Connect with Us

“Këmbët e arta” të Shaqirit, 50 % e golave të Zvicrës kalojnë nga… futbollisti shqiptar

Sport

“Këmbët e arta” të Shaqirit, 50 % e golave të Zvicrës kalojnë nga… futbollisti shqiptar

Publikuar

-

Lojtarët shqiptarë prej vitesh kanë filluar të lënë gjurmë në Europë, por jo vetëm. Në përfaqësuesen e Zvicrës luajnë një numër i konsiderueshëm futbollistësh origjinë shqiptare duke treguar cilësitë e tyre nëpër kompeticione të rëndësishme ku marrin pjesë.

Helvetikën nuk shkuan më shumë se barazimi 1-1 me Uellsin, në ndeshjen e vlefshme për Grupin A, të EURO 2020.  Goli I shënuar nga zvicerianët kaloi nga këmbët e Xherdan Shaqirit. Ishte lojtari me origjinë shqiptare që përfaqëson Zvicrën që krosoi për Embolo I cili më pas do të shënonte me kokë.

Pas këtij rasti statistika mbresëlënëse janë zbuluar nga mediat europiane për Shaqirin. Siç raportojnë mediat Xherdani është i përfshirë në 50% të golave të shënuar nga kombëtarja helvete në 4 turnetë e fundit, duke përfshirë Europianin dhe Botërorin.

Duket se 29-vjeçari është prezent në gjysmën e golave  duke qenë kështu një protagonist I padiskutueshëm në këtë përfaqësues me golat dhe asistet. Kjo tregon varësinë që Zvicra ka ndaj lojtarit të Liverpulit, ku si për ironi të fatit pas daljes së Shaqirit nga loja, Uellsi arriti të barazojë ndeshjen.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kombëtare

FSHF letër Ministrisë, kërkon mbushjen e stadiumeve shqiptare me kapacitet të plotë

Publikuar

-

Nga

Federata Shqiptare e Futbollit kërkon që stadiumet të hapen plotësisht dhe të mos ketë më kufizime. Institucioni i futbollit, i ka dërguar një shkresë Ministrisë së Shëndetësisë dhe Mbrojtjes Sociale, duke bërë kërkesën zyrtare që të mos ketë më kufizime në impiantet sportive në vend për spektatorët. Sipas normativave ligjeve aktuale, në stadiume lejohet prania e tifozëve në 30% të kapacitetit të impiantit. Por FSHF në shpresën e saj kërkon që çdo kufizim të hiqet. Ajo e ka marrë këtë hap duke kujtuar se sa i rëndësishëm do të ishte si për klubet shqiptare të pranishme në kompeticionet ndërkombëtare, ashtu edhe për përfaqësuesen shqiptare që ka në muajt e ardhshëm ndeshje shumë të rëndësishme në kualifikueset e Botërorit.

“Nisur nga këto eksperienca pozitive dhe inkurajuese, bashkuar me vaksinimin masiv të popullsisë nga ana e MSHMS, Ju drejtohemi me këtë kërkesë për lejimin spektatorëve në stadium me kapacitet të plotë, paraprakisht për klubet tona të cilat janë në një rrugëtim historik të kompeticionit më të ri Europian, ashtu edhe të ekipit tonë kombëtar në ndeshjet deçizive të Shtatorit. Sërish, përtej të gjitha masave rigoroze të Protokollit të Rikthimit në Lojë të UEFA-s, dhe për të ruajtur sigurinë dhe shëndetin e lojtarëve dhe spektatorëve, ne si FSHF do të marrim masa që të hyjnë aksesin në stadium, në këtë fazë, ta kenë vetëm personat e vaksinuar”, shkruhet në kërkesën e FSHF.

LEXO TE PLOTE

Sport

I druhen gjobës tjetër, te Vllaznia marrin masa për tifozët

Publikuar

-

Nga

Drejtuesit e Vllaznisë kanë nisur punën për organizimin e ndeshjes me AEL-in, në mënyrë që gjithçka të shkojë më së miri dhe të mos përsëriten skenat e takimit ndaj Shiroki Brijegut. Për shkak të fishekzjarrëve, klubi u dënua me 10700 euro gjobë nga UEFA.

Duke pasur parasysh edhe interesimin e jashtëzakonshëm të tifozvëe për këtë sfidë, në klubin shkodran duan që ndeshja me AEL të kthehet në festë e të mos ketë më situata problematike që mund të penalizojnë ekipin.

Kësisoj, në bashkëpunim me policinë, do të nisë një fushatë sensibilizuese për rreth 5000 tifozët që do të jenë në stadium. Masat pritet të jenë të ashpra, teksa tifozëve nuk u lejohet të mbajnë sende në stadium.

LEXO TE PLOTE

Premier Liga

Mungon vetëm firma, Manchester United rrëmben yllin e Real Madridit

Publikuar

-

Nga

Rafael Varane është goditja e radhës e Mançester Junajtid, pasi “djajtë e kuq” po bëhen gati për zyrtarizmin e firmës së mbrojtësit francez të Real Madrid. Nga Anglia raportojnë se gjithçka është mbyllur dhe vetëm vizitat mjekësore ndajnë praktikisht nga firma.

Pas Xhedon Sanço që përforcoi sulmin, Mançester ka afruar një yll që do të përforcojë prapavijën. Akordi mes palëve është gjetur me një pagesë prej 50 milionë eurosh për kartonin e lojtarit, i cili i afrohej fundit të kontratës së tij te Reali dhe nuk kishte ndër mend të firmosë rinovimin atje.

Futbollisti ka gjetur dhe akordin personal me atë që do të jetë klubi i tij i ardhshëm dhe brenda 48 orësh pritet të kryejë të gjithë vizitat mjekësore dhe të udhëtojë drejt Mançesterit për të zyrtarizuar firmën e tij në kontratë. Të dy klubet e mbyllin këtë marrëveshje të kënaqur, pasi Reali përfiton një shumë të konsiderueshme për një lojtar në fund të kontratës, ndërsa Mançesteri gjen një partner të besueshëm për ta rreshtuar përkrah Meguajë

LEXO TE PLOTE