Connect with Us

Lautaro basketbollist e Zhang student, ja ç’bënin interistët në vitin 2010

Seria A

Lautaro basketbollist e Zhang student, ja ç’bënin interistët në vitin 2010

Publikuar

-

Interi mundi dje të sigurojë titullin kampion pas plot 11 vitesh, por çfarë po bënin interistët e këtij sezoni kur Jose Mourinho, i huaji i fundit kampion në Itali, pushtoi Italinë dhe fitoi titullin? Repubblica.it zbulon se çfarë po bënin lojtarët aktualë të Interit dhe Antonio Conte në vitin 2010, kur Interi fitoi tripletën.

Trajneri ishte shkarkuar nga Atalanta dhe ishte drejt kalimit te Siena në Serie B. Ai arriti ta ngjisë skuadrën në Serie A, teksa titullin e e vitit 2011 e fitoi Milani i Allegrit. Romelu Lukaku, golashënuesi më i mirë i Interit këtë sezon, ishte vetëm 17 vjeç dhe po luante për Anderlecht në Belgjikë.

Ivan Perisic po luante gjithashtu në Belgjikë, por me Club Brugge, teksa Milan dhe Bologna ishin të interesuar për blerjen e tij. Ndërkohë, Lautaro Martinez ‘donte të luante basketboll dhe donte të ndiqte hapat e idhullit dhe bashkatdhetarit të tij, Manu Ginobili’, por babai i tij arriti t’i ndryshonte mendjen argjentinasit dhe ai nisi stërvitjen ne futboll.

Alessandro Bastoni ishte vetëm një 11-vjeçar, që sapo ishte futur në sektorin e të rinjve të Atalantas. Stefano Sensi ishte 15 vjeç dhe ishte në bisedime për t’u bashkuar me Cesena, duke pasur parasysh që klubi i tij, Rimini, falimentoi.

Nicolo Barella ishte 13 vjeç dhe po luante në sektorin e të rinjve të Cagliarit, ndërsa Samir Handanovic kishte kaluar gjashtë vite në Itali dhe po përgatitej të luante Botërorin e parë, ku do të përballej me Kilin e Arturo Vidal (23 VJEÇ në atë kohë) dhe Danimarkën e Christian Eriksen.

Ajax e kishte blerë danezin për 1 milion € nga Odense dy vite më parë. Andrea Ranocchia sapo kishte përfunduar sezonin e tij më të mirë në karrierë me Barin, partneritet me Leonardo Bonucci në difensivë.

Achraf Hakimi po luante në sektorin e të rinjve të Real Madridit dhe sapo kishte lënë sportin e notit. Matteo Darmian po luante për Padova në Serie B. Ai ishte në të njëjtën skuadër me Jack Bonaventura dhe Vincenzo Italiano, tani trajneri i Spezias.

I fundit, por jo më pak i rëndësishi, presidenti i Interit, Steven Zhang, po studionte në Ëharton, Universiteti i Pensilvanisë. Ndoshta ai nuk do ta kishte imagjinuar kurrë se 11 vjet më vonë, ai do të ishte bërë pronari i parë i huaj, që fiton titullin e Serisë A me Inter.

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Lautaro: Isha shumë pranë Barçës, sa mirë që qëndrova!

Publikuar

-

Nga

Lautaro Martinez fitoi titullin e parë kampion me fanellën e Interit katër javë para përfundimit të kampionatit dhe tani është vetëm një hap larg rinovimit të kontratës me zikaltrit. Duket se kanë kaluar vite drite që nga zërat që e çonin sulmuesin argjentinas në Spanjë. Duke folur për “Espn Argjentina”, vetë Lautaro e pranon se karriera e tij, në një moment, mund të kishte marrë një tjetër drejtimin … me ngjyrat “blaugrana”.

“Isha shumë afër Barcelonës, kisha folur për këtë me Messin, i cili më pyeti se si po shkonte marrëveshja, asgjë më shumë. Për mua do të ishte një mundësi e shkëlqyer. Por ata kishin probleme ekonomike. Nuk u bë, kështu që qëndrova tek Interi. Dhe ishte zgjedhja e duhur, pasi fitova “scudetton”.

Në gjurmët e tij nuk ishte vetëm Barcelona. Një tjetër klub gjigant ishte në gjurmët e tij:

“Përfaqësuesit e Realit erdhën të më kërkonin dy herë kur isha në ekipet e të rinjve të Racing, por unë doja të bëja më parë emër në futbollin Argjentinas dhe bëra hapin drejt Europës kur isha gati. Nëse ëndërroj të luaj te skuadra “merengues”? Ka 5-6 skuadra që janë ndër më të mirat në botë sot dhe është normale që, kur emri yt lidhet me një nga këto klube, të dihesh krenar. Por unë jam plotësisht i përqendruar tek Interi. Unë ëndërroj një ditë të kthehem te Racing: tifozët janë të çmendur, të pasionuar, ata i ngjajnë atyre të Interit. Milito? Kam mësuar shumë prej tij “.

Pastaj një opinion për partnerin e tij në sulm, Romelu Lukakun, me të cilin afiniteti është i jashtëzakonshëm.

“Më pëlqen shumë se si ai luan, ne jemi shumë të lumtur në fushë. Përveç kësaj, ai është një person i shkëlqyer”.

LEXO TE PLOTE

Seria A

Murinjo do shtëpi në qendër të Romës, klubin e shqetëson trafiku

Publikuar

-

Nga

Eksperienca e Zhoze Murinjos te Roma do të jetë ajo e një banori të vertëtë të kryeqytetit italin, me shtëpi në qendër dhe me… trafik. Trajneri anglez ka vendosur që të qëndrojë në një banesë me qera dhe jo në hotel, siç bënte kohët e fundit në Angli, pasi ashtu ka qenë i detyruar të jetojë larg familjes së tij.

Murinjo i ka kërkuar klubit që t’i gjejë një shtëpi në qender të qytetit pasi do të jetojë me popullin e Romës për të kuptuar më mirë tifozët dhe si e jetojnë ata ekipin. Një ide e mirë por që është pak problematike për klubin dhe jo vetëm për koston që përbën.

Problemi në Romë është që trafiku i kryeqytetit në orare të caktuara është i tmerrshëm dhe duke llogaritur që qendra stërvitore e Trigorias është jashtë zonës urbane, përllogaritet që Murinjso mund t’i duhet më shumë se një orë thjesht për të shkuar apo për të ardhur nga stërvitje. Një opsion që po diskutohet me trajnerin, i cili për momentin këmbëngul në idenë e tij për të qenë një romak i vërtetë, përfshirë edhe trafikun.

LEXO TE PLOTE

La Liga

Nuk kanë hequr dorë ende nga Super Liga, 4 klube rrezikojnë pezullimin

Publikuar

-

Nga

Real Madrid, Juventus, Milan e Barcelona nuk kanë vendosur ende për braktisjen e projektit të Super Ligës, ndaj rrezikojnë të përjashtohen për dy sezone nga të gjithë kompeticionet europiane, nëse nuk veprojnë shpejt.

Lajmin e ka bërë të ditur transmetuesi spanjoll ESPN, që citon burime pranë selisë së UEFA-s, se qeveria europiane e futbollit është gati të reagojë me dorë të ashpër ndaj klubeve që synojnë të bëhen pjesë e kompeticioneve të tjera.

Projekti i Super Ligës pati 12 klube themeluese, por 8 prej tyre u tërhoqën në më pak se 72 orë, duke bërë që gjithçka të dështojë pa nisur mirë, ndërsa Reali i Madridit, Juventusi, Milani e Barcelona nuk kanë hequr dorë ende.

Aktualisht kreu i UEFA-s, Alexander Ceferin ka arritur marrëveshje me 6 klubet angleze dhe Atleticon e Madridit, dhe është në negociata edhe me Interin, që gjithçka të kalojë pa pasoja, duke qenë se këto skuadra braktisën idenë e Super Ligës shumë shpejt.

Kreu i UEFA-s, Ceferin e ka bërë vazhdimisht të qartë se çdo klub që do të bëhet pjesë e kompeticioneve të paorganizuara nga qeveria europiane e futbollit apo federata vendase, do të përjashtohet nga garat europiane.

Thënë ndryshe, nëse të 4 klubet e lartpërmendura nuk vendosin të braktisin idenë e Superligës, atëherë do të përballen me pezullim dy vjeçar nga kompeticionet europiane, çka do të komplikonte edhe më tej situatën e tyre ekonomike.

LEXO TE PLOTE