Connect with Us

Kronologji/ Hamasi dhe Izraeli, një histori përplasjesh

Bota

Kronologji/ Hamasi dhe Izraeli, një histori përplasjesh

Publikuar

-

Kronologji – Hamasi dhe Izraeli: një histori përplasjesh

Mes Izraelit dhe grupit palestinez islamik Hamas është ndezur së fundmit konflikti më i ashpër ndër vite.

Më poshtë, kronologjia e disa prej ngjarjeve më të rëndësishme në vite të tëra konfrontimesh.

1987 – Hamas vjen në jetë pas kryengritjes së parë të Palestinës kundër pushtimit izraelit të Bregut Perëndimor dhe Rripit të Gazës. Dy vite më vonë, Hamas kryen sulmin e parë kundër ushtrisë izraelite, përfshi rrëmbimin dhe vrasjen e dy ushtarëve.

1993 – Pas vitesh me akte të shumta dhune, firmoset Akordi i Oslos, me qëllim vendosjen e paqes midis Izraelit dhe Palestinës. Hamas është kundër procesit të paqes dhe përpiqet që krijojë destabilitet duke vendosur bomba në autobusë dhe sulme të armatosura në Izrael.

2000 – Dështon marrëveshja përfundimtare në procesin e paqes midis Izraelit dhe Palestinës në një samit në Shtetet e Bashkuara. Dy muaj më pas, palestinezët protestojnë kundër vizitës së liderit të opozitës izraelite Ariel Sharon në ambientet e xhamisë El-Aksa në Jerusalemin Lindor – i njohur për hebrenjtë si Mali i Tempullit, sepse është vendndodhja e tempujve të tyre antik – çka sjell të ashtuquajturën kryengritje të dytë (Al-Aqsa Intifada).

2001-02 – Hamas kryen një sërë sulmesh kamikaze në Izrael, ku mbeten të vrarë 21 qytetarë jashtë një diskoteke në Tel Aviv në qershor të 2001, ndërsa në 2022 humbën jetën 30 hebrenj që po festonin festën fetare “Pesach”. Katër muaj më pas, komandanti ushtarak i Hamasit, Salah Shehadeh, vritet në një sulm ajror dhe Izraeli nis pushtimin e Ramallahut në Bregun Perëndimor.

Mars – Prill 2004 – Vritet bashkëthemeluesi dhe lideri shpirtëror i Hamas, Sheikh Ahmed Yassin, si dhe Abdel Aziz al-Rantissi, bashkëthemelues dhe lider politik, në Gazë në një hark kohor prej një muaji. Udhëheqja e Hamasit arratiset dhe identiteti i pasardhësit të Rantissit mbahet i fshehtë.

15 gusht 2005 – Forcat izraelite nisin tërheqjen e njëanshme nga Gaza, e pushtuar nga Egjipti në 1967 pas Luftës së Lindjes së Mesme, duke braktisur vendbanimet dhe duke e lënë territorin me një popullsi të madhe nën kontrollin e Autoritetit Palestinez.

25 janar 2006 – Hamas fiton shumicën në zgjedhjet parlamentare në Palestinë. Izraeli dhe Shtetet e Bashkuara ndërpresin ndihmat palestinezëve sepse Hamas nuk pranon të ndalë dhunën e të njohë Izraelin.

25 qershor 2006 – Militantët e Hamasit kapin ushtarin izraelit Gilad Shalit gjatë një shkëmbimi të armatosur në kufi. Izraeli kundërpërgjigjet me sulme ajrore. Shalit lirohet pesë vite më vonë si pjesë e një operacioni ku u shkëmbyen pengje.

LEXO EDHE:  Autoritetet në Minesota "i vënë vulën"/ Vdekja e Xhorxh Floyd-it është "vrasje"

14 qershor 2007 – Hamas merr pushtetin në Gaza gjatë një lufte të shkurtër civile, duke përzënë forcat e Fatahut, besnikë të Presidentit Mahmoud Abbas, me qendër në Bregun Perëndimor.

27 dhjetor 2008 – Izraeli nis ofensivën ushtarake në Gaza pasi palestinezët sulmojnë me raketa Sderot, qytet në jug të Izraelit. Rreth 1.400 palestinezë dhe 13 izraelitë mbeten të vrarë përpara se të arrihej në armëpushim.

14 nëntor 2012 – Izraeli vret shefin e kabinetit të ushtrisë së Hamasit Ahmad Jabari, ngjarje që vijon me sulme nga të dyja palët për 8 ditë me radhë.

Korrik-gusht 2014 – Rrëmbimi dhe vrasja e tre adoleshentëve izraelitë nga Hamasi çon drejt një luftë 7-ditore ku vriten 2,100 palestinezë në Gaza dhe 73 izraelitë, 67 prej të cilëve ushtarakë.

Mars 2018 – Palestinezët protestojnë në kufirin e Gazës me Izraelin. Trupat izraelite hapin zjarr për t’i zmbrapsur. Mbi 170 palestinezë u vranë në disa muaj protesta, të cilat sollën dhe shkëmbime të shumta të dhunshme midis Hamasit dhe forcave izraelite.

7 maj 2021 – Pas javë të shumta tensionesh në muajin e Ramazanit, policia e Izraelit përplaset me protestuesit palestinezë pranë Xhamisë El-Aksa pasi 8 familje palestineze rrezikonin të humbnin shtëpitë e tyre në Jerusalemin lindor tek kolonët hebrenj pas një verdikti në gjykatë.

10 maj – Pas një javë dhune sporadike, qindra palestinezë mbeten të plagosur nga përplasjet me forcat e sigurisë izraelite pranë El-Aksa, vendi i tretë më i shenjtë për myslimanët. Pasi kërkuan tërheqjen e forcave të sigurisë së Izraelit, Hamas lëshoi një breshëri raketash nga Gaza në Izrael. Izraeli iu kundërpërgjigj me sulme ajrore mbi Gaza.

11 maj – Vazhdon të shtohet numri i viktimave teksa vijojnë bombardimet. Një godinë 13-katëshe në Gaza rezidenciale shembet pas një sulm ajror nga Izraeli. Militantët palestinezë lëshojnë raketa në brendësi të Izraelit.

12 maj – Shtetet e Bashkuara njoftojnë nisjen e një të dërguari special për rajonin. Ushtria izraelite vret një prej komandantëve të Hamasit në Gaza.

13 maj – Vijojnë sulmet nga të dyja palët, dhuna përshkallëzon në lagje të Izraelit ku bashkëjetojnë hebrenjtë dhe arabët. Sulmohen sinagoga dhe raportohen përleshje të shumta në disa qytete.

14 maj – Izraeli përdor avion luftarak, tanke dhe artileri të rënda në një rrjet tunelesh që përdoren nga militantët palestinezë në Gaza, operacion që pasohet nga sulme të tjera me raketa nga palestinezët./euronews

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Qasja ndryshe e Presidentit Biden ndaj udhëheqësit rus

Publikuar

-

Nga

Qasja ndryshe e Presidentit Biden ndaj udhëheqësit rus

Presidenti Joe Biden flet shpesh për atë që ai e sheh si thelbësore në zbatimin e një politike të jashtme efektive: ndërtimin e marrëdhënieve personale. Por ndryshe nga katër paraardhësit e tij më të fundit në Shtëpinë e Bardhë, të cilët bënë përpjekje për të ndërtuar një lloj marrëdhënieje me Vladimir Putinin, Presidenti Biden e ka bërë të qartë se krijimi i një raporti personal mund të ketë kufij kur bëhet fjalë për udhëheqësin rus.

Presidenti amerikan, i cili pritet të takohet me Presidentin rus ballë për ballë të mërkurën në Gjenevë, është i vetëdijshëm rreth aftësive të zotit Putin për të mbijetuar edhe pse vendi i tij nuk është më një fuqi ekonomike botërore.

Presidenti Biden ka përsëritur shpesh një episod nga takimi i tij i fundit me zotin Putin 10 vjet më parë kur ai ishte nënpresident dhe zoti Putin në detyrën e kryeministrit. Udhëheqësi rus ishte shkëputur nuk ishte president në atë kohë, pasi kushtetuta e vendit ndalonte një mandat të tretë radhazi, megjithatë ai ende shihej si udhëheqësi më i fuqishëm i Rusisë.

Zoti Biden i tha biografit Evan Osnos se gjatë takimit mes tyre në vitin 2011, zoti Putin i kishte treguar zyrën e tij luksoze në Moskë. Zoti Biden kujton se e kishte thumbuar zotin Putin, një ish-oficer i KGB-së, duke i thënë: “Është e mahnitshme se çfarë mund të arrijë të bëjë kapitalizmi“.

Zoti Biden tha se më pas ndërsa qëndronte shumë pranë zotit Putin, i kishte thënë: “Zoti Kryeministër po ju shoh në sy dhe nuk mendoj se ju keni shpirt. Zoti Biden thotë se zoti Putin kishte buzëqeshur dhe i ishte përgjigjur: “Ne e kuptojmë njëri-tjetrin”.

Nga ana e tij Presidenti Putin, në një intervistë për rrjetin televiziv NBC, të transmetuar të hënën, tha se nuk e mbante mend një bisedë të tillë. “Nuk e mbaj mend këtë bisedë mes nesh“, tha zoti Putin.

Komenti i zotit Biden ishte pjesërisht një shpotitje ndaj ish-Presidentit George W. Bush, i cili u përball me kritika pas takimit të tij të parë me udhëheqësin rus, kur tha se e “ka parë atë (Putinin) në sy” dhe “kishte qenë në gjendje t’i kuptonte shpirtin”.

Por duke rikujtuar këtë bisedë të disa dekada më parë me zotin Putin, Presidenti Biden gjithashtu është përpjekur të tregojë se ai nuk ka asnjë iluzion rreth asaj që përfaqëson udhëheqësi rus, ndryshe nga paraardhësit e tij.

Tashmë Presidenti Biden dhe ai rus Putin do të takohen sërish, në një moment kur marrëdhëniet mes Shteteve të Bashkuara dhe Rusisë duket sikur ndërlikohen çdo ditë. Presidenti Biden në mënyrë të përsëritur e ka kritikuar udhëheqësin rus dhe ka vendosur sanksione kundër subjekteve ruse dhe individëve të lidhur me të, mbi akuza për ndërhyrje në zgjedhjet e vitit 2020 dhe sulmin kibernetik ndaj agjencive federale.

Pavarësisht sanksioneve zoti Putin nuk është tutur. Javët e fundit hakera rusë me bazë në Rusi kanë zhvilluar sulmeve kibernetike ndaj një tubacioni kryesor të naftës në SHBA si dhe furnizuesit më të madh të mishit në botë. Zoti Putin ka hedhur poshtë dyshimet për përfshirje të Kremlinit në këto akte.

LEXO EDHE:  Beqaj dhe Kodheli, dhunë ndaj gazetarëve

LEXO EDHE:  Nëse BE shpërbëhet, shpërthen lufta në Ballkan!

Michael McFaul, ish-ambasador i SHBA-së në Rusi, i cili shoqëronte zotin Biden në takimin e vitit 2011 me zotin Putin, tha në një intervistë se zoti Biden mund të ketë një skepticizëm më të thellë dhe ndoshta një pikëpamje më të informuar mbi zotin Putin sesa çdo paraardhës i tij në Shtëpinë e Bardhë.

Njohuritë e zotit Biden mbi rajonin mund të jenë më të mira se të kujtdo që ka mbajtur këtë detyrë“, thotë zoti McFaul. “Biden ka shpenzuar kohë në Gjeorgji. Ai ka kaluar një periudhë të madhe kohe në Ukrainë. Kam udhëtuar me të në Moldavi dhe ai ka qëndruar për shumë kohë në pjesën lindore të vendeve aleate të NATO-s. Ai ka qenë në ato vende dhe ka dëgjuar nga afër lidhur me agresionin dhe kërcënimin rus. Kjo ka krijuar një përbërës unik të analizës së tij mbi zotin Putin, të cilin presidentët e tjerë nuk e kanë pasur“.

Zoti Biden ka thënë se si president, ai do të zbatonte një qasje ndryshe në marrëdhëniet e tij me zotin Putin krahasuar me ish-Presidentit Donald Trump, i cili tregoi një respekt të pazakontë ndaj udhëheqësit rus. Qasja do të ishte ndryshe edhe në raport me qëndrimin e tre presidentëve të tjerë të SHBA-së të cilët kanë mbajtur këtë detyrë ndërsa zoti Putin ishte në pushtet në Rusi.

Në muajin shkurt gjatë vizitës së tij të parë në Departamentin e Shtetit në detyrën e presidentit, zotit Biden u tha punonjësve të agjencisë se ditët e “nënshtrimit” ndaj zotit Putin kanë përfunduar, çka u pa hapur si një goditje ndaj zotit Trump. Më vonë gjatë një interviste për rrjetin televiziv ABC News, zoti Biden iu përgjigj pozitivisht pyetjes nëse mendonte se zoti Putin ishte “një vrasës”.

Prirja e zotit Trump për t’u përulur ndaj zotit Putin bëri që shumë në Uashington të ngrinin hapur dyshime se rusët mund të dispononin të dhëna problematike rreth manjatit të pasurive të patundshme. Si zoti Trump ashtu edhe zoti Putin i kanë hedhur publikisht poshtë spekulimet.

Në mënyrë të përsëritur ish-Presidenti Trump është përpjekur ta shuajë akuzën e fortë, nënvizuar nga komuniteti amerikan i zbulimit se Rusia ka ndërhyrë në zgjedhjet amerikane të vitit 2016. I pyetur në konferencën e tyre të përbashkët për shtyp në fund të takimit mes tyre në 2018 në Helsinki të Finlandës, së cilin besonte zbulimin amerikan apo zotin Putin, zoti Trump ngriti pikëpyetje ndaj gjetjeve të inteligjencës amerikane.

Shtëpia e Bardhë njoftoi se Presidenti Biden nuk do të mbajë një konferencë të përbashkët për shtyp me zotin Putin, por do të flasë për mediat më vete pas takimit të së mërkurës. Zyrtarët e administratës thonë se zoti Biden nuk dëshiron t’i japë fuqi zotin Putin. I pyetur të dielën rreth arsyeve se pse vite të tëra sanksionesh amerikane nuk e kanë ndryshuar sjelljen e zotit Putin, Presidentit Biden qeshi dhe u përgjigj: “Ai është Vladimir Putin“./ VOA

LEXO TE PLOTE

Bota

Britania e Madhe shtyn heqjen e plotë të kufizimeve

Publikuar

-

Nga

Britania e Madhe shtyn heqjen e plotë të kufizimeve

Britania e Madhe ka shtyrë heqjen përfundimtare të të gjitha kufizimeve kundër pandemisë deri më 19 korrik 2021.

Kryeministri britanik, Boris Johnson, tha se shtyrja po ndodh për shkak të një rritjeje të numrit të të infektuarve me variantin Delta të koronavirusit.

Planet e qeverisë britanike kanë qenë që me 21 qershor të rihapet plotësisht ekonomia e vendit.

Në Angli, shumica e rregullave aktuale – përfshirë kufizimet në numrin e njerëzve që mund të takohen në bare dhe restorante do të vazhdojnë të mbesin në fuqi, megjithëse kufizimet në numrin e mysafirëve të lejuar në dasma do të hiqen.

“Nës, pas dy javësh, kemi arritur në përfundimin se rreziku është zvogëluar, atëherë ekziston mundësia që të marrim vendim për një hapje të plotë”, tha Johnson.

“Në një periudhë të caktuar, ne do të duhet të mesohemi të jetojmë me virusin dhe ta menaxhojmë atë sa më mirë që të mundemi”, tha kryeministri.

LEXO EDHE:  Autoritetet në Minesota “i vënë vulën”/ Vdekja e Xhorxh Floyd-it është “vrasje”

LEXO EDHE:  Beqaj dhe Kodheli, dhunë ndaj gazetarëve

PE miraton vendimin për certifikatat COVID-19

Varianti Delta i koronavirusit të ri, që është më i transmetueshëm, u identifikua së pari në Indi. Rreth 96 për qind të rasteve në Mbretërinë e Bashkuar janë me këtë variant të virusit.

Rastet pozitive janër rritur për 50 për qind javën e kaluar.

Varianti Delta besohet të jetë rreth 60 për qind më i transmetueshëm se varianti Alpha i identifikuar për herë të parë në Britaninë e Madhe.

Sidoqoftë, hospitalizimet dhe numri i viktimave mbeten të ulëta, falë fushatës së vaksinimit të zhvilluar në Britaninë e Madhe.

Më shumë se 55 për qind e të rriturve në Mbretërinë e Bashkuar kanë marrë dy dozat e vaksinës./Rel

LEXO TE PLOTE

Bota

Pranimi i studentëve në Harvard/ Gjykata e Lartë kërkon mendimin e administratës Biden

Publikuar

-

Nga

Gjykata e Lartë e Shteteve të Bashkuara të hënën i kërkoi administratës së Presidentit Joe Biden të jepte pikëpamjet e saj mbi çështjen nëse anëtarët e saj duhet të shqyrtojnë një sfidë ndaj procesit të pranimit të studentëve në Universitetin e Harvardit.

Kjo çështje, nëse shqyrtohet nga gjykata, do t’i jepte shumicës konservatore të saj një shans për t’i dhënë fund politikës së veprimit afirmativ, e cila i jep përparësi rritjes së numrit të studentëve afrikano-amerikanë dhe hispanikë në universitetet amerikane.

Veprimi nga gjykata sinjalizon interesin e të paktën disa prej nëntë anëtarëve të saj për të shqyrtuar një apel të sjellë nga një grup i quajtur Studentët për Pranime të Drejta, i themeluar nga aktivisti kundër politikës për veprime afirmative për rritjen e numrit të studentëve të komuniteteve pakicë në universitete, Edward Blum, të vendimit të një gjykate më të ulët që mbështeti programin e Harvardit. Padia akuzon Harvardin për diskriminim të aplikantëve aziatiko-amerikanë në shkelje të një ligji historik të të drejtave civile të vitit 1964.

Gjykata e Lartë ka një shumicë konservatore 6-3.

Edward Blum tha në një deklaratë se grupi i tij “mbetet me shpresë se pavarësisht nga pikëpamjet e prokurorittë përgjithshëm (të administratës së Presidentit Biden), gjyqtarët do të marrin në shqyrtim çështjen tonë dhe do t’i japin fund programit që favorizon pakicat në konkurrencën për pranimet në kolegje”.

Harvard nuk pranoi të komentonte çështjen.

Përdorimi i veprimit afirmativ i ka rezistuar shqyrtimit në Gjykatën e Lartë për dekada, përfshirë rastin e një vendimi të vitit 2016 që përfshinte një student të bardhë të mbështetur nga zoti Blum, i cili sfidoi një politikë të ngjashme të Universitetit të Teksasit, megjithëse gjykatësit ngushtuan fushën e zbatimit të saj.

LEXO EDHE:  Nga masakrimi me thikë i dy motrave deri tek ekzekutimi i dy të rinjve në Patos/ Vrasjet që tronditën 2019-ën

LEXO EDHE:  Beqaj dhe Kodheli, dhunë ndaj gazetarëve

Gjykata e Parë e Apelit me bazë në Boston në nëntor vendosi që marrja në konsideratë e racës nga Harvardi nuk ishte “gjerësisht e palejueshme” dhe ishte “kuptimplotë” sepse parandalonte rënien e nivelit të larmisë racore në komunitetin e studentëve. Një gjykatës federal në vitin 2019 vendosi gjithashtu në favor të Universitetit të Harvardit pas një gjyqi tre-javor.

Harvardi, një nga universitetet më prestigjioze të botës, ka thënë se numri i studentëve afrikano-amerikanë dhe hispanikë do të ulej me gati gjysmën e shifrës aktuale nëse do të eliminohej programi i tij i veprimit afirmativ. Avokatët e Harvardit thanë se ajo e konsideron garën “vetëm në një mënyrë fleksibile dhe jo-mekanike” dhe nuk favorizon automatikisht konkurrenca të caktuara për të vendosur se cilët studentë do të pranojnë.

Grupi i aktivistit Edward Blum paraqiti një padi në vitin 2014, duke akuzuar Harvardin për shkeljen e Nenit të VI të Aktit për të Drejtat Civile të vitit 1964, i cili ndalon diskriminimin bazuar në racë, ngjyrë ose origjinë kombëtare të studentëve nga një program ose aktivitet që merr ndihmë financiare federale. Harvardi është një universitet privat me seli në Kembrixh të Masaçusetsit, që merr fonde federale.

Grupi Studentët për Pranimet e Drejta ka thënë se anëtarët e saj përfshijnë aplikantë Aziatiko-Amerikanë të refuzuar nga Harvardi. Identitetet e këtyre aziatiko-amerikanëve nuk janë publikuiar gjatë gjithë procesit gjyqësor. Zoti Blum ka thënë se të gjithë ata shënuan rezultate të larta në teste dhe morën pjesë në aktivitete jashtëshkollore në shkollat e tyre të mesme dhe se avokatët e Harvardit morën në pyetje shumë prej tyre gjatë procesit gjyqësor./ VOA

LEXO TE PLOTE