Connect with Us

Presidenti Biden thotë se SHBA do të dhurojë 500 miliona doza vaksinash për botën

Bota

Presidenti Biden thotë se SHBA do të dhurojë 500 miliona doza vaksinash për botën

Publikuar

-

Presidenti Biden thotë se SHBA do të dhurojë 500 miliona doza vaksinash për botën

Përpara takimit të nivelit të lartë të G-7-ës në Britani, Presidenti i Shteteve të Bashkuara, Joe Biden njoftoi zyrtarisht se administrata e tij po dhuron 500 milionë doza të vaksinës Pfizer për 92 vende me të ardhura të ulëta dhe të mesme.

“Këto gjysmë miliardë vaksina do të fillojnë të transportohen në gusht, sapo të dalin nga prodhimi”, tha zoti Biden të enjten në Cornwall, duke shtuar se 200 milion doza do të shpërnPresidetidahen deri në fund të këtij viti dhe 300 milion në gjysmën e parë të vitit 2022.

Biden tha se dhurimi nuk do të jetë i kushtëzuar.

“Dhurimi i vaksinave nga ana jonë nuk përfshin presion për favore ose lëshime të mundshme. Ne po e bëjmë këtë për të shpëtuar jetë, për t’i dhënë fund kësaj pandemie,” tha zoti Biden.

Albert Bourla, shefi ekzekutiv i kompanisë Pfizer, ishte i pranishëm kur udhëheqësi amerikan bëri njoftimin.

“Ne po testojmë reagimin e vaksinave ndaj varianteve të reja”, tha zoti Bourla, duke theksuar se deri tani vaksina jep mbrojtje për të gjitha variantet.

Masa sinjalizon se Shtetet e Bashkuara “nuk janë të përqendruara vetëm tek vetja”, tha Leslie Vinjamuri, drejtore e programit të Shteteve të Bashkuara dhe Amerikës Latine në organizatën Chatham House. Ky ka qenë një shqetësim i madh global, tha zonja Vinjamuri, jo vetëm gjatë viteve të ish-presidentit Trump por edhe gjatë gjithë muajve të parë të administratës së Presidentit Biden kur Uashingtoni nuk po shpërndante doza pavarësisht se kishte rezerva në furnizim.

Njoftimi i presidentit amerikan vjen një ditë para fillimit të takimit të G-7, grupi i demokracive më të përparuara në botë në Cornwall.

“Nesër, vendet e G7 do të shpalosin gamën e plotë të angazhimit tonë,” tha zoti Biden.

COVAX

Dozat e shpërndara nga SH.B.A. përmes COVAX-it, mekanizmi i OKB-së për ndarjen e vaksinave, janë përveç 80 milionë dozave të premtuara nga SHBA që do të dorëzohen në fund të Qershorit. Përveç kësaj, SH.B.A. i ka dhënë 2 miliardë dollarë COVAX-it.

SHBA fillimisht premtoi një shtesë prej 2 miliardë dollarësh për COVAX-in por tani po e ndryshon drejtimin e parave për të ndihmuar në pagesën për 500 milionë dozat e dhuruara, që kanë një kosto të vlerësuar prej 3.5 miliard dollarësh.

Organizatat humanitare e përshëndetën masën. Tom Hart, shef ekzkutiv në detyrë i fushatës ONE, një organizatë që punon për t’i dhënë fund varfërisë dhe sëmundjeve të parandalueshme, nxiti vendet e tjera të G-7 të bëjnë të njëjtën gjë.

“Ky veprim dërgon një mesazh tepër të fuqishëm në lidhje me angazhimin e Amerikës për të ndihmuar botën të luftojë këtë pandemi dhe fuqinë e udhëheqjes globale të SHBA,” tha zoti Hart në një deklaratë.

Kryeministri britanik Boris Johnson të enjten gjithashtu premtoi “miliona” doza për më të varfrit në botë.

Por është e paqartë se sa mund të ndihmojnë vendet e G-7. Vendet janë në faza të ndryshme të vaksinimit të popullatave të tyre. Japonia dhe Kanadaja, të cilat kanë norma vaksinimi nën 10%, nuk janë në gjendje të jenë aq bujare.

LEXO EDHE:  Covid-19/ Meta qetëson qytetarët: Situata është nën kontroll

Përveç dhurimit të vaksinave, G-7 është gjithashtu nën presion për të hequr dorë nga patentat e vaksinave. SHBA është në favor të heqjes dorë nga të drejtat e pronësisë intelektuale mbi vaksinat, në Organizatën Botërore të Tregtisë. Por Bashkimi Evropian po bën presion për një propozim tjetër: licencimin e detyrueshëm për të rritur prodhimin e vaksinave.

Këshilltari i Sigurisë Kombëtare në Shtëpinë e Bardhë Jake Sullivan i tha Zërit të Amerikës se qasjet e ndryshme nuk do të jenë një pikë përplasjesh në G-7.

“Unë parashikoj arritjen në një emërues të përbashkët, sepse të gjithë jemi dakord rreth idesë që duhet të rrisim furnizimin me vaksina në disa mënyra,” tha zoti Sullivan.

Takimi Biden-Johnson

Para njoftimit për vaksinat, zoti Biden u takua të enjten me kryeministrin britanik Boris Johnson, me të cilin ai ka pasur mosmarrëveshje në të kaluarën.

Udhëheqësit ranë dakord mbi një Kartë të re Atlantike, sipas modelit të deklaratës së bërë nga kryeministri Winston Churchill dhe presidenti amerikan Franklin D. Roosevelt në 1941 për të promovuar demokracinë dhe tregtinë e lirë, që ishte thelbësore por ngritjen e rendit botëror pas Luftës së Dytë Botërore.

Karta e Atlantikut 2021 nënvizon se me vlera të ngjashme dhe forca të bashkuara, të dy vendet do të punojnë së bashku për të përballuar sfidat e mëdha me të cilat përballet planeti – nga COVID dhe ndryshimi i klimës te ruajtja e sigurisë globale.

Zoti Biden, i cili është me origjinë irlandeze, është gjithashtu i shqetësuar se Brexit-i mund të dëmtojë Marrëveshjen e së Premtes së Mirë të vitit 1998, të ndërmjetësuar nga Shtetet e Bashkuara që solli paqen në Irlandën e Veriut, e cila është pjesë e Britanisë së Madhe.

Sipas marrëveshjes së Brexit-it, Irlanda e Veriut mbetet palë në tregun e përbashkët të BE-së, megjithatë nuk është më pjesë e bllokut, që do të thotë se duhet t’i nënshtrohet doganave. Administrata e zotit Biden do të sigurohet që të mos rrezikohet perspektiva për paqe.

“Presidenti Biden ka shprehur qartë besimin tek Marrëveshja e së Premtes së Mirë si themel për bashkëjetesën paqësore në Irlandën e Veriut”, tha zoti Sullivan.

Pavarësisht këtyre tensioneve, zoti Biden është shumë i përkushtuar për ta pasur partneritetin SHBA-Britani, si shtyllë për G-7-ën, tha zonja Vinjamuri.

“Bëhet fjalë për të përdorur marrëdhëniet e thella dhe historike të Amerikës me Britaninë për të afirmuar vlerat e demokracisë, të liberalizmit, të lirisë.”

Qeveria e zotit Johnson sapo ka përfunduar një rishikim të strategjisë së politikës së jashtme, e cila përfshin një riafirmim të marrëdhënies së veçantë midis dy aleatëve./voa

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Gjermani/ Të pavaksinuarit mbeten pa rrogë gjatë karantinës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Pas vendimit të ministrave të Shëndetësisë së landeve në Gjermani për të mos vazhduar kompensimin e rrogës në rast karantine për të pavaksinuarit nuk ka vetëm miratim, por edhe kritika.

Ministrat e Shëndetësisë së landeve gjermane vendosën të mërkurën që personat e pavaksinuar në rast se duhet të futen në karantinë më së voni prej 1 nëntorit nuk do të kompensohen më për humbjet në rrogë. Përjashtime do të ketë për ata që nuk vaksinohen për shkaqe shëndetësore, dhe për këtë kanë një vërtetim nga mjeku. Personave, të cilët për shkak të një karantine të vendosur nga punëdhënësi apo autoritetet edhe më tej kanë të drejtë për kompensim rroge në rast të karantinës në bazë të ligjit të infektimeve.

Edhe aty ka një përjashtim, për rastin, kur karantimi mund të pengohej me vaksinën. Landet janë përgjegjëse për pagesat. Të pavaksinuarit duhet të futen në karantinë, nëse kanë pasur kontakt me personat e pavaksinuar ose kanë ardhur nga një zonë rreziku. Kjo nuk vlen më për të vaksinuarit.

Landi Baden-Vyrtemberg në Gjermani si vendi i parë ka filluar të praktikojë vendimin për mosvazhdimin e pagesës së rrogës gjatë karantinës. Nga 15 shtatori aty personat e pavaksinuar nuk kompensohen në rast se duhet të futen në karantinë. Sipas të dhënave të shërbimit evangjelist të shtypit, epd në raste të tilla janë paguar deri 600 milionë euro kompensime.

LEXO EDHE:  Mësues të dyshuar me COVID-19 në Kolonjë/ Disa klasa nuk kanë filluar procesin mësimor

LEXO EDHE:  Ky shtet europian heq dorë nga vaksinat e kompanisë Johnson & Johnson



Shoqata e Bashkive Gjermane e përshëndeti këtë vendim. Ky është një vendim personal, pra që megjithë ofertën e vaksinimit, të mos vaksinohesh kundër Coronës, tha drejtuesi i saj, Gerd Landsberg. Por kjo do të thotë që të marrësh përsipër edhe pasojat e këtij vendimi. Nuk ka arsye, pse shoqëria duhet të financojë në raste të tilla vazhdimin e rrogës.

Kritika për vendimin e ministrave të Shëndetësisë

Por ka edhe kritika kundër vendimit të ministrave të Shëndetësisë. Eksperti i Të Gjelbërve për Shëndetësinë, Janosch Dahmen thotë, se si mjek ai është i shqetësuar, kur njerëzit nuk do të pohojnë më, se janë infektuar edhe kur e kanë një test pozitiv, dhe nuk do të hyjnë në karantinë. “Me këtë ata do të vazhdojnë të rrezikojnë të tjerët, dhe do kemi një lloj pandemie të fshehtë.” Më e nevojshme do të ishte që të testohej më shumë në vendin e punës. “Vende të tjera të BE e kanë bërë këtë.”

Edhe Shoqata e Sindikatave, DGB e kriton vendimin ashpër. “Nuk është e pranueshme, që politika përgjegjësinë për luftën kundër pandemisë e kalon tek të punësuarit”, tha kreu i saj, Reiner Hoffmann për rrjetin  “Redaktionsnetzwerk Deutschland”. Mosvazhdimi i pagesës në rast karantine do të thotë, edhe se punëmarrësit duhet t’ia paraqesin punëdhënësit statusin e vaksinimit. Sipas Hoffmann, ka qenë një nga arritjet e lëvizjes punëtore, që punëmarrësit e njoftojnë punëdhënësin sa më pak të jetë e mundur për shëndetin e tyre./DW

LEXO TE PLOTE

Bota

Zvicër, referendum për martesat mes së njëjtës gjini

Publikuar

-

Nga

cna lajme bota

Votuesit zvicerianë do të vendosin të dielën nëse çiftet e së njëjtës gjini do të lejohen të martohen dhe adoptojnë fëmijë, pas një fushate të ngarkuar emoocionalisht në një nga vendet e fundit të Evropës Perëndimore që ende ndalon martesat mes homoseksualëve.

Qeveria dhe Parlamenti i Zvicrës votuan pro martesës së çifteve të së njëjtës gjini, por kundërshtarët konservatorë morën nismën për një referendum mbi këtë çështje, nën sistemin zvicerian të demokracisë direkte.

Zvicra së bashku me Italinë dhe Greqinë janë vendet e fundit në Evropën Perëndimore që ende ndalojnë martesat mes homoseksualëve.

“Dua të jem në gjendje të zgjedh për veten time nëse dua të martohem me partneren që kam pranë meje. Dua të vendos nëse krijimi i familjes është rruga e duhur për ne.// Ne duam të hapim rrugën që çdo person, pavarësisht nga orientimi ose gjinia, të mund të jetoj lirshëm pa frikën e diskriminimit. Është me rëndësi t’u tregohet gjeneratave të reja se jeni të lejuar, mundeni dhe bëjeni ”, tha banorja e Zyrihut, Anouk Oswald.

Corrine Guntern, tha se nuk është e drejtë që një grua e pamartuar mund të adoptojë fëmijë, ndërsa një grua homoseksuale jo.

“Ky është një turp dhe kjo është arsyeja pse mendoj se është e rëndësishme që të ecet përpara. Sigurisht që një fëmijë ka nevojë për siguri, dashuri dhe mjedis të sigurt. Por këto nuk varen nga orientimi nëse një çift është ose jo homoseksual”, tha Corrine Guntern, banore e Zyrihut.

Në një sondazh të fundit nga gfs.bern për transmetuesin zvicerian SRG të publikuar javën që shkoi, 63 për qind e votuesve pritet të përkrahin miratimin e martesave të gjinisë së njëjtë, ndërsa 35 për qind janë kundër. Shifrat tregojnë se fushata e kundërshtarëve ka fituar mbështetës që nga sondazhi i kaluar në gusht.

Kundërshtatët thonë se lejimi i çifteve lezbike që të kenë fëmijë, do t’i privonte fëmijët nga një baba.

LEXO EDHE:  Mësues të dyshuar me COVID-19 në Kolonjë/ Disa klasa nuk kanë filluar procesin mësimor

LEXO EDHE:  Ky shtet europian heq dorë nga vaksinat e kompanisë Johnson & Johnson

“Asnjë qytetërim tjetër nuk i ka privuar ndonjëherë fëmijët nga baballarët, si tani. Privimi apo anulimi i imazhit atëror, nëse ky ligj miratohet, do të ketë ndikim afatgjatë në ekuilibrin e shoqërisë“, tha Eric Bertinat, anëtar i komitetit ‘papa-maman.ch’.



Ai shtoi se lejimi i martesave të gjinisë së njëjtë do t’i hapte derën votimit të shtatzanisë për dikë tjetër.

Partneriteti civil që mundëson të drejta të ngjashme me të martuarit u lejua në Zvicër më 2007, ndërsa më 2018 qiftet e gjinisë së njëjtë fituan të drejtën e adoptimit të fëmijëve që kishin prindër njërin partner.

Banori i Gjenevës, Elias, i cili do të votojë pro më 26 shtator, vlerëson përpjekjet e ngadalta të vendit të tij për ta sjellë këtë çështje në një votim popullor.

“Ndoshta është mirë që gjërat po ndodhin në këtë mënyrë në vend të ndryshimeve me dhunë, siç ndodhi në Francë, të shohësh urrejtjen dhe gjëra tjera që nuk janë të këndshme. Pra, unë preferoj që kjo të vijë shumë vonë, por me një lloj konsensusi në shoqëri, në vend të kalimit me forcë“, tha ai.

Ndryshe mendojnë Raphaele Alettaz dhe e dashura e saj Kelly Gex, të dyja të veshura me fustane nusërie gjatë një parade krenarie në Gjenevë më 11 shtator.

“Ne jemi vërtet prapa, krahasuar me Holandën ose shumë vende tjera evropiane”, tha Arlettaz.

“Jemi në Zvicër, një vend i zhvilluar dhe i pasur dhe ja ku jemi për diçka që është kaq e qartë, diçka që nuk duhet të hidhet në votë“, shtoi Gex.

Gjatë fushatës, kundërshtarët përdorën imazhe të ngarkuara emocionalisht të foshnjave duke qarë dhe vendosën fjalën “skllevër” të shkruar mbi barkun shatzënë, duke iu referuar procesit të lindjes së fëmijës për dikë tjetër. Organizatorët e paradës e cilësuan fushatën si brutale dhe me fotografi të neveritshme./ VOA

LEXO TE PLOTE

Bota

Lituania u bën thirrje qytetarëve të flakin tutje telefonat kinezë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Konsumatorët duhet të flakin tutje telefonat e tyre kinezë dhe të mos blejnë të rinj, ka thënë Ministria e Mbrojtjes në Lituani.

Një raport i përpiluar nga Qendra Kombëtare për Siguri Kiberbetike ka testuar telefonat e gjeneratës 5G nga prodhuesit kinezë.

Sipas raportit, një telefon i kompanisë Xiaomi ka pajisje për censurë dhe një model i Huaweit ka mangësi për siguri.

Kompania Xiaomo ka thënë se pajisjet e saja nuk censurojnë komunikimet e përdoruesve.

“Xiaomi nuk ka kufizuar kurrë dhe nuk do të kufizojë apo bllokojë sjelljet personale të përdoruesve të telefonave tanë, siç është kërkimi, thirrjet, kërkimet në internet dhe përdorimin e softuerëve tjerë për komunikime”, është thënë në një deklaratë që kjo kompania i ka dërguar agjencisë së lajmeve Reuters.

Qendra Kombëtare për Siguri Kibernetike në Lituani ka thënë në raportin e saj se telefonat Xiaomi kanë dërguar si të koduara të dhënat e përdoruesve në një server në Singapor, gjë që mund të jetë në kundërshtim me rregulloret evropiane për të dhëna.



Xiaomi ka thënë se “vepron në përputhje me Rregulloren e Bashkimit Evropian për Mbrojtje të të Dhënave”.

LEXO EDHE:  Mësues të dyshuar me COVID-19 në Kolonjë/ Disa klasa nuk kanë filluar procesin mësimor

LEXO EDHE:  Covid-19/ Meta qetëson qytetarët: Situata është nën kontroll

Shefi i Huaweit i bën thirrje SHBA-së të rishikojë politikat ndaj kësaj kompanie

Miinistri i Mbrojtjes në Lituani, Margiris Abukevicius, i ka thënë agjencisë së lajmeve, Reuters se ministria e ka ndarë raportin me zyrtarë për siguri kibernetike nga vendet tjera të BE-së dhe Shteteve të Bashkuara.

Sipas raportit, shprehjet që potencialisht mund të censurohen nga Xiaomi, përfshijnë “Tibeti i Lirë”, “Jetoftë gjatë pavarësia e Tibetit” dhe “lëvizja për demokraci”.

Kina ka kërkuar muajin e kaluar që Lituania të tërheqë ambasadorin që ka në Pekin dhe ka thënë se do ta kthejë mbrapa të dërguarin që ka në Vilnius, pasi Tajvani ka prezantuar misionin në Lituani, i cili do të quhet Zyra Përfaqësuese e Tajvanit.

Misionet tajvaneze në Evopë dhe SHBA përdorin emrin e qytetit Taipei, duke shmangur referencën për vetë ishullin, të cilin Kina e konsideron si territor të vetin.

Jake Sullivan, këshilltari për siguri kombëtare i presidentit amerikan, Joe Biden, ka thënë javën e kaluar se mbështet kryeministren e Litanisë, Ingrida Simonyte, ndërkohë që ajo përballet me presion të Kinës./rel

LEXO TE PLOTE