Connect with Us

Veteranët protestojnë “në mbrojtje të UÇK-së”

Kosova & Rajoni

Veteranët protestojnë “në mbrojtje të UÇK-së”

Publikuar

-

Me moton “Me ju çlirimtarë”, të shtunën, më 12 qershor, është mbajtur aktiviteti protestues përmes artit, në mbështetje të tetë ish-pjesëtarëve të Ushtrisë Çlirimtare të Kosovës, shumica prej të cilëve, po mbahen nga Dhomat e Specializuara me seli në Hagë, me akuzat për krime lufte dhe krime kundër njerëzimit.

Ideatori i kësaj proteste, Besart Gashi, ka vendosur pano me figurat e tetë ish-pjesëtarëve të Ushtrisë Çlirimtare të Kosovës (UÇK), Hashim Thaçit, Kadri Veselit, Jakup Krasniqit, Rexhep Selimit, Sali Mustafës, Pjetër Shalës, Hysni Gucatit dhe Nasim Haradinajt. Mbi këto pano, qindra protestues kanë shkruar moton e kësaj proteste duke formësuar figurat e këtyre tetë ish pjesëtarëve të UÇK-së.

Kjo protestë është mbështetur nga Organizata e Veteranëve të Luftës të Ushtrisë Çlirimtare të Kosovës.

Protesta është mbajtur në ditën kur në Kosovë shënohet 22-vjetori i çlirimit të Kosovës nga regjimi i Serbisë.

Gashi: Protestë pa ngjyrim politik

Besart Gashi, i cili ka punuar panot me figurat e ish-pjesëtarëve të UÇK që po mbahen të akuzuar në Dhomat e Specializuara në Hagë, që njihen si Gjykata Speciale për krime të luftës në Kosovë, ka thënë për Radion Evropa e Lirë që protesta të cilën e ka nisur ai, është paqësore. Ai thekson që përmes artit e shpreh pakënaqësinë ndaj, siç i ka quajtur ai, “padrejtësive që po bëhen ndaj Kosovës dhe ndaj çlirimtarëve të saj”.

“Sot bëhen 22 vjet nga dita e çlirimit të Kosovës dhe sot këta çlirimtarë nuk janë prezent në vendin tonë, në këtë vend për të cilin kanë qenë në gjendje ta japin jetën për të. Për këtë arsye kam marrë nismën dhe kam organizuar një protestë paqësore përmes artit, që të dal në përkrahje të çlirimtarëve”, theksoi Gashi.

Ai shtoi se kjo protestë, përveç pakënaqësisë që shprehë ndaj Gjykatës Speciale, nuk ka asnjë ngjyrim politik dhe nuk i adresohet askujt tjetër.

“Asnjëherë në jetën time nuk do të ketë diçka me ngjyrim politik dhe asnjëherë në jetën time nuk do ta organizoj ndonjë protestë kundër një qeverie shqiptare. Cilido subjekt politik që vjen në pushtet, unë nuk do t’i dal kundër. Unë vetëm do të punoj dhe veproj për të mirën e vendit tim”, theksoi Gashi.

LEXO EDHE:  Prej muajsh nuk marrin pagat dhe sigurimet/ Punëtorët e Rafinerive Ballsh dhe Fier sërish në protestë

Kjo deklaratë e Gashit, u tha pas fjalimit të ushtruesit të detyrës së kryetarit të Organizatës së Veteranëve të Luftës të UÇK-së, Faton Klinaku.

Klinaku theksoi se në ditën kur shënohet 22 vjetori i çlirimit të Kosovës, themeluesit e UÇK-së, gjenden prapa grilave në Hagë. Sipas tij, në Hagë po gjykohet lufta e UÇK-së dhe nuk po gjykohen “krimet dhe masakrat e pushtuesit serb”.

Ai tha që OVL e UÇK-së ka qenë kundër, siç e quajti ai “pseudo-drejtësisë ndërkombëtare” dhe në vazhdimësi ka kërkuar që me krimet e luftës të merret një gjykatë vendore.

“Ky aktivitet protestues u organizua për shkak të fyerjeve që i janë bërë dhe po i bëhen ndaj UÇK-së, nga njerëz që nuk ia dinë vlerën lirisë e ndër ta edhe ministra të Qeverisë. Por, po organizohet edhe në përkrahje të çlirimtarëve që gjenden padrejtësisht në dhomat e specializuara në Hagë”, theksoi Faton Klinaku.

Që nga shtatori i vitit të kaluar e deri më tash, Prokuroria Speciale me seli në Hagë ka ngritur akuza ndaj tetë ish-pjesëtarëve të UÇK-së, të cilët aktualisht po mbahen nga Dhomat e Specializuara me seli në Hagë.

Hashim Thaçi, Kadri Veseli, Jakup Krasniqi dhe Rexhep Selimi, janë akuzuar për krime të luftës dhe krime kundër njerëzimit. Për krimet luftës janë akuzuar edhe Sali Mustafa dhe Pjetër Shala.

Hysni Gucati dhe Nasim Haradinaj janë akuzuar nga Prokuroria Speciale me seli në Hagë për vepra penale “kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës”.

Dhomat e Specializuara dhe Zyra e Prokurorit të Specializuar – që ndryshe njihen edhe si Gjykata Speciale – hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.

Këto krime të pretenduara përmenden në një raport të Këshillit të Evropës, të vitit 2011, autor i të cilit është senatori zviceran, Dick Marty.

Gjykata është themeluar nga Kuvendi i Kosovës, por vepron në Hagë të Holandës./REL

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Kosova në zi për viktimat e aksidentit në Kroaci

Publikuar

-

Nga

Në Kosovë është sot ditë zie për viktimat që pësuan të dielën në një aksident rrugor në Kroaci.

Dhjetë vetë me prejardhje nga Kosova humbën jetën dhe mbi dyzet u plagosën kur autobusi me të cilin udhëtonin, doli nga rruga në qytetin kroat, Sllavonski Brod.

Autobusi me 67 pasagjerë, përfshirë fëmijë, ishte nisur nga Frankfurti për në Prishtinë.

Në mesin e viktimave është njëri shofer, ndërsa dy nga pasagjerët e plagosur janë të shtrirë në njësi të kujdesit intensiv në Sllavonski Brod.

Presidentja e Kosovës, Vjosa Osmani, shpalli të hënën ditë zie në nderim të viktimave, ndërsa ndërpreu vizitën në Japoni për shkak të aksidentit.

Kryeministri i Kosovës, Albin Kurti, vizitoi të dielën mbrëma të plagosurit në Sllavonski Brod.

“Kjo fatkeqësi, kjo tragjedi është tejet e rëndë për ne”, tha Kurti.

Të gjithë të mbijetuarit e aksidentit ndodhen ende në Kroaci. Mësohet se autoritetet e Kosovës dhe ato të Kroacisë po punojnë për organizimin e sjelljes në Kosovë të udhëtarëve të palënduar dhe të atyre me lëndime të lehta.

Ministri kroat i Shëndetësisë, Vili Berosh, tha se disa të lënduar lehtë do të lirohen gjatë ditës së sotme nga spitali.

LEXO EDHE:  LSI braktiset nga militantët

LEXO EDHE:  LSI braktiset nga militantët

“Të gjithë të përfshirëve në këtë ngjarje tragjike do t’iu ofrohet ndihmë psikologjike”, tha ai.

Autoritetet thanë se shoferi që po voziste autobusin, u ndalua nga policia.

“Ai [shoferi] tha se e mori gjumi për një moment”, tha zëvendësprokurori lokal, Sllavko Pranjiç. “Kam parë të plagosur, kam parë të vdekur, kam parë gjithçka”, tha Ramo Gashi, njëri nga pasagjerët, për televizionin kroat HRT.

Kryeministri i Kroacisë, Andrej Pllenkoviq, tha se është “i trishtuar” dhe “i pikëlluar” nga ngjarja, ndërsa u shprehu ngushëllime familjarëve të viktimave dhe popullit të Kosovës.

Presidenti kroat, Zoran Millanoviç, gjithashtu shprehu ngushëllime dhe uroi shërim të shpejtë për të plagosurit.

Ministria e Punëve të Jashtme dhe Diasporës në Kosovë publikoi numrin e telefonit: +383 (0) 38 200 76 000, si kontakt për të gjithë ata që kanë nevojë për informata rreth situatës apo gjendjes së familjarëve në Kroaci.

Dhjetëra qytetarë ndezën qirinj të dielën mbrëma para Teatrit Kombëtar në Prishtinë, në nderim të viktimave të aksidentit./REL

LEXO TE PLOTE

Kosova & Rajoni

Identifikohen 8 nga 10 viktimat e aksidentit tragjik në Kroaci/ Mes tyre nënë e bijë

Publikuar

-

Nga

Një aksident i rëndë ndodhi një ditë më parë në Kroaci, ku humbën jetën 10 persona, dhe mbi 40 të tjerë mbetën të lënduar, pasi autobusi i tyre doli nga rruga dhe u përmbys.

Ndër komunat më të prekura nga tragjedia, është Gjakova.

Kryetari i kësaj komune Ardian Gjini ka thënë se Gjakova është goditur rëndë nga ky aksident, pasi shumë prej viktimave janë nga ky qytet.

“Gjakova e ka pësuar keq. Është tepër e rëndë të mendojnë se si ndihen familjet e viktimave. Janë pesë viktima nga Gjakova. Pos bashkë vozitësit që është konfirmuar më herët se ka ndërruar jetë në këtë tragjedi, kemi edhe katër viktima tjera. Kemi një nënë dhe një vajzë nga fshati Devë, dhe një tjetër grua nga fshati Lipovec”, ka thënë Gjini për mediat në Kosovë.

Gjithashtu ai ka thënë se janë të gatshëm të ndihmojnë të gjitha familjet e viktimave në këto momente të vështira.

Gjini thotë se ka pasur takime edhe me zyrtarët e qeverisë, të cilët thotë se kanë ardhur me emrat e viktimave dhe janë njoftuar familjarët.

LEXO EDHE:  “Shpërthen” Spahiu/ Populli ka mbushur sheshet për dashnoret e “Përputhen”, nuk protestojnë për zgjedhjet

LEXO EDHE:  Prej muajsh nuk marrin pagat dhe sigurimet/ Punëtorët e Rafinerive Ballsh dhe Fier sërish në protestë

“Tani kemi disa të panjohura pasi disa nga viktimat janë qytetare të Gjakovës por me prejardhje nga komunat tjera. Do të shohim se si do të kryhen procedurat e varrimit për ata që tashmë kanë ndërruar jetë fatkeqësisht”, deklaroi ndër të tjera Ardian Gjini.

Mediat në Kosovë raportojnë po ashtu se viktima të aksidentit kanë mbetur:

Sevdail Rruatemi, 1973 Pakshticë e Epërme – Podujevë,
Naser Sylemetaj, 1974 Gjakovë,
Launora Kolmekshaj, 1982 Junik – Deçan,
Kujtim Kastrati, 1981 Radoste,
Hamet Hoxha, 1966 Randobravë – Gjakovë.

Po ashtu mediat kanë raportuar se mes viktimave është edhe 18-vjeçarja, Anjeza Bellanica nga Krusha e Madhe, të cilën familjarët po e kërkonin në spital, por fatkeqësisht ajo kishte ndërruar jetë.

LEXO TE PLOTE

Kosova & Rajoni

Aksidenti me 10 të vdekur/ Kurti: Ditë e rëndë për të gjithë popullin tonë

Publikuar

-

Nga

Aksidenti me 10 të vdekur/ Kurti: Ditë e rëndë për të gjithë popullin tonë

Kryeministri i Kosovës, Albin Kurti, e ka quajtur shumë të rëndë ditën e diel, kur 10 persona kanë vdekur në një aksident me autobus në Sllavonski Brod në Kroaci.

Si pasojë e aksidentit, që ka ndodhur në orët e para të mëngjesit më 25 korrik, janë plagosur edhe mbi 40 persona.

Ministria e Punëve të Jashtme dhe Diasporës (MPJD) në Kosovë, ka thënë se të vdekurit janë bashkatdhetarë, të cilët kanë qenë duke udhëtuar në linjë të rregullt Frankfurt-Prishtinë.

“Kjo është një ditë shumë e rëndë, me dhembje e pikëllim për gjithë popullin tonë”, ka thënë Kurti në një konferencë për media nga spitali në Sllavonski Brod.

Kryeministri i Kosovës, u ka shprehur ngushëllime familjarëve të viktimave, ndërsa të plagosurve shërim të shpejtë.

Ai ka falënderuar homologun e tij kroat, Andrej Plenkoviq për bashkëpunimin në këtë rast dhe ndihmën që u kanë ofruar autoritetet të plagosurve në këtë aksident.

Kurti ka thënë se ka vizituar të gjithë personat në spital, përfshirë dy persona që janë në kujdes intensiv.

Sipas tij, një pjesë e mirë e udhëtarëve kanë qenë në gjumë, në kohën e aksidentit.

Kurti ka thënë se qindra mijëra persona shkojnë në vendlindjen e tyre në Kosovë, për pushime.

“Kjo fatkeqësi, kjo tragjedi është tejet e rëndë për neve”, ka thënë Kurti, mirëpo ka theksuar se në bashkëpunim me autoritetet kroate besojnë se do t’ia dalin më shpejt.

Kryeministri kroat, Andrej Plenkoviq, po ashtu u ka shprehur ngushëllime familjarëve të të plagosurve, dhe ka thënë se autoritetet kroate po synojnë t’iu qëndrojnë afër të plagosurve.

Kurti ka arritur të dielën në mbrëmje në qytetin Sllavonski Brod në Kroaci me helikopterin e ushtrisë kroate në kuadër të KFOR-it.

LEXO EDHE:  “Unaza e Madhe”/ Kryemadhi zbulon mashtrimin e Gjiknurit dhe Ramës

Ai është shoqëruar nga disa ministra të kabinetit të tij qeveritar.

LEXO EDHE:  “Shpërthen” Spahiu/ Populli ka mbushur sheshet për dashnoret e “Përputhen”, nuk protestojnë për zgjedhjet

Zyrtarët e Kosovës janë pritur nga kryeministri kroat, Andrej Plenkoviq, si dhe ministri i Jashtëm kroat, Gordan Gërliq Radman.

Bashkë më Kurtin në Kroaci janë, ministrja e Punëve të Jashtme dhe Diasporës, Donika Gërvalla, ministri i Punëve të Brendshme, Xhelal Sveçla, ministri i Shëndetësisë, Arben Vitia dhe shefi i Stafit të Kabinetit të Presidentes së Kosovës, Blerim Vela.

Plenkoviq ndërkohë ka publikuar në video të shkurtër në rrjetin social Twitter, ku është parë Kurti afër spitalit në Sllavonski Brod për të vizituar të plagosurit.

Ende nuk dihet se cili është shkaku i aksidentit.

Zëvendës-Prokurori i Shtetit Komunal Sllavko Pranjiq, ka thënë se shoferi, i cili është gjetur në vendin e ngjarjes, është arrestuar ndërkohë.

“Shoferi është arrestuar nën dyshimin për drejtim të automjetit në mënyrë jo të duhur. Shkaqet e daljes nga rruga të autobusit do të përcaktohen kur të merren provat, ka thënë ai.

Pranjiq ka thënë po ashtu se përgjatë dëshmisë së tij, shoferi ka thënë se ka rënë në gjumë për një moment.

“Por ne do të përcaktojmë gjithçka më vonë”, ka thënë mes tjerash Pranjiq.

Më herët, drejtori i Mbrojtjes Civile Kroate, Damir Trut, u ka thënë gazetarëve se nëntë pasagjerë dhe një shofer kanë vdekur, duke deklaruar se në autobus kanë qenë 67 udhëtarë dhe dy shoferë.

Ministri kroat i Shëndetësisë Vili Berosh, ka thënë në vendin e aksidentit se, në autobus kanë qenë 15 të mitur, prej të cilëve, një vajzë e plagosur rëndë.

LEXO TE PLOTE