Connect with Us

Kjo që bën Lulzim Basha, përveçse është budallaqe, është edhe e ligë

Opinione

Kjo që bën Lulzim Basha, përveçse është budallaqe, është edhe e ligë

Publikuar

-

Kjo që bën Lulzim Basha, përveçse është budallaqe, është edhe e ligë

Nga Mustafa Nano

Lulzim Basha ka nisur një fushatë tjetër, fushatën brenda partisë, nëpërmjet së cilës ai kërkon të rikonfirmohet në postin e kryetarit të partisë. Ka filluar të dalë nëpër Shqipëri. Ka filluar të marrë takime dhe kontakte ekskluzivisht me demokratët, këtë herë. Jo me shqiptarët. Dhe mantra e kësaj fushate është një dhe vetëm një: “Është bërë një masakër elektorale. Ne nuk humbëm. Na vodhën zgjedhjet!”

Madje dje, nga Përmeti, ai na bëri me dije se në Partinë Demokratike kanë përgatitur një raport të hollësishëm mbi masakrën elektorale. E kanë përkthyer në anglisht dhe do t’ua nisin të gjithë njerëzve nëpër botë, në botën perëndimore, që janë të interesuar apo që ndjekin zhvillimet politike në Shqipëri. Kjo është një dukuri dhe praktikë shumë e shëmtuar.

Unë mendoj se së pari, nisma e raportit që do të dërgohet jashtë është një nisëm budallaqe, sepse të gjithë partnerët tanë ndërkombëtarë nuk kanë nevojë të informohen nga aktorë lokal, lidhur me zhvillimet politike dhe jo politike shqiptare.

Ata kanë burimet e tyre. Sidomos kur vjen puna te zgjedhjet, te proceset elektorale, ata kanë burimet më të besueshme në botë. Kanë vëzhguesit e OSBE/ODHIR-it. Dhe midis këtyre të fundit dhe vëzhguesve të Partisë Demokratike, apo aparatçikëve të Lulzim Bashës, partnerët ndërkombëtarë, por edhe ne si shqiptarë, besojnë të parët, besojnë vëzhguesit ndërkombëtarë të OSBE/ODHIR-it. Kjo është e qartë.

Nisma përveçse është budallaqe, është edhe e ligë. Sepse të liga janë përpjekjet që janë një ritual i mërzitshëm tanimë në Shqipëri, prej 30 vitesh. Përpjekjet për të diskretituar, denigruar, nxirë, sterrosur apo katranosur kundërshtarin politik, apo realitetin politik në Shqipëri përballë të huajve. Me fjalë të tjera, është e shëmtuar përpjekja për të nxjerrë rrobat e palara të shtëpisë në pazar.

Dhe kjo është një praktikë berishiane, prej së cilës duhet të heqim dorë. Është një praktikë që e ka shpikur Berisha, si shumë praktika të tjera. E meqë jemi te kjo praktikë që unë e kualifikova si berishiane, më duhet t’ju rrëfej një anekdotë nga jeta ime, por edhe nga jeta e Sali Berishës, e Fatos Nanos, dhe e disa të tjerëve.

Nga viti 2000-2001, kur unë punoja për gazetën “Shekulli”, në Strasburg u organizua një ditë për Shqipërinë, në përgjigje të sherreve lokale që po bëheshin në atë moment midis Fatos Nanos, që ishte kryeministër, dhe palës tjetër, që është përfaqësuar prore nga Sali Berisha. Salla ishte mbushur me europarlamentarë.

Ishin disa qindra europarlamentarë. Fjalën e mori Fatos Nano, i cili mbajti një fjalim të shkurtër, të thjeshtë, normal. Nuk la shenjë, por edhe nuk i la indiferentë ata që ishin aty. Pas tij e mori fjalën Sali Berisha, i cili filloi të nxirrte zjarr nga goja, siç e ka zakon. Madje në një moment, ai drejtori gishtin nga Fatos Nano që e kishte dy metra larg dhe u tha europarlamentarëve: “Ky njeri bën tregti fëmijësh me Al Qaeda-ën.” Uau!!! Mund të duket e pabesueshme sot nga largësia e viteve, por është e vërtetë.

Fatos Nano në dhimbje për humbjen e Bashkim Finos/ Një shok i rrallë dhe i pazëvendësueshëm

Unë jam dëshmitar që kjo është e vërtetë. Unë kam bërë edhe një shkrim në atë kohë për “Shekullin”. Ka qenë një nga momentet kur (bashkë me gazetarët e tjerë) kam qenë i shqetësuar. Por më i shqetësuar ishte Fatos Nano.

Ai i hodhi një vështrim përbuzës bashkatdhetarit të tij sikur donte t’i thoshte: “Ç’na bëre mor, njeri mizerabël!” Vuri duart në kokë, dhe pak sekonda më pas e la fare takimin.

Iku dhe nuk u kthye më. Përballë europarlamentarëve mbeti vetëm Berisha i cili filloi në stilin e tij të fliste për Shqipërinë ashtu si ai dinte të fliste. Shumë europarlamentarë reaguan. Disa madje qeshën e disa filluan të talleshin. Dhe ky është reagimi që duhet të presin politikanët. Talljen dhe të qeshurat, sa herë që dalin jashtë e flasin keq, vjellin vrer, denigrojnë kundërshtarin e tyre politik. Edhe kur të qeshurat nuk iu hidhen në fytyrë, të jenë të sigurt, se pasi mbyllin derën dhe largohen, miqtë e tyre që i kanë  pritur qeshin dhe ndoshta qeshin me të madhe.

LEXO EDHE:  Nga Astrit Patozi/ Një lexim i ftohtë për dënimin e Sali Berishës

Kjo është arsye që duhet të reshtin politikanët tanë, sidomos kur janë në opozitë, me përpjekje të tilla, për të zhvendosur a eksportuar të gjitha çmenduritë tona, rrugaçëritë tona, budallallëqet tona në Europë, në Amerikë, apo në të gjithë botën perëndimore. Ne hallet dhe problemet mund t’i zgjidhim këtu brenda.

Ka mjaft hapësirë për t’i zgjidhur së brendshmi. Madje, unë mendoj se edhe shumë probleme që u identifikuan (një pjesë prej tyre edhe me të drejtë) nga opozita, gjatë procesit elektoral të fundit, siç ishte, për shembull, përdorim i administratës publike në funksion elektoral, mund të kishin gjetur zgjidhje që në datën 25 qershor 2020, kur u bë negociata e famshme midis PS-së dhe PD-së, në prani të ambasadores amerikane.

Në atë takim, në atë negociatë, Partia Demokratike ishte e lirë të bënte të gjitha propozimet, sepse mazhoranca, nën presionin e ndërkombëtarëve, tregoi gatishmërinë për t’ia marrë në konsideratë të gjitha sugjerimet, propozimet e çfarë ajo kishte në mendje. Dhe në fakt, gjithçka që u bë, u bë sepse deshi Partia Demokratike. Pra, është e mundur, është e lehtë, sido që ishte nën praninë e ndërkombëtarëve.

Diçka të fundit. Dje dhe sot ka qenë në Tiranë ministri gjerman për Europën, Michael Roth. Ai pati një takim dje me kryeministrin Rama. Dhe sot pati një takim me liderin e Partisë Demokratike, Lulzim Basha. Në konferencën për shtyp me Ramën, ai u dëgjua të vetëofrohej për të zgjidhur krizën në Shqipëri, për të nxitur dhe inkurajuar dialogun midis palëve, midis mazhorancës dhe opozitës. Sipas meje kjo është një gjë e turpshme. Por turpin nuk e bën ministri gjerman. Turpin e bëjmë ne të gjithë, që njerëz të tillë si ai, i detyrojmë, i vendosim në situatën në të cilën ata ndjehen të detyruar për t’u vetëofruar si zgjidhës të krizave.

Unë jam i sigurt se këtë gjë ai ia ka thënë edhe Bashës. Sikur të isha në vend të Bashës, përgjigja ime do të ishte: “Faleminderit shumë, z. Ministër! E vlerësoj shumë gatishmërinë tuaj. Por ka ardhur koha, pas 30 vitesh me të njëjtën histori kontestimesh, mosmarrëveshjesh e sherresh, ka ardhur koha që të merremi vesh me njëri-tjetrin, dhe unë do të bëj çmos të merrem vesh me mazhorancën dhe me liderin e mazhorancës. Faleminderit shumë! Danke!”

Por jam i sigurt se Lulzim Basha nuk e ka bërë këtë gjë. Unë di edhe arsyen pse. Ai nuk e ka bërë, sepse nga momenti që bën këtë gjë, nga momenti që u thua të gjithëve se unë do t’i zgjidh vet, së brendshmi, problemet e mia, ti nuk ke më gojë të hapësh pas zgjedhjeve për të kontestuar rezultatin e zgjedhjeve në rastin që ti ato i humbet. Mirëpo, për politikanët e opozitës, për liderin e opozitës, gjëja më e rëndësishme nuk është të fitojë zgjedhjet.

Kjo është e rëndësishme, por ka një gjë edhe më të rëndësishme. Dhe kjo është të ketë shansin a mundësinë që t’i kontestojë zgjedhjet, nëse ato i humbet. Nëse nuk e ka këtë shans, ai është i vdekur. Shikoni Lulzim Bashën! E vetmja degë ku po kapet është dega e masakrës elektorale. Po të mos ishte kapur te kjo degë, ai do të kishte ikur tanimë. Duhet të heqim dorë nga kjo praktikë e shëmtuar./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Nga Andi Bushati/ Raporti i OSBE-ODIHR në çarkun e ndërkombëtarëve të Tiranës

Publikuar

-

Nga

Raporti i OSBE-ODIHR në çarkun e ndërkombëtarëve të Tiranës

Raporti përfundimtar i OSBE- ODIHR për zgjedhjet e 25 prillit, i cili u publikua për arsye të paqarta me shumë orë vonesë nga sa ishte paralajmëruar, do të kishte qenë katastrofik për çdo lloj pushteti në një regjim demokratik.

Shitblerja masive e votës, fshirja e kufirit midis partisë qeverisëse dhe shtetit, frikësimi i votuesve dhe mbi të gjitha vjedhja e të dhënave të tyre personale, për qëllime elektorale, do të kishin qenë të mjafta për të diskredituar arkitetktët e kësaj katrahure.

Por, fatkeqësisht, ky raport prej 36 faqesh ka një handikap të madh. Ai ndjek traditën e të gjithë të singjashmëve të tij të mëparshëm duke marrë si të mirqenë se Shqipëria ende vazhdon të jetë një demokraci. Pra, në themel të tij qëndron një kredo tashmë e vjetëruar e të gjithë ndërkombëtarëve, që bëjnë pasqyrën e një vendi në tranzicion, i cili mund të bëjë përpara me disa arnime, korrigjime e në rastin më të mirë edhe përmirësime. Dhe kjo duket qartë po ti hedhësh një sy rekomandimeve kryesore që OSBE- ODIHR bëjnë për zgjedhjet e ardhshme. Eshtë interesante që ti shohësh ato, një për një, dhe pasi i ke lexuar të ngresh pyetjen: A është kjo kimioterapia për të vrarë tumorin e manipulimit të zgjedhjeve, apo thjeshtë është një paracetamol sa për të qetësuar dhimbjet?

OSBE ODIHR rekomandon që të ndryshohet kuadri ligjor (sërish e sërish sepse në fakt është ndryshuar pas çdo lloj zgjedhjesh), ai këmbëngul, në parandalimin e çdo lloj presioni mbi zgjedhësit, për identifikimin dhe hetimin penal të matrapazëve të votës, për ruajtjen e të dhënave, personale dhe për monitorim më të reptë të mediave që ato të mund të raportojnë në mënyrë të pavarur.

Po a janë të realizueshme këto?

Natyrisht që jo.

Si mund të hetohen manipuluesit e këtyre zgjedhjeve kur organet e reja të reformës në drejtësi ende tallen me paraardhësit e tyre të katër viteve më parë, që u dëgjuan nga e gjithë bota se ç‘i bënin votuesit? Si mund të identifikohen dhe hetohen hajdutët elektoralë, kur ata i mbron vetë drejtori i përgjigjshën i policisë, që manipuloi publikisht provat dhe shkatërroi hetimet në rastin e incidentit në Elbasan? Si mund të ndalet vjedhja e të dhënave personale kur e Albania i ka kompjuterat të lidhura “on line” me zyrat e PS, dhe kur SPAK as nuk guxon ta hetojë skandalin që e bëri shtypin ndërkombëtar të fliste për përdorimin e metodave të sigurimit të shtetit nga patronazhistët? Si mund të kontrollohet me ligj dhe të mbikëqyret pavarësia e mediave të mëdha që janë kapur me kohë nga pushteti, madje jo vetëm në muajin e fushatës, por që gjatë katër viteve shërbejnë si altoporlantë të tij?

LEXO EDHE:  “Qëllimi i Bashës është rivotimi, jo zgjedhjet”/ Kadilli zbulon fitoret e tij ndaj kreut të PD-së

LEXO EDHE:  Nga Astrit Patozi/ Një lexim i ftohtë për dënimin e Sali Berishës

Për ta bërë më të thjeshtë perceptimin mjafton një krahasim i thjeshtë. Merrini vërejtjet dhe rekomandimet e raportit për Shqipërinë, korigjojini në mënyrë perfekte dhe zbatojni në Turqinë e Erdoganit, në Rusinë e Putinit, apo qoftë edhe në Serbinë e Vuçiçit.

A do të kenë efekt? A mund të ekzistojë qoftë edhe një shanc teorik që ato të ndryshojnë rezultatin e paravendosur?

Besoj se këtu nuk ka nevojë për përgjigje.

Në këtë kuptim, dokumenti përfundimtar i OSBE ODIHR-it i ngjan raportit të një prokurori, që i përmend bandës që ishte nisur për të vjedhur një bankë, krimin e shkeljes së vijave të bardha në rrugën që përshkroi për të sosur në destinacion.

As të gjetuarat e tij e aq më pak përfundimet nuk kanë asnjë vlerë pa shtruar pyetjen themelore: për çfarë regjimi po flasim? A u zhvillua kjo garë elektorale në një mjedis me drejtësi të pavarur, me polici jo partiake, me media të lira, me biznese të ndershme qv nuk financojnë fushatën e qeverisë, pasi kanë marrë për katër vite tendera dhe koncesione pa garë?

Pra, ai ishte kjo një betejë e zhvilluar në kushte demokratike?

Raporti i OSBE ODIHR-it nuk e ka ngritur këtë dilemë dhe fakti që nuk ka shtruar pyetjen e duhur e ka shpënë në përfundime të pavlera.

Në këtë kuptim, ai ka bërë të njëjtin gabim dhe ka përdorur të njëjtën mendësi që vazhdojnë për inerci të gjithë ndërkombëtarët që merren me ne. Ata vazhdojnë të besojnë tek fabula e një demokracie jo perfekte që duhet kontrolluar dhe korrigjuar, pa dashur të ndërgjegjësohen se tashmë Shqipëria është një vend anti- demokratik.

Për këtë arsye edhe raporti përfundimtar mbi zgjedhjet e 25 prillit duket shumë i ashpër me standardin që kanë në kokë hartuesit e tij, por fare qesharak kur krahasohet me realitetin e hidhur të gjërave.

LEXO TE PLOTE

Opinione

Nga Mero Baze/ A po fillon kryengritja e dytë e Pollos në PD?

Publikuar

-

Nga

Partia Demokratike po gjendet përballë një përplasje të re brenda saj, e cila duket se drejtohet në hije nga Genc Pollo, ish këshilltari e më pas rivali i dikurshëm në vitet 2000 i Sali Berishës.

E gjendur përballë problemit real se çfarë do të bëj me Sali Berishën dhe çfarë orientimi do të marrënë të ardhmen,  Partia Demokratike e ka më urgjente se kurrë këtë debat që po provokon Pollo.

Kryetari me letra I Partisë Demokratike Lulzim Basha pop shpreson të blejë kohë të mos e bëj kurrë këtë betejë me shpresë se ose do të vdes Sali Berisha, ose do ik vet në shtëpi. Gënjeshtrat që për një kohë të gjatë u ka thënë diplomatëve ndërkombëtarë se ai është nën presion Nga Sali Berisha për çdo veprim në PD, tani kanë ngelur zbuluar, pasi ata i dhanë shans ta heq qafe Sali Berishën.

Në këto kushte Genc Pollo është aktualisht personi më pa komplekse dhe më ambicioz për ti treguar vendin Sali Berishës. E ka bërë këtë dhe në vitin 1999 2000, kur po ashtu Berisha ishte në një shkallë izolimi më të ulët nga SHBA dhe Perëndimi. Tani nuk është më i izoluar por i ekzekutuar,.

Duke qenë një nga themeluesit e PD, dhe më I afti për të njohur nga afër Berishën, të cilin e detyroi të gjunjëzohet duke e rithirrur në PD, Pollo është në vendin e duhur dhe kohën e duhur për betejën e tij të dytë.

Dhe shenjat janë të qarta. Shfaqje e tij publike me disa artikuj mbresëlënës sa i përket diferencës me qëndrimet e PD, ishin sinjali i parë. Ai i doli në krah ambasadorit Soreca pas sulmit qesharak të Aleancës për Teatrin, një seksion “alla Bathore” i PD së vjetër. Ai po ashtu dënoi bojkotin e parlamentit dhe të zgjedhjeve lokale, duke i kërkuar Lulzim Bashës të kërkoj falje.

LEXO EDHE:  “Qëllimi i Bashës është rivotimi, jo zgjedhjet”/ Kadilli zbulon fitoret e tij ndaj kreut të PD-së

LEXO EDHE:  Ftesa e PD-së për LSI-në/Reagon Taulant Balla

Pas heshtjes që pasoi nga PD u dukën dhe lëvizjet e para. Njerëzit e afërt me Pollon filluan të reagojnë.

Kreshnik Çollaku deputet I Matit, dikur anëtar i partisë së Pollos sulmoi ashpër Lulzim Bashën si një lider i fjetur që e ka mendjen tek pazaret për vila në bregdet.

Sot kryesia e Korçës një degë e dominuar nga Andrea Mano ish anëtar i partisë së Pollos ka dhënë dorëheqje në grup dhe ka sulmuar ashpër Bashën.

Me siguri që do të ketë dhe lëvizje të tjera.

Pas gjithë kësaj historie duket qartë që Shtatori nuk do të jetë kaq i lehtë për Bashën dhe Berishën të cilët kanë gjetur rehat me një aleancë hipokrite me njëri tjetrin, ku secili bën sikur nuk e ka mendjen se çfarë duhet të bëjnë.

Genc Pollo duket se e di çfarë duhet të bëj. Ai duhet të sulmoj qartë Lulzim Bashën, për t’i thënë PD ose me atë dhe Berishën e gjithë jetën rrugëve, ose kundër tyre dhe të vijmë në pushtet.

Tani është dhe më e qartë përse Berisha ja ka kuerkuar Bashës të mos jetë pjesë e Grupit Parlamentar. E ka ndjerë këtë ditë.

LEXO TE PLOTE

Opinione

10 arsye urgjente pse shkrirja e PD dhe ndërtimi i një opozite të re, është mision patriotik kombëtar

Publikuar

-

Nga

10 arsye urgjente pse shkrirja e PD dhe ndërtimi i një opozite të re, është mision patriotik kombëtar.

Nga Kreshnik Spahiu

Sot 14 drejtuesit e kryesisë së Partisë Demokratike Korçë, dhanë dorëheqjen dhe deklaruan shkrirjen e degës në këtë qytet.

Zhgënjimi, mosbesimi, lodhja, konsumimi, besë-prerja, mosmirnjohja, pazaret, klanet, mediokriteti dhe fshatarizmi kanë pushtuar zemrat dhe ndjenjat e mijëra demokratve.

Ata s’ndjejnë më, që Partia Demokratike të jetë e tyre.

Ata u përdorën si lecka për të larë turpin e Lulzim Bashës dhe pazaret e familjes Berisha.

Asgjë nuk ka mbetur nga Partia Demokratike e studentve të dhjetorit 90.

– janë larguar dhe zbuar 100% themeluesit e saj (377 firmëtarët)

– janë larguar familjet fisnike dhe pinjollët e demokracisë

– janë përzënë 100% ish të burgosurit politik

– janë nxjerr rrugëve ish disidentët dhe të djathtët e vërtet.

– janë përjashtuar pronarët e tokave dhe pronave, duke i zëvendësuar me pushtuesit e paligjshëm të zbritur nga shpellat, bazuar në ligjin Berisha: “Toka o takon, atij që e pushton”

Aty kanë mbetur vetëm dy familjet Berisha dhe Basha, si dhe një tufë injorantësh që u shkojnë pas, por që në jetë s’bëjnë dot asgjë por presin radhën që të rikthehen në postet që kishin një dekadë më parë si doganierë, policë,

kryetarë Komunash, drejtorë, inspektorë…

Berisha dhe Basha nuk impresionohen hiç fare:

– as nga largimet

– as nga humbjet

– as nga rrudhja

Atyre ju interesojnë vetëm dy gjëra:

1- Logo e Partisë Demokratike.

2- Mos krijimi i partive të tjera.

Në këto kushte, shqiptarët e kanë sot emergjencë kombëtare, shkrirjen e Partisë Demokratike për këto arsye:

– sepse Edi Rama do të fitoj përjetësisht, nëse kundërshtar do ketë Bashën dhe Berishën

– sepse Partia Socialiste është disa herë më e madhe se Parti Demokratike që zvoglohet çdo ditë e më shumë.

– sepse Partia Demokratike ka më të fortë luftën brenda llojit sesa luftën kundër PS.

– sepse Berisha dhe Basha janë milionerë dhe janë komod duke ndenjur edhe në opozitë.

– sepse PD nuk është një parti e djathtë por e drejtuar nga liderë komunistë dhe platformë e majtë,

LEXO EDHE:  Demokratët i dalin nga duart Bashës/ Vlerësojnë Ramën në sistemin shëndetësor

LEXO EDHE:  Ftesa e PD-së për LSI-në/Reagon Taulant Balla

– sepse Partia Demokratike ka dëmtuar pa rikuperim mardhëniet me SHBA.

– sepse Partia Demokratike lufton dhe pengon krijimin e çdo partie apo lëvizje të re politike.

– sepse Partia Demokratike nuk bashkon opozitarët por i denigron ata nëse nuk hyn nën sqetullën e saj.

– sepse lidershipi i PD vazhdon përçan frontin opozitar dhe nuk e bashkon dot atë.

– sepse ka dhjetra prova dhe informacione, që Basha dhe Berisha kanë bërë pazar me Edi Ramën, duke shkatërruar normat e pluralizimit

– sepse shërbimet e huaja dhe trupi diplomatik e akuzojnë se liderët e saj kanë përdorur korrupsionin për të minuar demokracinë në Shqipëri.

– sepse Partia Demokratike është izoluar dhe lokalizuar gjithmon e më shumë duke u katandur në një Partie Veriore që mbështetet në 3 qytete dhe 20 fshatra të thella ne veri duke humbur misionin kombëtar.

– sepse ajo ka shitur disa herë zgjedhjet në pazar me socialistët

– sepse PD ka marrvjeshje me PS për shkrirjen e çdo partie politike në Shqipëri.

Për këto arsye shqiptarët duhet të ngrihen në këmbë për ta shkatrruar Partinë Demokratike dhe duke ndërtuar një opozitë të re.

Ajo e ka mbyllur misionin e saj popullor.

Logo e PD sot i shërben vetëm shtetasit Berisha, që ta përdor si konçesion:

– për ti shpëtuar burgut,

– për të mbrojtur familjen,

– për të mos ju prekur bizneset dhe pasuria,

Ai me lek s’e blen dot, as Amerikën dhe as Edi Ramën sepse ata s’kanë nevojë për thesin e tij por logon edhe mund tja këmbejnë….

Populli duhet të kuptoj që logo e PD ka dal prej kohësh në shitje nga Sali Berisha dhe sekseri i tij, në këmbim të burgut, ruajtjes së pasurisë dhe sigurisë së fëmijve.

Prandaj për të sjell ndryshimin kërkohet shkrirja e Logos së Partisë Demokratike dhe themelimi një lëvizje të re shqiptare.

Shqipëria s’ka më nevojë për një opozitë e cila shkëmbehet me klering.

LEXO TE PLOTE