Connect with Us

Zgjedhjet që shpallën një gënjeshtar të çertefikuar

Opinione

Zgjedhjet që shpallën një gënjeshtar të çertefikuar

Publikuar

-

Nga Ilir Yzeiri

Lulëzim Basha fitoi dje sepse ai e kishte më të qartë alternativën e tij dhe ishte më bindës në përpjekjet për t’i mbajtur të trullosur, të goditur dhe të shpartalluar mbështetësit e tij. Ai kishte si motiv, si ide dhe si alternativë gënjeshtrën.

Kandidatët e tjerë që u futën në garë me Lulëzim Bashën, megjithëse pa mbështetje, nuk mund të krijonin dot frymë në atë parti sepse ajo forcë politike, në anën e saj të dukshme, është e kënaqur dhe ka gjetur strehë në godinën e madhe të RRENËS që Lulëzim Basha ka ngritur që prej ditës kur hyri në atë parti si kollovar.

Ai është i vetmi politikan që nuk ka asnjë lidhje me jetën reale në Shqipëri. Gjithçka që ai flet apo artikulon dhe tani në fund edhe ajo që shkruan mbështetet mbi parimin e thjeshtë që, për të bindur fanatikët në PD, duhet të gënjesh. Duhet të shfaqesh luftëtar dhe të denoncosh pa fund nga mëngjesi në darkë duke përdorur tri ose katër fjalë.

Ky njeri që ka shpallur si aksion të tijin psikik luftën imagjinare me armiq që i numëron me emër e mbiemër kur nxjerr nga goja fjali të shkurtra si copëra kamzhikësh që godasin vithet e kuajve, ia ka dalë që të bindë një pjesë të madhe të PD-së se në këtë vend është bërë masakër zgjedhore, se disa ditë para 25 prillit hordhitë e shpirtrave të zinj të shqiptarëve kriminelë futeshin në shtëpitë e shqiptarëve të ndershëm dhe u merrnin atyre votën e u deformonin vullnetin.

Xhelal Mziu, krahu i djathtë i Lulit, ky kalorës kreshnik i Nëntë Maleve të Dibrës i rri në krah Lulëzim Bashës dhe i bind demokratët se heroi i tyre është një azgan që nuk e mposht asnjë armik.

LEXO EDHE:  Kompania e kualifikuar për identifikimin elektronik e akuzuar për manipulim/ Kulluri zbulon skenarin Rama-Basha

Lulëzimi i ka bindur demokratët se ata nuk kanë humbur. Ata kanë fituar dhe fitorja e tyre është një ortek që ka nisur të rrokulliset mbi trupin e shqiptarëve dhe ata shumë shpejt do ta ndiejnë kur ky ortek t’i mbulojë me trashësinë e bardhë të dëborës së thinjave që do t’i dalin Lulit duke pritur te dera e kryeministrisë që të marrë çelësat.

Lulëzim Basha ka aftësinë magjike që ta kthejë jo ujin në verë, por vilat e tij t’i kthejë në garsoniere. Demokratët nuk mërziten pse Luli ka blerë katër vila në opozitë, por mërziten pse Rama nuk po ia jep çelësat. Demokratët nuk duan pushtet, nuk duan as Parlament, as bashki e komuna. Ata duan vetëm që Luli të vazhdojë të fitojë betejat e tij. Ata duan që ta shohin Lulin Kalorës që lufton korrupsionin, krimin dhe mafien.

Për ta bërë Lulin hero demokratët ia bëjnë jetën Lulit pranverë. Masakra e Edi Ramës më 25 prill ishte një gërvishje e vogël. Për Lulëzim Bashën demokratët janë gati të vdesin e të vriten, t’i bëjnë procesverbalet ashtu si i ka bërë nëna, të bardha fare dhe Luli t’i mbushë me dorën e tij të pafajshme.

Kështu që sot demokratët duhet të ndjehen të qetë dhe të lumtur sepse Lulëzim Basha e konsolidoi portretin e tij dhe aletranativën. Sot demokratët vërtet nuk janë në qeveri, por ata kanë fituar zgjedhjet, kanë fituar Lulëzim Bashën./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Nga Kreshnik Spahiu/ Pse Washingtoni refuzoi sot takimet me Ilir Metën dhe s’ia konvertoi “floririn” me lobim?

Publikuar

-

Nga

Nga Kreshnik Spahiu/ Pse Washingtoni refuzoi sot takimet me Ilir Metën dhe s’ia konvertoi “floririn” me lobim?

Mediat shqiptare po heshtin, por sot ngjarja më e rëndë në historinë e Shqipërisë është që: “Ilir Meta dhe Monika Kryemadhin kanë marrë rrugët e Amerikës me thes në krah.

Prej disa ditësh Presidenti gjysëm i shkarkuar dhe gjysëm në detyrë endet në çdo semafor të kuq të Washingtonit në përpjekje për të lëpirë ato çfarë pështyu 4 vjet kundër diplomacisë amerikane.

108 vite nga themelimi i shtetit shqiptar, historia jonë politike s’ka njohur asnjë rast ku kryetari shtetit të udhëtoj në SHBA për hallin e tij dhe jo për Shqipërinë dhe njëkohësisht, ai të refuzohet nga çdo strukturë qeveritare amerikane.

– Pasi u përdor si zhele nga Sali Berisha kundër projekteve amerikane,

– Pasi protestoi kundër amerikës në sheshin plot demokrat që ja mbushte Saliu,

– Pasi kërcënoi çdo ambasador të huaj,

– Pasi i dërgoi në shtëpi ambasadorit OSCE militantë për shantazh,

– Pasi tentoi të prishte zgjedhjet,

– Pasi dekretoi 4 herë zgjedhjet lokale,

– Pasi vuri gruan shefe të opozitës,

– Pasi përdori presidencën si zyrë elektorale,

– Pasi pengoi çdo votim për reformën në drejtësi,

– Pasi deklaroi se do kapte për veshësh çdo amerikan që do mbështeste qeverinë Rama,

– Pasi u deklarua kundër shpalljes Non-Grata të Berishës dhe e quajti flet-rrufe raportim e departamentit shtetit.

– Pasi i shkoi dëm sponsorizimi 8 vite i shumicës televizioneve, gazetave, portaleve dhe analistëve,

– Pasi e pa që dhe Luli ja futi sa krahu në marrveshjen para elektorale

– Pasi u shkri LSI-ja,

Ilir Meta e pa qartazi që laku po i mblidhej keq.

Diplomatët amerikan e kanë njoftuar që kanë dijeni për aktivitetin e tij korruptiv dhe anti-amerkian.

LEXO EDHE:  Kompania e kualifikuar për identifikimin elektronik e akuzuar për manipulim/ Kulluri zbulon skenarin Rama-Basha

LEXO EDHE:  Sulmi i qeverisë ndaj Krichbaum/ Basha akuza Ramës

Dje ai refuazua nga çdo nivel ekzekutiv apo legislativ për tu takuar në Washington dhe New York.

Askush nuk pranon ta takoi njeriun i cili de-fakto është Non-Grata, por de-Jure pritet shkarkimi nga president.

Funerali i çiftit Meta në SHBA është shumë i gjatë por bashkë me dy kufomat atje do shkrin edhe floririn duke shpresuar se do blejnë të gjithë ata që janë rreshtuar në “funeral”.

Mendojnë se leku blen çdo gjë.

Ndoshta edhe në Amerikë ka segmente që blihen me para, por me një ndryshim.

Atje çdo lobim dhe sponsorizim bëhet publik dhe transparent.

Në këtë pikë, çifti Meta ka ngel me thes në krah sepse s’duan të bëjnë gabimin e Lulzim Bashës që 1 milion euro i postoi nga Banka e Ukrahinës prej dy vjazave agjente të KGB (spiune ruse).

Për të gjitha këto arsye: Meta dhe Monika u katandisën dje në zyrën e një lobisti libanez, për të vetmin fakt sepse atij, mund t’ja bëjnë pagesën dhe transfertën honorare jo në Bankat Amerikane por në atdheun e tij në Liban, si shteti që njihet si lavatriçja e parave mafioze të gjithë botës.

Prandaj sot Washingtoni zyrtar, i mbylli dyert Presidentit të LSI, sepse i Shqipërisë apo i shqiptarve ai ka shumë kohë që nuk egziston.

O Zot sa turp për ne shqiptarët, që pas 108 vite themelim të shetit shqiptar, s’kemi ende me kë të përfaqësohemi si Kryetar Shteti.

Madje këtë rradhë as Bebe Rexha që e ka krushqi nuk e priti në Amerikë. S’ka faj e shkreta: Ka hall, se djeg karrierën artistike për hallin e një mafie politike.

LEXO TE PLOTE

Opinione

Nga Ilir Levonja/ Arsyeja pse Kosova fiton

Publikuar

-

Nga

Pashë një derruc që habitet se pse Shqipëria nuk fiton medalje ari? Ka kaq vjet shtet e më the apo të thashë. Kurse Kosova, shtet fare i ri, fiton medalje ari, madje duke mundur edhe shtete si Japonia apo Franca? Eshtë fare e thjeshtë o derruc.

Në Kosovë fitojnë medalje ari sepse Kosova financon sportistët, madje me strategji. Por edhe në mos shteti, qytetaria e tyre pro perëndimore, pro patriote etj. Duke përfshirë këtu edhe hapjen e mendjes në lidhje me larminë apo sportet e vështira.

Se jemi akoma me mendësinë që pushka është vetëm për burrat o ti derruc. Mezi po krijojmë kampionatin e futbollit për femra. Se topi është vetëm për burrat, apo jo? Jo më, t’u ofrojmë vajzave tona xhudizmin apo karatenë. Mbaj mend se edhe ato pak klasa gjimnastësh që kishim dikur, i degdisëm Europës.

Kurse atyre pak mësuesve, u lamë nga një kostum sportiv nga tekstili i Tiranës. Ofron më shumë shance Kosova si shtet dhe shoqëri ndaj edhe talenti triumfon. Kurse Shqipëria nuk financon sportet, apo sportistët.

E kap tjetri nga fyti sportin dhe nuk e lëshon për njëqind vjet. Madje dhe kur do bëhen zgjedhjet e shefave, ato…, o do shtyhen tridhjetë herë, o do rrihen, o do votohet 99.99% pro zaptuesit, o hiç. Pra Shqipëria jonë derruc financon, jo sportistët, por vipat.

I financon me paga mbi pagë, me poste të sajuara si këshilltarë pranë kryetarëve të Bashkive në rrethe. Deri specialistë në ato pak ndërrmarrje të shtetit si ujësjellsi apo elektriku, arsimi etj. Financon analistët e studiove, ata që janë njëqindkaratsh, o pro Ramës, o pro Metës, o pro Lulit…, po kurrë pro vendit, se sportit jo e jo.

LEXO EDHE:  Basha ka "harruar" të ndërrojë orën/ Mbërrin një orë me vonesë në Shkodër

I qasen ndonjë emri që po bën karrierë diku në botë, por edhe atij për modë, për tu dukur klasë e lartë, madje për ta përdorur në murin e fejsbukut a instagramit. Siç edhe po bëni tani o derruca me emrat e Distrias dhe Norës.

LEXO EDHE:  Republika e Re nis marshimin drejt fitores në çdo shesh të Shqipërisë

Se nuk hap dot qoftë fejsbukun, qoftë instagramin, qoftë tuiterin se të çani menderen me këto lavdërime bajate karshi Distrias apo Norës. Sikur dje, një nga këto t’u kishte trokitur në derë për ndihmë, që t’u siguronit kushte stërvitje më të mira, do i kishit treguar malet.

Një sportit i peshave të rënda në Shkodër, pak ditë më parë, kërkonte përmes një televizioni, pak suport. Një palestër stërvitje pasi ishte liçensuar si trajner në peshëngritje.

Po ju i keni fondet për kartelet e plehrave o derruca, të atyre të drogës, të atyre që gjurmojnë njerëzit në lidhje me bindjet dhe se për kë do votoj. Nuk i keni për sportin a sportistët.

Sot nxitoni, zhurmaxhinj, ngucalaqë, derruca, Nora, Distria, Kosova… bravo, u lumtë./ CNA.al

LEXO TE PLOTE

Opinione

“Njerëz të dobët prodhojnë diktatura të egra”/ Gazetari tregon historinë e trishtë të djalit nga Tirana, mesazhi për shqiptarët

Publikuar

-

Nga

Njerëz të dobët prodhojnë diktatura të egra/ Gazetari tregon historinë e trishtë të djalit nga Tirana, mesazhi për shqiptarët

Nga Armir Shkurti

Tedi, një djalosh i pashëm Tirane, u dashurua në kohë të diktaturës me vajzën e një ambasadori të një vendi europian. Lidhja e një shqiptari me një të huaj qe atëhere më e pamundur sesa vajtja e një shqiptari në Hënë me mushkë.

Edhe ata që qenë martuar me ruska, polake a çekosllovake u ndanë fët e fët e nuk u panë më për së gjalli, as me gratë e as me fëmijët. Të paktën deri në ’90-ën.

Imagjino njëri që bie tani në dashuri me të bijën e një ambasadori prej Perëndimi!

Tedi qe familje shumë e ngritur. Familje lufte dhe njerëz me pozita të larta në administratën e vendit. U përpoq familja ta ndajë djalin nga “zuska borgjeze”, por Romeon shqiptar s’kish Zot ta ndante prej Zhuljetës europiane….

…Derisa një ditë erdhi GAZI i famshëm i Degës, i hodhi prangat dhe e plasën në qeli. Tedi u dënua shumë vite. Për tradhëti! Por kjo nuk shkoi gjatë. Një mëngjes djaloshin e gjetën të vdekur në shtratin e burgut. Kishte vrarë veten!

E di pse?

SEPSE NUK DURONTE DOT QË DENONCIMIN IA KISH BËRË I ATI!!

Ca thonë se i ati denoncoi birin thjesht për të shpëtuar fëmijët e tjerë. Ca thonë se e bëri për shkak të besnikërisë ndaj Partisë…

Kjo ngjarje është krejtësisht e ndodhur kështu. Thjesht emrat dhe ofiqin e vërtetë të babait i kurseva.

Ne shqiptarët kemi kaluar nga udha ku fëmija denonconte prindin dhe prindi fëmijën. Nuk po flas pastaj për fqinjin dhe shokun. Një vend 5 shekuj periferik i një perandorie dhe më pas në rrëmujë politike, ekonomike, shoqërore, prodhoi masivisht njerëz të shtypur, të vuajtur e mbi të gjitha TË DEPERSONALIZUAR.

LIRIA edhe sot mbetet një nocion ende i pazbuluar në shumë aspekte të tij për shumë prej nesh. Shkurtimisht, për këto motive, njerëz jo të lirë, pa forcë e pa dinjitet e kërkojnë shpëtimin tek “i forti”.

Dhe “i forti i mirë” u paraqit Enver Hoxha me “barazinë” e tij, “lugën e floririt” dhe “përmbysjen e klasave që kishin shfrytëzuar popullin”.

Ca nga frika, ca nga bindja, ca nga të dyja, shumë prej nesh zbatuan me zell të paparë gjithë platformën e diktaturës, duke vendosur SHTETIN mbi VETVETEN dhe mbi FAMILJEN, duke besuar DIKTATURËN E PROLETARIATIT si e MIRË e madhe që na shpëton nga një e keqe më e madhe dhe KUFIZIMIN E LIRIVE si një sakrificë të doemosdoshme për të kufizuar edhe LIRITË E “TË KËQINJVE”, madje edhe PËR TË NA SHPËTUAR EDHE VETË NE NGA SHFAQJET E HUAJA DHE MBETURINAT BORGJEZO – REVIZIONISTE!

LEXO EDHE:  Ngjela lëshon “bombën”/ Opozita ka falimentuar, Rama i pafuqishëm

LEXO EDHE:  Republika e Re nis marshimin drejt fitores në çdo shesh të Shqipërisë

Ne festonim kur arrestoheshin, internoheshin a ekzekutoheshin shqiptarë prej shqiptarëve. Sepse SHTETI, të cilin kishim vënë BABA, kujdesej për gjithçka, me kusht që ne të ulnim kokën të bindur, të mos mendonim e të mos kishim dinjitet individual por identitet MASASH.

Kjo përvojë duhej bërë mësim, për ne që e pësuam. Mirëpo jo! Qenkëshim po ata qurrashë pa dinjitet, frikacakë ndaj lirisë, pa njerzillëk e fisnikëri që jemi gati ti dorëzojmë prapë SHTETIT vendimmarrjen, sovranitetin, liritë, dinjitetin, TË MENDUARIT, FJALËN E LIRË… NË KËMBIM TË BUKËS DHE STABILITETIT!!

Në 1 vit e gjysmë rregjim TË DEKLARUAR DIKTATORIAL, të shpallur prej pandemisë, ky popull ka qenë më i zellshëm edhe se në diktaturë për të zbatuar deri edhe kapriçot e… ( vini re! Jo të sistemit, siç bënte Enver Hoxha, por të) një cope mishi me dy sy, siç është Edi Rama!! “Të dalin gratë me fëmijë 11 vjeç të dielën paradite e burrat të bëjnë punët”! – tallte menderen ky, dhe masa mishtore që urren lirinë e dinjitetin e vet në këmbim të adhurimin për udhëheqësit arrogantë, E ZBATOI!

Kur them me dëshpërim se “po instalohen vidat e fundit të diktaturës”, këtë e kam thjesht nxjerrje dufi e aspak shpresë se mos dikush guduliset dhe çohet për ti bërë ballë kësaj gjëme.

Historia shumëshekullore e shtypje – poshtërimit i zhvilloi këtij populli instinktin bazë të mbijetesës:

P Ë R SH T A T J E N

Nuk mbijeton gjallesa më e fortë, por ajo që përshtatet. Dhe në shekuj, shqiptari që shtetin e ka patur vetëm SUNDIMTAR, ka mprehur skajshëm gjithë mekanizmat e nevojshme për mbijetesë: që nga servilizmi, hipokrizia, dymendimi , nënshtrimi, rryshfeti deri tek spiunllëku, tradhëtia e pabesia. “Secili për vete – Zoti për të gjithë”!

Siç ka parathënë Harri Fulc, kur u hoqi gjellët e ëmbëlsirat nxënësve, i la me supë e askush s’protestoi:

“LUM AI QË DO T’JU QEVERISË JU”!!

NE NDOSHTA NUK E MERITOJMË LIRINË!! AJO PAK QË NJOHËM NË VITIN 1990 ERDHI SI DHURATË. Nuk derdhëm gjak, nuk sakrifikuam, nuk i ndjemë dhembjet e lindjes. Ra gjithandej sistemi bolshevik në Lindje e ndryshoi me përkujdesjen e Ramiz Alisë edhe këtu.

E, nëse herën e parë, në ’45 – ën, u gënjyem, qe faji i Enverit. Nëse në ’90-ën, prapë u gënjym, le ta themi se e kemi gjysmë për gjysmë me gënjeshtarët fajin.

Ama, tani në 2021 nuk ka më bythë ku të rijë! Tani s’është më as gabim, as padije e as faj. TANI ËSHTË KRIM! Jo ndaj vetes. Se ne ky mut jemi! Ndaj fëmijëve!!!

LEXO TE PLOTE