Connect with Us

Raporti i DASH-it për lirinë e besimit vë re probleme të trashëguara në Shqipëri dhe në Kosovë

Aktualitet

Raporti i DASH-it për lirinë e besimit vë re probleme të trashëguara në Shqipëri dhe në Kosovë

Publikuar

-

Raporti i DASH-it për lirinë e besimit vë re probleme të trashëguara në Shqipëri dhe në Kosovë

Departamenti amerikan i Shtetit publikoi të mërkurën raportin e tij vjetor mbi gjendjen e lirisë së besimit në botë, që përfshinë të dhëna për gjendjen e lirisë së besimit në 200 shtetet e territore dhe dokumenton shkeljet e kryera nga qeveritë, grupet terroriste dhe individët.

Raporti analizon në kapituj të veçantë edhe gjendjen e lirisë së besimit në Shqipëri dhe Kosovë, në të cilët theksohen kryesisht probleme të trashëguara.

Në pjesën për Shqipërinë, raporti sërish nënvizon se kushtetuta garanton lirinë e besimit. Ajo përcakton se nuk ka një fe zyrtare, thotë se shteti është neutral në çështjet e besimit, njeh barazinë dhe pavarësinë e grupeve fetare dhe ndalon diskriminimin në baza fetare.

Qeveria ka marrëveshje të veçanta me komunitetet fetare dhe ligji përcakton që qeveria do të japë mbështetje financiare për to. Por marrëveshja me Vëllazërinë Ungjillore Shqiptare (VUSH) sipas ligjit nuk e përcakton në mënyrë të qartë atë që të marrë një mbështetje të tillë, dhe me gjithë raportimin e VUSH-it qeveria nuk ndau fonde.

Raporti vë re se qeveria legalizoi 92 ndërtesa në pronësi të komuniteteve fetare gjatë vitit, krahasuar me 164 në vitin 2019, ndërsa statusi i 32 pronave të tjera mbeti nën shqyrtim.

“Korrupsioni, mungesa e njohurive për kompetencat dhe juridiksionin mbi çështjet e pronës dhe ngarkesat e mëdha në sistemin gjyqësor, penguan komunitetet fetare të kërkojnë pronën e tyre, sipas burimeve të shumta të shoqërisë civile”, thuhet në raport.

Para mbajtjes së forumit për antisemitizmin më 28 tetor, parlamenti njëzëri miratoi përkufizimin e Aleancës Ndërkombëtare të Përkujtimit të Holokaustit për antisemitizmin.

Udhëheqësit fetarë mbështetën masat parandaluese të qeverisë për shkak të pandemisë së COVID-19, duke anuluar tubimet për dy muaj.

Ambasada amerikane u bëri thirrje zyrtarëve të qeverisë që të përshpejtojnë procesin e zgjidhjes së pretendimeve për pronat dhe t’u kthejnë komuniteteve fetare ndërtesat dhe pronat e tjera të konfiskuara gjatë epokës komuniste. Pandemia e COVID-19 ngadalësoi programet e mbështetura nga ambasada të përqendruara në zhvillimin e gjithëpërfshirjes në komunitet, promovimin e fuqizimit të grave në komunitetet fetare dhe theksimin e pajtueshmërisë së besimit fetar dhe demokracisë. Ambasada vazhdoi punën e saj me komunitetet fetare për të dekurajuar tërheqjen nga ekstremizmi i dhunshëm midis të rinjve. Më 5 nëntor, Komuniteti Mysliman i Shqipërisë nisi një raund tjetër të një projekti të mbështetur nga ambasada për të zhvilluar aftësi të të menduarit kritik mes të rinjve dhe për t’i inkurajuar ata të mendojnë për marrëdhëniet midis demokracisë, shoqërisë dhe besimit.

Qeveria amerikane vlerëson se nga 3.1 milionë sa është popullsia në Shqipëri, sipas një vlerësimi të mesit të vitit 2020 myslimanët suni përbëjnë 57 për qind të popullsisë, katolikët 10 për qind, ortodoksët afro 7 për qind dhe bektashinjtë 2 për qind.

Shkollat publike janë sekulare, thuhet në raport, ndërsa shkollat private mund të ofrojnë mësime fetare. Bashkësitë fetare drejtojnë 113 institucione arsimore përfshirë universitete, shkolla fillore e të mesme, institucione parashkollore, kopshte, shkolla profesionale dhe jetimore. Shumica e tyre nuk kanë lëndë të detyrueshme të fesë, por i ofrojnë ato si zgjedhore.

Qeveria vazhdoi procesin e legalizimit të xhamive jozyrtare, kishave katolike dhe ortodokse dhe teqeve të ndërtuara pas rënies së komunizmit në fillim të viteve 1990. Agjencia Shtetërore e Kadastrës raportoi se gjatë vitit, ajo legalizoi 92 ndërtesa fetare, duke përfshirë 22 kisha katolike dhe ndërtesa të tjera të kishës katolike, 58 xhami dhe ndërtesa të tjera të komunitetit mysliman, katër kisha ortodokse dhe shtatë teqe. Tridhjetë e dy ndërtesa të tjera mbetën nën shqyrtim.

LEXO EDHE:  Gjosha: Shqipëria dhe Kosova të bashkuar në rrugën e integrimit

Raporti vë re disa mospërputhje midis shifrave të raportuara nga Kadastra dhe atyre të komuniteteve fetare. Komuniteti Mysliman raportoi se mori letrat e legalizimit për 27 xhami nga 353 kërkesa të mbetura. Kisha Ortodokse tha se Kadastra legalizoi katër nga 15 ndërtesa për të cilat kishte bërë kërkesë gjatë vitit. Komuniteti Mysliman raportoi se mori 1.26 milion lekë (afërsisht 12,600 dollarë) si kompensim për ndërtimet e paligjshme në pronën e tij.

Në kapitullin për Kosovën, raporti rithekson se kushtetuta ndalon diskriminimin fetar dhe siguron lirinë e besimit, por tërheq vërejtjen se ligji nuk lejon që grupet fetare të regjistrohen si persona juridik, duke krijuar pengesa për ta në kryerjen e punëve të tyre.

Në shtator, qeveria miratoi ndryshimet që do t’u siguronin komuniteteve fetare një status të tillë dhe do t’u mundësonin të zhvillojnë biznes në emrin e tyre dhe të përfitojnë lehtësira të caktuara tatimore, por parlamenti nuk arriti të miratojë ndryshimet për shkak të mungesës së kuorumit.

Raporti thekson se sipas Bashkësisë Islame të Kosovës (BIK), në shumë raste, shkollat fillore publike ua ndaluan ndjekjen e mësimeve nxënëseve më veshje fetare.

Raporti kujton se më 4 shtator, qeveritë e Kosovës dhe Serbisë nënshkruan një listë të angazhimeve në Uashington, të ndërmjetësuara nga Shtëpia e Bardhë, që përfshinte një zotim për të mbrojtur dhe promovuar lirinë e besimit, mbrojtjen e zonave fetare, zbatimin e vendimeve gjyqësore në lidhje me Kishën Ortodokse Serbe (KOS) dhe kthimin e pronave të hebrenjve.

Kisha Ortodokse Serbe tha se mungesa e komunikimit konstruktiv me disa qeveri komunale i pengoi pelegrinët ortodoksë serbë të vizitonin lirshëm disa tempuj dhe varreza. Ajo tha se qeveria dështoi të zbatojë plotësisht Ligjin mbi Zonat e Veçanta të Mbrojtura duke dështuar të parandalojë ndërtimin e rrugëve përreth Manastirit të Deçanit. Por raporti thekson se qeveria ndaloi punimet në muajin gusht pas ndërhyrjes së komunitetit ndërkombëtar.

Autoritetet lokale dhe qendrore, thuhet në raport, vazhduan të injorojnë një vendim gjykate të vitit 2016 mbi pronësinë e KOS-it mbi disa parcelave të tokës pranë Manastirit të Deçanit.

Policia tha se pati raporte për 57 incidente kundër zonave fetare ose varrezave gjatë vitit, krahasuar me 61 sa ishin në vitin 2019. Policia i cilësoi shumicën e incidenteve si vjedhje, megjithëse disa përfshinin dëmtime në varreza ose prona të tjera. Shumica e incidenteve kishin në shënjestër komunitetin mysliman, megjithëse disa përfshinin Kishën Ortodokse dhe pronat e Kishës Katolike.

Sipas KOS-it, shumë incidente që përfshinin vendet fetare të saj ishin të lidhura me përkatësinë etnike serbe, si dhe besimin, ndërsa pati incidente që nuk u raportuan në polici.

Zyrtarët e ambasadës amerikane, thuhet në raport, vazhduan të inkurajojnë qeverinë të miratojë ndryshime ligjore që lejojnë komunitetet fetare të fitojnë statusin ligjor, të zbatojnë mekanizmat për të mbrojtur lirinë e besimit, të zbatojnë legjislacionin dhe vendimet gjyqësore që kanë të bëjnë me Kishën Ortodokse Serbe dhe të zgjidhin mosmarrëveshjet pronësore me të. Ambasadori dhe përfaqësues të tjerë të ambasadës diskutuan çështjet e lirisë fetare, përfshirë mbrojtjen e barabartë dhe çështjet e të drejtave pronësore, me udhëheqësit fetarë dhe të shoqërisë civile dhe inkurajuan tolerancën fetare dhe përmirësimin e dialogut ndërfetar.

Qeveria amerikane vlerëson se nga 1.9 milion banorë sa vlerësohet se ka Kosova, 95.6 për qind janë myslimanë, 2.2 për qind katolikë si dhe 1.4 për qind i përkasin besimit ortodoks. Disa nga komunitetet me te vogla kanë kundërshtuar të dhënat e regjistrimit dhe kanë shprehur mosbesim në metodologjinë e tij./voa

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

PD-LSI sërish në opozitë/ Kush janë 63 deputetët që do të përfaqësojnë qytetarët në Parlamentin e ardhshëm

Publikuar

-

Nga

PD-LSI mbetën në opozitë/ Kush janë 63 emrat që do të përfaqësojnë qytetarët në Parlamentin e ardhshëm

Partia Demokratike do të vijoj të mbetet në opozitë edhe për katër vitet e ardhshme.

Zgjedhjet e 25 prillit i dhanë një “goditje” kësaj partie, e cila do të jetë në minorancë në Kuvendin e ardhshëm. Gati tre vite pas bojkotit, PD dhe LSI do të rikthehen në institucionin e përfaqësimit të qytetarëve, për të diskutuar mbi problematikat e këtyre të fundit.

Por kush do të jenë ligjvënësit e PD-LSI?

Në qarkun e Beratit, PD arriti të siguronte vetëm dy deputetë, Tomor Alizotin i cili ishte edhe drejtues qarku që mori 5117 vota dhe Kasëm Mahmutaj me 4323 vota. Ndërsa partia e Monika Kryemadhit nuk arriti të merrte asnjë mandat.

Në qarkun e Dibrës, si bastion i së djathtës, demokratët arritën të siguronin tre mandate.

Kështu, në Kuvendin e ardhshëm do të ulet ish kryebashkiaku i Kamzës Xhelal Mziu që mori 5321 vota, Kreshnik Çollaku me 5093 vota dhe Dhurata Çupi me 2870 vota. Edhe në këtë qark, LSI mori rezultat humbës, pa asnjë mandat.

Në qarkun e Durrësit, PD nuk arriti dot objektivin e saj për të marrë tetë mandate, duke siguruar vetëm gjashtë të tilla.

Emrat që do të ulen në Kuvendin e ardhshëmj janë Edi Paloka me 4212, kreu i PAA Agron Duka me 4731 vota, Merita Bakiu me 3159 vota, Oerd Bylykbashi me 3756 vota, Ferdinant Xhaferaj me 6080 vota dhe Andia Ulliri, deputetja më e vogël në moshë që arriti të siguronte 5595 vota.

Qarku i Elbasanit i “dhuroi” PD-së vetëm gjashtë deputetë, të cilët do të jenë në legjislaturën e re që do të konstituohet në shtator. Sekretari i përgjithshëm Gazment Bardhi arriti të siguronte 3999 vota, shkrimtarja Flutura Açka me 1793 vota, Lefter Gështenja arriti të siguronte 5023 vota, Dashnor Sula me 7533 vota, Zheni Gjergji me  2221 vota dhe Luçiano Boçi, i cili arriti të thyente hersin duke siguruar vendin e tij në Kuvend. Boçi mori nga qytetarët e Elbasanit plot 11.086 vota.

Ndërsa LSI doli pa asnjë mandat, ndonëse në këtë qark kandidonte vetë kryetarja e kësaj partie Monika Kryemadhi.

Qarku i Fierit, si bastion i majtë, edhe në këto zgjedhje nuk dha ndonjë surprizë për demokratët. PD mori vetëm gjashtë mandate dhe deputetët e ardhshëm do të jenë: Enkelejd Alibeaj, i cili mori 5225 vota, Eralda Bano(Tase) me 1295 vota, Saimir Korreshi me 4887 vota, Luan Baçi me      5315 vota, Nustret Avdulla me 2506 vota dhe  Ilda Dhori me 3858 vota.

Ndërsa LSI, në këtë qark mori vetëm një mandat dhe përfaqësuesj e qytetarëve fierak do jetë Monika Kryemadhi, e cila e pranoi ditën e sotme mandatin.

Tritan Shehu ishte emri i vetëm demokrat që do të përfaqësojë qytetarët e qarkut të Gjirokastrës, duke mos plotësuar objektivin e tyre në zgjedhjet e 25 prillit.

Në qarkun e Korçës, PD arriti të siguronte vetëm pesë mandate. Drejtuesi politik Edmond Spaho arriti të siguronte 5938 vota. Karrigen e deputetit arritit ta siguronte edhe Sorina Koti me 1622 vota, më pas vjen Ervin Salianji me 9428 vota, Bledjon Nallbati me 7415 vota dhe Seladin Jakupllari me 7425 vota.

Edhe në këtë qark, LSI rezultoi me zero mandate.

Qarku i Kukësi, si bastion i së djathtës do të ketë dy përfaqësues në Kuvendin e ardhshëm, Flamur Hoxhën me 9159 vota dhe Isuf Çelajn me 5257 vota.

LEXO EDHE:  Koronavirusi!/ Brenda 24 orëve janë testuar 3 raste të dyshuara

LEXO EDHE:  Fillon kriza e call center/ Kompanitë reduktojnë kontratat në Shqipëri

Nga zgjedhjet e 25 prillit, qarkun e Lezhës do e përfaqësojnë në Kuvendin e ardhshëm katër emra; Mark Marku, i cili siguroi 5321 vota, Agron Gjekmarkaj me 4067 vota, Lindita Metaliaj me 2328 vota dhe Kastriot Piroli me 9374.

Qarku i Shkodrës i qëndroi besnik PD, duke i garantuar në zgjedhjet e 25 prillit 5 mandate deputetësh.

Emrat që pritet të ulen në shtator në Kuvendin e ardhshëm janë: Drejtuesi politik i këtij qarku Helidon Bushati me 6743 vota, Emilja Koliqi me 1364 vota, Ramadan Likaj me 4778 vota, Greta Bardeli me 2753 vota dhe Zef Hila me 5975 vota.

Ndërsa LSI arriti të siguronte vetëm një mandat në këtë qark. Agron Çela mori besimin e 2656 qytetarëve, të cilët do i përfaqësojë në Kuvend.

Qarku i Vlorës, si bastion i majtë historikisht i dha PD vetëm katër mandate. Deputetët që do të përfaqësojnë qytetarët në Kuvend në shtator janë: Bujar Leskaj me 5254 vota, Ina Zhupa me 3511, Fation Veizaj me 3551 vota dhe Arbi Agalliu me 1484 vota.

Qarku i Tiranës, si më i madhi ishte një zhgënjim për demokratët. Komponentë nga selia blu pretendonin para zgjedhjeve se objektivi i tyre bazë ishte 18 mandate, por që në 25 prioll siguruan vetëm 15 të tilla. Kreu i PD Lulzim Basha që ishte dhe i pari në listë arriti të siguronte 16.208 vota. E dyta renditej Jorida Tabaku me 5943 vota, më pas vjen Alfred Rushaj me 2339 vota, Albana Vokshi me 2931 vota dhe ish kryeministri Sali Berisha  me 6774.

Më tej, edhe Agron Shehaj siguroi vendin në Kuvendin e ardhshëm, duke “rrëmbyer” 13.862 vota, kreu i PR Fatmir Mediu mori 6568 vota, Grida Duma  me 8695 vota dhe kreu i çamëve Shpëtim Idrizi me 7452 vota.

Kreu i FRPD Belind Këlliçi do të jetë pjesë e Kuvendit të ardhshëm. Ai arriti të tejkalonte bindshëm objektivin e vënë nga Basha, duke siguruar 11.602 vota.

Vangjel Dule kreu i PBDNJ edhe pse me një numër të ulët votash, vetëm 848 të tilla sërish do të jetë pjesë e legjislaturës së re dhe këtë vend arriti ta siguronte falë hyrjes me lista të përbashkët të PD me aleatët e saj të vegjël.

Mesila Doda e cila mori 2358 vota, kreu i LZHK Dashamir Shehi me 5438 vota, Flamur Noka me 6879 vota dhe Orjola Pampuri me 3301 vota do të jenë pjesë e ligjvënësve në minorancë.

Ndërsa LSI në qarkun e Tiranës arriti të siguronte vetëm dy mandate, Monika Kryemadhin me 2446 vota dhe Erisa Xhixhon me 1066 vota. Por duke qenë se kryetarja e LSI deklaroi sot se do të merrte mandatin e fituar në qarkun e Fierit, vendin e saj në Tiranë ia la Petrit Vasilit, i cili arriti të merrte vetëm 362 vota nga qytetarët. Pra ky i fundit, mund të themi që është i vetmi deputet me numrin më të ulët të votave.

Por “surprizë” ishte PSD e Tom Doshit, që mori tre mandate deputeti, dy në Shkodër dhe një në Tiranë./CNA.al

LEXO TE PLOTE

Bota

Kosova dhe Bosnja, në mesin e vendeve që do të përfitojnë vaksina nga SHBA-ja

Publikuar

-

Nga

Kosova dhe Bosnja, në mesin e vendeve që do të përfitojnë vaksina nga SHBA-ja

Shtëpia e Bardhë paraqiti të hënën planin e saj për shpërndarjen e 55 milionë dozave të vaksinave kundër sëmundjes COVID-19.

Në mesin e vendeve përfituese gjenden edhe Kosova dhe Bosnje e Hercegovina.

“Derisa vazhdojmë të luftojmë pandeminë COVID-19 në shtëpi dhe të punojmë për t’i dhënë fund pandemisë në të gjithë botën, presidenti [Joe] Biden ka premtuar se Shtetet e Bashkuara do të jenë arsenal i vaksinave për botën”, tha përmes një deklarate Shtëpia e Bardhë.

Nga 55 milionë doza, 41 milionë do të shpërndahen përmes programit COVAX të Organizatës Botërore të Shëndetësisë.

Sipas Shtëpisë së Bardhë, rreth 14 milionë do të shkojnë në Amerikën Latine dhe Karaibe, 16 milionë në Azi dhe 10 milionë në Afrikë.

Pjesa e mbetur do të shpërndahet në bazë të “përparësive rajonale” në vende si Kolumbia, Argjentina, Irani, Ukraina, Bregu Perëndimor dhe Gaza.

LEXO EDHE:  LRI mbyll kampin veror/ Kryemadhi: Rinia është zemra e partisë, vitin tjetër Shqipëria do të jetë e lirë

LEXO EDHE:  Gjosha: Shqipëria dhe Kosova të bashkuar në rrugën e integrimit

Kosova dhe Bosnje e Hercegovina do t’i marrin vaksinat nga shpërndarja e drejtpërdrejtë.

Nuk është e qartë se sa vaksina do të përfitojnë këto dy vende dhe kur do të arrijnë ato.

Osmani konfirmon se SHBA-ja do të ndajë vaksina për Kosovën

Vaksinat janë pjesë e një kontingjenti prej 80 milionë sosh, që presidenti amerikan, Joe Biden, është zotuar se do t’i dhurojë për të ndihmuar luftimin e pandemisë.

Plani për shpërndarjen e 25 milionë dozave të para është bërë publik në fillim të këtij muaji.

Ditë më parë, gjatë një samiti të grupit të vendeve më të industrializuara – G7, Biden është zotuar se SHBA-ja do të dhurojë edhe një miliard vaksina të tjera kundër sëmundjes COVID-19./rel

LEXO TE PLOTE

Bota

Gjermania nis hetimet kundër Apple për mungesë besueshmërie ndaj iPhone iOS

Publikuar

-

Nga

Gjermania nis hetimet kundër Apple për mungesë besueshmërie ndaj iPhone iOS

Autoriteti Rregullator i Konkurrencës në Gjermani ka nisur një hetim kundër kompanisë së famshme Apple, për shkak të sistemit operues iOS.

Autoritetet gjermane thanë se ata kanë marrë ankesa të ndryshme rreth atyre që ata i quajnë “praktika potencialisht anti-konkurruese” nga Apple.

Ky hetim do të shqyrtojë nëse gjigandi i teknologjisë amerikane po e pengon tregun e lirë për rivalët e tij, me anë të sistemit operues të vendosur në telefonat celularë, iPhone.

Zyra Federale ‘Antitrust’ në Gjermani u shpreh me anë të një deklarate se ky veprim u bazua mbi një ligj të ri, i cili i jep atyre fuqi të shtuara, për të ndërmarrë veprime kundër shkeljeve të kompanive digjitale.

Facebook, Amazon dhe Google i janë nënshtruar këtyre hetimeve më parë për shkak të praktikave të tyre në fushat e konkurrencës dhe mbrojtjes së të dhënave personale.

Presidenti i këtij autoriteti, Andreas Mundt tha se do të hetohen edhe burimet teknologjike dhe financiare të Apple, si edhe qasja e kësaj kompanie tek informacionet private.

LEXO EDHE:  Shifra alarmante në Kosovë/ 12 viktima dhe 524 të infektuar me Covid në 24 orë

LEXO EDHE:  Fleckenstein: Shqipëria ka nevojë të luftojë fort krimin e organizuar dhe korrupsionit

“Një fokus kyç do të jetë edhe operimi i App Store, pasi në shumë raste ai i jep të drejtë Apple që të ndikojë në veprimet e palëve të treta,” shtoi Mundt.

Autoriteti shtoi gjithashtu se ata do të vlerësonin nëse Apple ka një “fuqi supreme në treg” që e paralizon konkurrencën e lirë.

Në një deklaratë, Apple u shpreh se “jemi të gatshëm të diskutojmë për qasjet tona” me rregullatorët gjermanë dhe se do të kishin një “dialog të hapur rreth të gjitha shqetësimeve të tyre”.

Apple gjithashtu shtoi se do të ishin “krenarë nëse do të mund të ishin një motor për inovacionin dhe vendet e reja të punës”. Vetëm platforma iOS raportohet të ketë punësuar 250,000 qytetarë në Gjermani.

Gjigandi amerikan i teknologjisë po përballet me një sërë çështjesh në të gjithë Bashkimin Evropian, rreth akuzës së dominimit të padrejtë në tregun e teknologjisë./euronews

LEXO TE PLOTE