Connect with Us

Rrugëtimi i Vedat Gashit në politikën amerikane

Kosova & Rajoni

Rrugëtimi i Vedat Gashit në politikën amerikane

Publikuar

-

Rrugëtimi i Vedat Gashit në politikën amerikane

Përfshirja e shqiptaro-amerikanëve në politikën e Shteteve të Bashkuara, shihet si diçka e rëndësishme për pjesëmarrjen e komunitetit në procese vendimmarrëse. Por Vedat Gashi, anëtar i këshillit bashkiak në Uestçester të Nju Jorkut që tani garon për një mandat të dytë, mendon se interesimi për përfshirje në politikë nga shqiptarët Amerikës nuk është në nivelin e duhur. Në një intervistë për Zërin e Amerikës ai u bën thirrje shqiptaro-amerikanëve që të paktën të regjistrohen për të votuar dhe të marrin përgjegjësitë që u takojnë. Hollësi sjell kronika e përgatitur nga kolegu Burim Goxhuli.

Rrugëtimi i Vedat Gashit në politikën amerikane

Viti 2004 e gjen Vedat Gashin në Prishtinë, jo për shkak të ambicieve politike, por nga dëshira për të ndihmuar shtet-ndërtimin e Kosovës.

Shqiptaro-amerikani vendosi të zhvendosej për një projekt tre-mujor,por qëndroi atje për 5 vite, duke shërbyer si këshilltar ligjor në Ministrinë për Administrim të Pushtetit Lokal dhe pastaj si këshilltar në zyrën e kryeministrit.

“Gjatë asaj kohe ndihmuam formimin e një shteti që po shkonte drejt pavarësisë. Ishte privilegj dhe nder të ishe atje për këtë rrugëtim. Po hartonim ligje, po krijonim rrugë që çonin drejt pavarësisë”, tha zoti Gashi në një intervistë për Zërin e Amerikës.

Pak pas shpalljes së pavarësisë së Kosovës, zoti Gashi rikthehet në ShBA ku vazhdon karrierën e tij juridike, për çka edhe kishte mbaruar studimet.

Por pothuajse 10 vite pas, më 2018, ai vendosi të merrte përgjegjësi të reja duke iu futur garës për një nga 17 vendet e këshillit bashkiak në Uestsçester të shtetit të Nju Jorkut.

“Shumë gjëra të rëndësishme po ndodhnin në politikën amerikane. Ndjeja një lloj përgjegjësie që të përfshihem. Hyra në garë për ligjvënës dhe isha shumë me fat që mora përkrahjen e komunitetit shqiptaro-amerikan dhe komunitetit më të gjerë”, thotë ai.

Shqiptaro-amerikani është në fund të mandatit të tij të parë në këtë pozitë. Në nëntor ai garon për një mandat të dytë, ndërsa aktualisht është i fokusuar në fushatën e tij.

Zoti Gashi shpjegon përgjegjësitë dhe rëndësinë e pozitës që ai këkron ta fitojë edhe për një mandat dy-vjeçar.

“Uestçester ka rreth një milion banorë. Buxheti ynë për vitin e shkuar ishte 2.7 miliardë dollarë, afërsisht sa buxheti i Kosovës. Merremi me çështje që kanë të bëjnë me infrastrukturën, rrugët, ujin e pijshëm. Ky ishte roli im.Pra miratojmë ligje për bashkinë tonë”, shpjegon shqiptari-amerikani.

LEXO EDHE:  Kroacia merr presidencën e BE-së/ Soreca mesazh të fortë politikës

Zoti Gashi, i cili është pjesë e Partisë Demokrate, thotë se rruga që e ka zgjedhur nuk është e lehtë, sidomos në këtë periudhë kur politika amerikane ndodhet para shumë vështirësive.

“Mendoj se kemi demorkatët që janë shumë demokratë dhe të zëshëm dhe repulikanët që janë shumë republikanë dhe gjithashtu shumë të zëshëm. Janë në ekstremet e tyre. Ekziston një përçarje që nuk sjell asnjë të mirë. Unë dhe komuniteti im jemi diku në mes. E kuptojmë që njerëzit në ekstreme janë më të zhurmshmit por nuk më përfaqësojnë mua dhe komuniutetim tim”, thotë ai.

Por sfida si këto nuk duhet të zmbrapsin shqiptaro-amerikanët të përfshihen në procese vendim-marrëse, thotë ai.

“Problemi është se shumë familje që janë detyruar të largohen nga vendet e tyre, ruajnë lidhjet e forta me vendlindjen, të cilën e duam aq shumë. Mendoj se është me rëndësi që të vazhdojmë të ndjekim zhvillimet politike atje, por gjithashtu duhet të përfshihemi në politikën e vendit ku jemi”, thotë politikani Gashi.

Zoti Gashi shton se distrikti që ai përfaqëson përbëhet nga afër 66 mijë banorë ndërsa vetëm rreth 500 shqiptaro-amerikanë janë të regjistruar për të votuar.

“Unë i di vështirësitë me të cilat njerëzit përballën për të ardhur në këtë vend. Nuk ishte e lehtë të merrje shtetësinë. Të kalosh gjithë këta hapa dhe pastaj të mos përdorësh privilegjet dhe përgegjësitë që ke, të cilat I kemi falë punës së madhe të prindërve tanë, është e turpshme dhe mëkat. Është e turpshme të mos e ushtrosh atë përgjegjësi. Ashtu nuk nderon ata që sakrifikuan që ju të jeni këtu”, përfundon zoti Gashi.

Demokrati Gashi thotë se fokusi i tij është puna për ulje të taksave, mbrojtje të mjedisit, mbështetja e programeve të kujdesit shëndetësor për grate dhe familjet si dhe zhvillimi ekonomik. Ai thotë se duke punuar në këto drejtime, përmirësohet edhe jeta e komunitetit shqiptaro-amerikan./voa

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Mali i Zi, thellohen përplasjet politike

Publikuar

-

Nga

Në Mal të Zi janë thelluar mosmarrëveshjet dhe përplasjet politike, jo vetëm midis shumicës dhe opozitës, por edhe brenda koalicionit qeverisës.

Shkarkimi i ministrit të Drejtësisë dhe të Drejtave të Njeriut dhe Pakicave, Vladimir Leposaviq për qëndrimin e tij mohues ndaj gjenocidit në Srebrenicë dhe miratimi i një rezolute për Srebrenicën, nxitën tensione politike duke shkaktuar një krizë qeveritare që mund të sjellë edhe zgjedhje të parakohshme në Mal të Zi.

Partia pro-ruse, Fronti demokratik, vuri në dukje se shumica aktuale parlamentare në Mal të Zi nuk ekziston më, duke paralajmëruar bojkotimin e parlamentin dhe krizën qeveritare në vend.

Përfaqësuesit e kësaj partie theksuan se “ votimi për rezolutën e Srebrenicës, e cila nuk u votua as nga Parlamenti i Bosnje-Hercegovinës, është në dëm të popullit serb dhe Republikës Serbe”.

Edhe autoritetet e Beogradit reaguan në mënyrë të ashpër duke i cilësuar veprimet e Podgoricës si “tradhtare dhe kundër popullit serb.”

Presidenti i Serbisë. Aleksandar Vuçiq iu drejtua popullit serb në Mal të Zi duke i mbështetur në qëndrimin e tyre. Ai tha se “ Rezoluta e miratuar është kundër interesave të Serbisë, por serbët në Mal të Zi duhet ta mbajnë kokën lartë”.

Ndërkaq, ministri i Punëve të Brendshme të Serbisë, Aleksandar Vulin theksoi se do të kërkojë që ndaj deputetëve malazezë që votuan për rezolutën tu ndalohet hyrja në Serbi.

“Unë do të kërkoj që të ndalohet hyrja në Serbi të atyre që votuan për rezolutën. Le të takohen me familjarët e tyre, të sistemuara mirë në Beograd, në Mal të Zi, “thai Vulin.

LEXO EDHE:  Ish-sekretari i Shtetit Colin Powell uron Biden/ Kam besim se do të jetë një President i shkëlqyer
LEXO EDHE:  Kroacia merr presidencën e BE-së/ Soreca mesazh të fortë politikës

Kryeministri aktual i Malit të Zi, Zdravko Krivokapiq ka dhënë propozimin për shkarkimin e ministrit të Drejtësisë, Vladimir Leposaviq, pasi ai nuk pranoi të jepte dorëheqje. Ai ka thënë se ministri është dashur të flasë rreth Srebrenicës në frymën e politikës së Qeverisë.

Megjithatë, Krivokapiq e cilësoi si të panevojshme miratimin e rezolutës për Srebrenicën.

“Rezoluta për Srebrenicën nuk është dashur të miratohet në parlament, pasi Mali i Zi e ka mbështetë Deklaratën e Parlamentit Europian për ngjarjet në Srebrenicë,” tha zoti Krivokapiq.

Krivokapiq akuzoi pratinë pro-ruse Fronti Demokratik, e cila, sipas tij, në bashkëpunim me Beogradin ka për qëllim rrëzimin e qeverisë aktuale të Malit të Zi.

Sidoqoftë, ngjarjet e fundit, sipas analistëve malazezë, do të shkaktojnë ndarje të reja në opinionin e Malit të Zi dhe ndarje në baza kombëtare.

Analistët thanë se ndarjet midis komuniteteve, kohëve të fundit kanë qenë mjaftë të thelluara si pasojë e mosmarrëveshjeve fetare dhe të nxitura nga Kisha Ortodokse Serbe në Mal të Zi.

Protestat e shpeshta dhe gjuha e urrejtjes ka ndikuar në rritjen e incidenteve ndëretnike në vend.

Në këtë kuadër edhe Këshilli i Europës ka ngritur alarmin për ndarjet ndëretnike në Mal të Zi.

Në raportin mbi Konventën për Mbrojtjen e Zbatimit të pakicave Kombëtare në Malin e Zi K.E. i ka bërë thirrje autoriteteve “ të punojnë në uljen e tensioneve dhe në parandalimin e gjuhës së urrejtjes.”/ VOA

LEXO TE PLOTE

Kosova & Rajoni

Ulen shifrat e të infektuarve me Covid-19/ Ja sa raste janë regjistruar sot në Itali

Publikuar

-

Nga

Ditën e sotme janë nulur shifrat e të infektuarve me Covid-19 në Itali.

Mësohet se janë regjistruar 881 raste pozitive koronavirusit në 24 orët e fundit, ndërsa dje ishin 1.197 raste.

Ministria e Shëndetësisë së shtetit fqinj raporton se gjithashtu kanë humbur jetën 17 të infektuar.

Aktualisht janë 389 pacientë të shtruar në kujdesin intensiv, me një rënie prej 5 pacientësh krahasuar me dje./ CNA.al

LEXO TE PLOTE

Kosova & Rajoni

Kërkohet pako e re për t’i ndihmuar bizneset

Publikuar

-

Nga

Përfaqësues të bizneseve dhe deputetë nga partitë opozitare në Kuvendin e Kosovës, po kërkojnë nga Qeveria e Kosovës që të ndihmojë bizneset me mjete financiare, në mënyrë që të rikuperohen pasojat e shkaktuara nga pandemia.

Zyrtarë të qeverisë thonë se tashmë janë në përgatitje të një pakoje të re ekonomike.

Kryetari i Odës Ekonomike të Kosovës, Berat Rukiqi tha se Kosova nuk ka arritur që të ndihmojë bizneset për të rikuperuar humbjet ekonomike, krahasuar me vendet e Ballkanit Perëndimor siç janë Bosnja dhe Hercegovina, Kroacia, Serbia, Mali i Zi, Maqedonia e Veriut dhe Shqipëria.

Sipas tij, pakoja emergjente ka përmbushur rolin e saj, por tashmë vendi ndodhet në një situatë tjetër dhe kërkesat e bizneseve kanë ndryshuar.

“Tashmë kanë ndërruar edhe nevojat e bizneseve. Nuk është se ka kërkesa nga të gjithë sektorët për ndihmë të drejtpërdrejtë financiare. Më shumë tashmë duhet të fokusohet tek ata sektorë që mund të kenë një potencialë të rritjes, siç është rasti me sektorët apo kompanitë që kanë potencialë për eksport. Ka shumë kërkesa për shkathtësitë e fuqisë punëtore dhe kërkesa për projekte në fushën e efiçiencës së energjisë dhe digjitalizimit”, tha Rukiqi për Radion Evropa e Lirë.

Pakot e Kosovës për rimëkëmbje ekonomike

Deri më tani, Qeveria e Kosovës ka ndihmuar bizneset me një pako emergjente fiskale në vlerë prej 180 milionë eurosh. Kjo pako u prezantua menjëherë pas konfirmimit të rasteve të para me koronavirus dhe masave të izolimit.

Kurse në fund të vitit 2020, Kuvendi i Kosovës kishte miratuar Ligjin për rimëkëmbje ekonomike, që arrinte vlerën e 222 milionë eurove. Ky ligj ka për qëllim sjelljen e favoreve për bizneset dhe lehtësimin e gjendjes financiare pas humbjeve të shkaktuara nga pandemia e koronavirusit.

Zbatimi i këtij ligji, nga qeveria e udhëhequr nga ish-kryeministri Avdullah Hoti, ka filluar në janar të këtij viti dhe nga kjo vlerë për bizneset, sistemin e shëndetësisë, për skemat sociale, arsim dhe kulturë janë shpenzuar rreth 100 milionë euro.

Me zgjedhjen e qeverisë se re, të udhëhequr nga kryeministri Albin Kurti, në muajin mars të këtij viti, u tha se Ligji për rimëkëmbje nuk është zbatuar për shkak të, siç u tha, “kostos së lartë buxhetore dhe rishikimit të ligjit”.

Edhe subjektet opozitare në Kuvendin e Kosovës kanë kërkuar nga qeveria e Kosovës që bizneset private të trajtohet me seriozitet pas vaksinimit të qytetarëve dhe kthimin në normalitet pas pandemisë, sepse pakot e deritanishme të rimëkëmbjes, kanë qenë të pamjaftueshme për zhvillimin e aktivitetit të tyre biznesor.

Hamza: Kosova është vonuar me pakot për rimëkëmbje

Bedri Hamza nga Partia Demokratike e Kosovës, në një nga seancat e Kuvendit të Kosovës, ka kërkuar nga qeveria që sa më shpejtë të bëhet rishikimi i buxhetit dhe Ligjit për rimëkëmbje ekonomike, në mënyrë që të fillohet të shpërndahet ndihma për bizneset.

LEXO EDHE:  Foto-Dorëzimi i Balilit “trondit” politikën/ Plas humori në rrjet

LEXO EDHE:  Si e kalojnë Vettingun Rama, Basha dhe Meta?!

Kosova, sipas tij, qëndron larg vendeve të rajonit sa i përket ndihmës financiare.

“Maqedonia e Veriut i ka miratuar gjashtë pako, me afër 900 milionë euro për bizneset. Qeveria e Republikës se Shqipërisë rreth 13 miliardë lekë (mbi 1 miliard euro) kontribute për ekonominë, Qeveria e Malit të Zi ka ndihmuar bizneset dhe qytetarët e saj në shumë prej një miliard eurosh”, ka deklaruar Hamza.

Të gjitha vendet e Ballkanit Perëndimor kanë krijuar politika buxhetore dhe kanë përdorur stimuj buxhetorë për të luftuar rënien ekonomike dhe për t’u dhënë mbështetje familjeve dhe bizneseve. Sipas Bankës Botërore, pas fillimit të pandemisë, Qeveria e Serbisë ka shpallur paketën më të madhe të asistencës për ekonominë dhe qytetarët, me një ndikim të drejtpërdrejtë në buxhet prej 6.7 për qind të Bruto Produktit Vendor, pasuar nga Maqedonia e Veriut me 3.3 për qind, 2.9 për qind të BPV Kosova, 1.6 për qind Bosnja dhe Hercegovina dhe me 1 për qind të Bruto Produktit Vendor bizneset i ka ndihmuar Mali i Zi.

Gërxhaliu: Koha e fundit për rimëkëmbje ekonomike

Profesori i ekonomisë, Safet Gërxhaliu, tha se është koha e fundit kur Kosova duhet të mësojë nga përvojat e vendeve të rajonit sa i përket ndihmës që kanë shpërndarë për biznese dhe qytetarë për të rikuperuar humbjet nga pandemia.

“Në qoftë se mendohet të kemi rimëkëmbje të shpejtë ekonomike, qeveria duhet të tregohet fleksibile, të gjejë mundësi financimi”, shprehet Gërxhaliu.

Ministri i Financave dhe Transfereve, Hekuran Murati, para deputetëve në Kuvendin e Kosovës, të hënën më 15 qershor, ka thënë se brenda ditësh do të publikohet një pako e re për rimëkëmbje ekonomike.

“Keni besim, keni durim dhe shumë shpejt do paraqesim para jush edhe buxhetin e rishikuar edhe pakon e rimëkëmbjes ekonomike dhe bashkërisht, me konstruktivitetin e të gjithëve, do mund të sigurohemi, sepse zhvillimi i ekonomisë së vendit, krijimi i vendeve të reja të punës, nuk është çështje vetëm e një subjekti politik, por është çështje e të ardhmes së këtij vendi”, është shprehur Murati.

Pamundësia e bizneseve në Kosovë për të ushtruar aktivitetin e tyre në mënyrë normale, vitin e kaluar, ndikoi në punësimin dhe të ardhurat e qytetarëve, duke ndikuar kështu në mënyrë të drejtpërdrejtë në rënien ekonomike.

Në raportin e fundit të Bankës Botërore thuhet se rritja në vendet me ekonomitë me të ardhura të ulëta këtë vit, parashikohet të jetë më e ngadalta në 20 vjetët e fundit. Këto shtete mw këtë ekonomi, parashikohet ta kenë një rritje prej 2.9 për qind në vitin 2021, para se të arrijnë në 4.7 për qind në vitin 2022. REL

LEXO TE PLOTE