Connect with Us

Akord për Xhakën, Murinjo sjell një luftëtar në Romë

Seria A

Akord për Xhakën, Murinjo sjell një luftëtar në Romë

Publikuar

-

Granit Xhaka ishte dëshira e madhe e trajnerit Hoze Murinjo për Romën e tij. Dhe, drejtuesit verdhekuq nuk mund të mos ia plotësonin dëshirën teknikut të tyre të sapoemëruar. Së fundmi, mediat italiane sigurojnë se është arritur akordi për të transferuar lojtarin me origjinë shqiptare.

Sipas mediave, Xhaka do të përfitojë 2.5 milionë euro plus bonuse në kryeqytetin italian teksa do të firmosë një kontratë katërvjeçare. Nga ana tjetër, 18 milionë euro do të përfundojnë në arkat e Arsenal që do të duhet të përshëndetet me kapitenin e saj.

Kjo do të jetë aventura e parë e Xhakës në Itali, ndërsa nën drejtimin e Murinjos, mesfushori mund të rrisë edhe më shumë nivelin e tij. Kuntojmë se te Roma, Xhaka do të gjejë edhe mbrojtësin e kombëtares, Marash Kumbulla.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Ronaldo nuk e përjashton largimin nga Juventusi: Çfarëdo të ndodhë, do jetë për më mirë

Publikuar

-

Nga

Në konferencën për shtyp prag ndeshjes me Hungarinë ditën e nesërme, kapiteni i Portugalisë Kristiano Ronaldo gjeti rastin dhe ju përgjigj pyetjeve të gazetarëve për të ardhmen e tij.

Ronaldo i habiti të gjithë duke u shprehur se çfarë do që të vijë do të jetë më mirë duke hedhur aludime të shumta mbi një largim të tij nga Juventusi.

“Unë kam luajtur në nivele të larta për 18 vjet, prandaj nuk më bëjnë përshtypje thashethemet. Çfarëdo që të ndodhë, do të jetë për më mirë. Pavarësisht nëse qëndroj apo largohem nga Juventusi, kjo nuk është gjëja më e rëndësishme për momentin.

Unë jam përqendruar në ekipin tim kombëtar, sepse nuk luajmë në një kompeticion të kësaj madhësie çdo ditë Megjithëse është Kampionati Europian i pestë për mua, më duket sikur është i pari”, e mbylli fjalën e tij Ronaldo.

LEXO TE PLOTE

Seria A

Heroi absolut i Europianit, Milani gati t’i besojë shiritin Simon Kjaerit

Publikuar

-

Nga

Me gjestin e tij që kontribuoi për t’i shpëtuar jetën Eriksen, Simon Kjaer është kthyer në një hero për të gjithë planetin e futbollit dhe tani edhe te Milani dhe tifozët e tij duan t’i japin mirënjohjen e duhur.

Siç raportojnë mediat italiane, duket se është marrë tashmë vendimi për t’i dhënë shiritin e kapitenit të kuqezinjëve për sezonin e ardhshëm.

Pas episodit të Eriksen në mënyrë publicitare në rrjetet sociale njerëzit vlerësuan mbrojtësin danez duke bërë thirrje që të bëhej kapiteni i Milant, një zë popullor që klubi duket se ka vendosur ta dëgjojë.

Në pritje për të kuptuar se cila do të jetë e ardhmja e Alessio Romagnolit, i cili që prej 2018-ës mban gradën e përfaqësuesit të grupit në dhomat e zhveshjes, trajneri Pioli dhe pjesa tjetër e skuadrës do të përballen me këtë çështje sapo të rinisin përgatitjet, por duket se Kjaer gëzon që tani gjykimin pozitiv të gjithë ambientit.

Ky do të ishte vlerësimi i duhur jo vetëm për sjelljen e tij gjatë episodit të Eriksen, por edhe për një lojtar që po demonstron aftësi prej lideri brenda dhe jashtë fushe.

LEXO TE PLOTE

Seria A

Strakosha dhe Berisha mund të transferohen të dy te ekipi i Serisë A

Publikuar

-

Nga

Etrit Berisha dhe Thomas Strakosha, prej disa vitesh duelojnë në distancë për një vend në katërkëndorin kuqezi, duke u alternuar nga trajnerët që janë ulur në këto vite në bankinë. Sigurisht, e ardhmja i përket Strakoshës, por Berisha për momentin po paraqitet shumë mirë, ndaj tekniku Reja aktualisht ka zgjedhur këtë të fundit si portierin titullar në radhët e kuqezinjve.

Por ky rivalitet duket se në këtë verë do të shkojë përtej atij brenda ekipit kombëtar. Sipas mediave italiane, një nga klubet e Serisë A ka zgjedhur pikërisht dy shqiptarët si alternativat më të mundshme për katërkëndorin e tij. Bolonja pret largimin e Skorupskit gjatë verës dhe trajneri Sinisha Mihajloviç ka piketuar Berishën e Strakoshën si ata emra të cilët mund të ndihmojnë ekipin e tij të përballojë vazhdimësinë në Serinë A.

Berisha duket opsioni që mund të arrihet më lehtë, për faktin se ai kërkon të largohet nga SPAL në Serinë B dhe ka një kosto të kartonit shumë më të ulët. Ndërsa operacioni për afrimin e Strakoshës është pak më i komplikuar, për vetë kërkesat që ka Lacio, edhe pse portieri është i ndërgjegjshëm se me Sarrin në stol, mundësia për të qenë titullar para Pepe Reinas është shumë e vogël.

LEXO TE PLOTE