Connect with Us

Sfidat e agjendës ambicioze të Presidentit Biden

Bota

Sfidat e agjendës ambicioze të Presidentit Biden

Publikuar

-

Sfidat e agjendës ambicioze të Presidentit Biden

Ndërsa lë pas 100 ditët e para të presidencës së tij, Joe Biden pret të përballet me sfida të mëdha për të siguruar mbështetjen e Kongresit për agjendën legjislative të tij. Kronika në vazhdim sjell disa nga pengesat me të cilat demokratët mund të përballen për të miratuar planin prej afro 4 trilionë dollarësh.

Presidenti Biden promovon planin e tij të punësimit prej 2.7 trilionë dollarësh… I pari në listën e propozimeve ambicioze që pritet të diskutohen javëve të ardhshme në Kongresin amerikan, është ligji masiv për rindërtimin e rrugëve dhe urave, fuqizimin e shërbimeve të interenetit dhe sigurimin e ujit të pastër, që tashmë kanë nxitur kritikat e republikanëve.

“Ai beson se mund të taksojë, shpenzojë dhe rregullojë vendin tonë dhe të ketë sukses”, tha John Kennedy, senator republikan.

….Një betejë që ka vëmendjen e Kongresit këtë muaj.

“Çështje si reforma policore, kontrolli i armëve dhe emigracioni, sipas vlerësimit tim do të anashkalohen duke u fokusuar në planin e familjeve amerikane dhe infrastrukturës, duke e ditur se mund të bëhet shumë në këto dy aspekte të mëdha legjislative”, tha Casey Burgat, analist i çështjeve ligjore në Universitetin George Washington.

Por Presidenti Biden i sfidoi ligjvënësit duke u kërkuar rishikimin e reformës policore. Një propozim i ngjashëm nuk u miratua dot në Senat verën e shkuar, mes protestave për vdekjen e George Floyd-it.

“Duhet të bashkohemi për të rindërtuar besimin tek zbatuesit e ligjit dhe njerëzve që ata u shërbejnë. Ta bëjmë këtë muajin që vjen, në përvjetorin e parë të vdekjes së George Floyd-it”, kishte deklaruar Joe Biden.

Demokratët paraqitën edhe një propozim gjithëpërfshirës të reformës së imigracionit në fillim të këtij viti, e cila pritet të miratohet pjesërisht, në klimën e sfidave politike.

“Për më shumë se 30 vite, politikanët diskutuan për reformën e imigracionit dhe nuk kemi bërë asgjë për të. Është koha ta rregullojmë“, tha Presidenti Biden.

Sfida kryesore është një taktikë që përdoret në Senat e quajtur Filibuster ku ligjvënësit zgjasin fjalimet pa fund për të bllokuar votimin. Për ndryshimin e këtij rregulli duhen 60 vota.

“Ata janë të varur nga kjo taktikë. Pyetja në fund të ditës është, a i kanë ata votat e partisë për të ndryshuar taktikën që të kryejnë disa gjëra?”, tha Molly Reynolds, analiste në Institutin Brookings.

Kjo verë është mundësia më e mirë për zotin Biden dhe demokratët të kalojnë propozimet e tyre para se vëmendja e Kongresit të kthehet te miratimi i buxhetit të qeverisë dhe zgjedhjet afatmesme të vitit të ardhshëm./ VOA

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Bizneset amerikane përballë udhëzimeve të reja të CDC-së për maskat

Publikuar

-

Nga

Bizneset amerikane përballë udhëzimeve të reja të CDC-së për maskat

Amerikanët po përballen me udhëzime të reja nga Qendrat për Kontrollin dhe Parandalimin e Sëmundjeve (CDC). Sipas udhëzimeve, amerikanët e vaksinuar plotësisht, në pjesën më të madhe të rasteve, nuk kanë nevojë të përdorin maskat as në hapësirat e brendshme.

Vetëm një e treta e popullsisë amerikane është vaksinuar plotësisht. Një e katërta, sipas anketave, thotë se ka në plan të marrë njërën nga tre vaksinat.

Amerikanët, bizneset dhe zyrtarët e shëndetësisë u befasuan javën e kaluar kur CDC tha se individët e vaksinuar plotësisht mund të heqin maskat, me disa përjashtime. Drejtoresha e CDC-së Rochelle Walensky thotë se udhëzimi është i lidhur me përgjegjësinë individuale.

“Nëse janë të vaksinuar, ata janë të siguruar. Nëse nuk janë të vaksinuar, ata rrezikohen dhe duhet të vënë maskat, ose më mirë të vaksinohen.”

Disa drejtues të shëndetit publik i kritikuan udhëzimet si shumë të papritura dhe konfuze, pasi nuk është e qartë se kush është i vaksinuar. Administrata e Presidentit Biden ka thënë se nuk do të krijojë një pasaportë kombëtare për vaksinën. Udhëzimi i ri nga CDC ka ringjallur debatin rreth një çertifikate vaksine në mënyrë që bizneset dhe të tjerët të dinë nëse njerëzit janë vaksinuar.

Sipas zonjës Walensky, udhëzimi nuk do të thotë që të gjithë të heqin masakat, por që çdo njeri të jetë përgjegjës për shëndetin e tij. Për të pavaksinuarit, udhëzimi nuk ka ndryshuar, tha ajo.

Në një dalje pa maskë javën e shkuar, Presidenti Biden pranë Nënpresidentes Kamala Harris e përshkroi udhëzimin e ri si një ditë e shkëlqyer për Amerikën.

Megjithatë, udhëzimet e CDC-së nxitën ndryshime në të gjithë vendin. Disa dyqane thanë se blerësit e vaksinuar nuk kanë më nevojë të përdorin maska.

Të tjerë thanë se nuk do të ndryshojnë rregullat ndërsa rishikojnë udhëzimet. Një sindikatë që përfaqëson 1.3 milion punonjës të industrisë së ushqimit dhe tregtisë tha se udhëzimi i ri mund të vërë në rrezik pjestarët e saj.

“Po u kërkojmë bizneseve që ta bëjnë sa më të lehtë për punonjësit e tyre të vaksinohen, duke u dhënë ditë pushimi me pagesë”, tha drejtuesja e Qendrave për Kontrollin dhe Parandalimin e Sëmundjeve Rochelle Walensky.

Jo të gjitha shtetet janë të gatshme të lehtësojnë kufizimet.Përdorimi i maskës dhe distanca fizike ende kërkohet për udhëtarët e transportit publik dhe në avionë.

Ndërkohë, disa shtete dhe biznese po përdorin metoda të ndryshme për të nxitur njerëzit që të vaksinohen, duke ofruar udhëtime falas me tren, birrë dhe madje para, ndërsa përpiqen të kthejnë normalitetin tek komunitetet e tyre./voa

LEXO TE PLOTE

Bota

Lufta e përgjakshme në Gaza/ Izraeli vret një komandant të Xhihadit Islamik

Publikuar

-

Nga

Lufta e përgjakshme në Gaza/ Izraeli vret një komandant të Xhihadit Islamik

Izraeli tha se sulmet e tij ajrore kanë vrarë një komandant të lartë të militantëve palestinezë në Gaza.

Hasem Abu Harbid, komandant i grupit militant Xhihadi Islamik në veri të Rripit të Gazës, u vra të hënën, tha ushtra izraelite.

Ushtria tha se ka kryer edhe disa sulme të tjera të rënda në Gaza, duke shkatërruar 15 kilometra tunele, që përdoreshin nga militantët e Hamasit, si dhe shtëpitë e nëntë komandantëve të dyshuar të Hamasit.

Militantët palestinezë, ndërkohë, i vazhduan sulmet me raketa kundër disa qyteteve izraelite.

Dhuna midis ushtrisë izraelite dhe militantëve palestinezë është përshkallëzuar qysh më 10 maj.

Që atëherë, mbi 200 palestinezë janë vrarë nga sulmet e Izraelit në Gaza, thanë autoritetet në enklavën që kontrollohet nga Hamasi.

Në deklaratën e lëshuar të hënën nga Ministria e Shëndetësisë atje thuhet se 59 fëmijë dhe 35 gra janë në mesin e të vrarëve.

Ushtria izraelite tha se ka vrarë mbi 130 militantë në Gaza.

Dhjetë njerëz, përfshirë dy fëmijë dhe një ushtar, janë vrarë po ashtu në Izrael, si rezultat i raketave të hedhura nga militantët në Gaza, thanë zyrtarët izraelitë.

Luftimet – më të këqijat në Gaza dhe Izrael qysh në vitin 2014 – vijnë pas disa javë tensionesh, të shkaktuara nga konfrontimet midis policisë izraelite dhe protestuesve palestinezë në kompleksin e Xhamisë Al-Aqsa në Jerusalemin Lindor.

Ky lokacion është një vend i shenjtë si për myslimanët, ashtu edhe për hebrenjtë./rel

LEXO TE PLOTE

Bota

BE i kërkon Rusisë të shfuqizojë Ligjin për agjentët e huaj

Publikuar

-

Nga

Bashkimi Evropian i bëri thirrje Rusisë që të shfuqizojë Ligjin e saj të diskutueshëm për “agjentët e huaj”, i cili ka në shënjestër mediat, përfshirë Radion Evropa e Lirë.

Javën e kaluar, përmbaruesit gjyqësorë në Moskë kanë nisur të konfiskojnë prona nga zyra në Moskë e REL-it, si dhe kanë ngrirë llogaritë bankare të radios, për shkak të, siç është thënë, gjobave të papaguara për shkeljen e Ligjit të agjentëve të huaj.

Bllokohen llogaritë e REL-it në Rusi

Ditë më parë, rregullatori rus i mediave ka thënë se ka shtuar VTimes – një faqe në internet e lajmeve, e themeluar nga ish-personeli i gazetës Vedomosti – në listën e agjentëve huaj.

Rregullatori, më herët, ka futur në këtë listë edhe një ueb-faqe tjetër lajmesh, Meduza.

“BE-ja vazhdimisht u ka kërkuar autoriteteve ruse që ta shfuqizojnë këtë legjislacion dhe t’i respektojnë detyrimet e tyre ndërkombëtare ndaj lirisë së asociimit, mbledhjes dhe shprehjes”, tha Peter Spano, zëdhënës i shefit të politikës së jashtme të BE-së, Josep Borrell.

Spano tha se veprimet kundër Radios Evropa e Lirë në Moskë kanë “qëllim të qartë” për të penguar operacionet e saj.

Ligji për “agjentët e huaj” në Rusi është miratuar në vitin 2012 dhe është modifikuar vazhdimisht.

Ai kërkon nga organizatat joqeveritare që marrin ndihmë të huaj dhe për të cilat Qeveria ruse mendon se janë të angazhuara në veprimtari politike, të regjistrohen, ta identifikojnë veten si “agjente të huaja” dhe t’u nënshtrohen auditimeve.

Modifikimet e mëvonshme të ligjit kanë përfshirë edhe mediat e financuara nga jashtë.

REL është një kompani mediatike editorialisht e pavarur, e financuar nga një grant i Kongresit amerikan, përmes Agjencisë Amerikane për Media Globale.

REL e ka refuzuar emërtimin si “agjente e huaj” dhe nuk ka pranuar të veprojë në përputhje me kërkesat e rregullatorit rus të mediave, Roskomnadzor, që çdo material i botuar, të etiketohet si prodhim i një “agjenti të huaj”.

Për rrjedhojë, gjobat e shqiptuara nga autoritetet ruse kundër REL-it në Rusi kanë arritur vlerën e rreth 70 milionë rublave (950,000 dollarë)./CNA.al

LEXO TE PLOTE