Connect with Us

Orban do të mbajë referendum për universitetin kinez

Bota

Orban do të mbajë referendum për universitetin kinez

Publikuar

-

Kryeministri i Hungarisë, Viktor Orban, tha se vendi i tij do të mbajë një referendum për ndërtimin e një universiteti kinez në Budapest.

Vendimi u mor pasi mijëra demonstrues dolën në rrugë për të kundërshtuar projektin.

Plani për të ndërtuar kampusin e Universitetit Fudan në Budapest deri në vitin 2024, duke përdorur një hua prej 1.5 miliard dollarësh nga një bankë kineze, ka vënë në qendër të vëmendjes lidhjet e ngushta të Orbanit me Pekinin dhe ka rritur shqetësimet për ndikimin e një projekti të tillë në sistemin e arsimit të lartë në Hungari.

Qeveria argumenton se Universiteti Fudan do t’u mundësojë studentëve hungarezë dhe ndërkombëtarë të fitojnë kualifikime me cilësi të lartë, por kryetari liberal i Budapestit, Gergely Karacsony, dhe kritikë të tjerë druajnë nga mungesa e transparencës dhe lirisë akademike.

Karacsony ka kërkuar prej kohësh nga Orban që të mos imponojë projekte të padëshiruara në qytet, ndërsa një sondazh i opinionit i kryer së voni ka treguar se shumica e banorëve të Budapestit e kundërshtojnë kampusin e universitetit kinez.

LEXO EDHE:  Nuk përmbahet Meta/ “Do kërkoj referendum, nuk lejoj shtypjen e shqiptarëve”

“Kjo është bërë një çështje politike dhe ne duhet të vendosim për të në një mënyrë që është e pranueshme për të gjithë”, tha Orban në një konferencë për gazetarë të enjten.

Ai i hodhi poshtë akuzat se ndërtimi i universitetit, do t’i hapte rrugë ndikimit kinez.

“Ne nuk kemi frikë nga komunistët, sepse i kemi mundur tashmë”, tha Orban.

“Ne e dimë saktësisht se çfarë duhet të bëhet dhe si… Për këtë arsye, ne e konsiderojmë bashkëpunimin ekonomik me ta dhe arsimin si veçanërisht të rëndësishëm”, shtoi ai.

Pekini e ka mbrojtur projektin, duke u bërë thirrje kritikëve të tij që “të shmangin politizimin dhe stigmatizimin e shkëmbimeve normale të personelit midis Kinës dhe Hungarisë”. REL

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Situata nga Covid-19 në Kosovë/ Në 24 orë shtatë raste të reja

Publikuar

-

Nga

Instituti Kombëtar i Shëndetësisë Publike në Kosovë tha të premten (25 qershor) se janë regjistruar edhe shtatë raste të reja të të infektuarve me koronavirus dhe shifra bazohet në 1.224 mostra të testuara.

Gjatë 24 orëve të fundit, nuk është shënuar asnjë rast i vdekjes. Nga sëmundja COVID-19 janë shëruar edhe 12 pacientë ndërsa raste aktive janë 166.

Me shifrat e fundit, numri i përgjithshëm i rasteve pozitive në Kosovë arrin në 107.714, i viktimave në 2.256 dhe i të shëruarve në 105,292. Deri të premten, sipas Ministrisë së Shëndetësisë në Kosovë, janë dhënë 152.643 doza të vaksinës kundër koronavirusit, ndërsa 26.794 qytetarë tashmë janë vaksinuar me dozën e dytë.

LEXO EDHE:  Agron Duka: Referendum për ata që u kujtuan për lista të hapura pas 7 vitesh

LEXO EDHE:  Nuk përmbahet Meta/ “Do kërkoj referendum, nuk lejoj shtypjen e shqiptarëve”

Vaksinimi po bëhet me doza të dhuruara nga programi Covax i Organizatës Botërore të Shëndetësisë, nga Bashkimi Evropian dhe shtete individuale.

Procesi i vaksinimit në Kosovë ka nisur në fund të muajit mars. REL

LEXO TE PLOTE

Bota

Samiti i BE/ Shumica kundër Viktor Orbanit

Publikuar

-

Nga

Kryeministri hungarez, Viktor Orban u kritikua ashpër për shkak të ligjit që diskriminon homoseksualët në Hungari, por ai vazhdoi të qëndrojë kokëfortë. Grindja në BE la në hije samitin e fundit të Merkelit si kancelare.

Disa krerë shtetesh e qeverish në samitin e BE në Bruksel mbanin simbolin e ylberit, si kryeministri belg, Alaxander de Croo për të protestuar kundër ligjit hungarez që diskriminon homoseksualët në Hungari. KRerë të 17 vendeve anëtare të BE nënshkruan një letër, nismën e së cilës e kishte marrë kryeministri i Luksemburgut, Xavier Bettel. Kryeministri hungarez, Mark Rutte e humbi durimin me provokimet e vazhdueshme nga Budapesti. “Për mua ju nuk keni ç’kërkoni më Bashkimin Europian”, tha Rutte.

Xavier Bettel shikon kalimin e vijës së kuqe

Në letrën e 17 vendeve anëtare për kreun e Këshillit të BE, Charles Michel thuhet se “ne duhet të luftojmë më tej kundër diskriminimit të komunitetit LGBTQ dhe theksojmë sërish, se ne mbrojmë kështu të drejtat e tyre bazë.” Kryeministri i Luksemburgut, Bettel, i cili është i martuar me një burrë, u shpreh, se nëse dikush beson si ligjvënësi hungarez, se reklama i bën të rinjtë homoseksualë “ai nuk e kupton jetën”. Bettel tha se me ligjin që ndalon homoseksualitetin në reklama dhe media është kaluar vija e kuqe.

Kryeministri belg, Alexander de Croo në shenjë proteste kundër ligjit hungarez mban simbolin e ylberit, 24.06.2021

Më parë presidentja e Komisionit Europian, Ursula von der Leyen e kishte kritikuar ligjin “thellësisht diskriminues” dhe kishte kërcënuar me masa kundër Hungarisë. Kancelarja Merkel në largim e cilësoi “të gabuar” ligjin. Vetëm përfaqësuesit e vendeve lindore të BE si Çekia, Sllovakia, Sllovenia, Kroacia, Rumania dhe Bullgaria nuk ngritën akuza.

Viktor Orban nuk ndryshon qëndrim

Kryeministrit hungarez, Viktor Orban duket se nuk i bënë përshtypje këto kritika; “Ligji është vendosur, i bërë publik dhe do të mbetet kështu”, tha ai, duke theksuar se ai vetë ka qenë që në kohët e komunizmit “një luftëtar për lirinë e të drejtat e homoseksualëve”. Nuk bëhet fjalë për homoseksualitetin, por për të drejtën e prindërve, që të vendosin, se ç përmbajtje duhet të ketë edukimi seksual i fëmijëve të tyre. Nën kryeministrin konservator Orban, u fut në kushtetutë norma e familjes e përcaktuar nga burri, gruaja dhe fëmijët. Çifteve homoseksuale i është ndaluar adpotimi i fëmijëve. Edhe gjinia e shënuar në lindje nuk mund të ndryshohet më tek transseksualët. Deri në vitin 2010, kur Orban erdhi sërish në pushtet, Hungaria ishte një nga vendet më liberale të ish-bllokut lindor. Partneriteti i së njëjtën gjini u njoh ligjërisht që në vitin 1996. Ndërkohë qeveria aktuale hungareze ndodhet nën kritika të forta në BE edhe për shkak se cënon rregullisht lirinë e mediave, të shkencës dhe pavarësinë e drejtësisë.

Orban gati të flasë para mediave para samitit, 24.06.2021

LEXO EDHE:  Agron Duka: Referendum për ata që u kujtuan për lista të hapura pas 7 vitesh
LEXO EDHE:  Ylli Dylgjeri: Edhe Fatos Nano voton për Referendumin e Ramës

Koordinim më i mirë rregullash në kohë pandemie

Përballja e ashpër me Hungarinë errësoi konsultimet e samitit të BE që duhej të zhvilloheshin për pandeminë e Coronës, Rusinë dhe Turqinë. Për shkak të shtimit të infektimeve me variantin e ri Delta të virusit, 27 vendet anëtare nuk do të lejojnë aq shpejt, siç ishte planifikuar, hyrjen nga shtete të treta, si psh. Britania e Madhe. Kancelarja Merkel kishte kritikuar, që Portugalia lejon turistë britanikë në vend, megjithëse ishujt britanikë janë “zonë varianti e virusit”.

“Ne duhet të jemi shumë vigjilentë”, tha presidenti francez, Emmanuel Macron. Samiti i BE ishte në ujdi, se shtetet e BE duhet të koordinohen më mirë dhe se BE ka nevojë për institucione të forta për kujdesin shëndetësor, të paktën për pandemi të ardhshme, që shpresohet të mos ketë.

Xavier Bettel, kryeministri i Luksemburgut, vetë homoseksual kritikon ligjin e Orbanit

Rusia dhe Turqia – kërkohet dialog, sanksionet kundër Rusisë mbeten

Debati për mënyrën e veprimit me regjimet autokratike u zhvillua në darkën e samitit dhe nuk rezultoi me vendime të ashpra. BE ra dakord që të mbetet në dialog me presidentin Putin për tema të rëndësishme me interesa të përbashkëta. Në të njëjtën kohë do të mbeten në fuqi sanksionet për shkak të shkeljeve të të drejtave të njeriut, shtypjes së opozitës, të përfshirjeve në konfliktet në Ukrainë dhe Bjellorusi. Kancelarja Merkel në fjalën e saj në Bundestag më parë kishte thënë. “Sipas mendimit tim, ne si Bashkim Europian duhet të kërkojmë kontaktin e drejtpërdrejtë me Rusinë dhe presidentin rus. Nuk mjafton, kur vetëm presidenti, Joe Biden flet me presidentin rus.”

Presidenti francez, Macron e mbështeti idenë e një samiti të mundshëm me presidentin rus. Vende të tjera anëtare, si ato lindore dhe Holanda nuk duan bisedime të drejtpërdrejta.

BE kërkon të përmirësojë marrëdhëniet me Turqinë, thuhet në përfundimet e samitit. Por nga ana tjetër, presidenti turk, Erdogan duhet të punojë për çtensionimin e konflikteve me Qipron dhe konfliktin për gazin në Mesdheun lindor. Përveç kësaj, me Turqinë do të punohet për vazhdimin e “Marrëveshjes për refugjatët” të vitit 2016. Për trajtimin e refugjatëve sirianë në vend, Turqisë i premtohen edhe 3,5 miliardë euro të tjera. Rreth katër milionë sirianë jetojnë ndërkohë në Turqi.

Merkel kërkon kontaktin e drejtpërdrejtë me Putinin/DW

LEXO TE PLOTE

Bota

Dështojnë përpjekjet për një takim BE-Rusi

Publikuar

-

Nga

Merkel: Gjermania në valën e tretë të koronavirusit, kthimi në jetën normale...

Udhëheqësit e Bashkimit Evropian dështuan të arrijnë një marrëveshje për një takim të nivelit të lartë me Rusinë të propozuar nga Berlini dhe Parisi.

Deklarata eshte bere nga Kancelarja gjermane, Angela Merkel në orët e para të së premtes.

“Ishte një diskutim gjithëpërfshirës dhe nuk ishte i lehtë,” tha Merkel, në komentet për gazetarët.

LEXO EDHE:  Agron Duka: Referendum për ata që u kujtuan për lista të hapura pas 7 vitesh

LEXO EDHE:  Çfarë duhet shmangur gjatë Vitit të Ri Kinez për fat të mirë

“Ne parashtruam përsëri kushtet në bazë të të cilave jemi të gatshëm të punojmë dhe komunikojmë më ngusht me Rusinë. Sott nuk arritëm një marrëveshje për një takim së shpejti mes udhëheqësve,” tha ajo.

LEXO TE PLOTE