Connect with Us

Nga rasti i Gashit te stadiumi plot / Si sot 5 vite nga ndeshja historike me Zvicrën

Kombëtare

Nga rasti i Gashit te stadiumi plot / Si sot 5 vite nga ndeshja historike me Zvicrën

Publikuar

-

11 qershori i para pesë viteve mbetet një datë historike për futbollin shqiptar. Kombëtarja kuqezi zhvilloi për herë të parë në histori një ndeshje Europiani. Ishte Euro 2016 që zhvillohej në Francë dhe në stadiumin e Lensit, që ishte i mbushur plot tifozë kuqezi, luanim përballë Zvicrës së Shaqirit dhe Xhakës.

Kuqezinjtë e drejtuar nga Gianni De Biasi u përballën me helvetët me këtë formacion: Etrit Berisha, Lorik Cana (c), Elseid Hysaj, Mërgim Mavraj, Taulant Xhaka, Ansi Agolli, Amir Abrashi, Burim Kukeli, Ermir Lenjani, Odise Roshi, Armando Sadiku. Gjatë ndeshjes u aktivizuan edhe Ergys Kaçe (zëvendësoi Xhakën në minutën e 62-të), Sokol Cikalleshi (zëvendësoi Roshin në minutën e 74-t) dhe Shkëlzen Gashin (zëvendësoi Armando Sadikun në minutën e 82-të).

Sfida u mbyll me fitoren 1-0 të Zvicrës pas një ndeshjeje mjaft të luftuar, që u vendos nga goli i mbrojtësit Fabian Schar që në minutën e 5-të. Kapiteni Cana do të ndëshkohej me karton të kuq në minutën e 36-të (pas dy kartonëve të verdhë).

Taulant dhe Granit Xhaka hynë në histori si dy vëllezërit që luajtën me kombëtare të ndryshme në finalet e një Europiani. Gjyqtari kryesor i ndeshjes ishte spanjolli Carlos Velasco Carballo, kurse në stadium, aty ku dominonin ngjyrat kuqezi, ishin të pranishëm 33,805 spektatorë. Lojtari i ndeshjes u shpall mesfushori Granit Xhaka.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kombëtare

Duka flet për Europianin: Shqipëria ka mbrojtje në nivel me Italinë, luks për ne të merrnim Mançinin

Publikuar

-

Nga

Armand Duka ka qenë i ftuar për një intervistë me gazetaren Enxhi Biba në emisionin “Euromania” në “Neës 24”. Presidenti i FSHF-së ka dhënë mendimet e tij sa i përket këtij Kampionati Europian, ku si favorite sheh Italinë së bashku me Anglinë dhe Francën. Më tej vëmendja ka kaluar edhe te Kombëtarja jonë kuqezi, ku vlerëson së tepërmi nivelin e repartit mbrojtës si dhe shpalos objektivat për të qenë pjesëmarrës në Europianin e ardhshëm.

SI E SHIKON KËTË EUROPIAN? “Është një event që mezi e presin të gjithë. Ky EURO 2020 është i veçantë sepse vjen pas një periudhë të vështirë, futbolli është i pari që ka dhënë shenjat e rikthimit, aq më shumë ka rikthyer edhe tifozët. Njerëzit e shikojmë me më shumë gëzim këtë Europian, për vet faktit të triumfit ndaj virusit“

RASTI ERIKSEN- “Ka qenë moment shumë i vështirë, kur Eriksen ra në koma. Ka qenë impresionues, solidariteti i gjithë botës së futbollit. Futbolli vërteton që i bashkon njerëzit akoma më shumë edhe në momentet e vështirë“.

A DUHET TË LUHEJ NDESHJA DANIMARKË VS FINLANDË? “Në dijeninë time, është e vështirë që dikush të marrë një vendim dhe të japë një urdhër në një situatë të tillë. Vetë futbollistët kanë qenë ata që kanë pranuar që të riluhej ndeshja dhe kështu është bërë. Nga pikëpamja organizative, luajta e ndeshjes në një ditë tjetër do ta çekuilibronte garën. Në ato kushte danezët nuk ishin në gjendjen psikologjike më të mirë të mundshme, për ta fituar ndeshjen. Por ka qenë një vendim i përbashkët i skuadrave për ta luajtur ndeshje. Po të mendosh për gjërat globale, mendoj që u bë mirë që u luajt“.

TIFOZËT NË STADIUME- “Do ishte mirë të ishin gjithë stadiumet plot. Niveli i shpërndarjes së virusit ka rënë. Një pjesë e mirë e popullsisë është vaksinuar. UEFA ka pranuar vendimet e autoriteteve lokale, me jo më pak se 25%. Ne i kemi rikthyer tifozët në stadiume, por jo për ndeshje futbolli, për aktivitete të tjera“.

FAVORITËT E EUROPIANIT- “Është akoma vështirë të përcaktosh në ndeshjet e para. Skuadrat më të mira në letër, para Europianit janë, Franca, Anglia, Italia për mua mbetet një favorit, por edhe Portugalia mundet. Nuk mund të them që Gjermania, nuk mund të jetë pretendente. Gjermania luajti një ndeshje shumë të mirë sidomos në pjesën e dytë. Gjermania besoj se do e kalojë grupin, nuk do e diskutojë kalimin e grupit. Franca është ekip me shumë kualitete dhe talente brenda. Nuk duhet nënverësuar në asnjë rast fanella, tradita. Fanella e gjermanëve është e rëndë. Dje më pëlqeu Hungaria, nuk e meritonte atë rezultat. E pësuan nga një gol aksidental. Nuk mund të them që Portugalia e Ronaldos, ishte një skuadër që e komandoi lojën. Ngelet për tu parë akoma. Portugalia mbetet një skuadër që mund të shkojë lartë“.

DASHURIA PËR ITALINË- “Nuk është se jam ndonjë tifoz i zjarrtë i ndonjë skuadre në Europian. Shpresoj të bëjë mirë Maqedonia e Veriut dhe Zvicra. Kanë lojtarë shqiptarë. Ndeshjen e parë të Italisë e kam parë në stadium, ishte një ndeshje fantastike. Italia është pretendent serioz për të shkojë në finale. Ka bindje se do e prekë Uemblin. Ky format nuk do të vazhdohet. Formati i ardhshëm do të jetë në një shtet si Gjermania. Dhe do të vazhdohet në 1 ose 2 shtete. Nuk i kemi ende kushtet dhe mundësitë. Është fat dhe sukses për Shqipërinë që do të organizojë finalen e Konferenc Ligë. Uroj që në Tiranë, të shikojmë një finale të skuadrave të mëdhaja“.

MENDIMET ME EDI REJËN- “Edhe Edi Reja e shikon një Itali ndryshe, jo si ajo e Botërorit të kaluar ku ngeli jashtë. Pas asaj disafate ka bërë. Sot mbase mund të jetë një skuadër ndryshe, mund të mjaftohet edhe me 1 pikë kundër Zvicrës. Zvicra ka më shumë nevojë për pikë. Italia ka trajner dhe lojtarë me eksperiencë. Zvicrës i duhet shumë punë për të kaluar grupin“.

MANÇNI TE SHQIPËRIA NË TË ARDHMEN? “Do të ishte luks, të kishim një trajner si Mançini në të ardhmen. Aq më shumë me atë që po i shton CV së tij me kombëtaren italiane”.

KONTIGJENTI I SHQIPËRISË- “Nuk është kollaj që të implementosh çdo gjë aq kollaj. Kemi një mbrojte shumë të mirë, në të njëjta nivele me Italinë. Repartet e tjera nuk i kemi në të njëjtët nivele”.

KUSH E BINDI KUMBULLËN- “Nuk është se Kumbulla ka refezuar ndonjëherë Shqipërinë, ka luajtur edhe me moshat e Shqipërisë dhe ka vazhduar normalisht me Kombëtaren. Është luks për ne të kemi futbollistë si Kumbulla, Gjimshiti, Hysaj dhe Ismajli. Jemi me fat që i kemi”.

KOMBËTARJA- “Europiani është disi më i lehtë se Botërori, për t’u kualifikuar. Ka më shumë mundësi. Ne në edicionin e ardhshëm do të luajmë në Grupin B dhe është e sigurt që do të jemi në “Play-Off”. Duhet të marrim maksimumin ndaj Polonisë”.

DËBUTIMI I MAQEDONISË- “Nuk janë rastësisht aty, ka futbollistë të mirë në gjirin e saj, që luajnë në skuadra të rëndësishme. Ndaj Austrisë meritonte edhe një pikë. Uroj që të bëjë më shumë. Unë do të doja shumë që të ecte më shumë. Ka futbollistë shqiptarë dhe presidentin i FFM është shqiptar”.

INCIDENTI ME ARNAUTOVIÇ- “Kam parë diçka në rrjetet sociale. Nuk e di saktësisht çfarë ka ndodhur dhe çfarë është thënë. Edhe nëse ka ndodhur ka qenë emocionale, nuk besoj se do e bënte me koshiencë. Gabim në gjaknxehtësi”, ka deklaruar Armand Duka.

LEXO TE PLOTE

Kombëtare

De Biazi kujton kohët te Shqipëria: Në ekip ende janë disa nga lojtarët e mi

Publikuar

-

Nga

Ish-trajneri i Shqipërisë, Xhani De Biazi është rikthyer të flasë për kuqezinjtë. Në një intervistë për Euronews Albania, italiani me pasaportë shqiptare thekson se në ekipin aktual të trajnerit Reja, janë ende disa lojtarë që luanin edhe në kohën e tij.

-Pak ditë përpara nisjes së Kampionatit Europian, do doja t’i riktheheshim edhe një herë eksperiencës tuaj si trajner i kombëtares shqiptare dhe pjesëmarrja në Europianin e 2016-s. Çfarë emocionesh ju vijnë nder mend kur Armando Sadiku shënoi golin që i dha edhe fitoren e parë Shqipërisë në një turne madhor?

Ishte një emocion tepër i madh për të gjithë, për mua, për lojtarët dhe për të gjithë kombin, sepse besoj se ishte një moment i rëndësishëm, historikisht për Shqipërinë, dhe goli i Sadikut vulosi fitoren e pare në një kompeticion te rëndësishëm si Europiani dhe mendoj se ishte shpërblimi i drejtë për një ekip qe meritonte edhe te kualifikohej në fazën e 1/8-ave.

-Si e shihni vazhdimësinë e Kombëtares Shqiptare, kur kanë kaluar 4 vite? Duke marrë parasysh që tani kontigjenti i ekipit ka ndryshuar nga ajo skuadër që mori pjesë në Europianin e vitit 2016?

Nuk ka ndryshuar plotësisht pasi ka ende lojtarë të mi që bëjnë pjesë në ekip, por besoj se përgjithësisht Shqipëria ka fatin që ka në përbërjen e saj shumë lojtarë që luajnë në kampionatin italian, në kampionatin zviceran, pra jashtë kufijve kombëtarë dhe që janë lojtarë që kanë një eksperiencë të madhe. Besoj se ky fakt ndihmon në zgjedhjet e trajnerit Edi Reja dhe kjo ndihmon në përmirësimin e nivelit teknik të ekipit.

-Mister De Biasi, prej më shumë se një viti ju jeni trajner i kombëtares së Azerbaixhanit, mendoni se do të mund të përsërtni suksesin e kualifikimit për në Europian, duke arritur të çoni Azerbaixhanit në fazën finale të një kompeticioni madhor?

Do të më pëlqente shumë, mendoj se jemi ende larg nga kjo hipotezë, sepse unë jam këtu prej 10 muajsh, dhe nuk kam patur shumë kohë në dispozicion, ndërkohë që lojtarët e kombëtares së Azerbajxhanit luan vetëm në kampionatin vendas, asnjë prej tyre nuk ka eksperiencë në kampionatet e rëndësishme, sikurse lojtarët shqiptarë dhe besoj se puna këtu është më e vështirë dhe më e gjatë, për të arritur rezultate pozitive.

-Pyetja e fundit ka të bëjë me Kombëtaren e Italisë, që këtu në Shqipëri ka shumë tifozë që e mbështesin atë. Mendoni se Italia është ndër ekipet favorite për të fituar Kampionatin Europian?

Mendoj se është një ndër ekipet favorite edhe pse unë mendoj se Franca është ekipi për t’u mundur në këtë kompeticion, sikurse edhe Belgjika që është një ekip me shumë kualitet. Italia është një ekip që mund të renditet ndër katër ekipet e para dhe uroj që çdo gjë të ecë mbarë në këtë europian. Italia i ka të gjitha shanset për të arritur në finale.

LEXO TE PLOTE

Kombëtare

VIDEO/ Lëvizja si e Zidan, shihni sesi Keidi Bare la në vend lojtarin e Çekisë

Publikuar

-

Nga

Sulmi po kritikohet shumë tek Kombëtarja e Shqipërisë, si reparti më pak produktiv, kjo dhe për shkak goditjeve te pakëta në portë.

Vetë Sokol Cikalleshi ka deklaruar se të tilla propaganda duhet të largohen, pasi Kombëtarja e Shqipërisë është një trup i vetëm dhe nuk duhet ndarë në mbrojtje e mirë dhe sulm i dobët.

Goli i tij u fundit ndaj Çekisë i jep të drejtë, por gjithashtu edhe puna që Manaj dhe Keidi Baren bënë për skuadrën është mhaft e nënvlerësuar.

Keidi Bare mori goxha vëmendje ndaj Republikës Çeke, ku bëri të njëjtin driblim spektakolar si Zinedine Zidane vite më parë. Kjo video është shpërndarë në rrjete sociale, ndërsa janë hapur dhe diskutime së kush e bëri më mirë këtë driblim, Zidane apo Bare.

 

LEXO TE PLOTE