Connect with Us

REPORTAZH-Pogradeci perla e turizmit/ Xhakolli: 100 ditë vere, 100 ditë feste

Në QYTETIN tim

REPORTAZH-Pogradeci perla e turizmit/ Xhakolli: 100 ditë vere, 100 ditë feste

Publikuar

-

REPORTAZH-Pogradeci perla e turizmit/ Xhakolli: 100 ditë vere, 100 ditë feste

Qyteti i Pogradecit duket se vitet e fundit po rikthen më shumë turistët në juglindje, për vetë faktin se është qytet liqenor dhe ndryshe nga Korça sjell të tjera atraksione që nuk mund të lihen pa u vizituar nga afër.

Vera po afron, madje me plot gojë mund të themi se jemi në këtë stine  ndonëse ende nuk është çelur sezoni turistik në Pogradec. Gjatë vizitës tonë në këtë qytet, u ndalëm në Bashkinë e qytetit, për t’u takuar me kryetarin Ilir Xhakolli e për të mësuar prej tij me shumë kureshtje risitë që do të sjellë ky sezon turistik për Pogradecin.

Lajmin e mirë, Xhakolli na e dha që në momentin e parë që e takuam : “Sezoni turistik çelet zyrtarisht në datën 6 Qershor”. E normalisht që nuk mund të mos e pyesnim për risitë që do të sjellë bashkia për këtë sezon turistik.

Kalendari “100 Ditët e Verës” është risia e këtij viti, që do të përfshijë një sërë aktivitetesh prej muajit Qershor deri në muajin Shtator. Pra 100 ditë që do të jenë të mbushura më atmosferë festive, kulturore, artistike që do të shoqërojnë jo vetëm banorët e Pogradecit, por do të afrojnë turistët vendas e të huaj.

“Kemi menduar që çdo ditë e këtij sezoni të ketë veçantinë e saj në larminë e aktiviteteve të planifikuara. Krahas aktiviteteve kulturore, artistike dhe sportive, në Pogradec do të organizohen vizita në Monumentet Kulturore, historike dhe natyrore që ka qyteti.

Gjithashtu në këtë sezon janë të përfshira disa aktivitete ndërkombëtare si “Festivali Ballkanik i Teatrove të Kukullave”, “Festivali Ballkanik i Filmit”, “Konkursi Ndërkombëtar i Letërsisë Humoristike” si edhe “Kampionati Ballkanik i Beach Volleyball”.

Të gjitha këto aktivitete kanë të njëjtin “mision” , kthimin e Pogradecit në destinacionin e preferuar të turistëve, si edhe bashkëpunimin mes shteteve fqinje për shkëmbim të eksperiencave gjatë këtyre 100 ditëve. Pjesë e pandarë e këtij kalendari do të jenë koncertet çdo fundjavë me muzikë, këngë qytetare apo popullore që pëlqehen shumë.” – ka thënë për CNA.al kryetari Ilir Xhakolli.

Pasi kaluam një vit të vështirë gjatë pandemisë, viti 2021 do të jetë ai që do të rikthejë vizitorët në qytetin liqenor. E duket së pritshmëritë e kryetarit dhe të stafit të tij janë mjaft të mëdha për këta të fundit. Pritet që të ketë shumë vizitorë, jo vetëm vendas por edhe të huaj.

LEXO EDHE:  Zbulohet kandidati surprizë kundër Erjon Veliajt

E kjo duket nga prenotimet e shumta në të gjitha strukturat akomoduese të Pogradecit, ku ndryshe nga viti 2020 që pati rënie të turistëve, këtë vit pasi u largua dimri, çdo fundjavë ka qënë e prenotuar. Fryma pozitive e vizitorëve, që preferojnë ajrin e pastër, natyrën piktoreske dhe fshatrat turistikë, ndihet ditë pas dite.

Fokusi i aktiviteteve nuk do të jetë vetëm qyteti i Pogradecit, por edhe fshatrat turistikë dhe zonat e thella malore që të japin një tjetër pamje dhe kënaqësi. Lidhur me këtë, Xhakolli përmend sërish një sërë aktivitetesh që do të jenë ndër më të veçantat.

“Konkretisht kemi “Festa e Teta Ollgës” në Tushemisht, e cila lidhet me personazhin e Violeta Manushit, aty ku janë xhiruar 2 filmat shqiptarë “Shoqja nga fshati dhe Zonja nga qyteti” e ku do të ketë promovim të kulinarisë me panaire të ndryshme dhe me punimeve artizanale të zonjave te fshatit.

Një tjetër festë është  “Festa e Koranit” në Lin e cila organizohet për herë të parë dhe ka si tematikë gatimet e restoranteve të pershkut si edhe pasurimin e liqenit me peshqit e rinj që do të hidhen këtë sezon në liqen.

Ndër të tjera do të organizohet edhe edicioni i dytë i “Mokra në Festë”, e cila do të bëjë bashke Mokrrën e Sipërme me Mokrrën e poshtme, me fokus promovimin e historisë së kësaj zone, kulturës e traditës dhe kulinarisë.” ka treguar më tej Xhakolli.

Bashkia Pogradec ka përgatitur disa botime si “Vështrim i përgjithshëm i Pogradecit”, Guidat malore dhe fletë palosje në tre gjuhë  (shqip, anglisht, frëngjisht), dhe në këto botime çdo i interesuar do të njihet me vlerat dhe pasuritë historike, kulturore dhe natyrore të Pogradecit.

Nuk na mbetet gjë tjetër veçse të presim zyrtarisht çeljen e sezonit turistik dhe të sjellim në vëmendje të tjera reportazhe lidhur me aktivitetet e Kalendarit “100 Ditët e Verës”./ CNA.al

Adresat e emailit per kontakt

www.bashkiapogradec.gov.al

[email protected]

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Në QYTETIN tim

REPORTAZH- Muzeu i Diktaturës në Shkodër/ Një dëshmi për viktimat e komunizmit

Publikuar

-

Nga

REPORTAZH- Muzeu i Diktaturës në Shkodër/ Një dëshmi për viktimat e komunizmit

Popujt që harrojnë të kaluarën e tyre janë të destinuar që ta përsërisin atë”.

Në një ndërtesë të zakonshme në qendër të Shkodrës, në një muze të vogël janë kujtimet e viktimave të një prej regjimeve më brutale të Europës Lindore të cilat vijnë të gjalla. Që nga viti 2013 këto kujtime janë të stamposura në Muzeun e Dëshmisë dhe Kujtesës në Shkodër. Në afërsi te ish degës, aty ku kujtesa e së shkuarës nuk mund të harrohet.

Muzeu u ndërtua mbi gërmadhat e objektit ku në vitin 1945 u ngrit një nga burgjet më të egra të regjimit komunist, ish dega e Punëve të Brendshme. Arkitektët dhe kuratorët kanë studiuar edhe muze të ngjashëm të ndërtuar kryesisht në vendet e Europës Lindore. Sipas bashkëkohësve, është ruajtur me përpikmëri e gjithë struktura e mëparshme.

Komunistët në një kohë drejtonin jo më pak se 23 burgje në Shkodër, ku komunistët u përpoqën shumë për të marrë kontrollin e tij gjatë dhe pas viteve të fundit të Luftës së Dytë Botërore. Dhjetëra mijëra shqiptarë u dërguan në kampe pune për arsye politike nën regjimin komunist dhe të paktën 6,000 njerëz u ekzekutuan, besojnë shumica e ekspertëve.

Përgjegjësi i muzeut të diktaturës në Shkodër Pjerin Mirdita na njeh më shumë me atë çfarë ofron ky muze i dëshmisë dhe kujtesës.

Gjatë këtyre viteve, kundërshtimi ndaj komunistëve ishte ende i lartë në Shkodër, mbase jo direkt kundër shtetit, por ai mbeti gjallë brenda zemrave dhe mendjeve të njerëzve. Ish-shkolla katolike funksiononte si një qendër torturimi dhe marrje në pyetje. Fillimisht, të burgosurit qëndronin këtu për periudhën e marrjes në pyetje, periudhë gjatë së cilës i nënshtroheshin torturës fizike dhe psikologjike. Pasi dënoheshin, ata dërgoheshin në burgje të tjera në të gjithë vendin”.

Në muze gjetëm edhe një grup të ardhur nga Gjermania. Kanë dëgjuar shumë për vendin tonë dhe tortuart çnjerëzore të kryera ne përiudhën e komunizmit.

“Kanë kaluar dekada, por teksa dëgjoj Pjerinin që na tregon për vuajtjet dhe historitë e trishta, nuk mund të mos ndjej dhimbje shpirtërore. Në fakt tani që po flas me ju më duket sikur kam edhe dhimbje fizike”, thotë  Lucas Schëarz nga Gjermania

Pjesa e brendshme e Muzeut të Dëshmisë dhe Kujtesës është e ndarë në dy pjesë, të ndara nga një korridor i lyer me të kuqe, i cili simbolizon vuajtjet shpesh të përgjakshme të atyre që dërgoheshin në dhomën e marrjes në pyetje, dhoma më e errët e ndërtesës.

Megjithatë ajo e cila rrënqeth mbeten dhomat e qelisë. Një hije trishtimi nis që në koridoret e tyre të errëta. Në të dy anët e koridorit, përballë njëra-tjetrës ndodhen 23 qeli. Në këto qeli të vogla, secila më pak se katër metra katrorë dhe që në atë kohë quheshin biruca, të burgosurit mbaheshin para dhe gjatë procesit të marrjes në pyetje.

LEXO EDHE:  Kandidatët e PD për deputetë/ Del lista e Irfan Hysenbelliut

LEXO EDHE:  Bëni këto aktivitete gjatë verës dhe do të largoni stresin

Në qelinë nr 3 vuajti dënimin At Zef Pllumbi. Ishte 22 vjeç kur me 14 dhjetor të vitit 1946 arrestohet dhe dënohët me tri vite burgim. Pas vuajtjes së denimit ai u rikthye sërish në kuvendin Françeskan ku shërbeu për 12 vite si meshtar. Në vitin 1967 arrestohet dhe dënohet me 23 vite burg. Dënimin e vuajti ne burgje dhe kampe të ndryshme nga Spaçi deri në Tiranë. Pasi doli nga burgu në fillim të viteve ‘90, at Zef Pllumbi ishte dëshmitari i gjallë i vuajtjeve dhe torturave ku solli edhe botimin “Rrno për me tregue”.

Në qelinë numër 13, ishte Marie Tuci. Maria ishte një vajze e re nga Mirdita, e cila sfidoi xhelatët e periudhës komuniste, në emer të Zotit për të mbrojtur besimin katolik. Shefi i sigurimit të asaj kohe, Hilmi Seiti, i cili u magjeps nga bukuria e 22 vjeçares mendoi se mund të abuzonte me të sipas dëshirës, por kur hasi në rezistencën e saj, ai vendosi ta torturonte në mënyrën më çnjerëzore. E mbyllën në një thes së bashku me një mace të tërbuar dhe e goditën Marien me mjete të forta. Kur e nxorën nga thesi, Maria ishte transformuar sa nuk njihej.

U dërgua në spitalin e të burgosurve në gjendje të mjerueshme, ku nga plagët e marra nuk njihej. Maria Tuci vdiq në spitalin e Shkodrës, më 20 shtator të vitit 1950, në moshën 22 vjeçare, dhe ishte e vetmja grua që renditet mes 40 martirëve të parë të kishës katolike shqiptare të shpallur nga Vatikani.

Në fund të hapësirës së qelive ndodhet edhe dhoma e torturave ku shpesh të burgosurit ishin të detyruar të asistonin në tortura fizike e morale që ushtroheshin mbi njërin prej tyre. “Fillimisht, të burgosurit qëndronin këtu për periudhën e marrjes në pyetje, periudhë gjatë së cilës i nënshtroheshin torturës fizike dhe psikologjike. Pasi dënoheshin, ata dërgoheshin në burgje të tjera në të gjithë vendin,” shpjegon drejtori i këtij muzeu. Disa prej paisjeve që përdoreshin në dhomën e torturës janë ende të vendosura aty ndërsa për brezat e sotëm kur njihen me këtë histori duket gati e pabesueshme.

Këto janë vetëm përshkrime, por për t’u njohur nga afër me emocionet, drithërimat dhe për t’u njohur me historinë e tyre, muzeu i Dëshmisë dhe Kujtesës, i ndodhur në qendër te qytetit të Shkodrës ka hapur dyert e tij, me shpresën se do të jetë një sezon ndryshe nga ai që lamë pas për shkak të pandemisë COVID-19.

Mbi të gjitha, për të kujtuar, e për të njohur atë të vërtetë të dhimbshme e cila ende ruhet e gjallë./CNA.al

 

LEXO TE PLOTE

Në QYTETIN tim

REPORTAZH-Bujtina Muriqi në Shkodër/ Oazi i qetësisë, bukurisë dhe argëtimit me kuaj

Publikuar

-

Nga

E gjendur mbi një kodër në pjesën fundore të fshatit Zues në Shkodër, me një pamje të mrekullueshme të pyjeve të asaj zone por edhe një pjesë të qytetit të Shkodrës, bujtina “Muriqi” ka hapur dyert rishtasi duke pritur të gjithë miqtë që kërkojnë një fundjavë të qetë apo një ditë ndryshe.

Është një ivestim që ka nisur dy vitet e fundit për ta përfunduar tashmë plotësisht këtë bujtinë në që ndodhet në kufirin ndarës të Zuesit me fshatin Oblikë të njësisë Ana e Malit në Shkodër.

Sapo kalon urën e re të Bunës, në aksin që të çon drejt pikës kufitare të Muriqanit, vetëm pas afro 2 kilometrash në një rrugë malore në të djathtë ndodhet bujtina Muriqi e cila është një vlerë që i shtohet asaj zone.

Që në momentin e parë sytë qetësohen në pamjen mahnitëse që ofrohet nga kjo bujtinë.

Rreth e qark bujtinës mund të soditësh malin e Taraboshit që ndodhet përballë, një pjesë të qytetit të Shkodrës por edhe një pjesë të Anës së Malit, një trekëndësh në të cilin gjen një qetësi shpirtërore.

Bujtina Muriqi përveç ushqimeve të zakonshme që mund të kërkojnë vizitorët vendas apo turistët e huaj ka zgjedhur që në menunë e saj të ketë edhe gatimet e shijshme të asaj zone në Anën e Malit si dhe prodhimet bio që ofrojnë fermerët atje.

Kuzhina në këtë bujtinë është e ndërthurur mes modernes dhe tradicionales duke qëndruar më shumë tek kjo e fundit dhe kryesisht gatimet dhe prodhimet bio të cilat janë më të kërkuarat edhe në këto ditë të para nga ata që vizitojnë bujtinën e bukur në majë të kodrës.

Edhe pse ende në ditët e para vizitorët që zgjedhin për të kaluar drekën apo darkën në bujtinën “Muriqi” janë të shumtë. Shumë shpejt shkodranët por edhe nga shumë qytete të tjera kanë ‘vrapuar’ për të shijuar pamjen e bukur por edhe gatimet e bujtinës më të re në Shkodër.

Në këtë mënyrë për stafin ka qenë disi edhe papritur ky fluks i madh duke i detyruar ata që të punojnë për shumë orë si shkak i kërkesave, aq më tepër gjatë fundjavave ku gjithsecili duhet të rezervojë sepse në të kundërt rrezikon që ta gjejë plot bujtinën.

Bujtina “Muriqi” është pak më e veçantë se nga sa jemi mësuar të shohim deri tani në Shkodër. Në gjysëm të kodrës aty ndodhet një fermë me disa kuaj të racave të ndryshme të cilët presin miqtë që vijnë aty jo vetëm për t’i parë nga afër por edhe për të kalëruar. Një pjesë e stafit të bujtinës janë kalërues prej vitesh të cilët kanë marrë pjesë edhe në gara kombëtare apo ndërkombëtare me kuaj.

LEXO EDHE:  Bëni këto aktivitete gjatë verës dhe do të largoni stresin
LEXO EDHE:  Zyrtari nga Puka humbi jetën nga koronavirusi/ Mesazhi prekës i kryetarit të bashkisë

Kuajt janë të zbutur maksimalisht dhe qoftë fëmijët e vegjël por edhe të rriturit mund të bëjnë gjiro në pistën e posaçme e mundësuar nga bujtina.

Çmimet për xhirot me kalë janë modeste ndërsa pë rata që konsumojnë drekën aty shpesh herë ka një tolerim duke bërë gjiro falas.

Në këtë mënyrë më shumë se kushdo janë fëmijët ata të cilët preferojnë të hipin në kuajt që ka bujtina “Muriqi” duke bërë gjiro në pistë apo edhe nga ajo fermë e vogël deri tek bujtina.

Kuajt janë të racave të ndryshme si lapican, kuaj vendit, kuaj të racës angleze dhe deri tek ata më të famshmit, kuajt arab.

Prania e kësaj ferme me kuaj ka tërhequr edhe më shumë vizitorët apo turistët të cilët kanë një arsye më shumë për t’u argëtuar ata vetë ose fëmijët e tyre.

Është ende herët por në një të ardhme jo shumë të largët me shumë mundësi bujtina “Muriqi” do të ketë edhe një akademi për hipizmin për të mësuar fëmijët që në moshë të vogël që të kalërojnë, një sport ndryshe por edhe një argëtim që mungon në qytetin e Shkodrës.

Vetëm pak metra larg bujtinës ndodhen edhe disa shtëpiza të vogla prej druri të cilat tashmë janë gati për të pritur ata të cilët kanë dëshirë që të kalojnë natën në atë mjedis fantastik.

Dita në bujtinë ka bukurinë e saj por jo më pak e mahnitshme janë edhe orët e pasdites, darkës apo mbrëmjes vonë.

Në një oaz të plotë qetësie, të shkëputur nga zhurma e mërzitshme e qyteteve, mes një vendi të gjelbëruar dhe një ajri të pastër, shtëpizat janë një tjetër vlerë e shtuar e kësaj bujtine.

Me një çmim të përballueshëm nga të gjitha shtresat, këto shtëpiza prej druri të vendosura edhe estetikisht bukur tashmë janë tejet të frekuentuara edhe pse bujtina “Muriqi” ka vetëm pak ditë që është hapur.

Për një drekë ndryshe dhe disa orë larg gumëzhitjes së përditshme, në një vend ku shërbimi dhe ushqimi janë në nivelin e duhur, argëtimi me kuaj, pamje mahnitëse dhe ajri i pastër, bujtina “Muriqi” është zgjedhja e duhur për çdo familje shqiptare./CNA.al 

LEXO TE PLOTE

Në QYTETIN tim

REPORTAZH-Korça në festë/ Nisin Karnavalet, qyteti vishet nga parada me ngjyra

Publikuar

-

Nga

Korça ka çelur zyrtarisht sezonin turistik 2021, dhe aktiviteti i kësaj dite ishin pikërisht Karnavalet Tradicionale të qytetit.

Prej vitesh në Korçë organizohen karnavalet si një festë tradicionale që sjell një atmosferë të ngrohtë për qytetarët korçarë dhe turistët.

Rreth 25 grupe janë bërë pjesë e marshimit në rrugët e qytetit, me një shumëllojshmëri kostumesh e fabulash që pjesëmarrësit kanë dashur të përcjellin drejt spektatorëve.

Pjesëmarrja e grupeve respektive kishte në fokus 400 lloje të ndryshme kostumesh festive dhe maskat që mbuluan fytyrat e tyre duke përcjellë një bukuri të veçantë, me personazhe të filmave vizatimorë, telenovelave turke dhe kafshëve të ndryshme.

Fëmijët kanë qenë ata që kanë festuar të gëzuar këtë ditë, që prej orës 11 të paradites e që do të kulmojë në një paradë në qytet pasditen e sotme.

Spektatorëve u është dhënë mundësia të bëjnë fotografi me personazhet e po ashtu të shijojnë me entuziazëm festën e mrekullueshme të karnavaleve.

Kemi lënë pas një vit të vështirë për shkak të pandemisë e këtë vit organizimi ka qënë ndryshe nga viti i kaluar ku ka patur grupe të vogla pjesëmarrësish e që nuk kanë mundur ta përcjellin mjaftueshëm atmosferën festive.

Ky vit ka kulmuar pikërisht ditën e sotme me qindra qytetarë korçarë por edhe turistë të huaj që zgjodhën Korçën për të kaluar fundjavën e për t’u bërë pjesë e aktiviteteve në qytet.

Gjatë qëndrimit të grupeve të karnavaleve në pedonalen e qytetit, patëm mundësinë të flasim me disa prej grupeve pjesëmarrëse të cilët me shumë kënaqësi kanë treguar fabulën që lidhet me kostumet shumëngjyrëshe.

Gloria Hoxha është njëra prej vajzave të grupit të “bletëve punëtore”. Të gjitha të veshura me kostume me ngjyrë të zezë e të verdhë e duke mbajtur në dorë hojet e bletëve.

Ajo tregon me shumë gëzim arsyen e pjesëmarrjes së tyre në këtë sezon karnavalesh.

Ne sot simbolizojmë bletët punëtore, të cilat janë sezoni i pranverës. Na pëlqejnë shumë bletët, sepse shkojnë lule më lule dhe nxjerrin mjaltin.

Mjalti është shumë i preferuar nga të gjithë dhe për këtë arsye u bëmë sot pjesë e karnavaleve. Nuk është hera e parë që ne jemi pjesëmarrëse, dëshirojmë të jemi çdo vit në këtë organizim.

Fatmirësisht pandemia kaloi dhe ndihemi shumë të lumtura që po shijojmë së bashku me qytetarët e Korccës këtë aktivitet.” – tregon Gloria.

Mark Stoscher është një shtetas amerikan, pjesë e karnavaleve i cili bashkë me grupin e tij ka vendosur të sjellë një tjetër fabul për publikun.

Jemi të gjithë nga Kolonja, po kënaqemi shumë. Sot është një ditë shumë e bukur, dielli shkëlqen dhe na jep një kënaqësi fantastike. Ne kemi ardhur me një mëndim në këto karnavale, të gëzoheni gjithmonë në zoti. Njerëzit falin njëri tjetrin, që është shumë e vështirë, por duhet të ndodhë tek çdokush, që fytyrat e të gjithëve të jenë më pas të gëzuara. Ja, kështu si jemi ne të gëzuar e me buzëqeshjen në fytyrë.” – shprehet Mark.

LEXO EDHE:  Tabaku ngre alarmin/ “Bizneset janë në kufijtë e mbijetesës, 130 aktivitete nuk mbështeten nga shteti”

LEXO EDHE:  Socialistët marrin në qetësi edhe Pogradecin/ Betohet Ilir Xhangolli

Turistët e huaj nuk kanë munguar këtë ditë të veçantë për qytetin, dhe kanë zgjedhur pikërisht Korçën e bukur për të kaluar fundjavën. E ku më mirë do të festohej fundjava përvecse në Korçë me Karnavalet?

Një çift të huajsh kanë ardhur posaçërisht në qytetin juglindor për të parë Karnavalet.

Ne jemi nga Polonia dhe Ukraina. Vendosëm të vinim në Korçë sot për të parë festën e karnavaleve dhe për të shijuar atmosferën e tyre. Jemi shumë kuriozë të shohim se çfarë do të ndodhë sot, me gjithë kostumet e mrekullueshme dhe plot ngjyra. Gjithçka duket kaq bukur, njerëzit e qeshur, janë bërë shumë të veçantë me këto veshjet dhe mezi presim të shohim pasditen. Jemi të sigurt se do të jetë një ditë fantastike.” – tregon çifti i turistëve.

Edhe një turist gjerman është bërë pjesë e publikut, duke qëndruar prej disa orësh në pedonale e duke shijuar çdo grup pjesëmarrësish. Adelbert Ringwald, tepër i lumtur, ka treguar ndjesitë që i përcjell festa që organizohet edhe në shtetin e tij.

Unë jam nga Gjermania, kam disa muaj që jetoj në Shqipëri, në Elbasan. Më pëlqen shumë Korça dhe sapo mora vesh që sot ishin Karnavalet erdha menjëherë këtu. Nuk mund ta humbisja festën e bukur sepse më kujton qytetin tim ku organizohet çdo vit ashtu si në Korçë. Nuk e prisja të kishte kaq shumë grupe pjesëmarrëse. Me të vërtet një organizim shumë i mirë me përmbajtje të veçanta. Është e mrekullueshme mënyra sesi ju festoni. Dhe unë sot do festoj së bashku me ju, edhe me birrën që e keni shumë të mirë.” – shprehet Adelbert.

Karnavalet e Korçës do të vijojnë deri mbrëmjen e sotme marshimin në rrugët kryesore të qytetit, që prej orës 18:00 të pasdites.

Të gjithë do të kenë mundësinë të përjetojnë një ditë ndryshe, me street party në bulevard Republika e më pas me përfundimin e saj tek Pazari i Vjetër i qytetit.

E ne s’na mbetet gjë tjetër veçse t’u urojmë që këto karnavale t’i kaloni sa më bukur nën shoqërinë e familjes dhe të miqve./CNA.al

 

LEXO TE PLOTE