zijaja fillon punën si modelist, ku në sajë të talentit e novatorizmit të tij në punë, ai merr titullin Mjeshtër në punimet e drurit.

Së bashku me kolegët e tij, mjeshtrat Kolec Thani e Ndoc Tusha, krijojnë qindra modele artikujsh artistikë që, për nga bukuria dhe cilësia, dallonin në shkallë kombëtare por edhe ndërkombëtare, duke i sjellë ndërmarjes me 2000 punëtorë të ardhura të mëdha. Zija-ja punon aty deri në vitin 1994 kur ndërmarrja u mbyll. Pas 40 vjet përvoje pune, për të mbijetuar, ai vendosë të vazhdojë traditën e familjes duke krijuar një linje private të punimeve të drurit, ku me një përkushtim të madh punon dhe sot.

Aktualisht, mjeshtri Zija Karini, ky burrë vital e plot humor, është i njohur në punimin e 13 teknikave në dru, që përbëjnë një masë të gjerë produktesh e modelesh.

Ai është mjeshtër në aplikacion me metal, në teknikën e rimesimit, teknikën e djegjes, punimet në kashtë, inkasim në dru, në gdhendje e ngjyrim druri dhe në punime të drurit në torno.

Së bashku me artistë të tjerë, që punojnë në ndërmarrjen e tij, ai krijon dhe tregton suvenire, piktura në dru, piktura në pirografi, korniza të ndryshme, aplikacione në rimeso, kutiza stolish, objekte me aplikacion metali etj.

Me modelet që janë tërësisht krijimet e tij origjinale, ai merr pjesë në panaire brenda e jashtë vendit ku vazhdimisht ka marrë vlerësime të larta.

Punimet e tij janë eksportuar në Itali, Greqi, Austri e vendet fqinjë.

Sot, artizani Zija Karini, i cili është i fundit i dinastisë, ka arritur përsosmëri në punimin e drurit. Punimet e tija të spikatura dëshmojnë për shijen artistike, kreativitetin dhe talentin e mjeshtrit popullor, i cili është i veçantë nëkrijimin e figurave ornamentale dhe modeleve, që i përgjigjen plotësisht kërkesës së tregut dhe kohës.

Si rezultat i aktivitetit të tij të gjerë dhe karrierës së tij si artist e mjeshtër në këtë fushë ai është nderuar nga Bashkia e qytetit të Shkodres me titullin “Mirënjohja e Qytetit” me motivacionin: “Për kontributin shumë të vyer në zhvillimin e artizanatit shkodran.

Me shijen e tij të hollë dhe duart e arta vazhdon që prej 5 dekadash të prodhojë me ndjeshmëri dhe nivel të lartë artistik, punime me larmi formash, idesh dhe kulturash, dëshmi autentike që shprehin me modesti jetën e bukur të këtij vendi”.

Sot, Zijai, edhe pse në moshë pensionisti, plot 80 vjeç vazhdon të jetë shumë aktiv.

Ai përveçse drejton linjën e prodhimit e biznesin e tij, për të ndihmuar brezat e rinj dhe shtresat në nevojë, ka hapur kurse për mësimin e artit të pirografisë apo të aplikimit të teknikave të tjera, duke paisur me dituri e dokumente mjeshtrie pjesëmarrësit, të cilët në shumë raste, kanë hapur linjat e veta të artizanatit, duke u bërë pjesë e tregut shqiptar por edhe të huaj. Për turistët që vizitojnë Shkodren, Reparti – Studio i mjeshtrit Karini tek ish-Artistikja, është një pikë atraktive që ja vlen për t’u vizituar./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Në QYTETIN tim

REPORTAZH-Grupi muzikor “N’Gen”/ Sjell muzikën shkodrane përmes stilit modern

Publikuar

-

Nga

Në Shkodër është krijuar grupi muzikor N’Gen me në krye kompozitorin dhe muzikantin e njohur shkodran dhe shqiptar Markelian Kapidani.

Maestro Kapidani ka mbledhur pranë vetes një grup të rinj por edhe me përvojë muzikantësh dhe këngëtarësh duke krijuar këtë grup i cili po merr pjesë intensivisht në disa koncerte në Shkodër që po zhvillohen në qytetin e Shkodrës.

Markeliani bashkë me muzikantët e tjerë Atonio Fjerza, Daniel Prendi, Antonio Shllaku, Bledi Doçi, Jetmir Mesi dhe solistet Rezarta Smaja, Jozefina Simoni, Margerit Shllaku, Silvia Kacerosi apo artistet Viki Haxhi dhe Klodiana Brahimi kanë marrë përsipër që disa prej perlave të muzikës shkodrane dhe asaj shqiptare, pra këngët më të bukura të trashëguara t’i sjellin jo në formën tradicionale por me rryma modern të muzikës me qëllimin e vetëm që këto këngë të bukura të muzikës shqiptare duke ardhur të përpunuara me një stil modern të bëhen të njohura edhe në Europë apo kudo në botë.

Kështu sëfundmi grupi muzikor “N’Gen’ është angazhuar me Koncertet Verës”, një aktivitet kulturor i teatrit “Migjeni” që mbështetet nga bashkia Shkodër.

Koncertin e parë grupi “N’Gen” e zhvilloi pranë lulishtes së shatërvanit në qendër të qytetit të Shkodrës duke sjellë për publikun përmes artistëve të rinj dhe stilit modern të muzikës këngët tradicionale të njohura nga të gjithë. Ky koncert ishte i pari tek Koncertet e Verës duke hapur kështu siparin.

Koncerti i fundit i këtij grupi muzikor që është në hapat e parë por që mesa duket premton shumë për të ardhmen u mbajt në zonën muzeale të Gjuhadolit në një mbrëmje të këndshme për publikun por edhe për vetë artistët.

Drejtuesi i grupit “N’Gen” Markelian Kapidani shprehet i kënaqur nga këto koncerte të para.

Bukur jam i gëzuar, gjërat po shkojnë mirë, jemi në rrugën e duhur. Kemi filluar të zgjerojmë repertorin. Po futen materiale të reja dhe besoj do shkojë mirë. Material të ri kemi patur Margjelon me një ritëm të veçantë që vjen nga Spanja që quhet boleria. Ata nuancat orientale që kanë spanjollët i kemi edhe ne kështu që ai afrimi ritmik midis këtyre të dy kulturave bëhet krejt thjeshtë edhe natyrshëm. Material të ri kemi patur edhe  Moj e bukura more dhe disa të tjera”, shprehet ai.

“Synin si qershia” në bolero, “Si Bylbyli në Pranverë” në Funk, “Hana” në bolero, “Baresha” në Pop Rock, “Pranvera Filloi me Ardh” në Latin, “Asaman o Trëndafili Çelës” në Pop Funk, “Lule të Bukura ka Tirana” në Latin, “Faja” në Sëing, “Moj e Bukura More” në jazz valz, “Për mu moj Paska ken Kismet”, “Unë ty të kam Dasht”, “S’ka ma të Bukur se Pranvera në Funk”, “Margjelo” Flamengo Bolerio, “Kaçurrelat” në Shuffle Funk dhe “Ky Marak” në Rock si dhe dy të fundit “Napoloni” dhe “Trëndelinë” janë disa prej këngëve me të cilat ka performuar grupi muzikor “N’Gen” në qytetin e Shkodrës.

Ky repertor natyrshëm që është vetëm fillimi dhe në muajt në vazhdim patjetër që në evinemente të tjera edhe shumë këngë të tjera do vijnë për publikun nga artistët e këtij grupi.

Megjithatë në çdo nisëm të re, aq më tepër të muzikës asgjë nuk është e lehtë. Objektivi patjetër që është madhor, njohja e këngëve të bukura shkodrane dhe atyre shqiptare edhe nga publiku në Europë apo botë por më përpara duhen plotësuar disa kushte.

Ne kemi nevojë që ta zmadhojnë këtë grup që t’i shtojmë edhe elementët e tunxhit për ta bërë një orkestër të denjë e cila mund të marrin pjesë nepër festivale në Europë por pse jo edhe në botë për të çuar materialet tona muzikore të përpunuara në stil modern dhe të sjellura në kohë shprehet”, maestro Kapidani.

LEXO EDHE:  Shkodër/ Rruga “Malësorët e mullirit” i nënshtrohet rikonstruksionit

Ai thotë, se nuk kam përse të tërhiqem sepse ky është zanati im.

LEXO EDHE:  Mesila Doda propozon Voltana Ademin si kandidate në Shkodër

Kemi nevojë për ndihmë natyrshëm, bashkia na ka dhënë ndihmesën e saj por nuk mjafton. Ne jemi ditë për ditë me prova sepse kemi nevojë të rritemi muzikalisht sepse janë gjëra të reja për publikun shqiptar njëkohësisht edhe për muzikantët shqiptar të cilët ndeshen me ritme të reja, me harmoni të reja pra me një gjuhë muzikore që është e re edhe për ta dhe e cila nuk studiohet në shkollat tona shprehet muzikanti i njohur shqiptar i cila la Italinë për të ardhur dhe për të ushtruar profesonalizmin dhe talentin e padiskutueshëm në Shkodër, qytetin e tij”, shprehet më tej ai.

Kapidani thotë, se kjo që po bën grupi “N’Gen” është diçka totalisht e re për vetë ata, jashtë Shqipërisë normalisht që jo por në Shqipëri patjetër që po.

Në fakt ky eksperiment që po bëjmë ne është unik edhe jashtë Shqipërisë sepse ne mundohemi që të prekim kultura të ndryshme muzikore dhe t’i sjellim nepërmjet këngëve tona”, tregon maestro Kapidani.

Sipas tij stilet e ndryshme që vijnë nga Amerika Latine, Afrika, Greqia dhe t’i sjellim aty ku qëndrojnë tek muzika jonë. Kompozitori Kapidani jep edhe një shembull konkret me ritmin 7/8 që nuk është shqiptar dhe vjen nga Greqia dhe quhet Kalamatiano dhe vjen nga një zonë që quhet Kallamatra në Greqi.

Pra ne kemi një seri gjërash si bashkim kulturash në Ballkan dhe tani sipas maestros kemi mundësi që t’i shtojmë edhe ritmet e reja që vijnë nga Perëndimi pra ta pasurojmë muzikën tonë, mos ta lëmë vetëm në atë tipiken tradicionalen por të shprehet edhe jashtë Shqipërisë”, shprehet Kapedani.

“Natyrshëm është normale që të ketë pengesa, rrugë të pastër nuk ka, përkundrazi do kishte qenë e thjeshtë dhe nuk do isha marrë fare me këtë punë vijon drejtuesi i këtij grupi.

Ajo që i intereson është pikërisht që edhe publiku të kuptojë që sforcot e tyre, mundi që po bëjnë këto muzikantë të rinj është me vlerë për qytetin por edhe për Shqipërinë sepse nesër pasnesër me një tingëllim modern të kohës së sotme është mundësia ta prezantosh Shqipërinë përmes muzikës në një mënyrë perfekte ashtu siç duhet dhe ashtu siç pretendojnë edhe vendet e tjera”, thotë ndër të tjera ai.

“Ne kur shkojmë jashtë Shqipërisë,- shprehet Kapidani, – ndeshemi me standarde shumë të larta muzikore, pikërisht sepse ka aranxhator, kërkues dhe hulumtues të muzikës të cilët e ngrejnë muzikën nga tabani dhe e çojnë në standard profesionale dhe kjo është gjëja që duhet të bëhet edhe me muzikn tonë prandaj mendoj që jemi në rrugë të mire”.

Ajo që kërkon kompozitor Kapidani është që të flasim edhe me publikun sepse publiku nuk ka faj dhe merr atë që i servirim ne muzikantët apo mediat.

Pra duhet ta joshim publikun edhe me parfume të tjera, me tinguj të tjerë, kjo është loja, një lojë simpatike muzikore , përfundon ai./CNA.al

LEXO TE PLOTE

Në QYTETIN tim

REPORTAZH-Krijmtaria dhe finesa në “Atelier”/ “Thesari” në pedonalen e Shkodrës

Publikuar

-

Nga

Teksa flasim për Shkodrën dhe promovimin e saj, mendja na shkon tek deti, mali, liqeni dhe ushqimi i mirë që serviret.

Ushqimi, vitet e fundit ka pësuar një transformim, por në thelb mbetet me bazë të fortë të ruajtjes së identitetit dhe prodhimeve lokale. Përballë kësaj sot në zemer të pedonalës së Shkodrës kemi një risi e cila synon t’a cojë në një tjetër nivel panoramën, shërbimin dhe mbi të gjitha shijën që le pas. “Atelier” është hapja më e re në Shkodër.

Siç kuptohet edhe nga emri, vendi ka lidhje të fortë me artin.

“Atelier” do të thotë një dhomë apo studio, ku krijimtaria dhe arti janë në fokus, të ofruara nga krijuesit në formën e ushqimit, pijeve, atmosferës dhe shërbimit të mirë.

Dëshira e tyre është t’u japin mysafirëve një përvojë të mirë ngrënieje duke u ndjerë rehat në intimitetin e ambientit.

Në “Atelier”, arti në pjata krijohet nga shefi i kuzhinës Damir Duli, ku eksperienca e tij pasqyrohet në shkrirjen e kuzhinës bashkëkohore me atë tradicionale, duke ardhur në tavolinat tuaja me ngjyra dhe aroma nga më të ndryshmet. Duke ndjekur sezonin, “Atelier” furnizohet me përbërës lokalë dhe çdo ditë ofrojnë menu të veçantë ditore.

Shefi i kuzhinës, Damir Duli

Gurët e parë në ndërtesë janë hedhur në fundin e shekullit të 18-të. Tridhjetë vitet e fundit, në “Atelier”, ka ndërtuar jetën dhe ka krijuar veprat e tij artisti Hilmi Tafa. Krijimet e tij gjenden gjithandej nëpër hapësirat e objektit. Muret prej gurëve që dëshmojnë historinë e qytetit, krijojnë privatësinë e duhur. Investitoret thonë se në pikat e forta që kanë patur për qëllim që në krijimin e idesë, është pikërisht ruajtja e identitetit ndër shekuj.

Dekori është në përshtatje të imagjinatës, ku gjen veten cdo vizitor, duke nisur nga ato më romantikët e deri tek fanatikët e ruajtjes së vlerave të trashigimisë kulturore.

Shkodra e Idromenos nuk do të kishte kuptim pa arkitekturën e vjetër dhe atë moderne. Tek “Atelier” detajet janë të pranishëm në cdo cep të oborrit e po ashtu edhe ambjenteve të brendshme.

LEXO EDHE:  Mesila Doda propozon Voltana Ademin si kandidate në Shkodër

Teksa përmendim ushqimet në Shkodër, na vjen në mend Tava e krapit, apo ushqimet në zona malore të kryesuara nga byrek dhe produkte bio.

LEXO EDHE:  Mesila Doda propozon Voltana Ademin si kandidate në Shkodër

Prej vitësh vërehej mungesa e një tjetër standarti gatimesh. Tani më jo, sepse tek “Atelier” gjen shijen e gërshetuar me pjatën e bukur e cila së pari të ngop syrin.

Rizoto me krem butakësh, salmon i marinuar me agrume, spaghetti me shrimp tartar dhe salmon cavier, faqe viçi apo edhe Karpaco Levreku, janë disa nga specialitetet që shef Duli ofron.

Një restorant i mirë duhet të ofrojë gjithcka. Ndaj u mendua që “Atelier” të kënaqë klientët jo vetëm në shije por edhe për të kaluar më shumë se një drekë.

Hoteli është një tjetër risi, si nga dekori ashtu edhe cilësia që ofrohet. Dhomat standarte por edhe suitat përmbushin pritshmëritë e cdo vizitori i cili di të shijojë të bukurën dhe të bëjë diferencën me hotele të tjera.

Arkitektura e rafinuar me plot shije, duke sjellë të vjetrën dhe modernën në një dhomë, që nga pikturat, skulpturat, dekori i çdo objekti që ka në dhomë dhe korridore është ndryshe

“Atelier” hapi dyert në fillim të muajit Maj, por përshtypjet pozitive për të nisën menjëherë, e sot në booking është në top listën e më të mirëvë në vëndin tonë.

Kur flasim për “Atelier” kemi paraysh një tjetër nivel shërbimi, të zgjedhur me plot finesë.

Shkodra ka një tjetër thesar i cili është atraksion i padiskutueshëm për vizitorët jo vetëm vëndas por edhe të huaj, duke rritur kështu edhe cilësine e turizmit në qytetin verior. Nëse viziton një herë “Atelier” është e sigurtë rikthimi për të përjetuar bukurinë, intimitetin dhe shijen e gatimeve…/CNA.al

LEXO TE PLOTE

Në QYTETIN tim

REPORTAZH- “Shija e Natyrës” në Reç/ Destinacioni i ri i preferuar nga turistët e huaj

Publikuar

-

Nga

REPORTAZH- “Shija e Natyrës” në Reç/ Destinacioni i ri i preferuar nga turistët e huaj

Përpara iniciativës për të investuar, një ndër dilemat më të mëdha ka të bëjë me natyrën e investimit dhe emrin e tij. Xhuliano Makaj, 2 vite më parë vendosi që të hapë një lokal në Reç të Malësisë së Madhe. Çdo njëri që do të vizitojë këtë zonë turistike e di që në qendër të fshatit janë 3-4 restorante. Veçanërisht gjatë fundjavës është vështirë të gjesh vende të lira.

Xhuliano ishte ndër ata të rinj që mendoi se investimi duhet të kishte diçka më të veçantë se konkurrentët e tij. Ndaj vendosi që restorantin ta shoqërojë me tre shtëpiza të cilat ofrojnë edhe fjetje për turistët. Restorantin e pagëzoi me emrin “Shija e natyrës”. Emër që menjëherë të lë shije pozitive.

Restoranti menjëherë u bë i frekuentuar jo vetëm nga Shkodranët por edhe turistë të ardhur nga vendet fqinje. Pamja relaksuese, qetësia në çdo stinë të vitit, ushqimi bio bënë që “Shija e natyrës” të kishte klientë të shumtë. Sot është kthyer në një ndër destinacionet më atraktive, sidomos gjatë fundjavës! Të pushosh disa netë në shtëpizat prej druri në mes të pyellit, dhe të zgjohesh nga cicërimat e zogjve është ndër ndjesitë më të mira.

Xhuliano Makaj tregon për risinë që solli në fshatin Reç.

“E kisha në mendje prej kohësh. Ishte pak e sikletshme sepse Reçi ka një traditë të mirë si në restorante ashtu edhe në të bërit biznes. Nuk doja të dështoja, ndaj u mendova disa herë se si mund të ofroj diçka ndryshe.

Nga kontaktet që kisha me miq me thonin që Reçit i mungojnë bujtinat, shtëpiza ku mund të flesh. Aty siç duket mora edhe inkurajimin më të madh për të sjellë diçka që ofron më shumë se kafe, apo ushqim.

Restorantin e hapa ngjitur me ujin alpin, është në fund të rrugës me asfalt. Doja që vizitorët të kishin të lehtë aksesimin. Ndërtova 3 shtëpiza rrëzë malit. Mendoj që kanë një pamje të mirë. Shtëpizat janë për çifte por edhe për familje prej 4 anëtarësh. Jam i kënaqur me ecurinë gjatë këtyre 2 viteve.”

Fillimisht ishte e vështirë pasi Xhulianos iu desh që të hapte një pjesë mali. Duke e menduar të rëndësishëm pamjen që do të ofronte restoranti dhe bujtina e fjetjes, ai vendosi që të ngjitej disa metra sipër rrugës kryesore. Me shkallë të drunjëta, ngjitja për tek restoranti është tejet e veçantë.

LEXO EDHE:  Zjarri në Shkodër/ Përfshihen nga flakët 3 banesa

LEXO EDHE:  “Graj gamorin tat o goce!”/ Veliaj përplaset me Voltana Ademin

Ushqimi më shumë bazohet tek produktet lokale të zonës, të kultivuara nga vetë banorët. Bazë është mishi i qingjit dhe kecit, të rritur në male. Menjëhere pas hapjes së restorantit pandemia mbylli gjithçka duke lënë në krizë bizneset, për Xhulianon ishte akoma më e vështirë, sepse kjo krizë e preku që në hapje të tij. Megjithatë duket se çdo gjë është lënë pas dhe rimëkëmbja ka nisur. Fundjava është plot, dhe prenotimet po bëhen edhe për javët pasuese. Duke rritur kështu shpresën se investimi ia ka vlejtur.

Së fundmi rreth 25 turistë nga vende të ndryshme zhvilluan një tur me motorë nëpër Ballkan. Ndalesa ishte edhe tek “ Shija e natyrës” aty ku mbetën të mrekulluar me pamjen, ushqimin dhe shërbimin që iu ofrua. Tashmë “Shija e natyrës” ka krijuar klientët e saj, dhe Xhuliano thotë se disa prej tyre kthehen çdo muaj. Dikur zona të izoluara, sot gjithnjë e më shumë po tërheqin vizitorë të huaj e vendas.

Përveç natyrës që është treguar bujare, këto zona konkurrojnë denjësisht edhe me produktet unike me traditë qindravjeçare. Marketimi dhe promovimi i tyre do t’i ndihmonte të gjenin tregje më të mëdha dhe të kalonin kufijtë e lokales. Investimi në restorante dhe bujtina, i jep më shumë atraksion kësaj zone.

Tashmë përveç bimëve aromatike apo gështenjës së famshme Reçi gjithnjë e më shumë po njihet edhe për restorantet, gatimet dhe natyrën e veçantë e cila duhet vizituar me patjetër.

Përveç këtyre, në Reç ofrohet edhe guidë e cila do të ndihmonte së tepërmi turistët për eksplorimin e zonave të pashkelura më parë. Restoranti “Shija e natyrës” së bashku me shtëpizat prej druri është ndalesa e çdo vizitori i cili merr rrugën për në fshatin Reç të Malësisë së Madhe./ CNA.al

LEXO TE PLOTE