Connect with Us

Dogecoin/ Shakaja më e shtrenjtë e botës

Blog

Dogecoin/ Shakaja më e shtrenjtë e botës

Publikuar

-

Monedha kripto ia kaloi më 2020 të gjithë monedhave të tjera digjitale duke arritur tani vlerën 70 miliardë dollarë. Bazuar në një meme, në një kopje, monedha tregon tani me ironi sa e ndjeshme është ndaj shakave.

U desh vetëm një shaka për ta ulur me 30 përqind vlerën e monedhës digjitale Dogecoin (doxh-koin), një prej monedhave më të përhapura kripto. Monedha kripto, e cila filloi si shaka në mediat sociale tetë vjet më parë, humbi më shumë se një të tretën e vlerës pasi Elon Musk, një nga njerëzit më të pasur të botës dhe mbështetësi më i fuqishëm i Dogecoin-it, e quajti monedhën dixhitale “bixhoz”, gjatë një bisede në emisionin televiziv Saturday Night Live, fundjavën e kaluar.

Rënia e madhe ishte dështim për fryrjen shumëjavore të entuziastëve të Dogecoinit, në prag të shfaqjes së Muskut si i ftuar në emisionin televiziv popullor. Çmimi i Dogecoinit arriti nivelin rekord të ngjitjes para transmetimit të emisionit, tifozët organizuan festa për të ndjekur së bashku emisionin duke parashikuar rritje të madhe të monedhës kripto, pas shfaqjes së Muskut në emision.

“Musk mbase është i lumtur të bëjë një shaka për monedhën kopje, por investitorët janë duke ndier tani dhimbje të vërtetë,” tha Justin d’Anethan, shef i shitjeve të Diginex, një kompanie për këmbimin e pasurive digjitale, me qendër në Hong Kong.

“Rezervat e Dogecoin janë në thelb të palimituara, dhe të paqëndrueshme në afat të gjatë. Çështja është kush do shesë i pari dhe kush do mbetet në fund për të ngritur valixhet”.

Interesimi për monedhat kripto ka qenë vitet e fundit i madh dhe e ka rritur vlerën e të gjitha monedhave digjitale në më shumë se 2.3 trilion dollarë (1.9 trilion euro), mbështetur nga trilionë dollarët dhënë prej bankave dhe qeverive për të simuluar monedhat digjitale, dhe përkrahur nga shumë investitorëve institucionalë.

Ndërkohë që Bitcoin, monedha kripto e vlerësuar shumë më tepër se të tjerat, ka qenë në qendër të vëmendjes dhe është mbledhur në sasi rekord, kanë qenë të ashtuquajturat monedha të vjetra digjitale si Ethereum dhe Dogecoin ato që kanë marrë kryesinë kohët e fundit.

Çfarë fshihet pas pupullaritetit në rritje të Dogecoinit?

Nuk ka shpjegim të lehtë për të kuptuar çmimin në rritje të Dogecoinit, i cili u krijua si shaka e improvizuar gjatë furisë së monedhave kripto të vitit 2013, dhe mori si logo qenin e racës Shiba Inu.  Mbytja me para në dorë falë planeve simuluese të qeverisë, spekullimet e shoqëruara nga frika e humbjes së shansit, mbështetja e dhënë nga Musk dhe nga disa tifozë të thjeshtë online nxitur nga dashuria e mediave sociale për Doge meme, janë disa nga arsyet që fshihen pas ngjitjes në qiell të Dogecoinit, që ka parë vitet e kaluara rritje monetare prej 20.000 përqind.

“Mania për Dogecoinin filloi me tregtarët me pakicë që erdhën nga platformat e mediave sociale. Komuniteti i shitjeve me pakicë u bind se Dogecoin do arrijë të shkojë deri tek 1 dollari dhe për shumë prej tyre, parimet nuk kishin rëndësi”, i tha Deutsche Welle-s Edward Moya, analist tregu tek Oanda. “Mbështetja e dhënë nga njerëz të famshëm si Elon Musk dhe Mark Cuban, ofroi justifikimin e duhur për shumë investitorë dhe ndezi tek ta pasionin e ri”.

Gjatë një mbështetjeje të madhe për rritjen eksplozive të Dogecoinit, firma komerciale e Muskut, Space X filloi të pranonte pagesa për një mision satelitor në Hënë me monedha kripto. Misioni i financuar nga Dogecoin, i planifikuar për 2022, quhet “DOGE-1 Mission to the Moon,” misioni Doge-1 drejt Hënës.

Infografik Dogecoin Wechselkurs EN

 

Është Dogecoini Bitcoini i ardhshëm?

LEXO EDHE:  Investimet e huaja, ryshfete dhe pushime të shtrenjta për ministrat e Ramës/ Akuzat në Foreign Policy

Kjo ka qenë një nga pyetjet më të shpeshta bërë muajt e fundit në Google lidhur me monedhën kripto. Dogecoini dhe Bitcoini janë dy egërsira të ndryshme, megjithëse edhe Dogecoin bazohet në të njëjtin kod software-i si Bitcoini.

Dogecoin ka mundësinë e krijimit të rezervave pa limit, gjë që do të thotë se ata që kërkojnë të mbeten investitorë të monedhës në një periudhë të gjatë kohe, do të duhet të shohin me kalimin e kohës rënien e vlerës së investimit të tyre. Nga ana tjetër Bitcoin, ka rezerva fikse prej 21 milionë njësish, gjë që e bën atë më të pakët në sasi, por me vlerë më të madhe kthimi — njësoj si floriri dhe diamantët të cilat kanë rezerva të limituara.

Ndërkohë që Dogecoin u krijua për të qenë monedhë kripto për “njerëzit e thjeshtë”, Bitcoini u krijua për tu kthyer në monedhë të decentralizuar digjitale, si alternativë për paratë Fiat që kontrollohen nga bankat dhe i paguajnë taksat qeverisë.

Shumë tifozë për vdekje të monedhave digjitale e shohin Dogecoinin dhe entuziazmin spekulativ për të si minim të qëllimit afatgjatë, për t’i marrë vendin kryesor monedhave kripto si Bitcoin dhe Ethereum. Ata thonë se imitimi i monedhave, memecoin, është vetëm një aset spekulativ, që mbulohet nga pak investitorë insitucionalë.

Megjithëse Dogecoin ka bërë rrugë të gjatë që nga fillimet satirike deri në kthimin në monedhën më popullore kripto të tipit peer to peer, nuk shihet që ai të jetë duke iu afruar qëllimit të minimit të dominancës së Bitcoinit. Vlera prej 70 bilionë dollarësh është shumë e vogël në krahasim me vlerën prej 1 trilioni të Bitcoinit.

“Dogecoin është kopësht kalamajsh në monedhat kripto. Ai u krijua për të bërë gallatë dhe tregon si funksionon monedha kripto,” i tha Deutsche Welle-s, Jeff Gallas, themeluesi i Fondacionit gjerman të Bitcoinit. “Pra, është një gjë e mirë të fillosh me të, për të edukuar veten me mënyrën e funksionimit të monedhave kripto dhe për të mos e marrë shumë seriozisht.”

A është Dogecoini investim i mirë?

Përgjigja që merret për këtë pyetje varet nga persioni të cilit ia drejton. Tifozët e Dogecoinit betohen për të duke e quajtur monedhën kripto të së ardhmes, kurse Musk e quan “krypton e popullit”. Përqindjet e ulëta që ka në transaksione dhe rezervat e mëdha e bëjnë Dogecoinin të përshtatshëm për t’u përdorur në rrjet si monedhë për blerjet online të përmbajtjeve si blogera dhe krijuesa të Reddit dhe YouTube. Me të është më e lehtë të minosh procesin e krijimit të bitcoineve të rinj nëpërmjet problemeve komplekse matematikore, gjë që do të thotë se transaksionet me Dogecoin mund të procedohen më shpejt se me Bitcoinin.

Njerëz të tjerë e shohin Dogecoinin si shumë spekulativ dhe me investime riskante, shumë më të mëdha se Bitcoin apo Ethereum.  Pavarësisht nga mbështetja që i jep Musk, asnjë nga kompanitë e tij nuk ka investuar publikisht tek Dogecoin, sa ka investuar tek Bitcoin.

Edhe vetë Musk i ka kërkuar njerëzve të “investojnë me vetëdije”, duke thënë se nuk është gjë e mençur të investosh kursimet e jetës në monedhat kripto, të cilat duhen parë aktualisht si spekulative.

“Dogecoin nuk pritet të kthehet në monedhën e preferuar që do të përdoret nga Amerika e korporatave, por tani për tani interesi i tregtarëve me pakicë mund të bëjë që Dogecoini të pësojë të njëjtin fat si GameStop,” thotë Moya. “Vlerësimi i Dogecoinit nuk është i justifikueshëm, por mbështetja e tregtarëve me pakicë duket e paepur dhe mund ta mbajë çmimin e saj shumë më të lartë se vlerësimi i arsyeshëm”./ DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Blog

Pol Pot: Diktatori i përgjakshëm i Khmerëve të Kuq komunistë

Publikuar

-

Nga

Nga Nicola Ianuale“Vanilla Magazine”

Në vitin 1975 Kamboxhia ishte një fushëbetejë ku ishin të angazhuar vietkongët komunistë, Shtetet e Bashkuara të Amerikës, Bashkimit Sovjetik, Kina, qeveria lokale dhe revolucionarët komunistë. Dhe ata që u sakrifikuan në atë lojë aleancash ishin qytetarët e zakonshëm, të cilët u bënë protagonistë të një masakre të paparë, sa i përket motiveve dhe metodave, dhe të një tragjedie të tmerrshme që hyri në histori si “gjenocidi Kamboxhian”.

Arkitekti kryesor i kësaj ngjarje ishte udhëheqësi i pamëshirshëm i Khmerëve të Kuq (një titull i hierarkëve të Partisë Komuniste Kamboxhiane), një emër që ka mbetur i famshëm në histori Pol Pot, pseudonimi i Salot Sar.

Shifrat e sakta të viktimave gjatë viteve 1975-1979, janë ende subjekt i debateve midis historianëve. Në parim, pranohet që numri i të vdekurve është rreth 1milionë e gjysmë, por në teori mund të shkojë deri në 3 milionë. Pol Potlindi në Prek Sbauv më 19 maj 1925.

Ai ishte djali i një pronari tokash të pasur, dhe u rrit në oborrin e mbretit, pasi motra e tij ishte një nga konkubinat e këtij të fundit. Kur ishte i ri ai u shkollua në fillim në një manastir budist, ku kaloi 6 vjet, dhe më pas në Francë duke nisur nga viti 1949.

Në Paris, Salot ra në kontakt me idetë komuniste, la pas dore studimet dhe iu përkushtua aktivisht politikës. U rikthye në atdhe në vitin 1953 dhe që atëherë emri i tij do të jetë i lidhur pazgjidhshmërisht me Partinë Revolucionare Popullore Khmer, në të cilën ai ishte anëtar themelues.

Në ato vite, Kamboxhia u trondit nga një sërë krizash politike, që në vitin 1955 e detyruan mbretin Sihanuk të abdikonte nga froni dhe të mbante zgjedhje të reja. Por ky veprim, ishte planifikuar enkas nga sundimtari për të legjitimuar pozicionin e tij si kreu i padiskutueshëm i shtetit.

Ai themeloi partinë e tij, dhe duke përfituar nga popullariteti i fituar që kishte në shtresat e ulëta të popullsisë, u zgjodh kreu i qeverisë gjithashtu përmes kërcënimeve të shumta dhe manipulimeve elektorale. Anëtarët e partisë së Pol Potit, u detyruan të fshiheshin nëpër male për t’i shpëtuar persekutimeve të Sihanuk.

 

Pas 12 viteve në arrati, Pot fitoi mbështetjen e Republikës Popullore të Kinës dhe së bashku me ndjekësit e tij, rrëmbyen armët për të çliruar Kamboxhian. Krahu i djathtë i Sihanuk, Lot Nol, ishte një pro-amerikan i vendosur. Ndërkohë mbreti, ndryshe nga ky i fundit, kishte mbështetur një linjë nacionaliste, ndaj me kalimin e kohës vendosi ta lehtësojë presionin mbi partinë e Potit.

Kjo gjë solli një grusht shteti në vitin 1970 kundër Sihanuk nga Lot Nol i mbështetur nga qeveria e SHBA-së. Situata në Kamboxhia e favorizoi ngritjen e Pol Potit. Popullariteti i komunisteve ishte rritur që në vitin 1969, pas një serie sulmesh nga aviacioni amerikan. Kufiri me Vietnamin ishte afër dhe shpesh vietkongët kalonin në territorin kamboxhian dhe e përdornin atësi bazë. Për këtë arsye Uashingtoni shtriu edhe atje bombardimet sistematike me napalm.

Pasi u rrëzua nga pushteti, Sihanuk kaloi nga një simpatizant në një mbështetës të Partisë Komuniste Khmer. Lot Nol, diktatori i ri Kamboxhias, nisi reprezaljen kundër Khmerëve të Kuq, dhe kështu lindi një guerilje e pamëshirshme që në vitin 1975 hyri fitimtare në kryeqytetin Phnom Penh.

Nol u arratis në SHBA, ndërsa komunistët nisën një gjenocid që i mori jetën mbi 1.5 milionë njerëzve. Pot emëroi ish-monarkun Sihanuk si kreun e shtetit për të shfrytëzuar popullaritetin e tij të brendshëm dhe reputacionin ndërkombëtar. Por nëpraktikë, ai nuk ishte asgjë më shumë sesa një kukull në duart e komunistëve.

Duke ndjekur modelin e Benito Musolini me Perandorinë e madhe Romake, diktatori kamboxhian e përgatiti popullin e tij për një revolucion të paparë që kishte si referencë lavditë e Perandorisë Khmer, që u themelua në vitin 800 dhe pushoi së ekzistuari në vitin 1431.

Pot urdhëroi të gjithë popullsinë të evakuohej nga qytetet. Duke ndjekur shembullin e Maos në Kinë, edhe ai donte të bënte një “Hap të Madh Përpara”. Ai synoi të ndërtonte një të ardhme, ku vendi do të ishte i lirë nga çdo ndikim perëndimor që e kishte “ndotur” atë.

Kësisoj, ashtu si Phnom Pen, të gjitha qytetet e tjera të mëdha u zbrazën plotësisht në mënyrë që popullsia të mund të jetonte në fshat dhe të fillonte të punonte në njësitë e prodhimit kolektiv të quajtur kooperativa. Premisa e ideologjisë së Pot ishte bashkimi i një nacionalizmi të flaktë me një komunizëm të tipit maoist, qëllimi i të cilit ishte të rikthente kombin në fuqinë dhe shkëlqimin e Perandorisë Kmere përmes rritjes së prodhimit të orizit.

LEXO EDHE:  “Bashkëpunim për të tërhequr sa më shumë investime”/ Yuri Kim takon ministren Balluku, zbardhet diskutimi

LEXO EDHE:  The Economist: Klima e investimeve në Shqipëri, ndër më të vështirat në rajon

Por puna për këtë arritje, ishte pa asnjë logjikë apo racionalitet, dhe kostoja u pagua nga burrat, gratë dhe fëmijët, që u bënë skllevër të një të çmendurie që i dënoi ata me një agoni të gjatë. Turnet e punës ishin rraskapitëse, dhe arrinin derinë 10-12 orë në ditë. As fëmijët nuk u përjashtuan nga dhënia e kontributit të tyre në atë kauzë.

Në fillim, rendi i ri politik ishte në favor të përdorimit të parave dhe shtypi një monedhë të re për njëfarë kohe. Por edhe ky element i civilizuar u anulua në favor të shkëmbimit mall me mall si dikur, një zgjidhje kjo në përputhje me procesin e vazhdueshëm të de-perëndimorizimit të vendit.

Në fund i gjithë kombi u mbyll plotësisht për të huajt, duke eliminuar kështu çdo shkëmbim tregtar. Viktimat e para të regjimit ishin kundërshtarët politikë, ish-zyrtarët e qeverisë së mëparshme, borgjezët dhe kushdo që nuk pranonte t’i bindej “idealeve” të Pol Potit. Popullsia u ndalua të mbante rroba shumëngjyrëshe, të lexonte libra, madje edhe të mbante syze. Sipas Khemrëve ato ishin mjete tipike të intelektualëve, dhe kësisoj të Perëndimit. Kjo prapambetje kulturore, shërbeu për të detyruar çdo kamboxhian të angazhohej në mënyrë aktive në rritjen e prodhimit të orizit.

Por kaosi në organizim ishte i tillë që në vend të rritjes pati një uri në masë. Fshatarët e skllavëruar nëpër kooperativa vdiqën nga uria dhe vështirësitë e shumta, pasi ishin të keq-ushqyer me racione të pakta, ose u sëmurën. Të gjithë mjekët e regjimit të mëparshëm ishin vrarë ose burgosur nëpër kampe.

Në vend të tyre punonin mjekë të rinj papërvojë, të cilët mund të kryenin vetëm trajtime me metoda dhe ilaçe jo-perëndimore, gati gjithmonë joefektive. Për më tepër, gardianët në kooperativa ishin thuajse gjithmonë fëmijë dhe adoleshentë të manipuluar psikologjikisht, për të kryer veprime të neveritshme.

Pot dhe shokët e tij ishin të bindur se dështimet ekonomike po shkaktoheshin nga kundërshtarët e fshehtë që vepronin në hije. Ndaj kushdo që dyshohej se e urrente revolucionin e priste një fat tragjik. Kombi ishte i varfër dhe për të kursyer plumbat ushtarët i ekzekutonin viktimat duke i rrahur për vdekje me shkopinj, shata dhe thika.

Me përkeqësimin e krizës ekonomike Pol Pot fillojë të ngrejë dyshime edhe për anëtarët e partisë së tij. Shumë eksponentë të saj u akuzuan se e kishin tradhtuar revolucionin. Pot urdhëroi ekzekutimin e zyrtarëve të tij dhe të gjithë anëtarëve të familjes së tyre, duke shkaktuar një spastrim të brendshëm.

Një rast ekstrem ishte ai i vitit 1978, ku e gjithë popullsia e një rajoni (rreth 100 mijë njerëz) u akuzua për bashkëpunim me drejtuesin lokal të partisë. Ky i fundit nuk kishte qenë në gjendje të përmbushte detyrat e tij në emër të kauzës komuniste, ndaj që të gjithë banorët u ekzekutuan.

Fatmirësisht, rënia e Pol Pot nisi në fundin e vitit 1976. Diktatori nisi të armiqësohej me Vietnamin, që sipas tij ishte fajtor për pushtimin e territoreve që i përkisnin historikisht popullit Khmer. Këto mosmarrëveshje degraduan në një përplasje të armatosur në vitin 1978, kur qeveria e Hanoi pushtoi Kamboxhian dhe e mposhti me lehtësi ushtrinë e Pol Pot.

Më 7 janar të vitit 1979, Pot me një numër të madh ndjekësish, u tërhoqën drejt kufirit me Tajlandën. Në vend u formua një qeveri e re e koalicionit, por diktatori i çmendur vazhdoi për vite të tëra të kontrollonte disa zona dhe të luftonte në përpjekje për të rifituar kontrollin e vendit.

Një nga veprimet e fundit që kreu diktatori ishte ekzekutimi në vitin 1997 të krahut të tij të djathtë, Son Sen, fajtor për mbështetjen e krijimit të një qeverie zyrtare. Pol Pot u arrestua dhe u vendos në arrest shtëpiak. Sipas dëshmisë së gruas së tij, Pol Pot vdiq në Anlong Veng më 15 Prill 1998 nga një sulm në zemër, natën që u njoftua se ai do të vihej përpara drejtësisë./CNA.al

LEXO TE PLOTE

Blog

Nga Regan tek Miteran: Sundimtarët që u mbështetën tek astrologjia për të marrë vendimet e tyre

Publikuar

-

Nga

Të gjithë mund të kemi qenë në ndonjë moment të jetës të fiksuar pas asaj që parashikon horoskopi për shenjën tonë zodiakale. Disa për forcë zakoni, të tjerët për të marrë vendime madhore. Por edhe ata që udhëhoqën qytetërimet e lashta, por edhe udhëheqësit e botës moderne, bazoheshin dhe bazohen shpesh tek astrologjia për marrjen e vendimeve të tyre.

Ja cilat janë disa nga sundimtarët më të njohur.

Gjenerali Albreht Von Valenshtein:Një ”peshore” që nuk ishte gjithmonë aq e ekuilibruar

Von Valenshtein ishte në krye të forcave katolike gjatë Luftës Tridhjetëvjeçare. Gjatë viteve 1625-1632, ai zhvilloi një fushatë shumë të suksesshme ushtarake kundër Suedisë, dhe ia njohura meritat kryesore jo aftësive vetjake, por parashikimit të yjeve për shenjën e tij.

Qëkur ishte i ri gjenerali shkoi tek shkencëtari dhe astronomi i njohur Johanes Kepler për

t’i bërë një parashikim astrologjik. Kepler i tha se “natyra e tij e pazakontë, do ta bërë të aftë të bëjë vepra të mëdha”, për shkak zhvendosjes së Marsit në shenjën e tij

Presidentja argjentinase Izabel Peron ishte një vajzë pa ide

Izabel Peron ishte një presidente e pazakontë për Argjentinën e viteve 1970. Ajo u ngjit në krye vetëm sepse burri i saj ishte Huan Peron, e caktoi atë zv/presidente kur u rizgjodh president në vitin 1973. Kur Huan vdiq 9 muaj më vonë, ishte radha e Izabel Peron që të udhëhiqte vendin.

Por shumë shpejt u bë e qartë, se ajo nuk kishte asnjë ide se çfarë duhej të bënte. Ndaj ishte astrologu Hose Lopez Rega, ai që e ndihmoi shumë në postin e Ministrit të Mirëqenies Sociale. Rega dukej se merrte de fakto çdo vendim në emër të Peron, që ishte plotësisht e varur nga ekspertiza e tij politike dhe leximi i pozicionit të yjeve.

Astrologët e Rajhut të Tretë

Ndërsa vetë Adolf Hitleri nuk ishte shumë i dhënë pas astrologjisë, nuk mund të thuhet e njëjta gjë për kolegët e tij Jozef Gëbels, Hajrih Himler dhe zëvendësfyhrerin Rudolf Hes Gëbels, Ministri nazist i Propagandës përdorte vazhdimisht një ekip astrologësh. Por për të kontrolluar narrativën, qytetarëve të zakonshëm u ndalohej të interpretonin dhe të bënin parashikimet e tyre astrologjike.

Himler përdori ekipin e tij të astrologëve për ta ndihmuar në gjetjen e diktatorin fashist italian Benito Musolinit. Rudolf Hess u bazua tek yjet në aksionin e tij shumë të guximshëm të vitit 1941. Astrologët e tij i thanë se ishte koha e duhur për të nisur fshehurazi bisedimet paqes me britanikët. Por avioni i tij u rrëzua në Skoci, dhe ai u burgosur menjëherë.

LEXO EDHE:  The Economist: Klima e investimeve në Shqipëri, ndër më të vështirat në rajon

Çifti Regan mbante një kalendar astrologjik

LEXO EDHE:  The Economist: Klima e investimeve në Shqipëri, ndër më të vështirat në rajon

Presidenti i SHBA-së Ronald Regan dhe Zonja e Parë, Nensi, ishin haptazi admirues të astrologjisë gjatë 8 viteve që kaluan në Shtëpinë e Bardhë. Ai këshillohej shpesh me astrologjen e famshme Kerroll Rajter, që kur ishte guvernator i shtetit të Kalifornisë.

Kur Ronald i mbijetoi atentatit të vitit 1981, Nensi kishte dëgjuar nga një astrolog pak para incidentit, se atë ditë do t’i ndodhte diçka ogurzezë. Sipas zëdhënësit të Shtëpisë së Bardhë, në atë kohë ajo ndoqi nga afër parashikimet astrologjike mbi bashkëshortin e saj nga frika e ndonjë atentati tjetër.

Elizabeta I, ia detyronte jetën astrologut të saj

Mbretëresha britanike Elizabeta i ishte e njohur gjerësisht se konsultohej me astrologun e saj, Xhon Di, për të gjitha vendimet e saj, madje edhe para se të bëhej mbretëreshë. Kur u përball me rrezikun e ekzekutimit, Elizabet shkoi tek Di për t’i bërë një lexim të fatit të saj.

Di i tha se nuk do të përballej me vdekjen. Në vend të kësaj, ishte Maria ajo që do të vdiste papritur, duke ia lënë fronin Elizabetës. Meqë parashikimi i Di ishte kaq i saktë, ai mbajti rolin e këshilltarit kryesor të Elizabetës për pjesën tjetër të mbretërimit të saj.

Aleksandri i Madh:Djaloshi që e solli këtë praktikë në Perëndim

Kur pushtoi Babiloninë në vitin 331 Para Erës Sonë, ai e ndau praktikën e astrologjisë lindore me matematikanët grekë. Duke kombinuar këtë informacion, ai solli atë që ne e njohim sot si astrologjia moderne. Në fillim babilonasit përdorën qiellin e natës për të bërë parashikime për perandorinë dhe mbretin. Më pas grekët, nisin të bënin parashikimet e tyre.

Fransua Miteran, përdori parashikimin e yjeve gjatë Luftës së Gjirit Persik

 

Ish-presidenti i Francës, përdori disa astrologë për ta ndihmuar atë të merrte vendimet. Edhe presidenti i mëparshëm Sharl De Gol i kishte përdorur astrologët në vitet 1960. Ndërkohë në fillim të viteve 1990, Miterran iu referua këshillave të astrologes Elizabet Teisje për çështjet kryesore politike, veçanërisht për Luftën e Gjirit. Para një takimi me rëndësi lidhur me përfshirjen e Francës në konflikt, Teisje i telefonoi presidentit për t’i thënë se gjithçka do të shkonte mirë për të. /CNA.al

 

LEXO TE PLOTE

Blog

I panjohuri i famshëm/ Kush ishte në fakt Ponc Pilati?

Publikuar

-

Nga

“Unë nuk jam aspak përgjegjës për këtë gjak që po derdhet; ju po e shihni edhe vetë!”. Me këto fjalë, sipas apostullit Mate, prefekti i Judesë, Ponc Pilati, e dënoi Jezu Krishtin, pasi ai u shpall fajtor për blasfemi. Pra duke hequr vetja çdo lloj përgjegjësi. (Nga ai moment buron edhe termi i përbotshëm:I lau duart si Ponc Pilati!).

Për kundërshtimin e zyrtarit romak ndaj dënimit të të akuzuarit (duke ua lënë kësisoj hebrenjve gjithë përgjegjësinë për kryqëzimin e Jezusit), flasin vetëm Ungjijtë. Edhe vetë ekzistenca e një prefekti me emrin Pilat, u dokumentua për një kohë të gjatë vetëm nga Dhjata e Re. Kjo deri në vitin 1961, kur një punëtor në Çezare (Izrael), zbuloi një epigraf romak ku shkruhej “Pontius Pilatus, Praefectus Iudeae” (Ponc Pilati, Prefekti i Judesë).

I panjohuri i famshëm

Gjithsesi, ajo që ne mendojmë se dimë mbi Ponc Pilatin,është vetëm rezultat i hipotezave.

Ai ka qenë ndoshta me prejardhje samnite (që i përkiste familjes vestinase Pontii) dhe ishte prokuror i Judesë për 10 vjet, periudhë në të cilën ai nuk duhet të ketë qenë shumë i butë me banorët e zonës, të cilët nuk i kishte shumë qejf.

LEXO EDHE:  Rama e kupton pas 8 vitesh

LEXO EDHE:  Investimet/ Turizmi dhe bujqësia sektorët me më shumë nevojë për ndërhyrje

Mbase qasja e tij me grusht të hekurt gjatë revoltave të shumta në provincë, mund të ketë qenë edhe arsyeja e largimit të tij nga kjo detyrë në vitin 36 Pas Krishtit, ose 3 vite pas dënimit të Jezusit. Edhe mbi fundin e tij ekzistojnë shumë hipoteza.

Ndoshta ai u ekzekutua nga perandori romak Kaligula. Ndoshta vdiq i vetëvrarë pasi u internua në Gali, ose u pendua pasi u konvertua në fenë e Krishterë nën ndikimin e gruas së tij Klaudia. Pra misteri i njeriut që e la Jezusin në fatin e tij që e kishte parathënë vetë, mbetet ende i pazgjidhur. / bota.al

LEXO TE PLOTE