Connect with Us

Paditë e PD në Prokurori/ Basha i përdor si alibi për dështimin e tij

Politikë

Paditë e PD në Prokurori/ Basha i përdor si alibi për dështimin e tij

Publikuar

-

Lulzim Basha e siguroi qëndrimin e PD-së, në Opozitë, të paktën edhe për katër vitet e ardhshme.

Në fakt humbjen e 25 Prillit, Basha e pati paralajmëruar më herët, që para fushatës elektorale dhe vijoi përgjatë dhe pas fushatës. PD e ka bërë SPAK-un si tregun e fruta perimeve dhe nga mëngjesi deri në mbrëmje shfaqen para dyerve të Prokurorisë me denoncime për krime zgjedhore.

Paditë si kërpudha pas shiut, që PD bëri në një kohë rekord, tregonin se Basha po përgatiste terrenin pas humbjen. Dhe në fakt, pas humbjes, Basha, kryefjalë ka paditë që PD ka bërë në prokurori për krime zgjedhore

Janë 190 padi penale të bëra nga PD vetëm gjatë fushatës elektorale dhe që sipas Bashës, ky numër padish do të rritet edhe më shumë në ditët në vijim. Është në drejtën ligjore dhe morale të çdo partie politike, që nëse ka prova për krime zgjedhore ti denoncojë ata në prokurori, në SPAK.

Por, të dërgojë prova dhe jo letra boshe, të etiketuara si padi, sa për të kaluar radhën dhe për të realizuar strategjinë e Lulzim Bashës, të cilit i duhen si mjet për të justifikuar dështimin dhe humbjen.

LEXO EDHE:  Aleati i Bashës pranon mandatin e deputetit?

Bashën nuk e shpëton dot nga “pusi” ku ka rënë asnjë lloj padie dhe asnjë lloj manovrimi. Shifrat, rezultatet zgjedhore, rrëzojnë Bashën në çdo deklaratë të tij, për manipulim të procesit zgjedhor.
Mund të jetë rritur Partia Demokratike, por sa vlen një rritje e tillë, kur mbetet sërish në Opozitë.

Pasi vlerësoi fillimisht procesin zgjedhor, dhe së fundmi njohu edhe mandatet e deputetëve të rinj, Basha po tenton të justifikohet para demokratëve, me paditë që PD ka dërguar në Prokurori dhe që ende nuk dihet, nëse do të rrëzohen apo jo nga SPAK-u. Se varet çfarë kanë brenda ato padi, kanë prova, apo thjesht letra boshe, qëndrime politike. Nëse janë thjesht letra boshe sa për të kaluar radhën, atëherë, duhet të hetohen zyrtarët e PD që kanë bërë kallëzime të rreme.

Si do të justufikohet Basha në këtë rast? Apo deri atëherë duhet të ketë gjetur alibi tjetër?/CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Nazarko zbulon gabimin e Bashës/ Humbi shumë vota për shkak të aleancës me LSI-në

Publikuar

-

Nga

Nazarko zbulon gabimin e Bashës/ Humbi shumë vota për shkak të aleancës me LSI-në

Analisti Shpëtim Nazarko, ka analizuar mbrëmjen e sotme humbjen e Partisë Demokratike në zgjedhjet e 25 prillit.

Tkurrjen e mbështetjes për PD-në, ai e lidh me aleancat që Lulzim Basha ka lidhur gjatë kohës që ka qëndruar në opozitë.

Nazarko tha në emisionin “Real Story” se kreu i PD-së ka humbur shumë vota për shkak të aleancës së tij LSI-në.

Unë mendoj që Basha do të fitonte normalisht, sepse ka disa pika që gjykoj si një njeri që spostohem prapa në histori. Një nga gabimet e mëdha është që ai ka thënë njeri Berishës, kur bëri aleancë me Metën, deri kur do të bëhej ajo? Ja pse unë do e zgjidhja prapë Bashën në krye të PD. Unë pëlqej që ngjarjet t’i gjykoj si një njeri që rri 10 vite prapa.

LEXO EDHE:  Vrasja e tre punonjësve të Bashkisë së Matit/ Reagon Basha

LEXO EDHE:  Aleati i Bashës pranon mandatin e deputetit?

Nga 2009 deri në vitin 2021 PD ka humbur dhe unë mendoj që Basha tani, ka humbur për shkak ë aleancës me LSI-në, sepse janë 160 mijë vota. Këto vota Basha thotë që më është dashur shumë t’i nxjerr nga qypi. Basha ka pasur dy probleme të mëdha.

Ka teori konspirative që është bërë bashkë me Ramën për të hequr qafe Metën. Madje dhe presidenti tha që më nxorën në pritë. Kjo është tipike e dinakëve, dembelë. Unë s’i jap meritë Bashës. Basha që kur e ka marrë në 2013-ën duhej të merrej me këtë histori”, tha Nazarko./ CNA.al

LEXO TE PLOTE

Politikë

“PD nuk duhet ta lëshojë Berishën”/ Arjan Çani: Ja pse kjo parti ka mbetur vetëm

Publikuar

-

Nga

“PD nuk duhet ta lëshojë Berishën”/ Arjan Çani: Ja pse kjo parti ka mbetur vetëm

Arjan Çani, ka deklaruar se Partia Demokratike duhet ta mbrojë Berishën, sepse vetë partia ka fytyrën e tij.

Çani në emisionin Të Paekspozuarit me Ylli Rakipin u shpreh se një nga gabimet e PD-së, është se nuk ka aleanca dhe mbështetje ndërkombëtare, ndaj ka mbetur vetëm.

PD nuk duhet ta lëshojë Berishën në këtë moment, do të ishte një gafë e madhe. Ajo parti ka fytyrën e Berishës. Problemi i kësaj partie është që ajo nuk ka arritur dot të bëjë aleancat e duhura me aktorë të huaj. Nuk është problem që kjo parti ka Berishën, por se kjo parti ka mbetur vetëm.

Le të marrim hipotezën sikur kjo parti të kishte, rusët mbrapa. Mendoni se Berisha do të ishte në këtë situatë? Sigurisht jo. Berisha do të ishte i mbrojturi i njërës palë.

Rama është njeriu i zgjedhur i amerikanëve.  Berisha dhe Basha kë kanë mbrapa? Kur ti je në syrin e perandorisë, duhet të mbrohesh apo jo? Me kë do të mbrohesh? Duhet të zgjedhin aleatë, duhet të ishin të mbrojtur.

Gabimi i partisë nuk është se ka fytyrën e Berishës, por se është vetëm. Cfarëdo të bëjë PD për amerikanët, ata i kanë sytë nga Rama. Si ka mundësi që PD është vetëm? Përse i ka munguar ky vizion?“, tha ndër të tjera Çani./CNA.al

LEXO TE PLOTE

Politikë

“Basha nuk ka më mbështetje”/ Nishani: Lista e anëtarësisë është tkurrur

Publikuar

-

Nga

Kreu i Këshillit Kombëtar të PD, Bujar Nishani u shpreh se Lulzim Basha nuk ka më mbështetje nga demokratët ndonëse ai u zgjodh në krye të opozitës.

Në një intervistë për emisionin “Të paekspozuarit” të Ylli Rakipit, Nishani tha se anëtarësia është zvogëluar me rreth 25 mijë anëtarë në krahasim me vitin 2013, ku shtoi se dita e zgjedhjeve nuk mori miratim unanim në Kryesi, ndrësa në Këshill nuk u diskutua fare për këtë çështje.

Bënim takime në një qark, 80% e njerëzve që takuam në një kafe me njëri tjetrin thoshin gjëra të tjera me ne thoshin gjëra të tjera. Me Bashën nuk ishin të kënaqur, por nuk donin të përçanin partinë.

Në Këshillin Kombëtar nuk është diskutuar data e zgjedhjeve. Vendimi që erdhi për tu votuar ishin vetëm emrat e komisionerëve. Në kryesi nuk ka qenë votimi unanim, sepse Alizoti ka abstenuar, ndërsa Bylykbashi dhe Alibeaj kanë qenë kundër.  Në 2013 në listë kanë qenë 103 mijë anëtarë, ndërsa tani ka shkuar 75 mijë”, shprehet Nishani./ CNA.al

LEXO TE PLOTE