Connect with Us

Fiks Fare!/ Agjencitë e udhëtimit me 1200 euro të çojnë në vendet e BE-së pa asnjë dokument

Denoncim

Fiks Fare!/ Agjencitë e udhëtimit me 1200 euro të çojnë në vendet e BE-së pa asnjë dokument

Publikuar

-

Fiks Fare! Agjencitë e udhëtimit me 1200 euro të çojnë në vendet e BE-së pa asnjë dokument

Me rënien e pandemisë masat që shtetet e BE-së morën për të ulur numrin e infektimeve ishte ndalimi i lëvizjeve drejt tyre. Por kjo nuk ndaloi agjencitë e shumta që operojnë si në Shqipëri ashtu edhe në Kosovë për ta kthyer në biznes nevojën e qytetarëve që kërkojnë të ikin drejt këtyre shteteve.

Fiks fare dokumentoi me zë e figurë se si këto agjenci kundrejt pagesave të majme 700-800 deri në 1200 euro marrin përsipër të kalojnë pasagjerët pa pasur dokument shoqwrues, por vetëm me pasaportë. Për tampon as që bëhet fjalë.

Gazetarët e Fiksit filluan investigimin e tyre duke kontaktuar këto agjenci. Fillimisht ata u lidhën me anë të Facebook-ut me Armendi Travel ku zyrat qendrore i ka në Kosovë. Fiksi telefonon pranë kësaj agjencie dhe kërkon të marri info për të shkuar në Gjermani, punonjësja i shpjegon se nëse pasagjeri ka vetëm pasaportën çmimi për dërgimin e tij në Gjermani ishte 700 euro. Për kalimin jep siguri maksimale, por edhe nëse mund të ndodh kthimi të gjitha lekët i kthehen mbrapsht pasagjerit. Kalimi behët nga Hungaria dhe nëse i interesuari do të kishte ftesë do paguante vëtëm 140 euro biletën, por pa garanci kalimi. Në rast kthimi bileta digjet, pra me biletën edhe 140 eurot e pasagjerit. Ajo shpjegon se nisja bëhet nga Tirana dhe fillimisht i interesuari duhet të paguajë shumën prej 100 eurosh e më pas gjithë shumën e mbetur. Këtë Fiksit ia konfirmon edhe një agjenci në Tiranë e cila bashkëpunon me Armendi travel ku punonjësja shprehet ” nëse ke garanci paguan vetëm biletën, pa garanci të kalojmë ne”.

Fiks Fare iu drejtua edhe një agjencie tjetër në kryeqytet . Gazetarët kësaj radhe kërkuan të shkonin drejt Italisë. Punonjësi i Agjencisë Diamant shprehet se itenerari i mjeteve të tyre të tipit furgon 7+1 drejt Italisë ishte kalimi nga Bullgaria në Rumani e më pas në Europë. ” Ti do jesh vetëm me pasaportë. Kosto totale e udhëtimit është 800 euro dhe paguhet kur mbërrin. Rruga është shumë e sigurt dhe çdo rrugë i kemi kaluar dhe do t’i kalojmë. Sot ishte kalimi i radhës.” shprehet punonjësi. Gazetarja e pyet nesë i duhet edhe tamponi pasi është berë e detyrueshme paraqitja e tij për të udhëtuar , por punonjësi i agjencisë në mënyrë kategorike i thotë se nuk duhet. Për këtë gjë gazetarja duhet të komunikonte gjatë udhëtimit me shoferin nëse do ia kërkonin ” atë e rregullon shoferi pjesën e tamponit dhe është i saktë” përfundon punonjësi i agjencisë.

Agjencia tjetër që kontaktoi Fiks Fare pazarin e kishte më të lartë dhe të çonte në Vjenë për 1200 euro me avion. Fiksi shkoi në zyrat e busalbania.co dhe u interesua për një udhëtim drejt Gjermanisë. Punonjësi i kësaj agjencie i shpjegon se zbritja në Gjermani e më saktë në Frankfurt është e vështirë, por që agjencia ka një tjetër itenerar dhe kjo rrugë është e sigurt që mbërrije në destinacion. Itenerari ishte nga Vjena me avion ose nga Brukseli, por më e sigurt ishte nga Vjena. Më pas pasagjeri pasi zbriste në Vjenë mund të vazhdonte rrugën me tren drejt destinacionit përfundimtar, Frankfurtit. “E ke më të sigurt kështu, se të gjithë çunat që kemi çu kupton kshu e kemi bërë e i kemi çuar në Gjermani” shprehet punonjësi i agjencisë. I gjithë udhëtimi kushtonte vetëm 1200 euro dhe nga ana e pasagjerit duhej të paraqitej pasaporta dhe tamponi negativ. Përsa i përket letrave të tjera merrej vetë agjencia. Ata merrnin përsipër t’i bënin pasagjerit letrat për arsye shëndetësore ose biznesi. Më pas tregon se çdo dokument mjeksorë që ata dorëzojnë është origjinal dhe i noterizuar pasi janë të lidhur me mjekë që i nxjerrin këto dokumente. Pyetjes së gazetarit të Fiksit se si do ia bënte kur të kalonte në airoportin e Rinasit, punonjësi i përgjigjet ” i kemi rregulluar dhe aty, perderisa kanë këtë çmim edhe ata lekë duan”. Në fund ai shton se çdo dokument është i përkthyer dhe i noterizuar brenda pagesës prej 1200 eurosh.

Telefonatë me Armendi travel, zyra në Kosovë

Punonjësja e agjencisë: Po si mund t’ju ndihmojmë, ti je për Gjermani vetëm me pashaportë ëë?
Fiksi: Po vetëm me pashaportë se ashtu ishte shkruajtuar aty.
Punonjesja e agjencisë: Po vetëm me pashaportë çmimi është 700 euro, kalimi është i sigurt 100%, në rast kthimi të gjitha lekët kthehen.
Fiksi: Po kalimi nga bëhet?
Punonjesja e agjencisë: Nga Hungaria.Nëse ke ftesë është 140 euro bileta, por vetëm garanci kalimi nuk japim, dhe në rast kthimi dmth bileta digjet.
Fiksi: Kuptova, pa ftesë sa është, sa me the?
Punonjesja e agjencisë: 700 euro.
Fiksi: 700 euro, po biletat ku bëhen, nisja ku bëhet?
Punonjesja e agjencisë: Nisja bëhet nga Tirana, bileta dërgohet vetëm 100 euro nëpërmjet Ëester Union, pagesa tjetër jepet në autobus.
Fiksi: Kur i keni udhëtimet?
Punonjesja e agjencisë: Tashi vetëm me pashaportë e kemi të premten në orën 6 mbasdite
Fiksi: Ku bëhet nisja?
Punonjesja e agjencisë: Në Tiranë pas pallatit Asllan Rusi.
Fiksi: Po nëse të kthejnë në Hungari, jeni ju që të ktheni në Tiranë apo?
Punonjesja e agjencisë: Po po të kthejme ne.

LEXO EDHE:  Fiks Fare publikon skandalin/ Policia gjobit pasagjerin si shofer, sekuestron makinën

Agjencia Diamant, Tiranë

Fiksi: Isha e interesuar të kaloja në Itali.
Punonjësi i agjencisë: Me linje autobusi ne kemi itenerar, kalojmë nga Bullgaria në Rumani për të hyrë në Europë janë dy dogana. Ti do jesh vetëm me pashaportë. Kosto totale e udhëtimit është 800 euro dhe paguhet kur mbërrin. Rruga është shumë e sigurt dhe çdo rrugë i kemi kaluar dhe do t’i kalojmë. Sot ishte kalimi i radhës.
Fiksi: Dhe kan kaluar?
Punonjësi i agjencisë:: Po patjeter.
Fiksi: Po mua me duhet vetem pashaporta, nuk me duhet tampon?
Punonjësja tjetër: Jo jo nuk kerkohet.Do merresh vesh me shoferin
Fiksi: E rregullon shoferi pjesen e tamponit?
Punonjësja tjetër: Po po eshte i sakte.
Fiksi: E ben ai te sakte, negative,nuk ka nevoje qe te bej une tampon fare, e rregullon shoferi.
Punonjësi i agjencisë: Fare.
Fiksi: E rregullon shoferi
Punonjësi i agjencisë: Asnje gje nuk te duhet.
Fiksi: Kur e keni nisjen e rradhes?
Punonjësi i agjencisë: Te shtunen.
Fiksi: Nga ku?
Punonjësi i agjencisë: Ti nga je, nga Tirana?
Fiksi: Po, ku niset te Asllan Rusi?
Punonjësi i agjencisë: Jo ska lidhje eshte fugon, i marrim ne ku te duash po ju shume te shperndare.
Fiksi: Ehe, po sa veta ka fugoni?
Punonjësi i agjencisë: Fugoni 7+1, shtate pasagjer dhe shoferi, mund te jene 2 fugona.
Fiksi: Ehe, dmth me duhet vetem pashaporta asgje tjeter.
Punonjësi i agjencisë: Vetem pashaporta dhe mos te kesh probleme, flas probleme deportimi,ekspulsi.
Fiksi: Eshte i sigurt si kalim nuk eshte se ka?
Punonjësi i agjencisë: Tani ne momentin qe pagesa behet ne destinacion nuk ka me te sigurt se kaq.

Gazetarët interesohet edhe tek Busalbania.co

Fiksi: Dëgjo unë dua të iki në Gjermani
Punonjësi i agjencisë: Në Gjermani ku?
Fiksi: Në Frankfurt
Punonjësi i agjencisë: Di pak gjermanisht?
Fiksi: Jo, fare
Punonjësi i agjencisë: Ne të çojmë dhe në Gjermani, nuk është problem.Puna është se në Gjermani është pak problem zbritja aty direkt. Po ty kur të duhet me ik, të duhet sa më shpejt?
Fiksi: Kur e keni ju udhetimin?
Punonjësi i agjencisë: Ne të radhës e kemi me datë8, pasnesër.Puna është se rruga jote është pak e sikletshme, unë mund të fus ty me i fjalë me siguri në Vjenë ose në Bruksel po më mirë në Vjenë, sepse e ke më afër.
Fiksi: Me autobus apo me avion?
Punonjësi i agjencisë: Me avion.
Fiksi: Ehë.
Punonjësi i agjencisë: Kam edhe autobus me kupton po nuk është shumë i sigurt, nuk jemi aty ku duhet me autobusat, me avion po jemi të sigurt. Tiranë – Vjenë, pastaj atje shkon me tren në Frankfurt e ke më të sigurt kështu, se të gjithë çunat që kemi çu kupton kshu e kemi bërë që kemi dasht me i çu deri në Gjermani. Kupton? Duhet ta bëj diçka siç duhet a kupton.
Fiksi: Dhe sa shkon?
Punonjësi i agjencisë:1.2( 1200 euro) të shkon Vjena.
Fiksi: 1200 euro?
Punonjësi i agjencisë: Po, Vjena përfshirë të gjitha vetëm tamponin ke ti.
Fiksi: Nga ana jote ne duam, pashaportën dhe tamponin.
Punonjësi i agjencisë: Tamponin duhet ta bëj unë dhe pashaportën.
Fiksi: Po nuk më duhet një ftesë, një garanci ndonjë gjë?
Punonjësi i agjencisë: Nuk të hyn në punë ftesa fare, nuk t’i pranojnë ata. Letrat do t’i bëjmë ne ose për arsye shëndetësore ose për arsye biznesi.
Fiksi: I beni ju këto letra, që është e garantume që mund të kaloj.
Punonjësi i agjencisë: Po normale, brenda çmimit flas është normale. Me këtë çmim që të thashë unë 1200 euro është bileta vajtje-ardhje sepse ashtu e kërkojnë, sikur do shkosh në Milano ti për arsye shëndetësore ose për biznes. Doktori ktu me i fjalë që i bën këto gjonat, sikur ke bo vizitë i bojmë ne të gjitha. Çdo gjë është origjinale nuk diskutohet të noterizuara.
Fiksi: Po nuk pyesin ata pse do të ikësh në Milano nga Vjena?
Punonjësi i agjencisë: Ashtu ishte avioni tranzit ishte bileta. Nuk është ky problemi.
Fiksi: Dmth është e sigurt.
Punonjësi i agjencisë: Tani përderisa po ta them po, po është e sigurt.
Fiksi: Po këtu në Rinas nuk të krijojnë probleme?
Punonjësi i agjencisë: I kemi ne ato.
Fiksi: Aaa i keni rregullu muhabetin aty për të dalur.
Punonjësi i agjencisë: Përderisa kam vu këtë çmim edha ata ‘lefta’ duan. Çdo gjë e ke të noterizuar të përkthyer.
Fiksi: Flasim në telefon.
Punonjësi i agjencisë: Në rregull./Tch

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Denoncimi i Fiks Fare/ Mashtruesja: S’kam marrë para, as në universitet nuk kam shkuar

Publikuar

-

Nga

Por studentja nuk ishte e vetmja që kishte rënë preh e mashtrimit nga znj Aurela Sinani. Bashkëpuntorët e Fiksit përveçse gjetën edhe persona të tjerë të mashtruar zbuluan edhe skemën që kjo zonjë përdorte për të gënjyer njerëzit . Duke u hequr si njeri me lidhje të forta brënda fakultetit që nga rektori dhe pedagogë znj.Sinani merrte paratë duke ju premtuar njerëzve punësim dhe marrjen e provimeve në fakultet. Të gjitha pazaret kryheshin brënda ambjenteve të fakultetit.Gazetarët e Fiksit shkojnë të takojnë vetë mashtruesen për ta ballafaquar edhe me faktet që bashkëpunëtoret e Fiksit kanë zbuluar. Ajo u pohon gazetarëve se nuk ka marrë kurrë para, në fakultet nuk shkon dhe nuk njeh asnjeri. Është një nënë që qëndron në shtëpi duke u përkujdesur për dy fëmijët. Gjithashtu kërkon të mos xhirohet dhe të fiken kamerat. Fiksi për rastin në interersohet dhe në Rektoratin e Universitetit të Elbasanit. Rektori i këtij universiteti duke mohuar kategorikisht njohjen me znj Aurela Sinani thotë se kjo zonjë nuk ka qenë kurrë e punësuar në fakultet dhe aq më tepër të ketë lidhje me pedagogë në emër të të cilëve merr edhe rryshfet.Rektori thotë gjithashtu se ky është një rast i rëndë dhe marrja e parave në sallat e universiteti në emër të stafit akademik është shkelje flagrante e ligjit

Emisioni Fiks Fare edhe mbrëmjen e së mërkurës denoncoi faktin se si disa persona të ndryshëm kanë rënë viktima të mashtrimit, duke paguar shuma të ndryshme parash. Atyre u premtohej marrja e provimeve, por edhe punësim në Universitetin e Elbasanit kundrejt ‘kafeve’ prej një mijë apo dy mijë eurosh. Ankesa në emisionin Fiks Fare fillimisht u bë nga një studente e cila i kishte paguar shumën prej dy mijë euro znj Aurela Sinani për t’u punësuar si sekretare në fakultet .

Por studentja nuk ishte e vetmja që kishte rënë pre e mashtrimit nga znj Aurela Sinani. Bashkëpunëtorët e Fiksit përveçse gjetën edhe persona të tjerë të mashtruar zbuluan edhe skemën që kjo zonjë përdorte për të gënjyer njerëzit . Duke u hequr si njeri me lidhje të forta brenda fakultetit që nga rektori dhe pedagogë znj.Sinani merrte paratë duke ju premtuar njerëzve punësim dhe marrjen e provimeve në fakultet.

Të gjitha pazaret kryheshin brenda ambjenteve të fakultetit. Gazetarët e Fiksit shkojnë të takojnë vetë mashtruesen për ta ballafaquar edhe me faktet që bashkëpunëtoret e Fiksit kanë zbuluar. Ajo u pohon gazetarëve se nuk ka marrë kurrë para, në fakultet nuk shkon dhe nuk njeh asnjeri. Është një nënë që qëndron në shtëpi duke u përkujdesur për dy fëmijët.

LEXO EDHE:  Denoncimi në Fiks Fare/ Mësuesi dhunon nxënësin me epilepsi dhe e lidh me tel

LEXO EDHE:  Integrimi i Shqipërisë dhe RMV-së, vendet e BE-së përçahen në dy grupe

Gjithashtu kërkon të mos xhirohet dhe të fiken kamerat. Fiksi për rastin në interersohet dhe në Rektoratin e Universitetit të Elbasanit. Rektori i këtij universiteti duke mohuar kategorikisht njohjen me znj Aurela Sinani thotë se kjo zonjë nuk ka qenë kurrë e punësuar në fakultet dhe aq më tepër të ketë lidhje me pedagogë në emër të të cilëve merr edhe rryshfet.Rektori thotë gjithashtu se ky është një rast i rëndë dhe marrja e parave në sallat e universiteti në emër të stafit akademik është shkelje flagrante e ligjit!/ tch

LEXO TE PLOTE

Denoncim

Fiks Fare/ Zvarritjet e gjyqeve, 3 vjet shtyrje me arsyetime se adresat janë të pasakta

Publikuar

-

Nga

Fiks Fare/ Zvarritjet e gjyqeve, 3 vjet shtyrje me arsyetime se adresat janë të pasakta!

Fiks Fare denoncoi mbrëmjen e së enjtes zvarritjet e proceseve gjyqësore me arsye qesharake. Dy persona janë dënuar me 5 vite burg me akuzën e mashtrimit, pasi u faktua se kishin shitur tokën dy herë. Prona, aktualisht është te blerësi i dytë, në një kohë që duhej të ishte te blerësi i parë. Dhe, për këtë gjyq të thjeshtë, Gjykata e Tiranës bën ping-pong me çështjen, teksa e kthen padinë me arsye qesharake si “të meta në padi” për adresat e paditësve. Por, këto adresa janë vendosur në padi sipas Regjistrit të Gjendjes Civile.

Në redaksinë e emisionit investigativ u ankua një përfaqësues i firmës “Lani”. Ai thotë se firma ka blerë në vitin 2008, një pronë rreth 1 mijë metër katrorë në Sauk, Tiranë. “Blerja është bërë me kontratë noteriale, derdhje të vlerës në bankë, mandate arkëtimi. Kontrata është me palë familjen Gjuzi shitësit dhe blerësi Vladimir Kosta. Kontrata është bërë në datën 22.08.2008. Objekti është një parcelë toke arë që do të pajiset me titull pronësie me vete, prej 1000 m2 tokë are. Çmimi i shitjes është 10 milionë lekë të reja” thotë përfaqësuesi i firmës.

Më tej shton se, për shkak të punëve, këtë kontratë nuk e dërguan në Hipotekë, “por kjo s’do të thotë se ne nuk jemi pronarë!”. Vite me vonë, kanë parë që prona po rrethohej nga tjetërkush. Kanë pyetur në institucionet përkatëse dhe kanë mësuar se shitësit, familja Gjuzi, e kishte rishitur këtë pronë. Pra, të njëjtët shitës si herën e parë, por kësaj herë me blerës të ndryshëm. Madje, pa u revokuar kontrata e parë mes Gjuzëve dhe Vladimir Kostës. Ky i fundit bën një kallëzim penal ndaj shitësve dhe ata dënohen për mashtrim, madje janë ende në burg. Vendimi penal faktoi pretendimet e firmës “Lani”, se pronarët e parë janë ata.

Madje, pa u shfuqizuar kontrata e parë, familja Gjuzi e rishiti.

Më pas firma “Lani” shkon në Hipotekë për të regjistruar pronën në emrin e tyre. Por, punonjësit i thonë duhet vendim gjykate të shfuqizojë certifikatën se s’ia heqin dot pavarësisht se e ka blerë ai i pari. Firma bën padi në Gjykatën e Tiranës në Dhomën Civile. Fillimisht, gjyqi bëhet nga z.Niko Rrapi. Ky gjyqtar njofton paditësit të cilët marrin edhe njoftimet përkatëse. Kjo vërtetohet nga procesverbali i seancave gjyqësore. Më pas, ky gjyqtar jep dorëheqjen dhe çështjen e merr gjyqtarja Migena Laska. Kjo gjyqtare merr vendim duke kthyer padine “me të meta”, pasi pretendonte se s’janë të sakta adresat e të paditurve.

Sipas dokumenteve, z.Kosta e çon këtë vendimmarrje në Gjykatën e Apelit. Apeli vendos që të rikthejë sërish për rigjykim çështjen, pasi padia është e saktë me të gjitha të dhënat. Rigjykimi, me të njëjtën gjyqtare, Migena Laska. Por, kjo e fundit, merr një tjetër vendim dhe kthen sërish padinë “me të meta”, pasi s’janë të sakta adresat e paditësve. Sipas përfaqësuesit të firmës, adresat janë marrë nga Drejtoria e Përgjithshme e Gjendjes Civile, pra janë të sakta. Paditësi e çon sërish në Apel dhe prej më shumë se 1 viti, çështja është ende në Apel, kjo si pasojë e pandemisë dhe vetingut. “Kërkojmë që të shpejtohen procedurat. Vendimi penal na dha të drejtë. Ne jemi blerësit e parë. Kërkojmë që mos të zvarritet çështja” thotë përfaësuesi i firmës.

LEXO EDHE:  Fiks Fare publikon skandalin/ Policia gjobit pasagjerin si shofer, sekuestron makinën

LEXO EDHE:  Denoncimi në Fiks Fare/ Mësuesi dhunon nxënësin me epilepsi dhe e lidh me tel

Fiks Fare u interesua pranë Gjykatës së Tiranës. Sipas drejtuesve, gjyqtarja Migena Laska është transferuar në Dhomën Penale të kësaj gjykate. Ndërkohë, Fiksi siguron aktet e dosjes, ku shkruhet se gjyqtari i parë z.Niko Rrapi i ka njoftuar normalisht paditësit. Por, përse e ktheu dy herë këtë padi gjyqtarja Laska?

Gjykata e Tiranës na ktheu përgjigje se “çështja është regjistruar në vitin 2019. Kjo çështja është gjykyar nga gjyqtare Migena Laska, e cila ka vendosur në dhjetor 2019 kthimin e kërkesë padisë. Gjykata thotë se dosja ndodhet në Apel dhe se aktet janë në atë gjykatë. Sipas kësaj përgjigje që po shikoni, edhe gjyqtarja Migena Laska thotë se çështja është në Apel! Sipas saj, “në çdo rast, unë si gjyqtare nuk jam aktualisht e ngarkuar me gjykimin e kësaj çështje civile. Nuk e kam në gjykim. Nuk disponoj asnjë akt të kësaj dosje gjyqësore civile”. Por, zonja Laska e ka pasur dy herë në dorë këtë çështje. Dhe, në të dyja herët, e ka pushuar!

Megjithatë, skandali mund të thellohet më tej, pasi një nga të dënuarit për mashtrim, ka nisur një letër, ku deklaron se firma që ndodhet në aktin e shitjes së dytë është e falsifikuar. Mond Gjuzi shkruan se kjo firmë është hedhur në Rrugën e Kavajës, duke thelluar akoma më tej këtë skandal. “Jam Mond Gjuzi. Po vuaj dënimin në burgun e Fushë Krujës. O Lad, prokurën që është bërë tek notere Ardiana Ibraj, prokura është plotësisht e falsifikuar dhe nuk kena asnjë lidhje me atë prokurë ne. E kena verifikuar se prokura është falsifikuar me noterinë në Rrugë të Kavajës.

Na futët në burg pa na pyet e pa u konsultu fare me ne si janë gjonat se unë Mondi nuk ta bëja një gjë të tillë kurrë ty. Nëse ke mundësi kur e verifikoi dhe vetë gjonat mos i le në hije dhe jam i sigurt se do dalësh në të njëjtin përfundim me mua. Kjo prokurë është e falsifikuar 100 % në Rrugë të Kavajës. Po të lutem bjeri mbrapa këtij muhabeti pasi edhe babin e kam të sëmurë që dhe ty të të kthehet prona se kjo gjo është shumë e thjeshtë dhe se ne po bëjmë burg kot o vlla. O Lad çfarëdo përgjigje të jetë pres gjithsesi një përgjigje nga ty. Mos e lë pas dore po deshe. Adresa IEVP Fushë – Krujë, notere ka qenë Ardiana Ibroj me nr repertori 1227. Verifikoje këtë notere se po bëj burg kot” thuhet në këtë letër.

Pra, për një çështje të thjeshtë, gjykata e zvarrit prej më shumë se 3 vitesh. Dhe ndërkohë, nëse institucionet e drejtësisë do të thelloheshin pak në këtë histori, atëherë do të zbulonin se edhe kontrata e dytë është e falsifikuar./ tch

LEXO TE PLOTE

Denoncim

Komuna që e interpreton ligjin si e do, por Ministria e Arsimit e rrëzon

Publikuar

-

Nga

Emisioni “Stop” transmetoi këtë të enjte problematikën e përjashtimit të Vlora Deliut nga konkurrimi për vendin e punës si edukatore. Por ky problem ka ardhur nga Zyra e Burimeve Njerëzore në Komunën Gjakovë.

Drejtori i kësaj zyre, Kushtrim Brahimaj, i zënë ngushtë, u mbrojt duke thënë se nëse Ministria e Arsimit konfirmon paligjshmërinë ai do të ribëjë konkursin ku do të marrë pjesë edhe Vlora Deliu.

Dr. Burimet Njerëzore, Kushtrim Brahimaj: Po, mos u nisni prej këtij parimi, po komuna e tjera mund edhe të mos i respektojnë këto dispozita. Ne duam ta respektojmë…

Gazetari: Jo, se është interpretim.

Dr. Burimet Njerëzore, Kushtrim Brahimaj: Vetëm opinioni ligjor i Ministrisë së Arsimit e sqaron dhe për ne dhe për ata.

Gazetari: Jurist je me profesion?

Dr. Burimet Njerëzore, Kushtrim Brahimaj: Jo, unë jam ekonomist, kam burimet njerëzore.

Gazetari: Ideja është interpretim ligji, se një jurist këtu kapet dhe te një shkronjë, më kupton? Këtu thotë në një shkollë, jo në një kopsht, që kështu nuk qëndron.

Dr. Burimet Njerëzore, Kushtrim Brahimaj: Faktikisht është institucion arsimor.

Gazetari: Jo, jo, sepse dhe komunat e tjera, që unë jam interesuar, se këtë po kapja unë, tani që i ke nënvizuar ti, për një shkollë, jo për një kopsht.

Dr. Burimet Njerëzore, Kushtrim Brahimaj: Unë dhe ju kemi vetëm një mospajtim. A është shkollë, a nuk është shkollë, çerdhe, a e kemi këtu problemin?

Gazetari: Këtu është!

Dr. Burimet Njerëzore, Kushtrim Brahimaj: D.m.th ligji është krejt i qartë deri këtu.

Gazetari: Do themi kopsht apo shkollë?

Dr. Burimet Njerëzore, Kushtrim Brahimaj: Ky është problemi te Ministria e Arsimit, jo tek ne.

LEXO EDHE:  “Fiks Fare”/ Doktori merr 30 mijë lekë ryshfet për t’i dhënë “Kemp”-in një të paralizuari

LEXO EDHE:  Denoncimi në FIKS FARE/Rektorati i UT në kolaps. Kancelari përplaset me rektorin, punonjësit 2 muaj pa paga

Gazetari: Po ju i keni kërkuar sqarim ministrisë?

Dr. Burimet Njerëzore, Kushtrim Brahimaj: Jo, sepse për ne ka qenë e qartë, faktikisht në shkollë e kemi marrë.

Gazetari: Po paguhen lekë, që ikin nga taksat.

Dr. Burimet Njerëzore, Kushtrim Brahimaj: Po nuk është problemi ynë, kupton? Ligji është ligj!

Gazetari: N.q.s Ministria e Arsimit thotë, që ky ligj, ky nen, është vetëm për shkollat, nuk vlen për kopshtet. Ca ndodh pastaj këtu?

Dr. Burimet Njerëzore, Kushtrim Brahimaj: Ne vetëm na dërgo burimin, a është prej zyrës ligjore dhe a ka validitet edhe ne duhet të shohim, çfarë duhet të bëjmë! Nëse dikush i Ministrisë së Arsimit thotë, që s’bën, atëherë ne vërtetë jemi në problem.

Gazetar: Po jeni në problem, se edhe gjykata këtu ja, se kjo është mësuese shkolle, e keni heq me këtë ligj, që e penalizon…

Dr. Burimet Njerëzore, Kushtrim Brahimaj: Po, po!

Nga Gjakova “Stop” shkoi në Prishtinë, në Ministrinë e Arsimit dhe komunikoi me ministren, e cila përmes zyrës ligjore konfirmoi, se Komuna Gjakovë nuk e ka zhvilluar mirë procedurën.

Në përgjigjen zyrtare të Ministrisë së Arsimit thuhet se Komuna e Gjakovës ka zbatuar një ligj që përcakton se vetëm mbartësit publik të arsimit të lartë mund të ofrojnë programe studimi që çojnë në kualifikimin e një mësimdhënie për t’u punësuar në një shkollë. Në rastin konkret Komuna e Gjakovës nuk e ka marrë për bazë urdhrin administrativ për vlefshmërinë e programeve studimore. Me ndërhyrjen e emisionit “Stop” situata ndryshoi. Tani pritet që konkursi të zhvillohet sërish dhe Vlora të jetë pjesë e tij. Tvklan

LEXO TE PLOTE