Connect with Us

Surprizon Marotta: Bonuset do paguhen të gjitha, më pas flasim me lojtarët

Seria A

Surprizon Marotta: Bonuset do paguhen të gjitha, më pas flasim me lojtarët

Publikuar

-

Administratori i Deleguar i Interit, Giuseppe Marotta hodhi poshtë zërat për një prishje të humorit të futbollistëve, për shkak të një kërkese për reduktim të pagave, teksa theksoi se në ambientin zikaltër ka festë për titullin kampion dhe të gjithë bonuset do të respektohen.

“Nuk është e vërtetë që ka prishje humori te futbollistët. Ne jemi të gjithë krenarë për atë që kemi arritur dhe na takon ta festojmë e shijojmë deri në fund, pasi veçanërisht djemtë kanë derdhur shumë djersë në fushë gjatë këtij viti. Detyrimet kontratore do të shlyhen të gjitha, përfshi edhe bonuset mbi paraqitjet apo titullin, pasi janë një arritje e merituar për futbollistët”, deklaroi Marotta.

Megjithatë drejtuesi zikaltër pranoi se situata ekonomike në klub nuk është e mirë, ashtu si në shumë skuadra të tjera europiane dhe zbuloi se vetëm gjatë ditëve të ardhshme do të ketë një bisedë të sinqertë me futbollistët.

“Është e vërtetë që kemi vështirësi ekonomike, por nuk jemi vetëm ne. Shumë klube në Europë po vuajnë, pasi stadiumet e boshatisura për shkak të pandemisë kanë ulur ndjeshëm arkëtimet. Ne kemi mbajtur të gjithë detyrimet kontratore deri tani, por është momenti që të bëjmë një lëvizje për të ardhmen, pasi nëse vazhdohet kështu, shumë klube do të shkojnë drejt falimentimit. Do të flasim me lojtarët një e nga një dhe do t’i sqarojmë për gjithçka, duke shpresuar që do të gjejmë mirëkuptimin e tyre, pasi janë të gjithë profesionistë dhe e kuptojnë situatën”, u shpreh Marotta.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

U bë legjendë kur zbriti në Serinë C për Napolin. Ish-portieri: Më telefononte Reja çdo të shtunë

Publikuar

-

Nga

Kur Napoli zbriti në Serinë C më shumë se dy dekada më parë, të paktë ishin ata që pranuan që të behshin pjesë e projektit për të ringjallur këtë skuadër. Por presidenti i Napolit, Aurelio De Laurentis, sapo mori klubin i besoi Edi Rejas, i cili e nisi gjithçka nga kategoritë e ulëta, për të kthyer në elitë këtë skuadër të njohur. .

Gjërat ishin shumë të vështira në fillim, por pikërisht trajneri aktual i Shqipërisë ishte një nga arsyet pse në ekip filluan të vinin përsëri emra të njohur, të cilët braktisën kategoritë më të larta në futbollin italian për të ndihmuar klubin, siç tregoi Xhenaro Ieco, ish-portieri i napolitanëve.

“Më telefonoi trajneri Reja që të shkoja te Napoli, kur unë isha pjesë e Kaljarit në Serinë A. Më telefononte çdo të shtunë para ndeshjeve të play-off dhe më tha se nëse do të ngjiteshin në Serinë B, do të provonte të më merrte në ekip. Ajo ishte e vetmja mundësi për mua që të vishja fanellën e Napolit. Isha 31-vjeç dhe e pranova ofertën, pa u menduar shumë, edhe pse pastaj play-off me Avelinon shkoi keq.

Por kur ecën në rrugë dhe ka njerëz që na kujtojnë ende me kënaqësi ne napolitanët të cilët treguam përkushtim ndaj fanellës, nuk ka kënaqësi më të madhe. Shpresoj që Insinje ta kuptojë këtë”, ishin fjalët e portierit duke lëshuar një thumbim në adresë të fantazistit i cili nuk po rinovon kontratën.

LEXO TE PLOTE

Seria A

“E kam pasur ëndërr të luaj një ditë atje”, Vidal tregon ekipin ku do transferohet

Publikuar

-

Nga

Arturo Vidal kërkon të respektojë deri në fund kontratën me Inter, që i skadon në vitin 2022. Pas kësaj eksperience me zikaltërit, kileni është i qartë dhe kërkon që të luajë me Flamengon.

Vetë mesfushori tregon se ka ëndërr të luajë për Flamengon, ndërsa mendon se mund të transferohet në vitin tjetër.

“Të luaj një ditë për Flamengon? Po, them gjithmonë që ëndrra ime është të luaj për Flamengon. Kam një kontratë me Interin, por ndoshta në vitin tjetër do të luaj me Flamengon. Për mua do të ishte një ëndërr, uria ime në fushë mbetet e njëjta”, u shpreh Vidal.

LEXO TE PLOTE

Seria A

Hames Rodrigez do zëvëndësojë Calhanoglunë te Milani

Publikuar

-

Nga

Pas mbylljes së çështjes “Çalhanoglu”, Milani po kërkon një fantazist për sulmin. Kjo ka bërë që dyshja MaldiniMasara të angazhohen për këtë çështje, por gjithashtu situata ngacmon imagjinatën e menaxherëve të ndryshëm. Në të vërtetë, emrat më të nxehtë për momentin janë ata të Sebajos, Zakanjit dhe Zijeh.

Por, së fundmi një ide e re vjen nga Kolumbia, Hames Rodriguez, si vetofrim. Lojtari, “i djegur” nga lamtumira e sponsorit të tij të madh Ançelotti, dëshiron të largohet nga Evertoni, kështu që agjenti i tij, Horge Mendes, u ka propozuar kolumbianin kuqezinjve të Milanos, Napolit dhe Atletiko Madridit.

Lajmi i publikuar fillimisht nga mediat kolumbiane është konfirmuar gjithashtu edhe në Itali, por profili i Hames Rodriguezit meriton një reflektim nga pikëpamja ekonomike. Mendes e ka bërë të ditur se ai është optimist për koston e kartonit, ku Everton do të kërkojë një shifër afër 15 milionë, por “muri” për t’u kaluar mbetet rroga e tij, pasi përfiton rreth 9 milionë euro në sezon.

Por, që Milani të afrohet për të bërë të tijin kolumbianin, duhet të sakrifikojë dikë nga grupi aktual, ku më i mundshmja shikohet shitja e Rafael Leaos, i cili gjithashtu menaxhohet nga Horge Mendes.

LEXO TE PLOTE