Connect with Us

Kongresi i socialdemokratëve voton Olaf Scholz si kandidat për kancelar

Bota

Kongresi i socialdemokratëve voton Olaf Scholz si kandidat për kancelar

Publikuar

-

Sondazhet janë përtokë. Me vetëm 14 përqind rezulton aktualisht në sondazhe Partia Socialdemokrate. Por socialdemokratët duan të luftojnë në garën elektorale në shtator me kandidatin e tyre për kancelar Olaf Scholz.

Teksa u shpall rezultati i votimit të dielën (09.05) pasdite Olaf Scholz-it iu lexua në fytyrë lehtësimi. Me shumicë të madhe votash delegatët konfirmuan të emëruarin nga partia si kandidat për kancelar Olaf Scholz (aktualisht zëvendëskancelar dhe ministër i Financave në kabinetin Merkle) Socialdemokratët synojnë të forcojnë pozicionin me kandidatin e tyre Scholz në zgjedhjet parlamentare më 26 shtator. Nga 545 votues mbi 96 përqind votuan pro Scholz.

Një rezultat ky që nuk e kishte menduar 62 vjeçari, i cili në radhët e socialdemokratëve klasifikohet si politikan i krahut të djathtë brenda partisë. Gjatë muajve të fundit socialdemokratët sa i përket programit janë zhvendosur disi më majtas. Kjo artikulohet qartazi edhe në programin elektoral, që u miratua nga kongresi të dielën (09.05). Në program sërish i „jepet prioritet mirëqenies së përbashkët kundrejt interesave për kapital”, sikurse është shprehur ish-kryetari i socialdemokratëve të rinj, Kevin Kühnert.

Shpenzime më të larta dhe më shumë kredi

Drejtësi sociale, mbrojtje e klimës dhe digjitalizim janë tri shtyllat që përfshin programi. Ekonomia duhet të ristrukturohet duke u orientuar si më shumë sociale dhe neutrale ndaj klimës. “Ne nuk mund të mendojmë ekologjinë nga njëra anë, pa ekonomi dhe pa përgjegjësi sociale”, nënvizon bashkëdrejtuesi i socialdemokratëve Norbert Walter-Borjans. Në programin prej 48 faqesh socialdemokratët kërkojnë sërish treg pune më social, një frenim të qirave në rritje, më shumë para për familjet, paga korrekte dhe taksa më të ulëta për shumicën e popullsisë. Ndërsa për të pasurit duhet të rriten tatimet, edhe duke rivendosur taksën mbi pasurinë.

Një buxhet të ekuilibruar pa kredi të reja nuk është synimi i SPD-së për vitet e ardhëshme. Për të financuar pikërëndesat e programit qeverisës, duhet të shfrytëzohen të gjitha „hapësirat e mundshme kushtetuese për marrje kredish”. Në sektorin e mbrojtjes së klimës, mobilitetit, digjitalizimit dhe kujdesit shëndetësor çdo vit duhet të investohen të paktën 50 miliardë Euro.

Synime mabicioze për klimën

SPD do të shfuqizojë sigurimin bazë për të papunët, të quajtur Hartz IV, sistem ky i aplikuar nga vetë socialdemokratët para gati njëzet vjetësh. Në vend të kësaj synohet të jepen para në një formë të thjeshtuar duke i hequr kushtet e forta që janë aktualisht në fuqi për garantimin e ndihmës sociale. Në dy vitet e para të asistencës nuk duhet të verifikohet madhësia e apartamentit të banimit dhe as pasuria private.

Në qendër të programit elektoral është lufta kundër ndryshimit të klimës. Në programin elektoral parashikohet që deri në vitin 2030 Gjermania t’i reduktojë me 65 përqind emisionet e dioksidit të karbonit (CO2) në atmosferë dhe deri në vitin 2045 të arrihet objektivi për klimën.

Shigjeta ndaj CDU/CSU-së

Me programin e emërtuar „Program për të ardhmen” SPD distancohet qartazi nga partneri i koalicionit qeveritar, CDU/CSU, gjë që e bëri të qartë në fjalimin e tij edhe kandidati për kancelar Olaf Scholz: “Një qeveri e mëtejshme e drejtuar nga CDU/CSU do të ishte një rrezik për mirëqenien dhe vendet e punës, një rrezik për vendin tonë si zonë ekonomike”, tha Scholz. Unioni konservator sipas tij është përgjegjës për bllokimin e përparimit. “Ne mund të jemi shumë më përpara: në digjitalizim, ne kthesën energjetike, në mobilitetin modern. Po ashtu edhe në infrastrukturë e kësisoj edhe në bazën ekonomike për të ardhmen.”

Scholz tha se i vjen keq, që vazhdimisht u duhet socialdemokratëve me profesionalitetin dhe përvojën e tyre qeveritare t’u shpjegojnë të tjerëve mjeshtërinë dhe të nxjerrin ekonominë nga situata, tha Scholz. “Unë dua të drejtoj një qeveri, që ta çojë përpara vendin, që ka plane dhe i vë në jetë ato pa ngurruar. ”

“Olaf Scholz i gatshëm të luftojë”

Programi është motivues për kandidatin për kancelar, theksoi bashkëkryetarja e partisë Saskia Esken. Në zgjedhjet parlamentare vendoset drejtimi mes një politike konservatore apo një politike progresive. “Olaf Scholz është i gatshëm të luftojë”, tha Esken. Bashkëkryetari tjetër i partisë, Walter-Borjans shprehu bindjen, se Scholz është „njeriu i duhur në këto kohë dinamike që po kalojmë”.

LEXO EDHE:  Denoncimi i Kryemadhit/ Kandidatët e LSI në Elbasan po kërcënohen nga prokurori...

Këtë e bëri të qartë edhe vet Scholz në fjalimin e tij që zgjati 45 minuta. “Unë kandidoj për postin e kancelarit, sepse jam i bindur, që unë mund t’ia dal”, tha Scholz, synimi i të cilit është të fitojë pikë me përvojën e tij të gjatë në qeverisje dhe me aftësitë drejtuese.

Scholz Kancelar? Pothuajse pa gjasa

Por a mjafton kjo? Kanë mbetur pak më shumë se katër muaj deri në zgjedhjet për parlamentin e ri. Në sondazhet aktuale, SPD me 14 përqind është në vend të tretë pas ekologjistëve dhe kristiandemokratëve dhe vetëm me fare pak pikë përpara partisë radikale të djathtë AfD. Çfarëdo modele koalicionesh që të përfytyrohen tani, në asnjerin prej tyre SPD nuk mund të drejtojë, por mund të jetë vetëm partner i dytë. Sidoqoftë partia nuk do të pranojë dështimin qysh pa filluar gara. Olaf Scholz sheh potencial të mjaftueshëm për javët e ardhëshme. Ai shprehet optimist për një rezultat mbi 20 përqind.

Pa karizëm dhe pa pasion

Shumë tema të programit elektoral të socialdemokratëve janë përfshirë edhe në programet e partive të tjera, e kryesisht partisë ekologjiste dhe së majtës, që përfaqësojnë temat e majta. Do të varet shumë nëse brenda radhëve të socialdemokratëve do të ruhet fryma e e vendosmërisë me të cilën ata votuan kandidatin e tyre Scholz dhe nëse ky do të arrijë të entuziazmojë zgjedhësit. Olaf Scholz nuk ka karizëm dhe nuk shfaq emocione. Gjatë fjalimit të tij në kongres ai u përpoq të përdor gjestet e mimikën, por e ka të vështirë ta bëjë këtë.

Një ngjitje në heshtje dhe me efikasitet

Kandidati socialdemokrat për kancelar Olaf Scholz është përcaktuar qysh vitin e kaluar. Ai është aktualisht ministër i Financave në kabinetin me bazë të gjerë të kancelares Angela Merkel. Si ministër i Financave ai është përgjegjës për ndihmat e kreditë miliardëshe, përmes të cilave synohet të ndihmohen për të dalë nga kriza ekonomia dhe qytetarët. “Ne do të parashtrojmë në tryezë të gjitha mundësitë dhe do të tregojmë, se jemi më të fortë se problemi, me të cilin mund të përballemi tani ekonomikisht,” deklaroi Scholz qartazi dhe me vendosmëri. Në krizën Corona Scholz është zjarrëfikësi drejtues dhe qytetarët i besojnë atij. Këtë e tregojnë edhe sondazhet prej javësh e muajsh. Në krizë kërkohet pragmatizëm më shumë se sa karizëm dhe kjo është tani në favor të 62 vjeçarit.

Në SPD nuk e preferonin shumë pragmatikun nga Hamburgu, që i ka fjalët e kursyera e gjithmonë thotë vetëm aq sa është e nevojshme. Por Scholz nuk u dekurajua. Në heshtje dhe me efikasitet ai punoi për karrierën politike drejt majave. Ai ishte sekretar i përgjithshëm i SPD-së, senator për Punët e Brendshme në Hamburg dhe kryebashkiak me funksion qeverisjeje në landin e Hamburgut, ministër i Punës dhe aktualisht ministër i Financave dhe zëvendëskancelar.

Në SPD Olaf Scholz klasifikohet në krahun konservator, por në fakt atij nuk i përshtaten aspak kategorizimet politike majtas apo djathtas. Si nënkryetar i organizatës së të rinjve të SPD-së ai mbronte teza radikale socialiste dhe kritike ndaj kapitalizmit.

Por qysh nga anëtarësimi i tij në SPD si nxënës në vitin 1975 dhe deri në zgjedhjen e tij deputet në Bundestag më 1998 kaluan shumë vite, gjatë të cilave Scholz si avokat në fushën e kodit të punës me një kancelari të vetën në Hamburg mësoi shumë, se si funksionojnë ekonomia dhe sipërmarrja private. Kjo la gjurmë tek ai./DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Austria do të dhurojë një milion doza vaksinash për Ballkanin Perëndimor

Publikuar

-

Nga

Austria do të dhurojë një milion doza vaksinash për Ballkanin Perëndimor

Kancelari austriak, Sebastian Kurz, tha të premten se vendi i tij do t’u dhurojë vendeve të Ballkanit Perëndimor 1 milionë doza të vaksinës kundër COVID -19.

Ai e bëri këtë zotim pas një konference me përfaqësuesit e vendeve të rajonit që aspirojnë integrimet evropiane, me të cilët ka diskutuar reformat që lidhen me anëtarësimin në Bashkimin Evropian, luftën kundër migrimit të paligjshëm dhe luftën kundër pandemisë së COVID-19.

“Si Republikë e Austrisë duam të japim një ndihmesë duke dhuruar një milion doza të vaksinës”, tha kancelari austriak, duke theksuar se dozat e vaksinave do të ndahen në periudhën nga gushti deri në fund të vitit.

Kancelari Kurz tha po ashtu se vendi i tij mbështet integrimin e Ballkanit Perëndimor dhe reformat në rajon. Ai tha se Evropa s’mund të jetë e plotë pa përfshirjen e vendeve të këtij rajoni.

I dërguari i Bashkimit Evropian për bisedimet Kosovë – Serbi dhe çështjet e Ballkanit Perëndimor, Miroslav Lajçak, tha se nga vendet e rajonit vetëm dy janë duke negociuar anëtarësimin, por nuk kanë shënuar përparim në dy vitet e fundit duke ju referuar Serbisë dhe Malit të Zi. Dy të tjera tha ai, janë duke pritur të hapin negociatat, (Shqipëria dhe Maqedonia e Veriut), ndërsa dy të tjera, (Kosova dhe Bosnja) shpresojnë të marrin statusin e vendit kandidat që të jenë në gjendje të fillojnë negociatat.

“Kosova ka mbetur pa liberalizimin e vizave dhe kjo qartazi tregon se nuk po bëjmë sa duhet”, tha zoti Lajcak, duke nënvizuar se është me rëndësi që të ketë dialog qoftë kur flitet për atë ndërmjet Kosovës dhe Serbisë, brenda vendeve anëtare të Bashkimit Evropian, brenda vendeve të Ballkanit dhe ndërmjet BE-së dhe rajonit.

LEXO EDHE:  Zgjedhjet e 25 prillit/ Bujar Çela: PS-PD po sillen korrekt me elektoratin, synojmë 11 mandate në Fier

LEXO EDHE:  “Asgjë nuk e ndal fitoren e PS”/ Jurgis Çyrbja iu bën thirrje qytetarëve

Të martën zoti Lajcak ndërmjetësoi takimin e parë midis kryeministrit të Kosovës, Albin Kurti dhe presidentit të Serbisë, Aleksandër Vuçiç, por pa ndonjë përparim. Ai tha se është me rëndësi që të dy udhëheqësit biseduan për disa orë dhe u pajtuan që të vazhdojnë bisedimet muajin e ardhshëm. Zoti Lajçak tha se zoti Kurti është i ri në bisedimet që filluan në vitin 2011 dhe tani sjell pikëpamjet dhe idetë e tij në proces.

Kosova dhe Serbia rifillojnë bisedimet – asnjë përparim

“Me rëndësi është se ai ka një mandat të fuqishëm politik, është zgjedhur me shumicë të fuqishme votash që i jep pozicion dhe autoritet që të negociojë”, tha zoti Lajçak, duke nënvizuar se bisedimet nuk kanë alternativë sikurse edhe normalizimi ndërmjet Kosovës dhe Serbisë nuk ka alternativë dhe se cilësia e atyre marrëdhënieve është me rëndësi për tërë rajonin dhe ose do ta mbajnë atë në vendnumërim ose do të ndihmojnë të përparojë drejt integrimeve.

Javën që vjen Bashkimi Evropian do të diskutojë për hapat e mëtejmë në procesin e integrimit të vendeve të rajonit./voa

LEXO TE PLOTE

Bota

Kremlini i vë fajin “nihilizmit” për shpërthimin e ri të koronavirusit

Publikuar

-

Nga

Kremlini i vë fajin “nihilizmit” për shpërthimin e ri të koronavirusit

Kremlini ka thënë se shpërthimi i ri i koronavirusit në Rusi, është rezultat i “nihilizmit në rritje” në mesin e rusëve.

Ndërkohë, kryetari i Moskës Sergei Sobyanin, ka njoftuar se masat kufizuese, të vendosura këtë javë, do të zbatohen deri më 29 qershor.

Zëdhënësi i Kremlinit Dmitry Peskov, ka thënë se fushata e vaksinimit në Rusi, shihet qartë se nuk ka qenë efektive siç është pritur.

Ai ka thënë se presidenti rus Vladimir Putin është duke analizuar nga afër situatën.

COVID-19 merr hov në Rusi

Sobyanin ka bërë të ditur më herët se do të mbyllë zonën e tifozëve për Kampionatin Evropian të Futbollit Euro 2020, dhe do të ndalojë organizimet me mbi 1,000 persona.

“Nuk kam dashur të bëj diçka të tillë, por duhet”, ka thënë Sobyanin.

“Do të na duhet të ndalojmë përkohësisht organizimet e mëdha të argëtimit, dhe duhet të mbyllim qendrat për vallëzim si dhe ato për tifozë”, ka shkruar ai në faqen e tij zyrtare.

LEXO EDHE:  Topalli prezanton një tjetër kandidat/ Kush është pedagogu, Arben Basha

LEXO EDHE:  Gazetari vë me shpatulla pas muri Bashën/ Trego kandidatin për Bashkinë Tiranë

Ndërkohë, Peskov u ka thënë gazetarëve se “nihilizmi në rritje, shkalla e vaksinimit dhe vetë infektimi”, janë shkaktarë të rritjes së numrit të të infektuarve në Moskë.

Kryetari i Moskës, ka thënë këtë javë se kryeqyteti rus është duke u përballur me një variant të ri, më agresiv dhe më infektues të koronavirusit.

Ai ka marrë vendim për vaksinim të detyrueshëm për një numër punëtorësh publikë dhe e ka shpallur këtë javë pushim.

Moska e bën të detyrueshëm vaksinimin për punëtorët publikë

Bizneset do të rihapen më 21 qershor.

Deri në fillim të muajit qershor, vetëm 12 për qind e popullsisë prej 146 milionë banorësh, ka marrë të paktën një dozë të vaksinës në Rusi.

Autoritetet ruse kanë regjistruar gati 5.3 milionë raste të konfirmuara me koronavirus dhe rreth 128,000 viktima, ndonëse shifrat reale besohet se janë shumë më të larta./rel

LEXO TE PLOTE

Bota

Shefi i Pentagonit paralajmëron për rrezikun e Al-Kaidës dhe ISIS-it  

Publikuar

-

Nga

Zyrtarë të lartë amerikanë të mbrojtjes po japin një paralajmërim shqetësues në lidhje me rrezikun që grupet kryesore terroriste në Afganistan do të paraqesin për Amerikën sapo trupat e fundit amerikane dhe të koalicionit të largohen nga vendi në muajt e ardhshëm.

Sekretari i Mbrojtjes Lloyd Austin u tha ligjvënësve të enjten se grupeve si al-Kaida apo Shtetit Islamik do t’u duhen “ndoshta rreth dy vjet” për të rigjeneruar aftësitë e tyre për të planifikuar sulme kundër Shteteve të Bashkuara dhe aleatëve perëndimorë.

Kreu i Shtatëmadhorisë amerikane, Gjenerali i Ushtrisë Mark Milley, paralajmëroi më tej se ky afat kohor mund të ngushtohet në varësi të fatit të qeverisë aktuale afgane.

“Nëse do të kishte një kolaps të qeverisë ose një shpërbërje të forcave afgane të sigurisë, ky rrezik padyshim që do të rritej,” tha gjenerali Milley.

Presidenti amerikan Joe Biden njoftoi në prill vendimin për të tërhequr të gjitha trupat e mbetura amerikane nga Afganistani, duke argumentuar se Shtetet e Bashkuara tashmë e kanë arritur qëllimin e tyre fillestar – për të mbajtur përgjegjës al-Kaidën dhe udhëheqësin e saj Osama bin Laden për sulmet terroriste të 11 shtatorin 2001, në Qendrën Botërore të Tregtisë në Nju York dhe Pentagon.

“Ne i dhamë bin Ladenit atë që i takonte,” tha presidenti Biden në një fjalim në një sesion të përbashkët të Kongresit. “Ne zvogëluam kërcënimin e terrorit të al-Kaidës në Afganistan.… pas 20 vjetësh trimërie dhe sakrificash të guximshme, është koha t’i sjellim trupat tona në atdhe”, tha presidenti.

Por shqetësimet për potencialin që al-Kaida dhe Shteti Islamik në Afganistan, të rikthehen në mungesë të trupave amerikane në terren, kanë vazhduar.

Zyrtarët amerikanë të ushtrisë dhe të inteligjencës kanë paralajmëruar vazhdimisht për një efekt të mundshëm domino që mund të destabilizojë jo vetëm Afganistanin, por edhe fqinjët e tij, duke u dhënë grupeve terroriste mundësinë e shumëpritur për të forcuar dhe zgjeruar operacionet e tyre.

LEXO EDHE:  Zgjedhjet e 25 prillit/ Bujar Çela: PS-PD po sillen korrekt me elektoratin, synojmë 11 mandate në Fier

LEXO EDHE:  Lefteri që kaloi në çdo parti do të bëhet kryebashkiak

“Kudo që shohim një prani të konsiderueshme terrori, ekziston rreziku që ajo të bëhet një lloj platforme për të kërcënuar vendin tonë,” u tha ligjvënësve javën e kaluar Christine Abizaid, e emëruar për të udhëhequr Qendrën Kombëtare Amerikane Kundër Terrorizmit, duke vënë në dukje nevojën për të bërë “presion të pamëshirshëm” ndaj grupeve si al-Kaida dhe IS-i për të minimizuar rrezikun.

Një vlerësim i fundit nga vendet anëtare të Kombeve të Bashkuara ka ngritur gjithashtu shqetësimin, duke paralajmëruar se kryengritësit talibanë në Afganistan duket se janë të gatshëm të rrëzojnë qeverinë aktuale afgane me forcë nëse negociatat nuk japin rezultate të favorshme.

Zyrtarët në Shtëpinë e Bardhë dhe në Pentagon kanë kërkuar të sigurojnë publikun se Shtetet e Bashkuara kanë aftësinë të luftojnë një rishfaqje të mundshme të al-Kaidës dhe IS-it, përmes sulmeve me raketa me rreze të gjatë veprimi, qoftë nga bazat amerikane apo nga transportuesit e avionëve në Lindjen e Mesme.

“Ne do të kemi ende aftësinë ajrore për të shkuar pas al-Kaidës dhe ISIS-it në qoftë se këto objektiva shfaqen dhe duhet t’i eliminojmë”, i tha Zërit të Amerikës këtë javë gjenerali Kenneth “Frank” McKenzie, komandanti i Komandës Qendrore Amerikane.

Megjithatë, McKenzie paralajmëroi se “presioni i vazhdueshëm kundër terrorizmit, presioni i drejtpërdrejtë”, ka qënë ai që ka penguar që grupi “të kthehej dhe të zgjerojë numrin e luftëtarëve”.

Edhe pse tërheqja e trupave amerikane është realizuar tashmë më shumë se 50%, planet për atë se si do të duket aftësia për sulmet ajrore “mbi-horizont” nuk është shumë e qartë.

Koha po afron, me trupat amerikane dhe ato të koalicionit që ka të ngjarë të jenë jashtë Afganistanit shumë përpara afatit të shtatorit të vendosur nga presidenti Biden./VOA

LEXO TE PLOTE