Connect with Us

Kush vendos nëse botës i duhen doza përforcuese kundër COVID-19?

Shëndeti

Kush vendos nëse botës i duhen doza përforcuese kundër COVID-19?

Publikuar

-

Kush vendos nëse botës i duhen doza përforcuese kundër COVID-19?

Prodhuesit e vaksinave, Moderna Inc dhe Pfizer Inc, me partnerin e tij gjerman BioNTech, kanë qenë të zëshëm në qëndrimin e tyre se botës së shpejti do t’i duhen doza përforcuese kundër COVID-19, për të mbajtur nivelet e larta të imunitetit. Megjithatë, është e paqartë se kush duhet të vendosë për këtë – dhe bazuar në çfarë të dhënash.

Modeli i vaksinave kundër gripit
Zyrtarët e shëndetit publik kanë një mekanizëm të koordinuar mirë, të vënë më 1952, për të përcaktuar se cilat vaksina të gripit sezonal duhet të përditësohen, për luftimin e varianteve të gripit që pësojnë shpejt mutacione.

Sistemi Global për Mbikëqyrje dhe Reagim ndaj Gripit i Organizatës Botërore të Shëndetësisë mbledh të dhëna të ofruara nga autoritetet kombëtare të shëndetësisë rreth qarkullimit të varianteve të gripit, dy herë në vit, i shfrytëzon këto informacione për të zgjedhur variantet të cilat prodhuesit duhet t’i përfshijnë në vaksinat sezonale për Hemisferat Veriore dhe Jugore.
Disa ekspertë kanë sugjeruar se një model i ngjashëm mund të përdoret për të mbledhur të dhëna për variantet e COVID-19, dhe për t’i këshilluar kompanitë farmaceutike se çfarë të përfshijnë në vaksinat e reja, raporton Reuters.

Megjithatë, një qasje tjetër mund të jetë imitimi i asaj që ndodh me përditësimin e shumë vaksinave të tjera kundër sëmundjeve ngjitëse – ku vendimet bazohen kryesisht në atë se çfarë besojnë prodhuesit e ilaçeve se nevojitet. Autoritetet kombëtare të shëndetësisë më pas janë të lira të analizojnë të dhënat e provave klinike dhe të vendosin nëse një version i caktuar i vaksinës duhet të përdoret në vendin e tyre.

Aktualisht, prodhuesit e vaksinave kundër COVID-19 po e zbatojnë këtë qasje, duke vendosur për krijimin dhe testimin e dozave përforcuese kundër varianteve të caktuara, dhe duke ua lënë qeverive të vlerësojnë nëse duan t’i blejnë.
Çfarë të dhënash do të nevojiten?
Disa ekspertë vaksinash thonë se nevojiten të dhëna të qarta që tregojnë se vaksinat aktuale kundër COVID-19 po dështojnë t’i parandalojnë infektimet dhe sëmundjen e rëndë, para se vendet të nisin fushata për përsëritje të vaksinimit të mbarë popullit.

Ata argumentojnë se vendimi për doza përforcuese duhet të bazohet në të dhëna që tregojnë se si vaksinat performojnë te njerëzit në prova klinike dhe në praktikë, si dhe në studime laboratorike që shfaqin rënie të niveleve të antitrupave në mostrat e gjakut të njerëzve të vaksinuar.
Deri më tani, prodhuesit e vaksinave kundër COVID-19 kanë treguar se dozat e tyre ofrojnë mbrojtje të fuqishme për të paktën gjashtë muaj. Por, imuniteti mund të dallojë. Njerëzit e moshuar, për shembull, apo ata me sisteme të komprometuara të imunitetit, mund të kenë nevojë për doza përforcuese më herët sesa të rinjtë me sisteme me të forta të imunitetit.

LEXO EDHE:  Infermierët shqiptarë filluan sot punën në Itali/ Manastirliu i publikon fotot

Një tjetër grup i rëndësishëm i të dhënave, i njohur si “korrelatet e mbrojtjes” – dëshmi nga provat klinike që tregojnë nivelin minimal të antitrupave të nevojshme në mënyrë që vaksina të ketë efekt mbrojtës – mund t’i ndihmojë hartuesit e politikave të vendosin nëse nevojiten dozat përforcuese, por këto të dhëna ende nuk janë në dispozicion.

Adaptimi për një botë me COVID-19
Organizata Botërore e Shëndetësisë është duke ngritur një panel këshillues ekspertësh në nivel global, i cili do t’i vlerësonte të dhënat e vazhdueshme për efikasitetin e vaksinave kundër COVID-19, dhe për variantet e mundshme, dhe më pas të ofronte udhëzime për qeveritë.

Ndonëse disa ekspertë kanë theksuar ngjashmëri të mundshme me mekanizmin global për përditësimin e vaksinave kundër grupit, ata gjithashtu nënvizojnë se ai duhet të adaptohet për një botë me COVID-19. Ka më shumë gjasa, sipas tyre, që shtetet apo rajonet do t’i zbatojnë udhëzimet globale për t’i përmbushur nevojat lokale.
Për shembull, Qendrat e Shteteve të Bashkuara për Kontrollin dhe Parandalimin e Sëmundjeve po e krijojnë sistemin e vet të vlerësimit të rrezikut, për të përcaktuar se çfarë të dhënash nevojiten për të rekomanduar një vaksinë të modifikuar.

Ky organizëm dhe agjencitë e tjera amerikane të shëndetësisë tashmë i kanë nisur studimet e veta për të vlerësuar efektshmërinë e vaksinave, përfshirë në popullata të moshuara dhe në fëmijë, dhe për të mbikëqyrur ndikimin e varianteve të reja.

Në Britani, Shëndetësia Publike e Anglisë dhe Instituti Kombëtar për Standarde dhe Kontroll Biologjik po bashkëpunojnë me agjencitë globale në një “Projekt zhdërvjelltësie” për të gjurmuar dhe për të testuar ndikimin e mutacioneve të virusit dhe të varianteve të reja ndaj procesit të krijimit të vaksinave kundër COVID-19./REL

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Rama jep lajmin e mirë/ Arrin në 850 mijë numri i personave të vaksinuar

Publikuar

-

Nga

Rama jep lajmin e mirë/ Arrin në 850 mijë numri i persona të vaksinuar

Ka shkuar në 850 mijë numri i personave të vaksinuar nga Covid.

Lajmi është bërë me dije kreu nga kreu i qeverisë Edi Rama me anë të një statusi në rrjetet sociale.

Aktualisht në Shqipëri vaksinën anti Covid e kanë marrë moshat mbi 60 vjeç dhe punonjës të shërbimeve kritike si mjekët, mësuesit, uniformat blu, punonjës të medias, turizmit apo transportit publik.

LEXO EDHE:  Sa zgjat imuniteti ndaj Covid-19?

LEXO EDHE:  Humbi betejën me Covid-19/ Çiljeta Xhilaga bën dedikimin prekës

Në vendin tonë fushata e imunizimit kundër COVID, po vijon prej muajit Janar me vaksinat Pfizer, AstraZeneca, Sputnik V dhe ato kineze./CNA.al

LEXO TE PLOTE

Shëndeti

Mjeku i njohur gjerman: Digjitalizimi i sistemit shëndetësor, një mundësi e re

Publikuar

-

Nga

Mjeku i njohur gjerman: Digjitalizimi i sistemit shëndetësor, një mundësi e re

Rëndësia që ka dixhitalizimi i sistemeve shëndetësore u vu re më së shumti gjatë pandemisë së COVID-19, ku një prej mjeteve për të frenuar valën e infektimeve ishte edhe gjurmueshmëria e kontakteve për personat që rezultonin pozitiv.

Mbi këtë projekt dhe krijimin e aplikacioneve për të lehtësuar këtë proces, doktori i specializuar në transplantin e qelizave staminaleGernot Beutel nga Universiteti Mjeksor i Hanoverit ka folur në një intervistë për Euronews Albania.

Z. Beutel Mire se vini në Euronews Albania dhe faleminderit për këtë intervistë. Ju jeni një doktor i mirënjohur në Gjermani. Cila është arsyeja e vizitës tuaj këtu në Shqipëri?

Qëllimi është që të diskutojmë për Covid-19 dhe pandeminë dhe gjatë muajit dhe vitit të fundit unë shoh se në të gjithë Evropën ekzistojnë qasje të ndryshme mbi mënyrën se si po luftohet pandemia e Covid-19. Për mua është një kënaqësi të jem këtu dhe të flas me kolegë për çështjet e ndryshme dhe mënyrat e ndryshme që ata përdorin, për shembull digjitalizimin në sistemin e kujdesit shëndetësor dhe kjo është pra arsyeja pse unë jam këtu dhe pëlqej të flas me kolegët e mi.

Le të flasim për një moment pikërisht për pandeminë e COVID-19 pasi ka qenë një periudhë e vështirë për të gjithë dhe për sistemin shëndetësor gjithashtu. Cilat janë mësimet që bota ka nxjerrë nga kjo Pandemi?

Mendoj se mësimi që nxorëm është që ne mësuam se si të menaxhonim një krizë, mendoj se ishte një mësim jo vetëm për sistemin shëndetësor por ishte një mësim i vështirë edhe për të gjithë shoqërinë, dhe nëse shohim sistemin shëndetësor, ne kemi probleme me personelin mjekësor, ne kemi probleme me digjitalizimin, kemi probleme me logjistiken, gjithashtu edhe me vaksinat e të tjerë e të tjerë. Dhe ajo që mund të themi është se në këtë betejë, dështimi nuk është opsion, por në mendimin tim ne duhet të themi se dështimi është leksioni që nxjerrim. Dhe në muajt e fundit sigurisht që patëm dështime, por tani duhet ti adresojmë ato dhe mund të përmirësojmë mjetet për të luftuar ndaj Pandemisë.

Një mundësi e re u hap me ardhjen e pandemisë, çka ishte digjitalizimi i Sistemit Shëndetësor, në çfarë konsiston ky digjitalizim?

Pra digjitalizimi konsiston në gjurmshmërinë e kontakteve. Pra nëse dëshiron të vendosësh nën kontroll Pandeminë, sigurisht që duhet të mbash distancën, të mbash maskë dhe të vaksinohesh, por një çështje specifike është dhe gjurmshmëria e infektimeve, për shembull në Gjermani kjo gjë kryhet nga Autoriteti i Shërbimit Shëndetësor dhe kryhet me anë të intervistave nëpërmjet telefonit dhe kjo është një mënyrë analoge dhe e ngadaltë, por nëse përdor mjete bashkëkohore si SmartPhonë apo aplikacione digjitale, mund të mbledhësh lehtësisht informacione, si për shembull mbi kontaktet me njerëzve, çka është më e leverdishme se sa mënyra tradicionale e mbledhjes së informacionit.

Dhe si funksionojnë këto aplikacione?

Aplikacionet tona që ne zhvillojmë të cilat mbështeten edhe nga Ministria Gjermane e Shëndetësisë, funksionojnë si platforma të bazuara në rrjet, pra nuk janë aplikacione për smartphone, por janë platforma online dhe ne përdorim një hartë për të piketuar dhe krijuar një listë të kontakteve. Nuk është e nevojshme të vendosësh kontaktet e tua në një listë, ashtu siç bëhet normalisht, por duhet të vendosësh vendndodhjen dhe nëse mendon për lokacionin, ti mendon edhe për personat me të cilët ke qenë në kontakt. Për shembull ti ke qenë me miqtë e tu javën e kaluar dhe ti ke qenë në një restorant të caktuar, dhe ti kujtohesh për vendndodhjen e këtij restoranti dhe nëse sheh të gjithë ata që kanë qene aty, ti kujtohesh për secilin person. Pra kjo është qasja jonë, dhe ne përdorim këtë lloj “rikujtese” për të marrë listën e plotë të kontakteve.

Cilat janë përfitimet individuale të qytetarëve por edhe të sistemit mjekësor nga ky aplikacion?

Përgjigja është e shkurtër. Është me e shpejtë dhe më e leverdisshme. Pra nëse kemi një pacient pozitiv me Covid dhe t’i nuk arrin të gjurmosh personat e kontaktit, vala e infektimeve do të vazhdojë të përhapet dhe problemi me sistemin analog të gjurmueshmerisë është fakti që është i ngadaltë, por nëse përdor një aplikacion digjital mund të jesh më i shpejtë dhe mund të thyesh zinxhirin e infektimeve, ky pra është përfitimi për qytetarët dhe për sistemin shëndetësor. Pra nuk ke pse të telefonosh të gjithë këta njerëz, thjesht i çon një link ku ata mund të vendosin kontaktet në faqen e webit dhe gjithashtu nuk është e nevojshme për shumë informacion

Megjithatë, shpeshherë projektet mbi aplikacionet për Covid-19 janë etiketuar si diskriminuese dhe invazive në privatësinë e gjithsecilit, si mund ti përgjigjeni këtyre kritikave?

LEXO EDHE:  Studimi: Covid-19 mund të mbijetojë te mishi dhe peshku i ngrirë për 3 javë

LEXO EDHE:  Sa zgjat imuniteti ndaj Covid-19?

Sigurisht që mbrojtja e të dhënave personale është shumë e rëndësishme dhe mendoj se ky aspekt duhet të ketë prioritetin më të lartë të mundshëm, por nëse mendon psh për telefonin tënd, ti ke Whatsup, ke Instagram, ti ke Facebook dhe ti vendos të gjitha këto të dhëna në këto aplikacione, dhe ato janë gjithashtu të dhëna personale. Por nëse sheh aplikacionin tonë, ti përdor vetëm ato të dhëna që ti ke vendosur në aplikacionin që ndodhet në smartphone-in tënd. Pra ne i marrim këto të dhëna, ti i sheh në çdo kohë se cilat janë të dhënat që ti jep dhe konfrimon që je dakord ti ndash këto me autoritetet përkatëse. Pra ne nuk marrim të dhëna pa aprovimin dhe miratimin e gjithësecilit

Zoti Beutel, edhe një pyetje të fundit. A jeni optimistë se kjo Pandemi do të përfundojë shpejt dhe bota do ti rikthehet normalitetit?

Kjo është një pyetje shumë e mirë. Une shpresoj të jetë kështu. Mendoj se kemi mësuar shumë nga njëri tjetri. Kemi hasur në dështime por me kalimin e kohës jemi përmirësuar gjithmonë e më shumë. Kemi procesin e vaksinimit, kemi strategjinë e testimit, aktualisht kemi një incidencë të ulët dhe unë jam i sigurt që do të arrijmë ta vendosim nën kontroll, nëse vazhdojmë të qëndrojmë të bashkuar, jo vetëm në Gjermani, por edhe në Europë dhe jashtë saj.

LEXO TE PLOTE

Shëndeti

Ulja e rasteve me Covid/ Brataj: E keqja më e madhe ka kaluar, por jam i shqetësuar

Publikuar

-

Nga

Ulja e rasteve me Covid/ Brataj: E keqja më e madhe ka kaluar, por jam i shqetësuar

Drejtori i Urgjencës Kombëtare, Skënder Brataj ka komentuar situatën e pandemisë në vendin tonë.

I ftuar në A2, ai tha se situata është nën kontroll, pasi përveçse nuk ka humbje jete, kemi edhe disa qarqe që nuk kanë raste aktive.

Sipas tij, “e keqja më e madhe ka kaluar patjetër, vera do të jetë më e qetë, por më shqetëson fakti që në Britani pati 9000 të infektuar me variantin Delta ditën e djeshme; në Itali janë zbuluar më shumë se 100 raste me këtë variant; është prezente edhe në Greqi”.

Brataj nënvizon se “arma më e fuqishme karshi çdo virusi është vaksina”.

LEXO EDHE:  Studimi: Covid-19 mund të mbijetojë te mishi dhe peshku i ngrirë për 3 javë

LEXO EDHE:  Ekspertët: Edhe pas infektimit me koronavirus, rrezik për riinfektim

Në lidhje me gripin e shpendëve, Brataj tha: “Nuk është hera e parë që shpërthen, por nuk ka rrezikun e madh të përhapjes te njerëzit”.

“Është e vështirë përhapja nga shpendi te njeriu, ajo ndodh vetëm me kontakt direkt dhe konsumimit të një ushqimi të pagatuar mirë”, deklaroi Brataj./CNA.al

 

LEXO TE PLOTE