Connect with Us

Donnarumma arrin akordin me PSG-në, sot kryen vizitat mjekësore

Seria A

Donnarumma arrin akordin me PSG-në, sot kryen vizitat mjekësore

Publikuar

-

Tani nuk ka më dyshime për të ardhmen e Giggio Donnarummës, e cila do të jetë në kryeqytetin e Francës, Paris. Ish portieri i Milanit dhe aktualisht titullari i katërkëndëshit të Italisë, ka arritur një akord total me klubin e PSG-së, për të nënshkruar një kontratë 4-vjeçare me pagë prej 12 milionë eurosh neto në sezon.

Gjatë ditës së sotme mjekët e klubit francez pritet të mbërrijnë në Coverciano, vendin ku është grumbulluar kombëtarja italiane dhe me lejen e Roberto Mancinit, do të asistojnë në testet zyrtare mjekësore të portierit, një ritual ky i zakonshëm para se të hidhet firma mbi kontratë.

Pas këtij momenti, portieri mund të përqendrohet totalisht te eksperienca në Kampionatin Europian me Italinë, duke qenë se ka zgjidhur gjithçka për të ardhmen, një rebus i cili kishte nisur prej muajsh.

Portieri 23-vjeçar kishte refuzuar të rinovojë kontratën me Milanin, pasi nuk ishte i kënaqur me 8 milionë eurot në sezon që i ofruan drejtuesit e klubit kuqezi dhe tani ishte një futbollist i lirë, duke qenë se i kishte përfunduar kontrata me milanezët.

Juventusi, Barcelona dhe PSG-ja shfaqën interes për shërbimet e gardiani të talentuar italian, por në fund garën e fituan francezët, që kënaqën pretendimet e Donnarummës, por edhe të menaxherit të tij Mino Raiola.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Një prej sulmuesve të huaj më të mirë që erdhi në Superiore, ish-futbollisti i Partizanit shkon në Serinë A

Publikuar

-

Nga

Mungon vetëm zyrtarizimi, por Kaleb Ekuban duket e ka arritur marrëveshjen me Xhenoan. Ky është raportimi i fundit që vjen nga mediat prestigjoze në Itali. Ekipi i Serisë A ka gjetur gjuhën e përbashkët me lojtarin dhe gjithçka po shkon në rrugën e duhur me klubin e Trabzonsporin.

Por në fillim te Xhenoa duhet të mbyllin një shitje në merkaton e verës dhe të lirojnë vendin për Ekuban. Ky transferim do të ishte një tjetër kulmim në karrierën e futbollistit që erdhi më parë në Superiore duke mbajtur veshur fanellën e Partizanit, për t’u kujtuar si një prej sulmuesëve të huaj më të mirë që ka mbërritur në futbollin tonë.

LEXO TE PLOTE

Seria A

6 sulmues drejt largimit, Interi “peshkon” te Genoa

Publikuar

-

Nga

Interi po mendon të afrojë një sulmues të ri gjatë kësaj merkato. Duke parë se Lukaku-Lautaro janë të paprekshëm në formacion, drejtuesit po kërkojnë që të gjejnë zëvendësuesit e tyre.

Sanchez a Pinamonti, dhe të rinjtë Salcedo, Colidio, Mulattieri e Satriano janë vendosur në merkato nga zikaltërit dhe pritet të largohet gjatë kësaj vere.

Duke parë largimin e 6 sulmueseve, Interi ka kthyer sytë nga Genoa për të marrë sulmuesin Gianluca Scamacca.  Drejtori Marotta ka nisur kontaktet me Genoa për huazimin e sulmuesit dhe në ditët në vijim pritet të ketë lajme të reja rreth kësaj tratative.

LEXO TE PLOTE

Seria A

E mbylli mes lotëve në Europian, Pandev merr vendimin e rëndësishëm për të ardhmen

Publikuar

-

Nga

Paraqitja e tij në Kampionatin Europian ishte mbyllja më e mirë që Goran Pandev mund t’i bënte karrierës me përfaqësuesen e Maqedonisë së Veriut ku ai për shumë vite ka qenë lider i padiskutueshëm. Ndeshja e tij e fundit, ajo ndaj Holandës, do të kujtohet edhe për homazhin që i bënë kundërshtarët dhe shokët e skuadrës.

Por me sa duket ajo nuk ka qenë ndeshja e fundit e futbollit në karrierën e sulmuesit. Sipas Sky Sport, sulmuesi ka vendosur që të vazhdojë të luajë në Serinë A në moshën 37-vjeçare. Klubi i Xhenoas i ka bërë prej kohësh propozimin për rinovim edhe një tjetër edicion dhe sulmuesi ka pranuar, me zyrtarizimin që do të bëhet në ditët në vijim.

I njëjti burim thekson se Pandev kërkon që lamtumira e tij të jetë ashtu siç duhet, me duartrokitje tifozësh dhe është i bindur që këtë vit stadiumet në Itali do të mbushen përsëri. Ndaj ai planifikon të japë kontributin e tij edhe një vit për klubin italian, në mënyrë që në fund të marrë duartrokitjen e merituar të tyre kur të vendosë të varë këpucët në gozhdë.

LEXO TE PLOTE