Connect with Us

Vjosa Osmani takon presidentin slloven/ “Kufijtë e Kosovës janë përcaktuar në vitin 2008”

Kosova & Rajoni

Vjosa Osmani takon presidentin slloven/ “Kufijtë e Kosovës janë përcaktuar në vitin 2008”

Publikuar

-

Pas më shumë se një orë takim me presidentin slloven, Borut Pahor, presidentja e Kosovës, Vjosa Osmani ka thënë se pret nga Sllovenia që të vazhdojë bashkëpunimin në fushën e mbrojtjes dhe arsimit. Në lidhje me kufijtë e Kosovës, znj. Osmani ka thënë se ata janë përcaktuar në vitin 2008, ndaj tani duhet të diskutohet për çështje aktuale.

“Kufijtë tonë janë përcaktuar në vitin 2008. Kosova do të ulet në tavolinë për të trajtuar tema që janë të rëndësishme për vendin tonë”, tha ajo.

Vjosa Osmani dhe homologu i saj slloven kanë diskutuar për përgatitjet e nevojshme për procesin e Brdu-Brijuni dhe nevojën për përshpejtimin e procesit të integrimit evropian të Kosovës. Znj. Osmani ka kërkuar mbështetje për vaksinat kundërt COVID-19.

“E sigurova presidentin qe Kosova e ka prioritet integrimin evropian. Reformat që duhet të ndërmerren nuk i shohim si të imponuar por për nevojën e qytetarëve tanë. E potencuam qartë që Kosova i ka plotësuar kriteret për liberalizimin të vizave. Jo që ka plotësuar kriteret, por dyfishin e tyre. Është një pritje e gjatë dhe i mbetet BE-së të mbajë premtimin. E njoftova presidentin për faktin që akoma kemi nevojë për mbështetje sa i përket vaksinave. Shpresoj qe Sllovenia që ndihmojë Kosovën, sepse siç thotë edhe populli ynë “miku i mirë gjendet në ditë të vështira”, tha ajo.

LEXO EDHE:  Ish-ambasadori Cejku/ “Të njihet Kosova, kjo i hap rrugë marrëveshjeve të tjera”

Në konferencën e përbashkët për media, presidenti i Sllovenisë, Borut Pahor ka deklaruar se do të këshillohen mbi vështrimet dhe perspektivën evropiane.

“Do të provojmë të shohim se a mund të themi diçka më optimiste sa i përket perspektivës evropiane të shteteve të Ballkanit. Në aspektin e paqes dhe sigurisë, në zonën e Ballkanit Perëndimor është me rëndësi që të vihet deri në një qëndrim të BE-së se zgjerimi është domosdoshmëri gjeopolitike e karakterit primar. BE duhet të përshpejtojë këtë proces dhe ta shohë këtë hapësirë si tërësi”, tha ai. Euronews.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Qeveria nuk ka filluar vaksinimin në veri të vendit

Publikuar

-

Nga

BE-ja humb betejën ligjore me AstraZenecan për furnizim me vaksina

Që nga fundi i vitit 2020, mijëra qytetarë serbë të Kosovës janë vaksinuar në Serbi.

Në Institutin e Shëndetit Publik në Mitrovicën e Veriut, që është pjesë e sistemit shëndetësor të Serbisë, thonë për Radion Evropa e Lirë se qytetarët që jetojnë në katër komunat në veri të Kosovës, vaksinohen në Rashkë, ata nga rajoni i Anamoravës (Gjilan, Kamenicë, Viti) shkojnë në Bujanoc, ndërkaq qytetarë të tjerë nga Kosova shkojnë edhe në Kurshumli.

“Deri më tash në ato qytete kanë marrë dozën e parë të vaksinës kundër COVID-19, rreth 24.000 serbë nga Kosova, ndërkaq që dozën e dytë e kanë marrë 22.500 persona”, thuhet në përgjigje.

Vaksinimin e qytetarëve serbë të veriut në Serbi, e ka konfirmuar edhe zëvendëskryetarja e Komunës së Mitrovicës së Veriut, Adrijana Hoxhiç.

Ajo tha për Radion Evropa e Lirë se vaksinimi i nisur në Prishtinë, nuk ka filluar në veri të Kosovës, pasi sipas saj, qytetarët e kësaj pjesë të Kosovës, janë vaksinuar me vaksinat e siguruara nga Qeveria e Serbisë.

“Në veri, unë me sa e di qytetarët janë vaksinuar në Rashkë, përmes spitalit i cili po funksionon në veri. Qytetarët e veriut në përgjithësi kanë shkuar andej (në Serbi), nuk ka pasur vaksinim në vend (në Kosovë)”, tha Hoxhiç.

Radio Evropa e Lirë ka kërkuar përgjigje nga Ministria e Shëndetësisë të Kosovës lidhur me procesin e vaksinimit, por zyrtarë të kësaj ministrie nuk kanë kthyer përgjigje lidhur me vaksinimin e qytetarëve në komunat në veri të Kosovës, që janë me shumicë serbe.

Anëtarët e Komisionit për Shëndetësi në Kuvendin e Kosovës, thonë se ministri i Shëndetësisë, Arben Vitia ka dështuar në sigurimin e vaksinave kundër COVID-19.

Bekim Haxhiu, deputet i Partisë Demokratike të Kosovës (PDK), tha për Radion Evropa e Lirë se Ministria e Shëndetësisë dhe Qeveria e Kosovës, ka propaganduar për fillimin e vaksinimit në masë.

Ai tha se aktualisht Kosova nuk ka vaksina të mjaftueshme.

“Deri më tani Kosovës i janë dhuruar donacion rreth 180 mijë vaksina, derisa janë vaksinuar mbi 118 mijë qytetarë. Pra, në stok janë më pak se 60 mijë vaksina dhe me më pak se 60 mijë vaksina nuk mund të pretendohet që të ketë vaksinim në masë. Por, me propagandë dhe me reklamë nuk bëhet vaksinimi, por me vaksina dhe me punë konkrete”, tha Haxhiu.

Haxhiu nuk pret që deri në fund të vitit të vaksinohen 60 për qind e qytetarëve, ashtu edhe siç ka premtuar ministri i Shëndetësisë, Arben Vitia.

“Ministria nuk jep informata se ku janë vaksinat tjera, kur do të arrijnë vaksinat tjera? Nëse e mban fshehtë çmimin se sa i ka kontraktuar dhe që lë edhe shumë hapësirë për dyshime sa i përket çmimit të kontraktimit të blerjes së vaksinave. Nuk ka aspak transparencë në këtë proces, ministria është tërësisht e mbyllur sa i përket këtij procesi”, tha Haxhiu.

LEXO EDHE:  Haradinaj: Një pakt i paqes me Serbinë është krejt çka Kosova mund të japë

LEXO EDHE:  Marrëveshje në Bruksel:Austria aplikon për kodin telefonik të Kosovës, Serbia me kompani telefonie në Kosovë

Deputeti Haxhiu tha se vaksinimi duhet të ndodh në të gjithë territorin e Kosovës, edhe pse një pjesë e qytetarëve të Kosovës sipas tij, janë vaksinuar në Serbi dhe në Shqipëri.

Ish-ministri i Shëndetësisë në qeverinë e kaluar, Armend Zemaj, tha për Radion Evropa e Lirë se jo që nuk ka vaksinim masiv, por ka vetëm mashtrim optik.

“Jemi vendi me më së keqi sa i përket vaksinimit, sidomos doza e dytë pothuajse nuk ka kaluar më shumë 10 mijë. Vaksinat do të vijnë, por me këtë logjikë do të vijnë në pjesën e fundit të vitit, edhe atëherë cili është rezultati i ruajtjes së shëndetit publik”, tha Zemaj.

Zemaj tha se Ministria e Shëndetësisë deri më tani nuk ka treguar asnjë informatë për të vaksinuarit në pjesën veriore e as për të vaksinuar në komunat tjera që janë me shumicë serbe, por as për qytetarët që janë vaksinuar jashtë territorit të Republikës së Kosovës.

Ministria e Shëndetësisë në Kosovë më 15 qershor (të martën), nisi fushatën e vaksinimit në masë, duke premtuar se deri në fund të vitit do të vaksinohen 60 për qind e qytetarëve të Kosovës.

Por, me ritmin aktual, vështirë të arrihet numri prej 320 mijë qytetarëve të vaksinuar brenda muajit, ashtu siç është premtuar nga ministri i Shëndetësisë, Arben Vitia.

“Deri në fund të vitit do të kemi në dispozicion rreth 2 milionë doza të vaksinave anti-COVID, dhe nëse e bëjmë një llogaritje i bie që brenda muajit të kemi mundësinë që brenda muajit të vaksinojmë 320 mijë qytetarë”, deklaroi Vitia më 15 qershor, ku bëri të ditur se vaksinimi masiv do të vazhdojë deri më datën 15 dhjetor.

Që nga fillimi i fushatës së vaksinimit në Kosovë më 29 mars të këtij viti e deri të premten, sipas Koordinatorit të Qendrës së Vaksinimit në Sallën ‘1 Tetori’ në Prishtinë, Niman Bardhi, janë vaksinuar rreth 130 mijë qytetarë të Kosovës.

“Totali i përgjithshëm i dozave të dhëna deri në këto qaste në nivel vendi, janë mbi 129 mijë e 200 vaksina”, tha Bardhi të premten para gazetarëve.

Kosova ka pranuar donacione vaksinash nga programi COVAX i Organizatës Botërore të Shëndetësisë dhe nga Bashkimi Evropian.

Në muajin maj, autoritetet e Kosovës kanë njoftuar se kanë nënshkruar një kontratë me kompaninë farmaceutike amerikane Pfizer, për blerjen e mbi 1 milion dozave të vaksinës Pfizer/BioNTech./REL

LEXO TE PLOTE

Kosova & Rajoni

“Nëna e Karolinës e shokuar”/ Situatë dramatike në të dy familjet, çfarë deklaruan të afërmit

Publikuar

-

Nga

Nëna e 20-vjeçares britanike që u vra nga bashkëshorti në Greqi po e përjeton tragjedinë nga e para tashmë që u zbulua e vërteta. Mediat në vend, duke cituar njerëz të njohur pranë gruas, thonë se si në familjen e vajzës ashtu edhe në atë të Babis Anagnostopulos situata është dramatike.

Nëna e Carolinë është në gjendje shoku pasi nuk kishte dyshuar për asnjë minute tek dhëndri.

“Susanna është shumë e revoltuar. Është e mbushur me mllef dhe ka shumë arsye të jetë kështu. I duket sikur po përjeton një makth. Ajo i kishte mbajtur të gjitha shpresat tek Babis, sepse e shihte si një vazhdim të vajzës. Nuk kishte dyshuar kurrë tek ai…”

Hariklia Theodorou tregoi për mediat se Susanna e kishte pikë të dobët të bijën dhe për këtë arsye e reja nuk donte që ta mërziste me realitetin që po përjetonte në martesën e saj.

LEXO EDHE:  Ish-ambasadori Cejku/ “Të njihet Kosova, kjo i hap rrugë marrëveshjeve të tjera”

LEXO EDHE:  Thaçi: Mosratifikimi i marrëveshjes së kufirit me Malin e Zi do të na kushtojë shtrenjtë

“Kjo është arsyeja se pse ajo nuk donte që ta mërziste të ëmën. Ajo ishte shumë krenare për martesën e tyre, për dhëndrin dhe për mbesën. Mendoj që Caroline nuk donte që t’ia prishte këtë imazh që ajo kishte krijuar.”

Ndërsa e pyetur për Babis, ajo tregon: “Ai ishte gjithnjë duke qeshur, nuk ishte nevrik. Nuk i tregonte emocionet e forta as gëzimin, as hidhërimin. Ishte shumë i dashuruar, vinte në ishull vetëm për t’i sjellë një buqetë me lule.”

Edhe familja e pilotit 32-vjeçar është në gjendje të rënduar.-shkruan abc news.

“Vëllai i tij është në shok, nuk mund ta besojë, ai është ende këtu në Alonissos. Nëse i njihni prindërit … Ata janë shenjtorë, të arsimuar, nuk e di se si do ta menaxhojnë atë.”

LEXO TE PLOTE

Kosova & Rajoni

Parlamenti i Malit të Zi, shkarkon ministrin që mohoi gjenocidin në Srebrenicë

Publikuar

-

Nga

Parlamenti i Malit të Zi, shkarkon ministrin që mohoi gjenocidin në Srebrenicë

Parlamenti i Malit të Zi, të enjten mbrëma shkarkoi ministrin e Drejtësisë dhe të Drejtave të Njeriut dhe Pakicave, Vladimir Leposaviç, për shkak të qëndrimit të tij mohues ndaj gjenocidit në Srebrenicë.

Shkarkimi i tij u bë me propozimin e kryeministrit malazez, Zdravko Krivokapiç. Për shkarkimin e tij votuan 43 nga 81 deputetet e parlamentit malazez, ndërsa 27 ishin kundër. Propozimi u mbështet edhe nga Partia Demokratike Socialiste e presidentit Milo Gjukanoviç, që është në opozitë.

Kryeministri Zdravko Krivokapiç, propozoi shkarkimin e ministrit Leposaviç, pasi që në një seancë parlamentare më 26 mars të këtij viti, ai tha se është i gatshëm të pranojë se në Srebrenicë ka ndodhur gjenocid “kur një gjë e tillë të vërtetohet përtej çdo dyshimi”.

Deklarata e tij shkaktoi reagime të ashpra në opinionin vendas e ndërkombëtar. Kritikët thanë se ministri Leposaviç sfidoi edhe legjitimitetin e Gjykatës së Hagës për krime lufte në ish-Jugosllavi, që ka konstatuar se në Srebrenicë ka ndodhur gjenocid.

Kryeministri Krivokapiç tha se Vladimir Leposaviç, si ministër ka qenë i detyruar që t’i përgjigjej pyetjes parlamentare rreth Srebrenicës në frymën e politikës së qeverisë, e jo në frymën e debatit akademik.

LEXO EDHE:  Albin Kurti flet para takimit me Osmanin/ Ky është fillimi i qeverisjes së re

LEXO EDHE:  20 vjet nga terrori seb në Kosovë/ Del video e papublikuar më parë

“I kam kërkuar dorëheqjen sepse është më mirë që me një akt personal, të tregojmë përgjegjësi”, tha kryeministri Krivokapiç.

Megjithatë, ministri Leposaviç nuk pranoi të ofrojë dorëheqje, pasi u mbështet edhe nga një shumicë e deputetëve proserb pjesë e partive në pushtet. Partia pro-ruse në Mal të Zi, Fronti Demokratik, e mbështeti ministrin duke vlerësuar se “Leposaviç nuk tha asgjë që nuk është pozicioni i çdo serbi në Mal të Zi”.

Pjesëtarët e kësaj partie paralajmëruan se shkarkimi i tij mund të çojë në rënien e qeverisë malazeze ditëve në vijim.

Parlamenti malazez po ashtu miratoi një rezolutë me të cilën ndalohet mohimi i gjenocidit ne Srebrenicë. Në mbështetje të rezolutës votuan 55 deputetë, 19 ishin kundër dhe 7 veta abstenuan.

Në korrik të vitit 1995, forcat e serbëve të Bosnjës pushtuan Srebrenicën, një qytetit që ishte shpallur zonë e sigurt nga Kombet e Bashkuara. Më shumë se 8 mijë burra e djem boshnjakë u ekzekutuan dhe trupat e tyre u hodhën në varreza masive në zonë. Ajo ishte ngjarja më e rëndë në Evropë pas Luftës së Dytë Botërore dhe u shpall si gjenocid nga gjykatat e Kombeve të Bashkuara./ VOA

LEXO TE PLOTE