Connect with Us

Këta janë 15 yjet e futbollit që pritet të lënë gjurmë në “Euro 2020”

Sport

Këta janë 15 yjet e futbollit që pritet të lënë gjurmë në “Euro 2020”

Publikuar

-

Kampionati Europian “Euro 2020” do të fillojë nesër. Edhe pse me një vit vonesë si shkak i pandemisë COVID-19, Kampionati Europian “Euro 2020” pritet të jetë më interesant se kurrë më parë

Në këtë vit priten të ketë përballje të forta ndërmjet Kombëtareve për të siguruar biletat në finale të turneut. Keta janë 15 lojtarët që duhen parë nga afër në këtë kampionat pasi pritet të shkëlqejnë pas formës së tyre fantastike me klubet e tyre.

Ilkay Gundogan (Gjermani / Man City)

Sezoni i tij me Manchester Cityn ishte mbresëlënës, Gundogan ishte njëri ndër pikat kryesore të Manchester Cityt në triumfin e tyre në Premierligë, ai kishte shënuar 13 gola në 28 paraqitje në ligë. Mesfushori pritet të jetë njëri nga lojtarët kryesorë të Gjermanisë në këtë kampionat.

Joshua Kimmich (Gjermani / Bayern Munich)

Nën urdhërat e Hansi Flick, Kimmich ka pasur një transferim rrënjësor duke u bërë shtylla e Bayernit në fitoren e tripletës. Ai kishte shkëlqyer nga ndërrimi i pozicionit nga krahu i djathtë i mbrojtjes në mesfushë.

Romelu Lukaku (Belgjikë / Inter)

Pas lëndimit të De Bruyne, Lukaku është shtylla kryesore në Kombëtaren belge. Edhe Roberto Martinez në një konferencë theksoi ndryshimin rrënjësor në lojën e sulmuesit. 28 vjeçari mund të jetë ylli i Belgjikës dhe një golashënues i mundshëm i “Euro 2020”.

Luka Modric (Kroacia / Real Madrid)

Në moshën 35 vjeçare, Modric vazhdon të jetë ende njëri nga lojtarët më të mirë në Evropë. Të gjithë e dinë se kur Modric është në detyrë me Kombëtaren kroate, pritet më e mira prej tij, edhe këtë vit nuk është ndryshe.

Karim Benzema (Francë / Real Madrid)

Me rikthimin e tij pas gjashtë vitesh në Kombëtaren e Francës, Benzema mund të jetë njëri nga lojtarët kryesorë të “Gjelave” në këtë kampionat. Kombinimi i tij në sulm me Griezmann dhe Mbappen është i frikshëm, sulmuesi i “Los Blancos” ka pasur një sezon fantastik dhe në “Euro 2020” hyn me formë të lartë.

Antoine Griezmann (Franca / Barcelona)

Edhe pse me Barcelonën ka vuajtur në këtë sezon, francezi bën të kundërtën për Francën. Dy golat e tij të fundit në miqësore e vërtetuan këtë, Griezmann është lojtar kyç për Deschamps dhe pritet të shkëlqejë në këtë turne, sidomos me kombinimin me Benzeman dhe Mbappen.

N’Golo Kante (Franca / Chelsea)

Njëri nga lojtarët më të përfolur në botën e futbollit, Kante nuk ka nevojë për prezantim. Ai ishte lojtari kryesor i Chelseat në triumfin e tyre në Ligën e Kampionëve, kontributi i tij në ndeshje është i jashtëzakonshëm. Lirisht nga Kante mund të presim paraqitje fantastike në “Euro 2020”.

Harry Kane (Angli / Tottenham Hotspur)

Sezoni më i dobët i Kane u cilësua ky, por ai shkëlqeu me 23 gola dhe 13 asistime edhe pse ishte i lënduar gjatë sezonit. Kjo tregon që anglezi është tejet lojtar efektiv, ai është në kërkim të trofeut të parë në karrierë dhe me Anglinë është tejet i motivuar ta bëjë këtë gjë. Paraqitjet e mira janë diçka normale për të, kështu që ai pritet të jetë lojtari kryesor i “Tre Luanëve”.

Marco Verratti (Itali / PSG)

Marco Verratti është njëri nga lojtarët me paraqitjet më stabile, ai nën urdhërat e Mancinit duket se po shkëlqen. Në partneritet me Jorginhon, ai pritet të shkëlqejë në mesfushën italiane dhe mund të jetë njëri nga lojtarët më të mirë në “Euro 2020”.

Robert Lewandowski (Poloni / Bayern Munich)

Forma e Lewandowskit nuk ka nevojë të përmendet këtë sezon, polaku po përjeton ndoshta vitin më të mirë në karrierën e tij dhe nëse Polonia është në formë, ai mund të bëhet golashënues i “Euro 2020”.

Cristiano Ronaldo (Portugali / Juventus)

Provë që mosha është vetëm një numër, është Ronaldo. Portugezi është më i motivuar se kurrë për të treguar vetën dhe për të fituar tituj me Kombëtaren, ai gjithashtu është vetëm pesë gola larg ta thyejë rekordin e top golashënuesit më të mirë të gjitha kohërave në nivel Kombëtaresh. Ai pritet të jetë figura kryesore e Portugalisë në “Euro 2020”.

Pedri Gonzalez (Spanjë / Barcelona)

18 vjeçari po përjeton sezonin e ëndrrave, ai ishte një lojtar themelor tek Barcelona dhe pavarësisht nga mosha e tij e re, Enrique ka deklaruar se beson në të plotësisht. Me potencialin e tij enorm ai mund të shkëlqejë në këtë kampionat dhe të jetë njëri nga lojtarët më të mirë të Spanjës.

Memphis Depay (Holandë / Lyon)

Depay ka pasur sezon të mrekullueshëm me francezët, ai gjithmonë është protagonist për Kombëtaren dhe ka paraqitje të mira. Edhe ky kampionat nuk pritet të jetë ndryshe, ai është lojtari kryesor në sulmin e “Tulipanëve” dhe mund të shkëlqejë në “Euro 2020” me golat dhe asistimet e tij.

Jadon Sancho (Angli / Borussia Dortmund)

Sancho pavarësisht lëndimit të rij ishte i rëndësishëm për Dortmundin. Ai pritet të jetë një ndihmesë e madhe e Harry Kane tek Anglia ku me golat dhe asistimet e tij pritet të shkëlqejë. Talenti anglez me shpejtësinë dhe dinamikën e tij mund të bëhet figura kryesore e “Tre Luanëve”.

Frankie De Jong (Holandë / Barcelonë)

De Jong është njëri nga lojtarët më të talentuar holanedez, ai me vizionin dhe mençurinë e tij e dirigjon lojën nga mesfusha. De Jong pritet të jetë “magjistari” në mesfushën e Holandës dhe të shkëlqejë në “Euro 2020”.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Kualifikim i vuajtur i Gjermanisë, Low në bankën e akuzës

Publikuar

-

Nga

Joachim Low në bankën e akuzës në Gjermani. Duke qenë se Panzerat në fazën e grupeve fituan vetëm një ndeshje nga 3, është e lehtë të kuptohet se pëlqimi për trajnerin është pothuajse zero. “Kaluam grupin por nuk e dimë përse” shkruan në faqen e parë Bild, që edhe pse është një e përditshme që kërkon titujt sensacionalë, në këtë rast ka interpretuar plotësisht ndjesinë e njerëzve.

Veç të tjerash, ndeshja me Hungarinë ishte më e ndjekura në Tv deri më tani në këtë turne, me 25.74 milionë spektatorë dhe një share prej 71.4%. 6 minuta nga fundi, Gjermania ishte e eliminuar nga Europiani dhe një ngelje e dytë në klasë pas asaj në Botërorin 2018 do të kishte distancuar vlerën e kombëtares nga ato të klubeve, si Bayerni për shembull apo edhe nga shkolla e trajnerëve, ku spikasin 3 Championsit radhazi të Klopp, Flick e Tuchel.

Kombëtarja A do të shihej si pjesa e sëmurë e lëvizjes futbollistike, duke qenë se 21-vjeçarët e Gjermanisë në fillim të muajit kishte fituar titullin Europian për këtë grupmoshë. Goli i Leon Goretzka, i festuar me duart në zemër për t’iu përgjigjur fyerjeve të ultrasve hungarezë, i shpëtoi lëkurën skuadrës së tij, por nuk uli ritmin e kritikave, përkundrazi. Mes bashkëpunimeve gazetareske të Lothar Matheus, një video- analizë e barazimit të së mërkurës ka lënë shenjë.

“Loew duhet që më në fund të zgjohet. I besoi edhe një herë lojtarëve që e zhgënjyen. Pas ka probleme, para mungon forca, nuk u pa vendosmëria, kompaktësia dhe ajo aftësi për të qenë helmatisës në zonë siç ishte kundër Portugalisë. Tani duhet të fusë lojtarët që janë më mirë, pa parë nëse kanë 10 vjet apo dy muaj në kombëtare”, tha Matheus.

Ish interisti është një tifoz i Jamail Musiala, 18-vjeçarit të Bayern, që një minutë pasi u fut në fushë ishte protagonist në aksionin e golit të barazimit.

“Është ai fituesi i kësaj ndeshje dhe Loew duhet ta përdorë më shumë”, u shpreh Matheus.

Në bankën e të akuzuarve kanë përfunduar sidomos Ilkay Gyndogan, Serge Gnabry dhe Leroy Sane, për të cilin Mehmet Scholl deklaroi, se ajo e tija nuk ishte një ndeshje pasi nuk tregoi asgjë. Gjithsesi një favor Sane e bëri, pasi nëse nuk do të kishte gabuar në mënyrë sensacionale një pasim para porte në minutat finale të ndeshjes, gjermanët ndoshta do të kishin shënuar, duke e mbyllur grupin të parët dhe do të përfundonin në të njëjtin krah të tabelës me Italinë, Spanjën, Portugalinë e Belgjikën.

Tani kanë një klasike me Anglinë, do të përballen me një mes Ukrainës dhe Suedisë në çerekfinale dhe në gjysmëfinalen eventuale mbeten Çekia, Holanda, Danimarka apo Uellsi. Aspak keq edhe pse batutat në futboll nuk mungojnë dhe një që po qarkullon në Gjermani është se Loew bëri c’ishte e mundur që të mos i çonte lojtarët në një vend me rrezikshmëri Covidi si Anglia, por edhe në këtë rast, nuk ia doli!

LEXO TE PLOTE

Sport

Kukësi zyrtarizon goditjen e pestë të merkatos, firmos një sulmues malazez

Publikuar

-

Nga

Klubi i Kukësit ka zyrtarizuar ditën e sotme goditjen e pestë të merkatos (më parë është afruar Daci, Basa, Ndreca dhe Hila). Fjala është për një sulmues malazez, i cili vjen pas një eksperience në Serbi me Javor Matis. Emri i lojtarit është Alija Kërniç dhe ai ka firmosur një kontratë për dy sezone.

Njoftimi i Kukësit:

Futboll Klub Kukësi njofton se sulmuesi i djathte Alija Krnic është zyrtarisht futbollist i skuadrës sonë! Futbollisti malazez me origjine shqiptare ka firmosur me klubin një kontrate dy vjecare, duke u bërë kështu futbollisti më i ri në skuadër.

Krnic vjen te Kukësi nga kampionati serb, ku sezonin e fundit ka qenë pjesë e skuadrës së Javor Matis në Superlige. Në të kaluarën, ai ka qenë pjesë e ekipeve si Decic Tuz, Almudevar e Iskra.  Klubi i Kukësit i uron shumë suksese sulmuesit Krnić me fanellën e ekipit tonë.

LEXO TE PLOTE

Sport

Zyrtare/ Partizani prezanton ish-futbollistin e Skënderbeut

Publikuar

-

Nga

Arinaldo Rrapaj është lojtari më i ri i Partizanit. Klubi i kuq ka zyrtarizuar ditën e sotme afrimin e mesfushorit 19-vjeçar, i cili ka firmosur për 3 sezone me kryeqytetasit.

Lojtari kishte arritur marrëveshjen dhe stërvitej prej ditësh me skuadrën e  Ilir Dajës, por vetëm ditën e sotme ka ardhur zyrtarizimi nga Partizani. Rrapaj luajti sezonin e fundit me Skënderbeun, me të cilët u bashkua në merkaton e verës së kaluar nga Flamurtari.

Edhe një vit më parë talenti vlonjat kishte arritur një marrëveshje për t’u bashkuar me Partizanin, por për shkak se këta ët fundit kishin merkaton e bllokuar, transferimi nuk u finalizua.

“FK Partizani zyrtarizon arritjen e marrëveshjes për blerjen e kartonit të lojtarit Arinaldo Rrapaj. Mesfushori 19 vjeçar ka nënshkruar me të kuqtë një kontratë tre vjeçare me opsion rinovimi edhe për një tjetër sezon. Rrapaj i cili në kampionatin tonë është aktivizuar më parë me Flamurtarin dhe Skënderbeun është bashkuar në stërvitje me skuadrën në Ohër.”, thuhet në komunikatën e klubit.

LEXO TE PLOTE