Connect with Us

Nga Lorenc Vangjeli/ Basha humbi sepse tregoi vetëm milionin e tij të parë

Opinione

Nga Lorenc Vangjeli/ Basha humbi sepse tregoi vetëm milionin e tij të parë

Publikuar

-

Basha në panik nga zemërimi i demokratëve/ Fshihet pas takimeve me regjistrim

Të gjithë pasanikët e kësaj botë pranojnë të shpjegojnë me detaje mënyrën sesi kanë fituar çdo milion të jetës së tyre, me kusht që të mos tregojnë sesi kanë bërë milionin e parë. Lulzim Basha, një nga djemtë e pasur të Shqipërisë, ka treguar me hollësi sesi ka fituar milionin e tij të parë në moshën 31 vjeçare kur hyri në politikë, por refuzon të tregojë sesi i ka shumëfishuar milionat ndër vite duke qenë në politikë. Edhe pse nuk ja thonë shpesh kritikët sepse ju duket normale, edhe pse vartësit ja duartrokasin si meritë sepse duan t’i ngjanë në këtë pikë, milionat e tij sekretë janë një nga arsyet themelore të mungesës së atyre dhjetra mijëra votave që mund ta bënin kryeministër. Paratë e kanë bërë të suksesshëm Bashën në axhendën e tij vetjake ekonomike, por e kanë shndërruar në dështues përsëritës në axhendën politike.

Sot në PD-në e paszgjedhjeve, nuk ka shumë zgjedhje për të bërë. Ato kalojnë, për paradoks, nga paradhoma e Edi Ramës. Ftesa për bashkëpunim pa kufinj me opozitën, është një çek që është “firmosur falas” nga kryeministri dhe që po për paradoks, kushtëzohet edhe nga milionat e Bashës. Ajo ftesë, tek demokratët e mbetur, tingëllon pak a shumë si eksperimenti i maj-shtatorit të largët të 2017-ës, kur u bë sprova e parë për një bashkëqeverisje të gjerë mes të djathtës dhe të majtës.

As atëherë dhe as tani, demokratët nuk kuptuan një të vërtetë të thjeshtë se në një vend si Shqpëria dhe me një sistem politik si ky në Shqipëri, kryeministri ka gjithçka në dorë dhe gjithkush tjetër pas tij, aleat apo kundërshtar, ministër apo rival, është vetëm shtojcë e vullnetit kryeministror. As Ilir Meta nuk e kuptoi në 2013-ën një gjë të tillë kur delegoi pushtet dhe madje as Edi Rama vetë nuk e kishte imagjinuar peshën e pushtetit që do të mblidhte ditë mbas dite që në agun e mandatit të tij të parë. Në mandatin e tij të tretë, nga epërsia që i jep forca, në të vërtetë ai afron shumë më shumë sesa ëndërron imagjinata e mpirë nga humbja e demokratëve. Afron më shumë sesa, fjala vjen, posti i kryetarit të Kuvendit, zëvendëskryeministrit apo disa portofole ministrash e derivate të tjerë postesh për demokratët. Apo edhe një rishikim të zgjedhjeve për pushtet lokal.

Në PD-në nën anestezinë e humbjes dhe në mungesë ulëritëse idesh dhe vizioni, të bindur se politikë do të thotë vetëm luftë, se kompromisi është tradhëti, se gënjeshtra është art, se hipokrizia është normë, se mosmirënjohja është detyrim, se ulërima është mençuri, se mohimi total është largpamësi, se dialogu është dobësi, se servilët janë gjendje bio, nuk janë të aftë t’i afrojnë një kufi ftesës “së pakufishme” të kryeministrit. Refuzojnë për refleks, pa kuptuar se në politikë nuk duhet të sillesh me refleksin e ngulitur: mos prano “dhuratat” që vijnë nga kundërshtari! Mund të niset me reformën kushtetuese. Duke kërkuar një rishkrim të rregullave që ata vetë bashkë me socialistët i kanë shkruar me zellin e prostitutës që i përshtatet shijes së klientit.

LEXO EDHE:  Deklarata e fortë e Bashës/“Tryeza e OSBE për reformën zgjedhore, kurth politik i Ramës”

Qoftë edhe vetëm tek kjo mënyrë sjelljeje mund të gjendet një nga arsyet themelore se pse, në garën e 25 prillit, që më shumë se programe dhe ngjyra partie, konkuronin karaktere dhe tipologji liderësh, PD ishte e destinuar të humbiste. Me shansin për të jetuar ende shumë gjatë brenda sindromës së humbjes së paracaktuar sa kohë që nuk çajnë flluskën e euforisë dhe moskuptimit të Shqipërisë ndryshe.

Shenjat se shumica në PD ka zgjedhur fatin e gomarit që lutej të ishte në ëndërr edhe kur luani i kishte ngulur pesë putra në shpinë, janë dëshpëruese. PD-ja nuk ka politikan më të mirë se Lulzim Basha, edhe pse kushdo tjetër, përfshi edhe përgjegjësin e parkingut në seli, ka një seri epërsish të padiskutueshme mbi kryetarin formal dhe real të PD-së. Askush si ai nuk ka bërë asnjë nga gabimet e tij dramatike, nuk ka konsumuar asnjë nga sjellet e tij naive, nuk ka afruar asnjë nga fytyrat hipokrite të atij që bën pikërisht të kundërtën e asaj që thotë. Mohon kur beson se duhet të pohojë, refuzon, kur mezi pret t’i luten, paguhet kur sulmon dhe paguan që ta lëvdojnë.

Ndaj për të kuptuar të nesërmen qoftë të ftesës së Ramës për opozitën, qoftë edhe fatin vetjak të drejtuesit të PD-së, duhet ndjekur gjurma e milionave të tij. Ato të çojnë drejt zgjidhjes së enigmës së çfarë do të ndodhë nesër me pacientin zero të PD-së. Lulzim Bashën e sollën në 2005-ën si shpresë të opozitës në Tiranë duke dëshmuar ai në vetë të parë sesi kishte fituar milionin e tij të parë me punë në emigracion. Dhe që 16 vjet më pas, ka çuar në kufinjtë e “një në një milion” shanset e opozitës për rikthim në pushtet, pavarësisht ftesës së Ramës për bashkëpunim pa kufinj.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Opinione

Sot, rikonfirmimi tinzar i Bashës por legjitimimi humbjes së PD edhe në 2025!

Publikuar

-

Nga

Nga Gjeneral Piro Ahmetaj/ "Sot, rikonfirmimi tinzar i Bashës por legjitimimi humbjes së PD edhe në 2025”

Nga Gjeneral Piro Ahmetaj

Në përgjigje të mijëra mesazheve që shprehin konsiderata por edhe zemërime për qëndrimet “e ashpra” ndaj humbjes diskredituese të opozitës në 25 Prill, më duhet të qartësoj sa vijon:

Së pari, ndihem në paqe, pasi përgjatë më shumë se 1 viti (përfshi qëndrimet e 3 muajve të fundit) kam dhënë gjithçka që kam mundur, për ta çliruar PD nga alternativa humbëse e Lulezim Bashës si dhe garda e sekserëve që kanë pushtuar PD dhe përdhosur besimin publik opozita !

ASNJË lidhje me listat e Vlorës, Tiranës, Elbasanit, etj. Përkundrazi, sa më larg 25 Prillit, edhe më shumë i nderuar për mungesën në listat e tenderuara natën por që shitën ditën në diell zgjedhjet e radhës!

ZERO problem me qytetarin L.B, si djalë, prind, bashkëshort, shofer, kuzhinier, përkthyes, me balluket, kostumet, veset apo virtytet njerëzore që si çdo njeri tokësor edhe ai mbart.

Sinqerisht keqardhje për sa kohë harxhova me një “ delinkuent  në tentative për Kryeministër », por «shtetar i pa këllqe, mashtrues i stërvitur, i pabesë për tu përballur dhe cinik njëherësh”!

Së dyti, asnjë sekondë për tu marrë më tej me oshilacionet e humbësit, i cili ndërsa në mbrëmjen e 25 Prillit fjeti me kurorën e Kryeministrit (në vend të dorëheqjes së parevokushme!), u zgjua me instiktet perverse të të mbyturit që kapet edhe pas …, karriges në këtë rast!

Si edhe në 2017 ku mori demek qeverinë me 7 Ministra (u thënçin) dhe fitoi 43 mavro-deputet, por paturpësisht mbajti pa meritë dhe pa nder karrigen e Kryetarit të PD!

Ndërsa në 26 Prill, befas u trimërua me “arkat me masakrën zgjedhore, të  gjitha të rrëzuara nga gjykatat e RSh dhe faktorët ndërkombëtare”, mbledhjet e Kryesisë dhe KK, (paska patur dhe forume PD-ja !!), natën cakton me urgjencë datë zgjedhjesh, rregullat e lojës dhe emëron kush do kandidojë, kush jo, ndërsa ditën përdhos vasalët-vartës, shpërdoron strukturat si arbitër dhe me paturpësi cinike ka dalë si Ali komiku Bagdadit për të drejtuar: «fitoret që presin PD nën udhëheqjen e tij në mos në 2025 mbas 2029»! Hall i madh ka gjet PD!

Për edhe më keq, si një çilimi i përkëdhelur kryetari në detyrë, bën qurramanin ndaj akuzave publike dhe u tregon me ligësi oponentëve serioz: ««o me Lulin o me armikun .., kufirin e mllefit etj », ndërsa gjithfarë mjeranësh zvarriten nëpër salla duke brohoritur: «deri në vdekje me udhëheqësin e lavdishëm», edhe pse PD s’ka asnjë fitore të vetme nën drejtimin e tij.

Së treti, NEVERI për «figurat dhe faktorët» e diskredituar nga mungesa e kurajos si dhe gardën e kamikazëve të lidhur pas karriges së kryetarit humbës që si të ardhur nga Galaktika, bëjnë sikur ka «garë vlerash» dhe vërsulen kundër armiqëve që ju shajnë kryetarin e madh ! Turp !

LEXO EDHE:  Basha i përgjigjet Ramës/ 80 mijë dollarë të paligjshëm për një foto, bota të tregon me gisht
LEXO EDHE:  Basha i zhgënjeu/ Ibsen Elezi tregon se kush mund të marrë drejtimin e PD

PËRBUZJE për listat e borderosë në mediat e kaptereve dhe ushtrinë e punësuar me byrek në portalet e kunetërve që qelbën dynjanë me diarenë e prapagandës: “edhe humbës i përsëritur edhe krenar, edhe trim i tërbuar, edhe i pazëvendësueshëm ….”!  Marrëzi !

KEQARDHJE për 10-ra mijëra demokratët, që pa ju tharë lotët e dëshpërimit për humbjen mëkatare, zvarriten në llogoret e betejës se radhës: «për karrigen e mavro-Kryetarit humbës» !

MËSHIRË, për frymën tinzare se: «fajin për humbjen e radhës së opozitës dhe tranzicionin rraskapitës në RSh, e kanë :«USA, OSBE, NATO dhe ambasadorët perëndimore» !? Për ta nuk mjafton veç: “fali o zot se nuk dinë se çfarë bëjnë” nga paniku … !

Së katërti, Marrëzia për karrige s’njeh limite. Kështu, FATKEQËSISHT, 13 Qershori do të inventarizohet në memorien e pluralizmit si funerali poshtërues i vlerave dhe besimit te PD!

Nga ana tjetër, 13 Qershori demonstron frikshëm jo vetëm papërgjegjshmërinë perverse të Kryetarit humbës, por edhe mungesën dëshpëruese të kurajos në partinë që ka lindur dhe ka për mision Lirinë dhe Demokracinë!

Prandaj besoj edhe më fort se jo «gara cinike», kush do marrë karrigen e humbësit por refuzimi i angazhimeve që legjitimojnë 13 Qershorin, si ngjarje poshtëruese për besimin te PD do ishte minimumi i përgjegjshmërisë fisnike të demokratëve.

Në të kundërt,  ngritja, e një Bordi Tranzitor Mirebesimi, mbetet domosdoshmëri kritike për rinisur një proces gjithëpërfshirës dhe të gjithanshëm transformimi, me qëllim rikthimin e PD-së në shinat e të djathtës moderne si dhe të besimit te demokracia funksionale si gjithë Europa.

Sigurisht është një sfidë shumë e vështirë, por kurrësesi mision i pamundur për njërzit e lirë që besojnë se fuqia e demokracisë fillon dhe mbaron te shenjtimi i votës brënda PD-së.

Në shtesë, me qëllim sjell një shprehje Angleze: “Don’t beat the dead horse », ose e Shqipëruar: «mos e godit kalin e ngordhur», pasi sa më shumë goditet aq më shumë kutërbon era … !

Kështu për këdo të respektuar apo të mërzitur, siguroj se ky mbetet shkrimi i fundit me këtë subjekt (13 Qershorin) dhe për më tepër, kundër Kryetarit humbës!

Ndaj, duke ju falënderuar me mirënjohje për disa dhjetra mijëra mesazhet mbështetëse që më keni shoqëruar përgjatë më shumë se 1 viti, garantoj se do të vijoj të kontribuoj me përkushtim përunjësi dhe përgjegjshmëri shtesë për mbrojtjen e interesave kombëtare si dhe forcimin e partneritetit strategjik me USA, NATO-n, etj.

LEXO TE PLOTE

Opinione

Për kopjacet e QSHA

Publikuar

-

Nga

Testi i matematikës është i kopjuar- ky ishte pretendimi më i parë i gjimnazistëve sot.

Përfaqësuesja e QShA ne daljen e vet të djeshme, pretendoi që maturantët ankoheshin kot. Sipas saj, ata që ankoheshin ishin gjimnazistët që ishin nisur në provim me idenë që do kopjonin.

Dmth sipas zonjës QSHA, ata që ankohen janë nxënësit e dobët që nuk qenkan lënë të kopjojnë! Dhe meqë nuk paskan kojuar, kanë dalë në rrugë për të protestuar.

Sipas Zonjës QSHA, këta nxënës pa kopje vlejnë zero.

Po zonja QSHA, sa vlen pa kopje?

Pyetjet e testit të matematikës janë kopje të këqia nga teste që nuk i përkasin testeve të matematikës per maturë shtetërore dhe nuk janë hartuar mbi bazën e programit mësimor të maturës shtetërore shqiptare.

Ato janë kopje të zonjës QShA.

Kopje të vjedhura!

Zonja QSHA, pa kopje vlen zero.

Mbetet vetëm të verifikohet që pyetjet janë vjedhur nga teste logjike, që testojnë IQ dhe jo dijet në maturën shtetërore.

Motra e Turit ne shqip quhet Sindi, kurse ne Anglisht perkthehet Ashraf. Dhe pyetja me kutine e motrës së Turit është qartësisht pyetje logjike.

LEXO EDHE:  Zgjedhjet në Malin e Zi/ Mbyllet zyrtarisht votimi

LEXO EDHE:  Basha i zhgënjeu/ Ibsen Elezi tregon se kush mund të marrë drejtimin e PD

Testi përmbante pyetje të perkthyera e që perdorinin terma qe maturantët nuk i perdorin fare në programin mësimor.

Ndërkohë zonja QSHA, del dhe “sqaron” qe testet i paska bërë me qëllimin që pyetjet të të integrohen me situata të jetës së perditshme qe të msohen nxensit me to!!!

Ka vetëm 2 probleme këtu!

E para: nëse kto integrime ishin në onlain të viheshin në test, duhet të ishin edhe në program. Çfarë nuk ështe në program s’mund t’ju mësohen maturantëve nëpërmjet testit.

E dyta: nësë zonja QSHA do përfshirjen e situatave të jetës së përditshme, pse i ra nga Anglia për ti gjetur?! Situatat e jetës së përditshme të maturantëve shqiptarë, veshtirë se janë të njëjta më ato të maturantëve anglezë.

Deri tani përgjigjet e zonjës QSHA, tregojnë nivel të mjerueshëm IQ. Dhe për atë nivel s’ka kopje që të shpëton. Imagjino pastaj kur kopjen do që ta gjesh në anglisht, që pastaj ta përkthesh, e pastaj ti gjesh vendin në programin e maturës shtetërore shqiptare.

Për këtë duhet me shumë se një zonjë QSHA me nivel të lartë logjik./CNA.al

LEXO TE PLOTE

Opinione

Nga Kreshnik Spahiu/ Pse asnjë diplomat i huaj apo lider kosovar nuk e mbështeti Ilir Metën?

Publikuar

-

Nga

Nga Kreshnik Spahiu/ Pse asnjë diplomat i huaj apo lider kosovar nuk e mbështeti Ilir Metën?

30 vjet në pushtet dhe sot asnjë ndërkombëtar nuk foli një fjalë kundër shkakrimit të Ilir Metës. Atij nuk i kishte ngelur asnjë mik apo dashamiras.

– Heshtën amerikanët

– Heshtën europianët

– Heshti OSBE

– Heshtën fqinjët grek, maqedonas dhe bullgar

– Heshtën vëllezrit kosovar që i priste me dreka dhe darka te vila e Lalzit

– Heshti Ramushi dhe Albini

– Heshtën mijra të dekoruar me teneqe alumini me urdhrat Skenderbeu apo Nën Tereza

– Heshtën vëllezrit opozitar B & B

– Heshtën komshinjtë e Gjirit Lalzit

– Heshti edhe Baba Mondi

– Heshtën gjimnazistet e LSI

– Heshtën protestuesit e 2 Marsit

– Heshti edhe gruaja Monika, që e dogji me djegien e mandateve

Të gjithë heshtën, sepse kishte ardhur ora dhe çdo kujt po i neveritej në mënyrën si kacavirrej pas karrikes e cila nuk mbron kushtetutën por prapanicēn e tij.

Të gjithë heshtën sepse në fund e kuptuan që dhe ajo fije burrëri fiktive që mendonin nuk egzistoi tek ai në 26 Prill kur duhet të jepte dorëheqje si premtim, për intergritet me publikun dhe miqt e tij.

LEXO EDHE:  ISIS në Shqipëri një “broçkull kozmike”/ Shpërthen Rama

LEXO EDHE:  Deklarata e fortë e Bashës/“Tryeza e OSBE për reformën zgjedhore, kurth politik i Ramës”

Të gjithë heshtën sepse askush nuk e konsideronte një president të popullit, por thjesht një i përkëdhelur i atyre që emruan dhe shkarkuan disa herë në këto 30 vjet.

Të gjithë heshtën sepse në fund e panë se si u përdor dhe sot ja hodhën si mish gjahu që ta shqyejnë të gjithë nga pak.

Heshtën edhe për një arsye tjetër….

Askush nuk dëshiron të bashkohet funeralit të tij politik, pasi e kanë të qartë çfarë gojotine po e pret nga ata që i kërcënonte se do ju hante veshin apo do i hidhte në Malin me gropa.

Të gjithë heshtin kur e kuptojnë që i ke bërë gropën vetes..CNA.al

LEXO TE PLOTE