Connect with Us

Gjyqtari Gramoz Levanaj ikën me dorëheqje nga drejtësia

Aktualitet

Gjyqtari Gramoz Levanaj ikën me dorëheqje nga drejtësia

Publikuar

-

Gjyqtari Gramoz Levanaj ikën me dorëheqje nga drejtësia

Komisioni i Pavarur i Kualifikimit vendosi më 14 prill të ndërpresë procesin e rivlerësimit për gjyqtarin e Apelit Tiranë, Gramoz Levanaj për shkak të dorëheqjes së tij, si dhe t’i heqë të drejtën për t’u emëruar në insitucionet e drejtësisë gjatë 15 viteve të ardhshme.

Trupa e shortuar për kryerjen e procesit të vetingut për Levanajn kryesohej nga Brunilda Bekteshi, me relator Olsi Komicin dhe anëtare Firdes Shulin. Sipas KPK, subjekti i rivlerësimit është shprehur se nuk ishte në konflikt interesi me asnjërin prej anëtarëve të trupit gjykues.

Në shtator të vitit 2020, Komisioni vendosi të mbyllë hetimin kryesisht vetëm për kriterin e pasurisë, ndërkohë që Levanaj ka kërkuar kohë shtesë për kthimin e përgjigjeve dhe hapjen e hetimit administrativ për dy kriteret e tjera, atë të pastërtisë së figurës dhe profesionalizmit. Komisioni ka shtyrë hetimin për një muaj, por e rrëzoi kërkesën për rihapjen e hetimit.

Pasi subjekti ka dorëzuar një pjesë të provave dhe ka kërkuar tjetër kohë shtesë për të siguruar dokumente të tjera, trupi gjykues i ka bërë me dije se përgjigjet që ai priste të merrte tashmë ishin administruar nga Komisioni dhe se gjendeshin në dosje.

Më 19 janar 2021, KPK ka vendosur ta ftojë subjektin në një seancë dëgjimore të planifikuar për 10 ditë më vonë. Por Levanaj ka dorëzuar raport mjekësor për arsye shëndetësore dhe trupi gjykues e ka shtyrë seancën dëgjimore për në datën 11 shkurt.

LEXO EDHE:  Vetting në politikë?/ Deputetët, vila në bregdet, dublex, makina luksoze e dhjetra apartamente

Dy ditë para se të zhvillohej seanca, gjyqtari Gramoz Levanaj i ka kërkuar Komisionit të pezullojë procesin deri në shqyrtimin nga ana e Këshillit të Lartë Gjyqësor, KLGJ të kërkesës së tij për “heqje dorë në mënyrë të parevokueshme nga statusi i gjyqtarit”, si dhe nga detyra në Gjykatën e Apelit Tiranë. Në vijim ai ka bërë me dije se nuk dëshironte të merrte pjesë në seancën dëgjimore.

Pasi KLGJ ka njoftuar për miratimin e kërkesës së subjektit për dorëheqje nga statusi i magjistratit si dhe për mosankimin e këtij vendimi, KPK ka vendosur të ndëpresë procesin e rivlerësimit.

“Trupi gjykues çmon se subjekti i rivlerësimit ka shfrytëzuar të drejtën që i njeh Kushtetuta dhe ligji, për dorëheqje nga statusi i magjistratit. Ndërprerja e procesit të rivlerësimit, për shkak të dorëheqjes së subjektit të rivlerësimit, sjell si pasojë përfundimin e kësaj procedure administrative…,” thuhet në vendimin e KPK-së./reporter.al

Nga apartamenti me vjehrrën tek luksi i Tiranës/ Hije dyshimi mbi pasurinë e gjyqtarit të Apelit

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Parlamenti i Malit të Zi, shkarkon ministrin që mohoi gjenocidin në Srebrenicë

Publikuar

-

Nga

Parlamenti i Malit të Zi, shkarkon ministrin që mohoi gjenocidin në Srebrenicë

Parlamenti i Malit të Zi, të enjten mbrëma shkarkoi ministrin e Drejtësisë dhe të Drejtave të Njeriut dhe Pakicave, Vladimir Leposaviç, për shkak të qëndrimit të tij mohues ndaj gjenocidit në Srebrenicë.

Shkarkimi i tij u bë me propozimin e kryeministrit malazez, Zdravko Krivokapiç. Për shkarkimin e tij votuan 43 nga 81 deputetet e parlamentit malazez, ndërsa 27 ishin kundër. Propozimi u mbështet edhe nga Partia Demokratike Socialiste e presidentit Milo Gjukanoviç, që është në opozitë.

Kryeministri Zdravko Krivokapiç, propozoi shkarkimin e ministrit Leposaviç, pasi që në një seancë parlamentare më 26 mars të këtij viti, ai tha se është i gatshëm të pranojë se në Srebrenicë ka ndodhur gjenocid “kur një gjë e tillë të vërtetohet përtej çdo dyshimi”.

Deklarata e tij shkaktoi reagime të ashpra në opinionin vendas e ndërkombëtar. Kritikët thanë se ministri Leposaviç sfidoi edhe legjitimitetin e Gjykatës së Hagës për krime lufte në ish-Jugosllavi, që ka konstatuar se në Srebrenicë ka ndodhur gjenocid.

Kryeministri Krivokapiç tha se Vladimir Leposaviç, si ministër ka qenë i detyruar që t’i përgjigjej pyetjes parlamentare rreth Srebrenicës në frymën e politikës së qeverisë, e jo në frymën e debatit akademik.

LEXO EDHE:  Vetting në politikë?/ Deputetët, vila në bregdet, dublex, makina luksoze e dhjetra apartamente

LEXO EDHE:  Ilir Meta dorëhiqet nga posti i kryetarit të LSI-së

“I kam kërkuar dorëheqjen sepse është më mirë që me një akt personal, të tregojmë përgjegjësi”, tha kryeministri Krivokapiç.

Megjithatë, ministri Leposaviç nuk pranoi të ofrojë dorëheqje, pasi u mbështet edhe nga një shumicë e deputetëve proserb pjesë e partive në pushtet. Partia pro-ruse në Mal të Zi, Fronti Demokratik, e mbështeti ministrin duke vlerësuar se “Leposaviç nuk tha asgjë që nuk është pozicioni i çdo serbi në Mal të Zi”.

Pjesëtarët e kësaj partie paralajmëruan se shkarkimi i tij mund të çojë në rënien e qeverisë malazeze ditëve në vijim.

Parlamenti malazez po ashtu miratoi një rezolutë me të cilën ndalohet mohimi i gjenocidit ne Srebrenicë. Në mbështetje të rezolutës votuan 55 deputetë, 19 ishin kundër dhe 7 veta abstenuan.

Në korrik të vitit 1995, forcat e serbëve të Bosnjës pushtuan Srebrenicën, një qytetit që ishte shpallur zonë e sigurt nga Kombet e Bashkuara. Më shumë se 8 mijë burra e djem boshnjakë u ekzekutuan dhe trupat e tyre u hodhën në varreza masive në zonë. Ajo ishte ngjarja më e rëndë në Evropë pas Luftës së Dytë Botërore dhe u shpall si gjenocid nga gjykatat e Kombeve të Bashkuara./ VOA

LEXO TE PLOTE

Kosova & Rajoni

Goditet nga rrufeja/ Humb jetën 51-vjeçari

Publikuar

-

Nga

Goditet nga rrufeja/ Humb jetën 51-vjeçari

Një 51-vjeçar  ka humbur jetën pasditen e sotme në Kosovë, pasi që është goditur nga rrufeja.

Lajmin për IndeksOnline e ka konfirmuar, Driton Rugova, zëdhënës i Policisë së Kosovë për Rajonin e Pejës.

“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova./CNA.al

LEXO TE PLOTE

Politikë

Nazarko zbulon gabimin e Bashës/ Humbi shumë vota për shkak të aleancës me LSI-në

Publikuar

-

Nga

Nazarko zbulon gabimin e Bashës/ Humbi shumë vota për shkak të aleancës me LSI-në

Analisti Shpëtim Nazarko, ka analizuar mbrëmjen e sotme humbjen e Partisë Demokratike në zgjedhjet e 25 prillit.

Tkurrjen e mbështetjes për PD-në, ai e lidh me aleancat që Lulzim Basha ka lidhur gjatë kohës që ka qëndruar në opozitë.

Nazarko tha në emisionin “Real Story” se kreu i PD-së ka humbur shumë vota për shkak të aleancës së tij LSI-në.

Unë mendoj që Basha do të fitonte normalisht, sepse ka disa pika që gjykoj si një njeri që spostohem prapa në histori. Një nga gabimet e mëdha është që ai ka thënë njeri Berishës, kur bëri aleancë me Metën, deri kur do të bëhej ajo? Ja pse unë do e zgjidhja prapë Bashën në krye të PD. Unë pëlqej që ngjarjet t’i gjykoj si një njeri që rri 10 vite prapa.

LEXO EDHE:  “Më mungon jeta private”/ Lleshaj zbulon të ardhmen e tij në politikë, ku do jetë pas dorëheqjes

LEXO EDHE:  Vetting në politikë?/ Deputetët, vila në bregdet, dublex, makina luksoze e dhjetra apartamente

Nga 2009 deri në vitin 2021 PD ka humbur dhe unë mendoj që Basha tani, ka humbur për shkak ë aleancës me LSI-në, sepse janë 160 mijë vota. Këto vota Basha thotë që më është dashur shumë t’i nxjerr nga qypi. Basha ka pasur dy probleme të mëdha.

Ka teori konspirative që është bërë bashkë me Ramën për të hequr qafe Metën. Madje dhe presidenti tha që më nxorën në pritë. Kjo është tipike e dinakëve, dembelë. Unë s’i jap meritë Bashës. Basha që kur e ka marrë në 2013-ën duhej të merrej me këtë histori”, tha Nazarko./ CNA.al

LEXO TE PLOTE