Connect with Us

Sherri në “Selman Stërmasi”, Komisioni i Disiplinës bën kërdinë me dënimet

Sport

Sherri në “Selman Stërmasi”, Komisioni i Disiplinës bën kërdinë me dënimet

Publikuar

-

Komisioni i Disiplinës dhe ai i Etikës ka publikuar së fundmi të gjitha masat ndëshkimore të marrja për sjelljet josportive të ndodhur në javën e fundit në të gjitha kampionatet shqiptare të futbollit.

Zyrtarët e Kastriotit Alban Vogli, Gazmend Vogli dhe trajneri Ramadan Ndreu, janë dënuar respektivisht me 18 muaj pezullim, 12 muaj dhe 5 ndeshje, për sherrin në “Selman Stërmasi” në sfidën ndaj Tiranës.  Nuk i ka shpëtuar dënimit as zyrtari i Skënderbeut, Ilirjan Përmeti, që është dënuar me 8 ndeshje pezullim për sjellje josportive ndaj zyrtarit të ndeshjes, në sfidën ndaj Skënderbeut.

VENDIMET E PLOTA: 

  1. Zyrtari i KF Skënderbeu, Ilirjan Përmeti, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
    2. Zyrtari i KS Kastrioti, Alban Vogli, për nxitjen e braktisjes së ndeshjes dhe për sulm ndaj zyrtarit të ndeshjes, në bazë të neneve 54/3 dhe 48/2/b të KDS, dënohet me 18 (tetëmbëdhjetë) muaj pezullim nga aktiviteti. Në zbatim të nenit 20 të KDS, zyrtarit i ndalohet hyrja në të gjitha stadiumet, në aktivitetet sportive të organizuara nga FSHF, deri në përfundim të dënimit.
    3. Zyrtari i KS Kastrioti, Gazmend Vogli, për nxitjen e braktisjes së ndeshjes, në bazë të nenit 54/3 të KDS, dënohet me 12 (dymbëdhjetë) muaj pezullim nga aktiviteti. Në zbatim të nenit 20 të KDS, zyrtarit i ndalohet hyrja në të gjitha stadiumet, në aktivitetet sportive të organizuara nga FSHF, deri në përfundim të dënimit.
    4. Zyrtari i KS Kastrioti, Ramadan Ndreu, për sjellje josportive ndaj kundërshtarëve, në bazë të nenit 47/2/a të KDS, dënohet me 5 (pesë) ndeshje pezullim nga aktiviteti. Në zbatim të nenit 20 të KDS, zyrtarit i ndalohet hyrja në të gjitha stadiumet, në aktivitetet sportive të organizuara nga FSHF, deri në përfundim të dënimit.
    5. KS Kastrioti U-21, për braktisjen e më shumë se një ndeshjeje të vlefshme për Kampionatin Kombëtar të Kategorisë Superiore U-21, në bazë të nenit 54/1 të KDS, humbet ndeshjen kundër KF Laçi U-21, në tavolinë me rezultatin 3-0. Në bazë të nenit 29.1 të Rregullores së Veprimtarisë Futbollistike, përjashtohet nga gara dhe i zbriten 6 pikë në sezonin pasardhës.
    6. Lojtarja e Juban Danja – Femra, Denada Avullija, për sulm ndaj kundërshtares, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
    7. Lojtarja e Apolonia – Femra, Egzona Gashi, për sulm ndaj kundërshtares, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
    8. Lojtarja e Juban Danja – Femra, Matilda Tanushi, për sjellje josportive ndaj kundërshtares, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
    9. Lojtarja e Apolonia – Femra, Liridona Gashi, për sjellje josportive ndaj kundërshtares, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
    10. KS Korabi U-19, për dështim në përmbushjen e përgjegjësive dhe mosgarantim të sigurisë së lojtarëve të ekipit kundërshtar, në bazë neneve 24, 63/1/c, dhe 64/5 të KDS, dënohet me zhvillimin e 2 (dy) ndeshjeve në fushë asnjanëse.
    11. Lojtari KS Korabi U-19, Gerald Abdiu, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
    12. Lojtari KS Korabi U-19, Aldo Bardhi, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
    13. Zyrtari i FK Elbasani U-13, Marjo Koçiaj, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
    14. Lojtari i A.F. Luftëtari, Boni Shefqet, për sulm ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
    15. Lojtari i Fc Kinostudio, Korado Teodori, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
    16. KS Luftëtari U-17, për aktivizimin e një lojtari që nuk kishte të drejtë të luante në ndeshjen e vlefshme për Kampionatin Kombëtar të Kategorisë së Parë U-17 – Grupi C, kundër Teuta U-17 B, në bazë të neneve 30/3 dhe 53 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
    17. Oriku U-17, për aktivizimin e një lojtari që nuk kishte të drejtë të luante në ndeshjen e vlefshme për Kampionatin Kombëtar të Kategorisë së Parë U-17 – Grupi C, kundër KF Butrinti U-17, në bazë të neneve 30/3 dhe 53 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
    18. Rrëzimin e kërkesës së lojtarit të Football Republic U-19, Madrid Marku, si të pabazuar në Kodin e Disiplinës Sportive.

Kundër vendimit lejohet ankim brenda 3 (tre) ditëve përpara Komisionit të Apelit.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

“Finale” në Mynih/ Nga mentaliteti tek dominimi, ja arsyet përse fiton Gjermania ndaj Portugalisë

Publikuar

-

Nga

Gjermania do të luajë shansin e fundit për të shpresuar në një kalim të grupit të ferrit. Pas humbjes 1-0 me Francën në ndeshjen parë, skuadra e Joakim Lëvit është e dënuar për të fituar ndaj kampionëve të botës. Për shumë tifozë, ky duket një mision i pa mundur dhe pse disa specialistë mendojnë që ky është momenti i duhur për t’u ringritur. “Sky Sport” tregon 3 arsyet pse duhet besuar te fitorja e “Pancevare” sonte.

1.BILANCI NË FAVOR

19 herë janë përballur gjermanët dhe portugezët së bashku. Bilanci flet për skuadrën e Gjermanisë, cila ka fituar 11 ndeshje, barazuar pesë dhe humbur vetëm tri. Edhe në turnetë të mëdhenj si Europiai, gjermanët kanë arritur të tregojnë forcën e tyre duke fituar pesë ndeshje nga 10. Fitore këto, të cilat kanë ardhur edhe me golavarzh që gjithashtu tregon për skuadrën e “Pancerave”. Historia flet qartë për skuadrën gjermane. Hera fundit që ata u mundën nga portugezët ishte para 20 vitesh. Në Europianin e 2000-shit, gjermanët mundeshin në fazën e grupeve me rezultatin 3-0.

2.RONALDO NUK SHËNON

Një nga arsyet kryesore që Portugalia ka arritur të jetë në majë, është pa dyshim ajo e Kristiano Ronaldos, ylli i skuadrës, i cili është edhe golashënuesi më i mirë në këtë komepeticion. Në fitoren 3-0 ndaj Hungarisë ai shënoi dopietë duke parakaluar ishsulmuesin e Francës, Mishel Platini në listën e golashënuesve të Europainit. Por, ndaj “Pancerave”, ai ende nuk ka arritur të shënojë në katër duelet kundër tyre. Një tregues ky që ngroh gjermanët, edhe pse ata me shumë mundësi nuk do ta bëjnë gjumin e qetë dhe në momentin që CR7 do të zbresë në fushë, do ta kenë të gjithë vëmendjen tek ai. Janë pikërisht këto sfida për të cilat portugezi jeton.

3.MENTALITETI FITUES

Entuziazmi për startin e Europianit ra shpejt për tifozët dhe lojtarët e Gjermanisë. Pas humbjes me Francën, lojtarët deklaruan se ishin shumë të zhgënjyer për rezultatin që sipas tyre nuk ishte i merituar. Por, kjo ndjesi zgjati vetëm pak ditë, pasi menjëherë djemtë e Lëvit nisën punën për ndeshjen e radhës, atë ndaj Portugalisë. Prej ditësh në kampin gjerman është rikthyer besimi dhe pozitiviteti. Ata janë më të uritur se kurrë dhe janë gati për të shfryrë inatin e ndeshjes së parë ndaj portugezëve. Në fakt, ky mentalitet ka spikatur gjithmonë te gjermanët, të cilët kanë ditur të ringrihen në momente të tilla dhe për të dhënë shkëndijën e parë mjafton ndonjëherë edhe një humbje e pamerituar si ajo ndaj Francës.

LEXO TE PLOTE

Sport

Supersfida Portugali-Gjermani/ Publikohen formacionet zyrtare, shikoni si rreshtohen skuadrat

Publikuar

-

Nga

Luhet duke filluar nga ora 18:00, ndeshja mes Portugalisë dhe Gjermanisë, në Grupin F. Pritet një sfidë e luftuar nga të dyja ekipet, që do të kërkojnë me çdo kusht të marrin maksimumin nga ndeshja e sotme. Gjermania do të luajë shansin e fundit për të shpresuar në një kalim të grupit të ferrit.

Pas humbjes 1-0 me Francën në ndeshjen parë, skuadra e Joakim Lëvit është e dënuar për të fituar ndaj kampionëve të Europës. Për shumë tifozë, ky duket një mision i pa mundur dhe pse disa specialistë mendojnë që ky është momenti i duhur për t’u ringritur.

Në përballjet direkte, këto dy skuadra kanë luajtur 19 herë. Tetë ndeshje miqësore, nga të cilat 5 i ka fituar Gjermania, 1 Portugalia dhe 1 ndeshje është ndarë në barazim. Për Botëror nga gjashtë ndeshje të luajtura, 3 kanë shkuar në favor të gjermanëve, 1 për luzitanët dhe 2 ndeshje janë ndarë në barazim. Në Europian regjistrohen 4 takime, 2 të fituara nga “Pancerat” dhe 1 nga portugezët. Një ndeshje është ndarë në barazim.

FORMACIONET ZYRTARE: 

LEXO TE PLOTE

Sport

Euro 2020/ Ngec Franca, nuk mund dot Hungarinë dhe ndërlikon kualifikimin

Publikuar

-

Nga

Ndeshja mes Francës dhe Hungarisë, ka përfunduar në barazim me rezultat 1-1. Ndeshja nisi më mirë për francezët që patën disa raste të mira në fillim, por goli erdhi nga Hungaria në fund të pjesës së parë kur realizoi Attila Fiola në min e 45+2’.

Pjesa e dytë sërish nisi më mirë për Francën që vazhduan sulmet drejt hungarezëve, goli i barazimit erdhi në minutën e 66’ nga Antoine Griezmann.

Deri në fund Franca pati edhe disa raste të mira shënimi, por që nuk arritën ti konkretizojnë. Pas dy ndeshjeve, Franca ka katër pikë në Grupin F, ndërsa Hungaria një pikë. Francës do i duhet fitorja ndaj Portugalisë ndeshjen e fundit, pasi një humbje do i rrezikonte kualifikimin.

HUNGARI-FRANCË 1-1

Fiola 45+2’/ Grizman 66′





 

Formacionet zyrtare

Franca: Lloris – Digne, Kimpembe, Varane, Pavard, Kanté, Rabiot, Pogba, Griezmann, Benzema, Mbappé.

Hungaria: Gulasci, Szalai, Fiola, Orban, Nego, Nagy, Szalai, Schafer, Keinheisler, Sallai, Botka.

LEXO TE PLOTE