Connect with Us

Vaksinimi për udhëtuar drejt BE-së/ Tomini: Ja çfarë do ndodhë nëse nuk miratohen vaksinat ruse e kineze

Shëndeti

Vaksinimi për udhëtuar drejt BE-së/ Tomini: Ja çfarë do ndodhë nëse nuk miratohen vaksinat ruse e kineze

Publikuar

-

Vaksinimi për udhëtuar drejt BE-së/ Tomini: Ja çfarë do ndodhë nëse nuk miratohen vaksinat ruse e kineze

Nëse EMA nuk miraton vaksinat ruse dhe kineze dhe aplikon kushtin e vaksinimit për të udhëtuar drejt vendeve të BE-së, do të ketë marrëveshje ndërqeveritare për të favorizuar lëvizjen e udhëtarëve.

Kështu u shpreh në “Ditari”, zëvendësministrja e Shëndetësisë Eugena Tomini përmes një lidhjeje me Skype. Ajo theksoi se nuk do të ketë asnjë kusht për hyrjen në territorin shqiptar.

Nga EMA janë duke u vlerësuar të dy vaksinat, kërkon një proces të detajuar dhe kërkon kohë dhe ky proces përshpejtohet në kuadër të pandemisë. Pa u miratuar nga BE nuk është i zbatueshëm, por nëse ndodh prioritet do te jenë vetëm ata që janë vaksinuar me Pfizer dhe AstraZeneca.

Askush nuk do të donte të ndërpriste udhëtimet. Nuk mundet të vendoset një kufizim i tillë, nëse BE do jetë e dakordësuar për aplikimin e këtij kushti, do të ketë marrëveshje ndërqeveritare për të favorizuar procesin e lëvizjes së udhëtarëve. Shqipëria nuk ka asnjë kufizim për hyrjen e udhëtarëve dhe nuk do ketë kushte për hyrjen në territorin shqiptar”, tha ajo.

Sa i takon rritjes së rasteve të reja me koronavirus në vendin tonë, Tomini shprehet se kjo ishte e pritshme për shkak të fushatës elektorale, ndërsa shtoi se lehtësimi apo ashpërsimi i masave varet nga situata:

Është e pritshme rritja e rasteve në javën e 2-3 të majit për shkak të fushatës, virusi është prezente transmetueshmëria është e ulët kemi raste asimptomatike.

Kemi tendencë në rritje dhe situata po vlerësohet në mënyrë dinamike. Në varësi të situatës dinamike vijojmë me lehtësimin apo ashpërsimin e masave”.

Lidhur me procesin e vaksinimit, Tomini theksoi se është arritur të kryhen 20 mijë aplikime në ditë, duke përshpejtuar procesin, ndërkohë që deri më tani është 19% e popullatës e imunizuar.

Sipas saj sistemi i vaksinimit, aplikimit dhe imunizimit është në nivel shumë të fortë sa i përket logjistikës dhe infrastrukturës:

Kemi përkrahje të popullatës përkundrejt aplikimit. Mbi 19 mijë aplikime sot. Kemi kaluar mbi 550 mijë aplikime që nga janari. Dhe në ditë të caktuar kemi ulje të frekuentimit të qendrave masive dhe ulje të nivelit të aplikimeve. Kemi shkuar në 20 mijë aplikime në ditë.

Por duhet të falënderoj popullatën për procesin e imunizimit masiv që nuk është i lehtë. Sistemi i vaksinimit, aplikimit dhe imunizimit e ka treguar që është në nivel shumë të fortë sa i përket logjistikës dhe infrastrukturës.

Jemi në nivelin e 19 % të popullatës së imunizuar aktualisht, gati 100 individë kanë bërë kalendarin e plotë të imunizimit.  Kemi kaluar edhe imunizimin aktiv nëpërmjet sëmundjes, që kanë kaluar mbi 130 mijë individë”.

Për ata persona që kanë 3 muaj që kaluar Covid rekomandohet të mos kryhet vaksina, theksoi Tomini.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

Novavax, vaksina kundër kovidit 90% efikasitet

Publikuar

-

Nga

Novavax, vaksina kundër kovidit 90% efikasitet

Kompania bioteknologjike Novavax thotë se një studim i ri tregon se vaksina e saj kundër koronavirusit rezulton të jetë e efektshme ndaj të gjitha varianteve. Në studimin e zhvilluar në Shtetet e Bashkuara dhe Meksikë morën pjesë afro 30,000 njerëz. Sipas rezultateve të publikuara të hënën, vaksina ishte 90% e efektshme.

Kompania amerikane Novavax njoftoi të hënën se vaksina e saj kundër koronavirusit rezulton të jetë 90.4% efikase. Në studimet e kryera me pjesmarrjen e afro 30 mijë njerëzve, 77 individë u infektuan me koronavirus, 14 prej tyre në grupin e vaksinuar dhe pjesa tjetër në grupin e atyre që nuk morën vaksinën.

“Rezultatet kryesore nga studimi tregojnë një efikasitet prej 90% në përgjithësi. Kjo është një shifër e lartë, pasi kishte shumë variante të virusit në qarkullim gjatë provave klinike”, tha Stanley Erck, drejtori ekzekutiv i i kompanisë.

Sipas kompanisë, vaksina është e efektshme kundër gjithë varianteve. Po ashtu ajo ofron mbrojte ndaj atyre që zhvillojnë simptoma të moderuara dhe të rënda të sëmundjes. Më parë kompania pati publikuar të dhëna nga studimet në Britani dhe Afrikën e Jugut.

Rezultatet e shumëpritura në Shtetet e Bashkuara vijnë ndërsa kërkesat në vend për vaksina kanë rënë në mënyrë dramatike, duke lënë shumë qytete me një tepricë dozash.

Rreth 64% e të rriturve në ShBA kanë marrë të paktën një dozë, ndërsa 54% janë vaksinuar plotësisht, sipas Qendrave për Kontrollin dhe Parandalimin e Sëmundjeve.

Megjithatë, shumë shtete në botë po përpiqen të vaksinojnë banorët e tyre dhe i kanë varur shpresat tek vaksinat e ndryshme.

“Nevojitet përhapja globale e vaksinave, veçanërisht në vendet me të ardhura të ulëta dhe të mesme. Vaksina jonë është veçanërisht e përshtatshme, pasi është e qëndrueshme në temperaturat e frigoriferëve të zakonshëm”, thotë shefi ekzekutiv Stanley Erck.

Gjatë tremujorit të tretë të vitit, Novavax ka në plan të aplikojë për autorizimin e përdorimit emergjent të vaksinës në Shtetet e Bashkuara dhe vende të tjera.

Kompania me bazë në Maryland kishte njoftuar më parë për vonesa në procesin e prodhimit të vaksinave dhe parashikon që të prodhojë 100 milionë doza në muaj deri në fund të tremujorit të tretë dhe 150 milion doza në muaj deri në tremujorin e katërt./VOA

LEXO TE PLOTE

Shëndeti

Procesi i vaksinimit/ Manastirliu: Priten 11.700 doza të Pfizer

Publikuar

-

Nga

Ministrja e Shëndetësisë Ogerta Manastirliu gjatë fjalës saj në Kuvend ka bërë me dije se sot mbërrijnë sasi të tjera të vaksinës Pfizer.

Sot presim sërish 11,700 doza të vaksinës Pfizer dhe me këtë sasi, së bashku me sasinë e mbërritur sot, si një mbështetje e qeverisë së Republikës së Greqisë, arrijmë në mbi 967 mijë vaksina të mbërritura deri tani në vendin tonë. Shumë shpejt presim edhe lëvrimin e sasisë tjetër të vaksinave Coronavac, të Sinovac”, u shpreh Manastirliu.

Gjithashtu ajo shtoi se procesi i vaksinimit do të intensifikohet gjatë verës, për t’i dhënë frymëmarrje ekonomisë dhe turizmit.

Sot, fasha e vaksinimit ka zbritur në 57 vjeç, përpos vaksinimit të kombinuar me kategoritë e riskut. Mbërritja e sasive të tjera të vaksinave, do të sjellë edhe uljen e mëtejshme të fashës së vaksinimit. Kjo është koha më e mirë për të intensifikuar këtë proces jetik dhe ne jemi të vendosur ta bëjmë këtë gjatë gjithë sezonit të verës e më tej, për mbrojtjen e shëndetit të qytetarëve dhe për t’i dhënë padyshim frymëmarrje ekonomisë dhe turizmit. Jemi të vendosur të vijojmë të palëkundur drejt objektivit për vaksinimin e çdo qytetari”, tha Manastirliu.

Ministrja e Shëndetësisë bëri me dije se janë mbi 836 mijë vaksinime të kryera, duke folur edhe për kategoritë me përqindjen më të lartë të vaksinimit në vendin tonë./ CNA.al

 

LEXO TE PLOTE

Shëndeti

Mbërrijnë 20.000 doza të vaksinës AstraZeneca/ Manastirliu: Mirënjohje Qeverisë Greke

Publikuar

-

Nga

Mbërrijnë 20.000 doza të vaksinës AstraZeneca/ Manastirliu: Mirënjohje Qeverisë Greke

Ministrja e Shëndetësisë Ogerta Manastirliu ka bërë me dije se në vendin tonë kanë mbërritur 20.000 doza të vaksinës AstraZeneca falë ndihmës së Greqisë për Shqipërinë.

Ajo gjithashtu ka falenderuar qeverinë greke për këtë mbështetje.

20,000 doza të vaksinës AstraZeneca kanë mbërritur në Aeroportin “Nënë Tereza”, falë ndihmës së Greqisë për Shqipërinë.

#Mirënjohje qeverisë së Republikës së Greqisë për mbështetjen. Solidariteti na bën më të forte.

Do të #vijojmë pa u ndalur me planin kombëtar të vaksinimit, për mbrojtjen e jetës dhe shëndetit të çdo qytetari”, ka shkruar Manastirliu./ CNA.al

LEXO TE PLOTE