Faktet/ Berisha kryqëzon Bashën

28 Maj 2021, 09:42, Politikë CNA

Mbrëmjen e djeshme, ish-kryeministri Sali Berisha ka ekzekutuar poltikisht, kreun e Partisë Demokratike, Lulzim Basha.

Në një intervistë për ?PolitikOn?, ish-kryeministri Sali Berisha ka qënë mjaft i qartë, në qëndrimet që ka mbajtur kundër Lulzim Bashës.

Lideri historik i demokratëve, ndërsa ka komentuar garën brenda PD-së, e ka thënë qartë se është kundër 13 qershorit dhe se PD tani kishte detyra të tjera, para se të shkojë në zgjedhje.

Berisha tha që priste që zgjedhjet në PD të shtyheshin dhe jo të afroheshin.

Kjo në fakt, është e dyta dalje mediatike, e ish-kryeministrit pas publikimit të vendimit të DASH, ku thuhej se SHBA e ka shpallur non-grata, Berishën, ku kyu i fundit mban qëndrime të qarta kundër Lulzim Bashës.

Një javë më parë, në studion e Opinion, Sali Berisha sërish i ?drejtoi gishtin?, Lulzim Bashës për të gjitha dështimet që ka shënuar Partia Demokratike, në këto tetë vite.

Në këto tetë vite në qarqet diplomatike flitej se pas vendimeve politike qëndron Berisha dhe jo Basha, ndërsa ky i fundit asnjëherë nuk e ka mohuar një gjë të tillë.

Për më tepër, në takimet më ndërkombëtarët, Basha ekspozoi Berishën, duke iu thënë diplomatëve, për vendimet që merrte vetë ?Nuk më lë Saliu?.

Por, tashmë Berisha i ka faturuar atij përgjegjësinë për çdo vendim politik të Partisë Demokratike, që solli edhe dështimet e njëpasnjëshme që pasi drejtimin e saj e mori Lulzim Basha.

Një javë më parë, i pyetur nga moderatori Blendi Fevziu në lidhje me vendimin për të hyrë në çadër në vitin 2017, në prag të zgjedhjeve të përgjithshme, Berisha ka theksuar se ai nuk mund të ishte kurrën e kurrës vendim i tij, por një vendim i marrë vetëm nga Lulzim Basha.

?A mund ta imagjinojë kush që Sali Berisha të të fusë në çadër? Kurrën e kurrës. Ata që më njohin mua nuk mund ta thonë kurrë. Unë jam njeri i shesheve. Ai ka qënë vendim vetëm i Lulzim Bashës?.

Gjithashtu Berisha i faturoi Bashës edhe përgjegjësinë për djegien e mandateve të deputetëve në 2019. Berisha e tha qartë se e ka paralajmëruar Bashën se një vendim i tillë mund ta çonte në katastrofë.

?Kushdo që mendon se atë vendim e mora unë më nderon. Por, nuk është ashtu. Unë e kam paralajmëruar se një vendim i tillë mund të sjellë fitore, por edhe mund të të çojë në katastrofë?-deklaroi Berisha.

Po ashtu, Berisha mohoi të jetë ai përgjegjës edhe për vendimin për të bojkotuar zgjedhjet lokale të 30 qershorit 2019.

Berisha tha se ?Nuk ka qënë vendimi im, nuk jam përfshirë fare. Unë vetëm sa respektoj vendimet e kreut të partisë?.

I pyetur nga Fevziu edhe në lidhje me akuzat për abuzime në lidhje me rrugën Durrës-Kukës, Berisha është shprehur se ?Nuk ka pasur asnjë akuzë ndaj meje. Akuzat kanë qënë për ministrin?- duke iu drejtuar kështu Lulzim Bashës, i cili në atë kohë ka qënë ministër i Transportit.

Janë këto dy dalje mediatike, të Berishës të cilat tregojnë në mënyrë të qartë, se Berisha po e ndëshkon Lulzim Bashën.

Mesa duket tashmë Berisha është lodhur nga Lulzim Basha dhe paaftësia e tij epike, e cila ishte ndoshta është ndër faktet kryesore që e ekspozoi para SHBA, duke sjellë kështu edhe atë vendim të publikuar një ditë më parë nga DASH.

Tashmë është e qartë se se ndëshkimi i dhënë nga SHBA është edhe pasojë e qasjeve politike të Lulzim Bashës dhe ekspozimi që Basha i bëri Berishës, për vendimet që merrte vetë, dhe diplomatëve e u thoshte “Nuk më lë Saliu”./ CNA.al

Afrimi i datës së zgjedhjeve në PD/ Berisha: U habita, kishin detyra tjera

Nuk donte t?i atribuonte fitoren Bashës/ Berisha tregon rolin e tij në fushatë

Faktet dhe akuzat/ Berisha ekzekuton Bashën

Kush e ndëshkoi dhe tradhëtoi Sali Berishën?!

Lajmet e fundit nga