Connect with Us

Në PD plasin dorëheqjet/ Basha bën xhiron e humbjes, si turist

Politikë

Në PD plasin dorëheqjet/ Basha bën xhiron e humbjes, si turist

Publikuar

-

Kreu i PD Lulzim Basha, ka gjetur disa mënyra për të justifikuar humbjen dhe dështimin e 25 Prillit.

Doli dhe vlerësoi procesin zgjedhor dhe u kujtua dy ditë më pas të deklarohej për manipulime zgjedhore apo shitblerje votash, siç e kemi dëgjuar rëndom prej tij, duke thënë se lufta sapo ka nisur.

E pamë të dilte të thoshte se nuk i njihte rezultatet zgjedhore, ndërkohë nga ana tjetër mblodhi grupin e ri parlamentar, duke dhënë një tjetër mesazh, se i njihte mandatet e tyre.

Pra, edhe nuk i njihte edhe i njihte zgjedhjet, duke futur kështu në kaos demokratët, të cilëve iu kishte premtuar se nuk do t’i linte më në Opozitë.

Por në fakt iu garantoi edhe katër vite të tjera Opozitë.

Në këto kushte, kur duhej të jepte llogari dhe të largohej nga drejtimi i PD, ai gjeti një avokat pa përvojë jashtë selisë blu, si Marash Logu, për ta ngarkuar me disa dosje, ku pretendohet se ka prova për manipulime zgjedhore,  për t’i dërguar në Komisionin e Ankimimeve dhe Sanksioneve.

Duke e ditur se çfarëdo, që të ketë futur në ato dosje rezultati nuk përmbyset dhe humbja e tij nuk justifikohet.

Pasi e çoi “luftën” e tij deri në këtë pikë, ai tashmë ka ndërmarrë një fushatë xhirosh nëpër rrethe të ndryshme.

Ndërkohë që në PD kanë nisur dorëheqjet, siç ka raportuar më herët CNA.al, edhe pse disa prej tyre tentohen të mbahen të fshehura.

Sekretari organizativ Sahit Dollapi, ka paraqitur dorëheqjen një javë më parë.

Detajet/ Pse u dorëhoq Sahit Dollapi, sekretari organizativ i PD
                  Sahit Dollapi

Gjithashtu dorëheqje kanë dhënë dhe disa drejtues lokalë të PD, por atyre ju është kërkuar të qëndrojnë në detyrë deri sa të përfundojnë denoncimet por edhe rizgjedhja e kryetarit të PD.

Por, Basha në vend që do të dorëhiqet, do të bredhë nga qyteti në qytet, si turist, por me mbi një sërë humbjesh mbi supe.

LEXO EDHE:  Edi Rama dalje urgjente/Jam këtu për Lulzim Bashën! Dialog pa kushte

E nisi me Durrësin një natë më parë dhe do të vijojë sot me Lezhën dhe kështu me radhë. Pra nga rrethi në rreth për të justifikuar humbjen, në vend që të bëjë analizën që e çoi në humbje.

Mirë, se tani i mban shpresat tek ato dosjet e Logut, por nëse del i humbur dhe pas atyre dosjeve, cila do të jetë lufta e radhës e Bashës?

Lulzim Basha, tetë vite i la demokratët në Opozitë dhe katër vite të tjera, opozitë sapo ua “dhuroi”, duke marrë bashkë me aleatët 59 mandate në të gjithë vendin.

Basha nis turin e humbjes sikur mos të kishte ndodhur asgjë, pasi shokoi të madh e të vogël, kur doli me 27 Prill,  të fliste për beteja e luftë, ndërsa rezultatet e nxinin.

U justifikua me buzëqeshje të shitur se PD ka fituar, pasi ka një rritje në krahasim me vitin 2017, duke harruar kështu se ishte tetë vite në Opozitë dhe një gjë duhej ta kishte bërë.

Humbja e zgjedhjeve të 25 Prillit, është e treta humbje radhazi për PD-në.

Kanë qenë këto humbje të njëpasnjëshme, që kanë nxituar zëra nga brenda dhe jashtë PD që kërkojnë largimin e Bashës nga drejtimi i PD-së.

Por, duket se Basha, deri në Korrik kur do të mbahen zgjedhjet brenda PD-së,  do të tentojë të justifikojë humbjen, me nisjen e turit nëpër rrethe./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Malltezi i paditi në gjykatë/ Justifikohen Ben Blushi dhe Carlo Bolino: Shpifëm padashje

Publikuar

-

Nga

Malltezi i paditi për shpifje/ Ben Blushi dhe Carlo Bolino justifikohen në gjykatë: Ishte padashje

Kreu i departamentit të Mjedisit në PD, Abi Malltezi prej disa muajsh ka paditur në gjykatë për shpifje televizionin Top-Channel që drejtohet nga Ben Blushi dhe televizionin Report Tv të Carlo Bolinos.

Padia lidhet me akuzat që këto dy televizione kanë ngritur në drejtim të familjes Malltezi. Sot demokrati ka treguar se Top Channel dhe Bolino janë munduar të justifikojnë dhe t’i bëjnë bisht akuzave të ngritura nga vetë ata.

Sipas tij, Ben Blushi ka tentuar të shpëtojë nga padia duke thënë se “ka nevojë të hetohet”, ndërsa Bolino duke thënë se “nuk kishte parë dokumente” dhe “nëse ka shpifje dhe mashtrime ato janë padashje”.

Ka 3 muaj qe kam paditur per shpifje Bolinon qe lepin Ramen dhe shpif ndaj kundershtareve te Rames per te justifikuar dhoron 5000m2 toke e 1600m2 objekt caktuar per gjimnaz, si edhe Top Inceneratorin per shpifjet publike ne perpjekje per te fshehur grabitjen e parave publike per gjoja plehrat e qe po perfundojne ne xhepat e pseudogazetareve gjobaxhinj. Te paditur per shpifje dhe ne mungese te fakteve per shpifjet e tyre, tani kane filluar te shajne njeri-tjetrin se nga i kane shpifjet. Njeri thote qe nuk i kam nga vetja por (me gjeten budalla) Tualeti dhe Bolino.

Tualeti vete qe u gjet njehere fajtor per shpifje tani e dredh per te shpetuar nga padia e thote “ka nevoje te hetohet”, ndersa Bolino dje ne gjykate shprehej se “kaq dinte”, se “nuk dinte me tej” se “nuk kishte pare dokumente” dhe “nese ka shpifje dhe mashtrime ato jane padashje”. Beri 3 emisione me shpifje e mashtrime dhe tani kur duhet te paraqese provat ne gjykate perdridhet me padijeni. Ktheni gjimnazin Tiranes, ktheni parate publike qe gjoja merren per plehrat e perfundojne reklama per pseudogazetare lepires. Dhe ejani o pisanjose te ballafaqojme provat ne gjykate“, shkruan Malltezi në rrjetet sociale./ CNA.al

“10 mashtrime të Carlo Malavitës”/ Malltezi: Eja në gjyq, mos u fshih pas lëpirjeve

Nuk paraqitën asnjë provë/ Malltezi padit për shpifje Top Channel

LEXO TE PLOTE

Politikë

Zbulohet mesazhi i Bardhit për demokratët/ Tani nis analiza, në 17 korrik Kuvendi

Publikuar

-

Nga

Zbulohet mesazhi i Bardhit për demokratët/ Tani nis analiza, në 17 korrik Kuvendi

Partia Demokratike do të mbledhë më 18 qershor Kryesinë. ABC News bën me dije se, sekretari i Përgjithshëm Gazment Brdhi u ka nisur një mesazh demokratëve, të cilët i njofton për mbledhjen.

Në mbledhjen e Kryesisë do të diskutohet analiza në nivel qarku për zgjedhjet e 25 prillit, të cilësuara si masakër zgedhore. Gjithashtu në 17 korrik do të thirret Kuvendi Kombëtar i PD.

Të nderuar anëtarë të Kryesisë,

Ditën e premte, datë 18 Qershor 2021, ora 11:00, do të zhvillohet mbledhja e Kryesisë së Partisë, me këtë Rend Dite:

Miratimi i metodologjisë së analizës në nivel Qarku, Dege, Grupseksioni dhe Seksione për maskrën zgjedhore të 25 Prill.

Thirrjen e Kuvendit Kombëtar të Partisë më datë 17 Korrik 2021, dhe miratimi i rendit të ditës së Kuvendit.

Me respekt,

Sekretari i Përgjithshëm Gazment Bardhi,” shkruhet në mesazhin e Bardhit./CNA.al

LEXO TE PLOTE

Politikë

Basha e ftoi të ishte pjesë e politikës/ Gjekmarkaj: Në fillim hezitova, por hyra me idenë se do vinim në pushtet

Publikuar

-

Nga

Basha e ftoi të ishte pjesë e politikës/ Gjekmarkaj: Në fillim hezitova, por hyra me idenë se do vinim në pushtet

Deputeti i zgjedhur i Partisë Demokratike Agron Gjekmarkaj ka folur për përfshirjen e tij në politikë dhe shkëputjen nga letërsia.

Në një intervistë për Dritare Tv, Gjekmarkaj u shpreh se futjëa në skenën politike erdhi pas ftesës nga kreu i PD Lulzim Basha, i cili i kishte kërkuar të kandidonte disa kohë para zgjedhjeve.

Ai shtoi se ka hyrë me idenë që opozita duhet të vinte në pushtet.

Debutimin tim publik e kam nisur pasi mbarova studimet në Itali për letër-filozofi në La Sapienza. Pasioni im ka qenë gjithmonë filozofia. Debutimet e mia i kam bërë me kritikë letrare. Si pa e kuptuar e pashë veten të përfshirë fillimisht në çështjen e ditës, temat sociale e më pas pjesë e debatit politik. Nuk e di se kur ishte ajo ditë që e pashë emrin tim në televizor me cilësimin si analist. Dukej një fjalë e largët që nuk kishte lidhje me mua. Pastaj u dorëzova, si të gjithë dhe e pranuam si term.

Kauzat që na kanë ftuar në debat në këto vite na kanë afruar më shumë me opozitën dhe na kanë bërë më shumë kritikë me qeverinë. Futja në politikë ishte një ftesë e Bashës disa kohë para zgjedhjeve. Kisha një hezitim për ta pranuar, por e mendova si një mundësi për të realizuar atë që deri dje i kam trajtuar si ide. Kam hyrë me idenë që opozita duhet të hynte në pushtet. Edhe për të bërë presion ndaj qeverisë për të prodhuar rezultate pozitive në disa aspekte”, u shpreh Gjekmarkaj./CNA.al

LEXO TE PLOTE