Connect with Us

Balluku apo Veliaj, kush do të bëjë kurban administratën, pas kallëzimeve për shpërdorim detyre?

Politikë

Balluku apo Veliaj, kush do të bëjë kurban administratën, pas kallëzimeve për shpërdorim detyre?

Publikuar

-

A do të hetojë prokuroria urdhrat e ministres Balluku dhe ato të krye-bashkiakut Veliaj gjatë fushatës elektorale?

Sot që flasim në prokurorinë e Tiranës ka mbi 30 padi apo kallëzime që janë në proçes verifikimi e që në thelb të tyre kanë shpërdorimin e detyrës nga administrata publike gjatë fushatës elektorale. Këtu futen ato të bëra nga presidenti Ilir Meta, por edhe ato të subjekteve politike si PD dhe LSI.

Emrat më të rëndësishëm për hetimin janë Belinda Balluku dhe Erjon Veliaj. 

Proçedimet penale të regjistruara në prokurorinë e Rrethit Gjyqësor Tiranë u kryen pas zgjedhjeve të 25 prillit, ose më saktë pas delegimit të SPAK për komprtencë.

Pavarësisht padive, SPAK se pa të nevojshme në asnjë rast të zyrtarëve të lartë të nisë një hetim ndaj tyre. Nëse qëndrimet e zyrtrëve do të ishin të nevojshme sipas veprës që pretendohej ata duhet të ishin marrë në pyetje nga SPAK.

Këtë gjë tashmë e kanë në dorë, ata të pak njerëz që i mbijetuan “spastrimit” brenda sistemit të drejtësisë, i kërkuar me aq ngulm nga diplomatët amerikanë.

Katër prokurorë që kaluan Vettingun të ngritur si një njësi task-forcë ditën e zgjedhjeve janë ngarkuar me këto çështje.

Në prokurori janë regjistruar mbi 30 padi, ku bashkë me kallëzimet janë dorëzuar prova si foto, video apo lista me emra zyrtarësh që sipas tyre përdorën pushtetin për fushatë elektorale më 25 Prill.

Çështja më sensitive për prokurorët është ajo ndaj Ministres Belinda Balluku dhe ASHK-ës Jug. 

Burime zyrtare thanë për CNA.al se “Hetimi ka ndjekur nevojën e verifikimeve për sa është pretenduar, personat që janë përfshirë, në procesin e legalizimit të banesave në kombinat. Sa kjo veprimtari ka qënë normale, në kuptimin e funskionimit normal të një zyre legalizimesh dhe sa është zhvendosur kjo veprimtari normale.

Po shikojmë rrethin e personave për të kryer hetimet, po vlerësojmë provat e tjera që duhen marr, pasi hetimi në këtë rast është dhe për faktin se nuk lë gjurme penale.

Kërkesë padia është bërë nga PD, nuk ka numër konkretë të banesave që kanë përfituar legalizimet, por ne po hetojmë nëse  këta banorë janë futur në mënyrën e rregullt apo përfshirja e tyre në lista lidhen me procesin zgjedhor.

LEXO EDHE:  “Ka etje për ndryshim”/ Aldo Bumçi tregon detaje nga programi elektoral i PD

Deri më tani në pyetje janë marrë punonjësit e zyrës që ka kryer veprimet e legalizimeve dhe për të cilët dyshohet se janë përfshirë në këtë proces.

Prokuroria thotë se po kryen veprime për t’i identifikuar se kush janë personat që kanë përfituar nga ky proces legalizimi, por më parë duhen përcaktuar gjeneralitetet, adrresat, që të shkohet tek personi, pasi dhe kallzuesi nuk ka qënë shumë i inetersuar tek emërat, sesa tek grupi që është angazhuar në këtë proces.

E gjithë zyra ASHK-ja Tirana Jug, është kthyer në një vend skanimi të dokumentacionit. Por prokurorët “tremben” se verifikimet mund të hasin një tjetër vështirësi.

“Ka patur dhe një veçori Kombinati, që pas tërmetit të nëntorit 2019. Kemi konstatuar se ka një projekt për rikonturimin e zonës duke identifikuar banesat e ndërtuara dhe për këtë ka një program që përcakton zonën, nivelin e dëmtimeve dhe pastaj i përfshinë në këtë proces verifkimi”

Nga ana tjetër kryetari i bashkisë Erjon Veliaj, i cili drejton bashkinë më të madhe në vend duhet të vërë në dispozicion të hetimit, të gjithë procedurën e ndjekur mbi prokurimet publike për shtrimin e dy rrugëve në njësinë bashkiake numër dy.

Në kallëzimin e PD-së pretendohet se kryetari Veliaj ka lëvruar fonde publike për qëllime elektorale. Një shkresë me shumë pyetje mbi dokumenta që do të vlejnë si provë nesër, i është dërguar Bashkisë Tiranë. / CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

“Në 30 vite demokraci nuk ka ndryshuar asgjë”/ Elona Meta: Paga për mjekët të jetë 1500 euro

Publikuar

-

Nga

Propozimi i Diasporës/ Elona Meta: Paga për mjekët të jetë 1500 euro

Mjekja shqiptare që punon në Gjermani, Elona Meta shprehet se paga mujore minimale për mjekët në vendin tonë, duhet të jetë 1500 euro.

Në një prononcim për CNA.al, ajo shprehet se në 30 vite demokraci nuk ka ndryshuar asgjë.

Sipas saj, ajo që ka ndikuar që mjekët të bëhen gjithnjë e më të pakënaqur, janë pagat e ulta, ngarkesa mbytëse në punë, dhuna fizike dhe verbale, arrestimet duke bërë që gjithnjë e më shumë bluzat e bardha ta braksin vendin.

“Në 30 vite demokraci janë arrestuar shumë mjekë për korrupsion dhe asgjë nuk ka ndryshuar, përkundrazi korrupsioni është rritur ndërsa mjekët janë liruar disa ditë apo javë pas arrestimeve për mungesë provash.

Po kjo ka ndikuar që mjekët të bëhen gjithnjë e më të pakënaqur sa nga keqvlerësimi, paga e ulët, ngarkesa mbytëse në punë, dhuna fizike dhe verbale dhe arrestimet duke parë gjithnjë e më shumë për ta braktisur vendin pasi oferta e Gjermanisë dhe e shumë vendeve në Europë është tunduese edhe për vende më të ngritura të rajonit ku mjekët nuk vuajnë si në Shqipëri.

LEXO EDHE:  Fatos Nano dhe mësallat me njëmijë faqe

LEXO EDHE:  “Ka etje për ndryshim”/ Aldo Bumçi tregon detaje nga programi elektoral i PD

“Ne kërkojmë që të zbatohet sa më shpejt kërkesa jonë për pagat e mjekëve shqiptarë 1500 euro. Nisma jonë është një nismë e cila do të ketë edhe impakt jo vetëm tek mjekët, por do të rrisë edhe ndërgjegjësimin e do të minimizojë hendekun e madh mes mjekut dhe pacientit, është shprehur mjekja Meta./CNA.al

 

 

LEXO TE PLOTE

Politikë

Petrit Vasili, ‘zagari’ që i kundërvihet ambasadores së SHBA duke ‘lehur’ kundër Reformës në Drejtësi

Publikuar

-

Nga

Petrit Vasili, zagari që i kundërvihet ambasadores së SHBA duke lehur kundër Reformës në Drejtësi

Nuk ka se si të ndodhte ndryshe. Petrit Vasili si gjithnjë pritej të ishte i pari që do t’i kundervihej amdasadores se SHBA Juri Kim dhe këtë e ka bërë me devotshmërinë e tij të njohur sa herë është fjala për t’iu sulur reformës në drejtësi.

Ish ministri më torrollak i drejtësise dhe deputeti me 362 vota, zagari i njohur që leh sa herë e ndërsen padroni i tij Ilir Meta, edhe sot iu kundërvu ambasadores se SHBA duke lehur kundër reformës në drejtësi.

Sot është mbajtur në Tiranë Tryeza e Rrumbullakët për Përfundimin e Strategjisë Ndërsektoriale të Drejtësisë në kuadër të 5 vjetorit të nisjes së Reformës në Drejtësi, ku midis të ftuarve të tjerë ka qenë edhe ambasadorja e ShBA në Tiranë zonja Juri Kim, e cila në fjalën e saj ndër të tjera tha:

“Shqipëria ka bërë përparim të jashtëzakonshëm drejt Reformës në Drejtësi që qytetarët e saj kërkojnë dhe ne po shohim rezultatet e atyre përpjekjeve. Të gjitha institucionet e ngritura nga Reforma në Drejtësi në 2016 janë tashmë plotësisht funksionale”.

Mirëpo një vlerësim i tillë nuk mund t’i pëlqente Ilir Metës, ndaj prej paburrërisë për të dalë vetë hapur dhe publikisht kundër ambasadores Kim, ai ndërseu Petrit Vasilin i cili mezi pret të shpalosë talentin e tij prej zagari të devotshëm sa herë që i duhet Metës kundër partnerëve ndërkombëtarë dhe reformës në drejtësi.

“Me institucionet e drejtësisë tashmë të ngritura, ato po tregojnë tani se mund të veprojnë dhe se mund të japin rezultate në emër të popullit shqiptar. Ato po tregojnë se ligji zbatohet në mënyrë të barabartë për të gjithë, të mëdhenj dhe të vegjël. Askush, askush, sado i fuqishëm mendon se është në këtë çast, askush nuk është mbi ligjin dhe është në dorën e institucioneve shqiptare të drejtësisë, është në dorën tuaj të tregoni nëpërmjet veprimeve tuaja se kjo është e vërtetë dhe do të jetë e vërtetë”, thotë ambasadorja Kim, ndërsa Petrit Vasili i përgjigjet duke e quajtur tryezën e rrumbullakët të organizuar sot ditën e përshpirtjes apo të vajtimit të reformës në drejtësi.

LEXO EDHE:  Nga Sali Berisha tek Lulzim Basha/ Kush e ka PD dhe ku gabojnë kritikët?!

“ Reforma në drejtësi nuk ka nevojē as për deklarata apo të përshpirtjeve që bëhen një herë në vit, sepse vit për vit bëhet nga një përshpirjte më 22 korrik” shprehet Petrit Vasili e më tej ai ju ka kujtuar ambasadorëve se “po flasin shumë, nderkohë që duhej të flisnin shumë më pak se ne nuk flasim për reformat e tyre, ambasadorët tanë nuk flasin për reformat e tyre, nuk fusin hundët!”

Vetëm një trutharë si ky Petrit Vasili mund të flasë më këtë gjuhë si komunistët e 1970-ës në Shqipëri e t’i thotë ambasadores amerikane dhe ambasadorit të BE-së qe “nuk duhet të flisni kaq shumë” për një reformë që është investimi më i madh në Shqipëri i qeverise se SHBA dhe BE.

LEXO EDHE:  Përditësimi i fundit/ Numërohen 92% e qendrave

Pra ata që e inicuan dhe që po e realizojnë reformën, ata që po e financojnë dhe që po udheheqin luftën kunder korrupsionit, SHBA dhe BE nuk duhet të flasin e duhet të vazhdojë të flasë Petrit Vasili i LSI-së, zagari lehës i Ilir Metës.

Mirëpo për ca langonj si ky kokëboshi i Metës dhe për ata që e ndërsejnë këtë të sulmojë ambasadoren e SHBA dhe reformën në drejtësi, zonja ambasadore foli shumë qartë sot teksa tha:

“Shumë vetë thanë se nuk mund të bëhej. Shumë vetë në fakt, nuk donin që të bëhej. Por po ndodh. Shumë do të vazhdojnë të shpresojnë dhe shumë do të vazhdojnë të veprojnë, për t’a ndaluar së ndodhuri”.

Mirëpo të gjithë ata si ky Petrit Vasili që po bëjnë ç’mos ta ndalojnë reformën në drejtësi e kanë të kotë. Ajo do ti djegë e përvëlojë të gjithë, sepse në fund të fundit ky është vullneti i popullit shqiptar, do apo nuk do zagari lehës dhe ai që e ndërsen zagarin e tij./CNA.al

LEXO TE PLOTE

Politikë

5 vite reformë në drejtësi/ Xhafaj: Shumë nga ata që e votuan janë penduar

Publikuar

-

Nga

5 vite reformë në drejtësi/ Xhafaj: Shumë nga ata që e votuan janë penduar

Ish kreu i Komisionit të Posaçëm të Reformës në Drejtësi, Fatmir Xhafaj ka dhënë një intervistë për Radio Televizionin Shqiptar në kuadër të 5 vjetorit të kësaj reforme.

Rreth 40 % e kushtetutës që u ndryshua me votimin e vitit 2016 në parlament, i hapi rrugë një sistemi që shkaktoi furtunë mes gjyqtarëve dhe prokurorëve.

Sot pas 5 vitesh, Xhafaj është i mendimit se reforma ishte dhe mbetet gjëja e duhur e cila jo vetëm e ringriti por dhe e rithemeloi pushtetin gjyqsorë.

Sipas tij në 25 vite pushteti gjyqsor ka qenë nën kontrollin politik dhe ky projekt sot ka garantuar pavarësinë kushtetuese dhe ligjore.

“Çdo gjyqtar, prokuror dhe çdo institucion është jashtë ndikimit të politikës, jashtë interferencave, mekanizmave ndërhyrës në sistem. Sistemi sot drejtohet përmes institucioneve të veta. Gjyqtari dhe prokurori që deri dje jo vetëm që ishte i varur nga pushteti politik, ndikimi politik në karrierën e tij apo disiplinimin e promovimin e tij, ishte i varur edhe nga eprori i tij. Sot prokurori është i pavarur në procesin investigativ, e hetimit dhe vendimmarrjes së tij. Për të shkuar në Gjykatën e Lartë nuk duhet të shkosh te Presidenti, Kuvendi apo partia politike që ka qeverisjen e vendit. Mjafton të konkurrosh konform kritereve ligjore dhe profesionale dhe të bësh karrierë dhe të jesh i pavarur në ushtrimin e detyrës”, deklaroi Xhafaj në intervistë për RTSH-në.

Ai theksoi se reforma kishte kundërshtarë, por falë presionit publik dhe atij ndërkombëtar e kishin të pamundur të ndërhynin.

LEXO EDHE:  “Ka etje për ndryshim”/ Aldo Bumçi tregon detaje nga programi elektoral i PD

“E kam thënë atëherë dhe e ritheksoj se që në atë kohë kishte njerëz që nuk e dëshironin këtë reformë, aq më tepër kur e panë të formësuar se ku do të shkonte ajo. Por, ishin të pamundur për ta ndaluar për shkak të presionit të madh të opinionit publik, shoqëror e ndërkombëtar. Jemi të gjithë dëshmitarë të atij momenti e presioni të jashtëzakonshëm për të garantuar ato 140 vota.

Disa nuk e donin, 24 orë përpara nuk diskutohej projekti kushtetues, por diskutohej rrëzimi i qeverisë. 24 orë më pas u votua me 140 kartona”, deklaroi Xhafaj.

LEXO EDHE:  Beteja për vota/ Trump-Biden një ditë para zgjedhjeve

I pyetur nga se duhet të kenë frikë sot gjyqtarët e prokurorët, nga vetë sistemi i drejtësisë, ku bëjnë pjesë, publiku apo presioni i politikës, Xhafaj deklaroi se Kushtetuta nuk i lejon të ndikohen dhe të pranojnë asnjë lloj ndikimi të të tretëve, dhe aq më tepër të politikës.

“Unë e them shpeshherë me një fjalë: deri dje prokurorët e gjyqtarët ishin tej mase të varur nga politika, sot ata janë, vetëm nëse duan të vetëvaren. Kushtetuta, ligji nuk i lejon të ndikohen dhe të pranojnë çdo lloj ndikimi të të tretëve dhe jo më të politikës në veprimtarinë e tyre”, shprehet Xhafaj./CNA.al

 

LEXO TE PLOTE