Connect with Us

SHBA, masa ndaj 59 firmave kineze të mbrojtjes dhe teknologjisë

Bota

SHBA, masa ndaj 59 firmave kineze të mbrojtjes dhe teknologjisë

Publikuar

-

SHBA, masa ndaj 59 firmave kineze të mbrojtjes dhe teknologjisë

Zyrtarë të lartë të administratës Biden njoftuan se të enjten do të lëshohet një urdhër i ri ekzekutiv që u ndalon njësive amerikane blerjen ose shitjen e letrave me vlerë nga 59 kompani kineze të sektorit të mbrojtjes dhe teknologjisë së mbikëqyrjes.

Departamenti i Thesarit do të zbatojë dhe freskojë vazhdimisht listën e masës së re, e cila zëvendëson atë të Departamentit të Mbrojtjes, ndërsa zyrtarët njoftuan se vendimi hyn në fuqi më 2 gusht.

Urdhri i ri, që duket si përpjekje për ta bërë të tingëllojë si e ligjshme një ndalesë të administratës Trump, vë në theks qëllimin e administratës Biden për të garantuar se “persona në ShBA nuk po financojnë kompleksin industrial ushtarak të Republikës Popullore të Kinës”, tha një nga zyrtarët e lartë para gazetarëve.

Përfshirja e firmave kineze të teknologjisë mbikëqyrëse zgjeroi urdhërin e mëparshëm, thanë zyrtarët.

“Ne presim që muajt e ardhshëm të kemi kompani shtesë në urdhërin e ri ekzekutiv për ndalesën”, thanë ata.

Presidenti Joe Biden po shqyrtonte një numër aspektesh të politikës amerikane ndaj Kinës. Administrata e tij kishte vonuar zbatimin e urdhrit të mëparshëm ndërsa formulonte kornizën e re të politave të tyre.

Masa është pjesë e një serie më të gjerë hapash për të kundërshtuar Kinën, përfshirë forcimin e aleancave amerikane dhe ndjekjen e investimeve të mëdha të brendshme për të forcuar konkurrencën ekonomike amerikane, mes marrëdhënieve gjithë e më të tensionuara mes dy vendeve më të fuqishme në botë.

LEXO EDHE:  Biden bën paraqitjen e parë publike në më shumë se 2 muaj

Departamenti i Thesarit pritet që të enjten bashkë me listen të publikojë edhe të dhëna se çfarë përfshihet tek teknologjia e mbikëqyrjes dhe të dhënat nëse kompanitë po ndihmojnë “shtypjen ose abuzimet serioze të të drejtave të njeriut” brenda ose jashtë Kinës, tha një nga zyrtarët.

“Duam të sigurohemi që çdo ndalim ë ardhshëm të jetë në terren të ligjshëm. Pra, listat tona të para me të vërtetë e pasqyrojnë atë”, tha zyrtari tjetër i administratës.

Në maj, një gjykatës nënshkroi një urdhër për heqjen e masës ndaj prodhuesit kinez të telefonave mobil Xiaomi, e cila ishte ndër kompanitë e profilit të teknologjisë kineze që administrata Trump e shënjestëroi për lidhjet e saj me ushtrinë e Kinës.

Më vonë gjykatësi pezulloi masën e vendosur ndaj kompanisë tjetër kineze të teknologjisë që krijon harta, Luokung Technology Corp.

Edhe Departamenti i Mbrojtjes kishte vendosur kufizime ndaj koorporatës ndërkombëtare e prodhimit të gjysmëpërçuesve në Kinë, me qëllim të rritjes së sektorit të saj të brendshëm të çipave./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Fauci rreth COVID-19: SHBA-ja po shkon në drejtim të gabuar

Publikuar

-

Nga

Shtetet e Bashkuara janë nisur “në drejtim të gabuar”, sa i përket pandemisë me koronavirus, teksa rritet numri i të infektuarve në mesin e atyre që nuk janë vaksinuar, ka thënë eksperti për sëmundje infektive në SHBA, Anthony Fauci.

Fauci ka thënë se varianti Delta i koronavirusit, është duke nxitur shpërthimin e ri në zonat me shkallë të ulët të vaksinimit.

Ai ka thënë se zyrtarët shëndetësorë janë duke shqyrtuar mundësinë e rishikimit të udhëzimeve për maskën, për amerikanët e pavaksinuar, në mënyrë që të ndalet përhapja e virusit.

Delta mund të shtypet, por si?

Ai ka thënë se është duke u rishikuar edhe ofrimi i dozave përforcuese të vaksinës, për personat e pavaksinuar.

Situata me koronavirus në SHBA është duke u kthyer në “pandemi në mesin e të pavaksinuarve”, ka thënë Fauci për transmetuesin amerikan CNN, të dielën.

LEXO EDHE:  "Hapja bëhet për të rritur imunitetin"/ Pipero tregon pse janë shtuar rastet

Sipas të dhënave zyrtare, më shumë se 162.7 milionë banorë – apo 49 për qind e popullsisë – kanë marrë vaksinat në SHBA.

LEXO EDHE:  Video- Shtëpia përpihet nga flakët/ Shqiptari digjet për së gjalli

Shtetet e Bashkuara kanë qenë lidere në dhënie të vaksinave deri në muajin prill, kur ka nisur që të ulët shkalla e vaksinimit.

Banorët në rajonet jugore është thënë se janë më pak të vaksinuar.

Sipas autoriteteve, prej shpërthimit të pandemisë, autoritetet kanë regjistruar 34 milionë raste dhe 610,000 viktima me koronavirus.

Trendi i rritjes së numrit të të infektuarve, i është atribuuar variantit ngjitës të këtij virusi, Delta./rel

LEXO TE PLOTE

Bota

Franca miraton ligjin për pasaportën e vaksinave kundër Covid

Publikuar

-

Nga

Parlamenti i Francës ka votuar për t’i bërë pasaportat e vaksinave kundër koronavirusit, pjesë kryesore të jetës së përditshme, pas një dokordësimi midis ligjvënësve.

Miratimi i këtij vendimi erdhi një ditë pasi Franca u përfshi në protesta kundër masave anti-Covid-19, pasi presidenti Emmanuel Macron njoftoi javën e kaluar që leja shëndetësore (pasaporta e vaksinave), apo një test negativ do të kërkohej në disa vende, si kinema apo klube nate.

Sipas Macron kjo është një masë për të parandaluar përhapjen e pandemisë, në një situatë kur ka një shtim të rasteve për shkak të varianteve të reja të Covid.

LEXO TE PLOTE

Kosova & Rajoni

Kosova në zi për viktimat e aksidentit në Kroaci

Publikuar

-

Nga

Në Kosovë është sot ditë zie për viktimat që pësuan të dielën në një aksident rrugor në Kroaci.

Dhjetë vetë me prejardhje nga Kosova humbën jetën dhe mbi dyzet u plagosën kur autobusi me të cilin udhëtonin, doli nga rruga në qytetin kroat, Sllavonski Brod.

Autobusi me 67 pasagjerë, përfshirë fëmijë, ishte nisur nga Frankfurti për në Prishtinë.

Në mesin e viktimave është njëri shofer, ndërsa dy nga pasagjerët e plagosur janë të shtrirë në njësi të kujdesit intensiv në Sllavonski Brod.

Presidentja e Kosovës, Vjosa Osmani, shpalli të hënën ditë zie në nderim të viktimave, ndërsa ndërpreu vizitën në Japoni për shkak të aksidentit.

Kryeministri i Kosovës, Albin Kurti, vizitoi të dielën mbrëma të plagosurit në Sllavonski Brod.

“Kjo fatkeqësi, kjo tragjedi është tejet e rëndë për ne”, tha Kurti.

Të gjithë të mbijetuarit e aksidentit ndodhen ende në Kroaci. Mësohet se autoritetet e Kosovës dhe ato të Kroacisë po punojnë për organizimin e sjelljes në Kosovë të udhëtarëve të palënduar dhe të atyre me lëndime të lehta.

Ministri kroat i Shëndetësisë, Vili Berosh, tha se disa të lënduar lehtë do të lirohen gjatë ditës së sotme nga spitali.

LEXO EDHE:  Rusia e SHBA diskutojnë planin e Moskës për sulme kundër ISIS në Siri

LEXO EDHE:  Video- Shtëpia përpihet nga flakët/ Shqiptari digjet për së gjalli

“Të gjithë të përfshirëve në këtë ngjarje tragjike do t’iu ofrohet ndihmë psikologjike”, tha ai.

Autoritetet thanë se shoferi që po voziste autobusin, u ndalua nga policia.

“Ai [shoferi] tha se e mori gjumi për një moment”, tha zëvendësprokurori lokal, Sllavko Pranjiç. “Kam parë të plagosur, kam parë të vdekur, kam parë gjithçka”, tha Ramo Gashi, njëri nga pasagjerët, për televizionin kroat HRT.

Kryeministri i Kroacisë, Andrej Pllenkoviq, tha se është “i trishtuar” dhe “i pikëlluar” nga ngjarja, ndërsa u shprehu ngushëllime familjarëve të viktimave dhe popullit të Kosovës.

Presidenti kroat, Zoran Millanoviç, gjithashtu shprehu ngushëllime dhe uroi shërim të shpejtë për të plagosurit.

Ministria e Punëve të Jashtme dhe Diasporës në Kosovë publikoi numrin e telefonit: +383 (0) 38 200 76 000, si kontakt për të gjithë ata që kanë nevojë për informata rreth situatës apo gjendjes së familjarëve në Kroaci.

Dhjetëra qytetarë ndezën qirinj të dielën mbrëma para Teatrit Kombëtar në Prishtinë, në nderim të viktimave të aksidentit./REL

LEXO TE PLOTE