LEXO PA REKLAMA!

SHKARKO APP

Mbyllja e spitaleve Covid/ Manastirliu zbulon skenarët, pacientët mund të zhvendosen në Tiranë

22 Maj 2021, 15:59, Lifestyle CNA
Mbyllja e spitaleve Covid/ Manastirliu zbulon skenarët, pacientët mund

Ministrja e Shëndetësisë, Ogerta Manastirliu ka folur për skenarët e mundshëm me spitalet Covid, pas rënjes së shifrave të të infektuarve.

E ftuar në ?Kjo javë?, Mananstirliu zbuloi se pacientët me Covid-19 që trajtohen në spitalet rajonale mund të trajtohen të gjithë në COVID-1 dhe COVID-2.

Ajo ka rrëzuar mundësinë që dy spitalet në Tiranë të mbyllen, pasi deklaroi se fakti që në javën e fundit në Shqipëri ka rënie shifrash nuk do të thotë se do të çojë menjëherë në mbyllje të spitaleve.

?Kur bëhet vlerësim i situatës merren disa indikatorë, njëri është situata në spitale për të parë sa është numri i të shtruarve, është një indikator që vlerëoshet si një ndër të rëndësishmit. Mbi bazën e tij, por dhe incidencës së javëve të fundit merren dhe masat.

Jemi në një situatë me incidencë të ulët të rasteve me baza ditore, por dhe gjatë javëve, por dhe në spitalet universitare, spitalet covid-1 dhe covid-2, por edhe rajonale, kemi 68-70 pacientë që varion në këto ditë.

Numri është i menaxhueshëm i pacientëve, jemi në përqindje të ulët të zënies së shtratit por dhe terapi intensive, numër të ulët pacientësh.

Ka një strategji apo skenar për të gjithë momentet që parashikon epidemia. Në çdo moment, nga fillimi i epidemisë kemi planet e veprimit dhe skenarët bazuar kurbës epidemike. Fakti që kemi ulje të rënies së rasteve, Shqipëria ka dalë nga zona e riskut sa i përket vlerësimeve që janë bërë edhe nga institute ndërkombëtare si ai i Gjermanisë. Shqipëria bashkë me disa vende të tjera, ka dalë nga zona e riskut. Mbi bazën e këtij vlerësimi kemi skenarët, por fakti që jemi në këto javë të marrim vendime për mbylljen e spitaleve. Kemi mbyllur 2, COVID-3 dhe COVID-4 në QSUT. Kemi mobilizuar forcat tek dy të parët. Por do i vlerësojmë në mënyrë shumë të kujdesshme. Aktualisht po vlerësojmë, por jemi ende në vlerësim për të patur një zhvendosje të pacientëve nga spitalet rajonale në COVID-1 dhe COVID-2, për ti mobilizuar të gjitha forcat tek COVID-1 dhe COVID-2.

Ne jemi duke vlerësuar, kemi shanse të mira sot, por mbetet në dinamikë për të patur një spostim të rasteve në Tiranë. Dhe në spitale rajonale të trajtohen pacientët post-covid. Me sindroma post-covid që janë po kaq të nevojshme për t?u trajtuar dhe në Tiranë po trajtohen.?– tha Manastirliu./CNA.al

Lajmet e fundit nga