Connect with Us

Konsiderohen “rezerva luksi”, Sanchez e Vidal drejt largimit nga Interi

Seria A

Konsiderohen “rezerva luksi”, Sanchez e Vidal drejt largimit nga Interi

Publikuar

-

Ndërkohë që vijojnë negociatat me futbollistët, për heqjen dorë nga dy paga të sezonit të kaluar, drejtuesit e Interit po punojnë edhe në drejtime të tjera për të ulur shpenzimet për sezonin e ardhshëm.

Kështu dy nga futbollistët me pagën më të lartë në skuadër, kilenët Alexis Sanchez dhe Arturo Vidal janë nxjerrë jashtë planeve dhe zikaltrit do të provojnë t’i sheshin apo edhe t’i lënë të lirë, vetëm të shpëtojnë nga rrogat e tyre të majme.

Sanchez është i treti në listën e më të paguarve me 7 milionë euro neto në sezon, ndërsa Vidal i katërti me 6 milionë euro në sezon, por asnjëri prej tyre nuk është titullar në formacionin e Contes ndaj drejtuesit zikaltër e quajnë luks të tepërt të shpenzojnë shifra të tilla për dy lojtarë stoli.

Për Vidal ka shfaqur interes klubi francez i Marseilles, aty ku trajner është ish tekniku i Kilit, Jorge Sampaoli dhe po kërkon me ngulm mesfushorin zikaltër. Francezët nuk janë gati të shkojnë përtej një oferte prej 4 milionë eurosh në sezon, megjithatë Vidal mund të joshet me idenë e firmës mbi një kontratë dy vjeçare, duke qenë se te Interi i ka mbetur edhe një vit.

Sa i përket sulmuesit Sanchez, kanë shfaqur interes klube të ndryshme angleze dhe shpresa e Interit është që të arkëtojë sadopak nga kartoni i tij, ndërsa Conte është gati ta promovojë sa më shumë në javët e mbetura, me shpresën që të ndihmojë në largimin e tij.

Emra të tjerë me valixhet gati janë edhe serbi Kolarov e Andrea Ranocchia, ndërsa edhe Nainggolan e Perisic mund të largohen nëse vijnë oferta qoftë edhe minimale, pasi bëjnë pjesë në listën e më të paguarve.

Pas kësaj fushate spastrimi, drejtuesit zikaltër pritet të ndërhyjnë për të rritur pagat e titullarëve si Bastoni, Lautaro e Barella, por edhe për të krijuar hapësira për afrimin e të tjerë futbollistëve interesantë.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Kessie i jep fund beqarisë në Bregun e Fildishtë, dalin fotot nga dasma

Publikuar

-

Nga

Pas një sezoni fantastik me Milanin, ku luajti në total 50 ndeshje dhe arriti të shënojë edhe 14 gola, mesfushori nga Bregu i Fildishtë, Franck Kessie i ka dhënë fund beqarisë nëpërmjet një ceremonie të madhe të organizuar në vendlindjen e tij.

Deri tani kanë dalë shumë pak foto nga dasma e organizuar në Bregun e Fildishtë, ndërsa mediat italiane konfirmojnë se të ftuar kanë qenë edhe sulmuesi i Parmës, Gervinho dhe mbrojtësi i Manchester United, Eric Bailly.

LEXO TE PLOTE

Seria A

Milani tenton goditjen e bujshme, ëndrra e kuqezinjve quhet Sergio Ramos

Publikuar

-

Nga

Sergio Ramos ka hequr shiritin e kapitenit nga krahu i tij dhe sezonin e ardhshëm nuk do të udhëheqë më klubin me të cilin fitoi çdo trofe të mundshëm.

Me lot në sy mbrojtësi spanjoll njoftoi ndarjen me Realin e Madridit, ndërsa ekipet më të mëdha dhe të pasura të Europës kanë nisur nga puna për të arritur një marrëveshje me 35-vjeçarin.

Por një goditje të bujshme në këtë merkato synon ta bëjë edhe Milani, që sipas “El Chiringuito“ kanë nisur kontaktet me Ramosin.

Kuqezinjtë kërkojnë të sjellin në Serie A një nga mbrojtësat më të mirë që ka njohur bota e futbollit, por problem duket të jetë paga e lojtarit. Spanjolli kërkon një rrogë prej 15 milionë eurosh neto në sezon, një shifër kjo e lartë për financat e Milanit.

LEXO TE PLOTE

Seria A

Operohet Eriksen, tani nuk luan dot më me Interin

Publikuar

-

Nga

Pas shumë testesh për zemrën, u ra dakord që Kristian Eriksenit t’i vendoset një defribilator, i cili do ta rikthejë në punë zemrën në rast të përsëritjes së një tjetër arresti kardiak dhe ai e ka pranuar këtë vendim.

Ky është njoftimi që ka bërë Federata Daneze e Futbollit një ditë më parë.  Pikërisht ditën e djeshme, Eriksen i është nënshtruar operacionit, teksa ka vendosur defribilatorin dhe sot pritet të largohet nga spitali.

Nuk flitet ende për një diagnozë të saktë, se cila ishte arsyeja e arrestit kardiak edhe pse lihet të kuptohet se bëhet fjalë për një miokardit.

3-4 javë pas operacionit Eriksen do t’u nënshtrohet sërish testeve për të kuptuar nëse defribilatori do të jetë i përkohshëm apo i përhershëm. Por, ligji italian nuk e lejon një sportist të luajë me të. Erikseni është mirë, por e ardhmja si futbollist sot mbetet ende enigmë.

HIPOTEZA– Ligji italian nuk e lejon një lojtar me probleme në zemër që të luajë në Itali, por gjithsesi ekziston një mundësi e vogël, që lojtarin ta shikojmë përsëri me fanellën e Interit. Nëse 3-4 javë pas operacionit, Eriksen nuk ka më probleme me zemrën, atëherë mund të nisin procedurat, që t’i jepet mundësia të luajë me fanellën zikaltër.

LEXO TE PLOTE