Connect with Us

Ballkani i Shkëmbit “vetëvritet” për titullin, Drenica thuajse e shpëtuar

Sport

Ballkani i Shkëmbit “vetëvritet” për titullin, Drenica thuajse e shpëtuar

Publikuar

-

Ballkani bën “vetëvrasje” ndaj Arbërisë në Suharekë dhe dorëzohet në garën për titull duke ia bërë gjithçka më të thjeshtë Prishtinës.

Skuadra e Bledi Shkëmbit pësoi humbjen e dytë radhazi në kampionat pasi u mposht nga Arbëria me rezultatin 2-3 mbetur në vendin e 3-të të renditjes tre javë para fundit me 5 pikë diferencë me Prishtinën e vendit të parë dhe dy pikë me Dritën, duke rrezikuar tashmë edhe pjesëmarrjen në Europë. Kreshnik Bahtiri kaloi në epërsi Arbërinë që mori tre pikë jetike për mbijetesën në minutën e 20-të ndërkohë që pak sekonda para pushimit Arbër Shala barazoi shifrat me një goditje potente nga distanca.

Por atëherë kur pritej përmbysja e skuadrës së Shkëmbit, Arbëria shënoi dy herë të tjera në pjesën e dytë në minutat 47 dhe 67-të sërish me Bahtirin dhe Llugiqin i cili vulosi suksesin e skuadrës nga Lipjani.

Goli i Arbër Hoxhës në minutën e 87-të shërbeu sa për të bërë më interesante këtë sfidë në fund sepse me këtë humbje Ballkani jo vetëm që i tha lamtumirë ëndrrës titull por tashmë rrezikon edhe Europën dhe mund të ngelet thatë si një sezon më parë.

Mori një fitore jetike Drenica që pothuajse siguroi mbijetesën falë suksesit 4-2 ndaj Llapit sfidë në të cilën shënoi një gol shumë të bukur nga distanca edhe ish-mesfushori i Llapit Donald Rrapo

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Ronaldo e Pepe “tërbohen” me Rui Patricion, portieri nuk i dëgjoi te penalltia e Benzema

Publikuar

-

Nga

Portieri Rui Patricio ishte një nga heronjtë e Portugalisë në ndeshjen kundër Francës, të përfunduar në barazimin 2-2. Pritjet e tij ndaj Pogba dhe Griezman në pjesën e dytë siguruan që skuadra të merrte pikën që i nevojitej për të vazhduar më tej në turne.

Por gardiani i Portugalisë ka acaruar dy shokët e tij të skuadrës, Kristiano Ronaldon dhe Pepe, në momentin kur Karim Benzema ekzekutoi penalltinë e cila barazoi shifrat në 1-1. Të dy lojtarët u munduan ta ndihmonin që ai të neutralizonte goditjen e sulmuesit francez, por ai nuk i dëgjoi e përfundoi duke pësuar gol.

Para se Benzema të gjuante, Ronaldo shkoi të fliste me portierin për t’i treguar se ku gjuante zakonisht francezi. Ndërsa kur Benzema nisi ecjen drejt topit, si ai, ashtu edhe Pepe i treguan të dy Rui Patricios krahun e djathtë të tij si atë ku do të shkonte topi. Por gardiani nuk i dëgjoi, duke u hedhur në anën e kundërt, ndërsa Benzema gjuajti pikërisht aty ku po tregonin dy ish-shokët e skuadrës te Real Madrid.

Pepe vrapoi i nervozuar drejt portierit duke shprehur pakënaqësinë e tij, ndërsa Ronaldo uli kokën dhe u kthye drejt mesit të fushës, padyshim i zhgënjyer që sugjerimi i tij nuk ishte pranuar.

LEXO TE PLOTE

Sport

Faza e 1/8-ave/ Lëvizin koeficientët e basteve. Ja 5 favoritët për të fituar trofeun

Publikuar

-

Nga

Pas përfundimit të fazës së grupeve të EURO 2020, kuotat e basteve, në kompanitë e huaja, kanë lëvizur ndjeshëm, për sa i përket kombëtares që do të arrijë të fitojë trofeun në fund të këtij kompeticioni madhor.

Terren ndjeshëm ka fituar Italia, ndërkohë që Franca vijon të kryesojë, duke u llogaritur si favorite absolute. Të shtunën do të startojnë ndeshjet e fazës së 1/8-ave të Europianit, ndërkohë sipas kompanisë prestigjioze të basteve, “Bet365”, Franca llogaritet si favorite për të fituar në fund kampionatin Evropian, “gjelat” kuotohen me koeficientin 5.00.

Italianët e Roberto Mançinit llogariten si kombëtarja e dytë favorite me koeficientin 7.00, Anglia është e treta me 7.50, Gjermania e katërta me 8.00 ndërsa Spanja e mbyll listën e top-5 favoriteve me kuotën 9.00. Skuadrat ‘autsajdere’ në fazën e eliminimit direkt po llogariten Austria me koeficientin 151.00 dhe Zvicra me 101.00.

LEXO TE PLOTE

Kombëtare

Bogdani: Kam luajtur kundër Benzemasë dhe Ronaldos, ja për kë bëj tifo në Europian

Publikuar

-

Nga

Erion Bogdani, është i ftuar special i emisionit “EUROMANIA” të moderatores Enxhi Biba, në “Neës 24” dhe ka anlizuar ndeshjet e mbrëmshme, por jo vetëm ëhstë bdnalur edhe tek kualitetet e këtij europiani, siç edhe është Ronaldo. “Është një Europian ndryshe, me gola dhe raste të shumta. Më në fund po luhet me tifoza. Lojtarët që janë me emër, kur luajnë në praninë e tifozëve, japin maksimumin. Kemi parë CR7 që duket më aktiv në fushën e lojës në krahasim me Juventusin”.

“Më pëlqen dhe simpatizoj Italinë. Në drejtimin e trajnerit Mançini është duke zhvilluar lojëra të bukira. Nuk pëson gol, më ka entuziazmuar për ndryshimin e lojës që bën. Për mendimin tim, kryesorja te Italia është mesfusha. Luajnë mirë me topin, më pëlqen loja sulmuese.”

“Emocionet më të mëdhaja janë me fanellën e ekipit Kombëtar dhe golat që kam bërë me Shqipërinë. Çdo futbollist ka objektiv të jetë lider te ekipi Kombëtar. Portugalia dhe Franca janë skuadra të mëdha, që në gjirin e tyre kanë lojtarë të klasit botëror. Është kënaqësi e madhe të luash kundër tyre. Jam ndeshur kundër Ronaldos, Benzemasë dhe shumë emrave të tjerë të rëndësishëm.”

“Të dy kanë qenë të famshëm kur jemi përballur. Do të veçoja të 18 golave në Kombëtare. Kanë qenë një sadisfaksion i madh. Janë gola që kujtohen përherë.”

“Më vjen keq që nuk kam luajtur në Europian, por kam qenë pjesë e stafit të trajnerëve. Ishte një emocion shumë i madh dhe një gjë shumë e bukur. Shpresoj që ne të mos ndalemi vetëm te ai Europian.”

“Shpresoj të përsëritet historia, ne kemi tifoza të zjarrtë që na kanë përkrahur në të gjitha ndeshjet. Është një gjë e bukur jo vetëm për ata që luajnë, por për të gjithë Shqipërinë. Kemi grup të mirë lojtarësh, që luajnë me skuadra të forta, por duhet forca e grupit, që të japë maksimumin. Uellsi, nuk ka kualitet më të madh se ne. Janë ekipe si niveli i jonë, po të shikosh Uellsin apo Skocinë, kanë luftë sportive. Edhe Shqipëria duhet ta ketë një karakteristikë të tillë”.

“Është e vërtetë, Kemi mbrojtës shumë të mirë, por kemi dhe sulmues shumë të mirë. Rasti i Manajt. Ekipit shqiptar që përfaqësoi vendin tonë në Francë pjesa kryesore ishte grupi i bashkuar, nga minuta e parë deri kur mbaronte loja. Dhe me Danimarkën e bëmë këtë gjë, kishte shumë talente si Eriksen, por arritëm që të ishim ne në vend të Danimarkës në Kampionatin Europian.”

“Gjermania dhe Anglia janë 2 skuadra me histori në futbollin Europian. Me çfarë kemi parë në 3 ndeshjet e para Anglia më duket me më shumë ekuilibër në skuadër. Kemi parë një Gjermani që lë hapësira mbrapa dhe i jep përparësi fazës sulmuese. Varet kush do të gabojë më pak. E shikoj më të favorizuar Anglinë sepse luan në “Uembli”, por është nj ndeshje që mund të ndodhë gjithçka.”

“Anglia ka një nga qendërsulmuesit më të mirë në Europë dhe Botë. Këta lojtarë marrin përgjithësitë e tyre në ndeshjet delikate. Anglia ka ekuilibër, ka lojtarë të mirë. Herri Kejn nuk diskutohet që është lojtar i mirë dhe ai vetë e di që në këto 3 ndeshje, nuk do të luajë siç do të dëshironte, besoj që ndaj Gjermanisë, do të jetë një nga lojtarët kryesorë.”

“Edhe Portugali-Belgjikë do të jetë një ndeshje shumë të bukur, kanë lojtarë shumë të mirë në dispozicion. Prandaj është futboll i bukur, ka surprizat e veta. Në Francë, Portugalia me 3 barazimi mezi doli nga grupi dhe fitoi Europianin. Belgjika është favorite ndaj Portugalisë. Megjithatë është një ndeshje e hapur dhe e ekuilibruar.”

“Nuk ka fjalë të flasësh për Kristiano Ronaldon. Më përpara luante në të gjithë fushën, luante për ekipin, tani kemi një lojtarë, që sa herë që e prek topin, jep asist ose shënon.”

“Vitin e fundit me Juven ka bërë 30 gola në fushë. Me Ronaldon në fushë, e fillon ndeshjen 1-0. Gjithsesi shoh Belgjikën favorite, ka lojtarë shumë të fortë. Franca dhe Belgjika në krahasim me ekipet e tjera, kanë diçka më shumë. Por gjithsesi kampionati Europian është i bukur, sepse mund të ndodhë çdogjë.”

“Italia para 2 vitesh nuk mori pjesë në Botëror, filloi një revolucion. Në futboll, gjërat nuk bëhen në mënyrë të shpejtë. Për këtë ecuri ka meritë trajneri Mançini. Po luajnë në një mënyrë që askush nuk e priste. Asnjë ekip i fortë nuk ka qejf të përballet me Italinë. Ndeshja me Austrinë, është një ndeshje që Italia i ka të gjitha mundësitë për ta kaluar. Për herë të parë, Italia nuk është në presion, për të fituar Europianin. Ka zhvilluar lojëra të mira, që kanë rritur pretendimet. Bashkë me Belgjikën dhe Francën, mund të jenë pretendentë.”

“Nëse kalon Austrinë, Italia do të luajë kundër Belgjikës ose Portugalisë, aty do të shikohet Italia. Unë shpresoj të shikojmë në fushë edhe Kielinin, i jep siguri repartit të mbrojtjes. Italia është skuadër që do t’i japë besdi të gjitha skuadrave”, – përfundoi Bogdani prononcimin e tij…

LEXO TE PLOTE